ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ > ᐱᓪᓗᑯᒋᐊᓕᓐᓂᒃ ᐱᑦᔪᔨᒍᑏᑦ > ᓯᖁᒥᓯᒪᔪᕐᓂᐊᓂᖅ ᓯᖁᒥᑎᑦᓯᑌᓕᓂᕐᓗ

ᓯᖁᒥᓯᒪᔪᕐᓂᐊᓂᖅ ᓯᖁᒥᑎᑦᓯᑌᓕᓂᕐᓗ

ᐱᓂᕐᓗᑌᓕᒋᐊᖃᕐᓂᖅ ᐱᓪᓚᕆᐅᓂᕐᐹᖑᕗᖅ ᖃᖓᑦᑕᔫᖁᑎᓕᓕᒫᑦᓯᐊᓄᑦ. ᑭᓯᐊᓂᑦᑕᐅᖅ ᓵᖕᖓᓯᒍᑎᐅᒋᐊᖃᓲᖑᔪᑦ ᐃᓚᑦᓲᑎᖃᑎᖃᕐᓯᒪᓂᖃᖏᓐᓇᓲᖑᒋᕗᑦ ᐅᑭᐅᕐᑕᑑᑉ ᓯᓚᖓᓂ ᐱᔭᕆᐊᑐᔪᕐᔪᐊᒥ ᐃᖏᕐᕋᑎᑦᓯᓂᖃᕐᓂᐅᔪᑦ ᐱᑦᓯᐊᓗᑯᐊᐱᓪᓗᒋᓪᓗ ᐃᑉᐱᒋᑦᓯᐊᕖᖕᖓᖏᓐᓇᓗᒋᓪᓘᑕᐅᒋᐊᖃᕐᓂᖏᓐᓂᒃ ᖄᖏᐅᑎᓂᖃᕆᐊᖃᕐᐸᑐᓂᐊᓪᓛᑦ ᓯᓚᕐᔪᐊᓕᒫᒥ ᐃᓕᕋᓇᕐᓂᐹᓂᒃ ᖃᖓᑦᑕᔫᓂᒃ ᐃᖏᕐᕋᑎᑦᓯᓂᖃᕐᓂᒥ ᐱᓂᕐᓗᑌᓕᒋᐊᖃᕐᓂᐅᑉ ᒪᓕᒐᖁᑎᖏᓐᓂᒃ. ᐊᕐᕌᒍᑦ 35 ᐅᖓᑖᓄᑦ ᐃᖏᕐᕋᑎᑦᓯᓂᖃᕐᐸᓕᕐᓱᑎᒃ, ᐃᓄᐃᒃᑯᑦ ᐱᔭᖃᕈᓐᓇᓯᓯᒪᓕᕐᖁᑦ ᑐᓱᓐᓇᓂᕐᐹᖑᖃᑕᐅᔪᓂᒃ ᐱᓂᕐᓗᑌᓕᓂᕐᒥᒃ ᑲᔪᓯᑎᑦᓯᒍᑎᑦᓯᐊᖃᕐᐸᓂᕐᒥᓂᒃ ᑲᓇᑕᒥ. ᑕᐅᑐᑦᓱᒋᑦ ᓵᖕᖓᓯᕕᒋᒋᐊᖃᓲᖏᓪᓗ ᐱᐅᖕᖏᑐᒻᒪᕆᐊᓗᒃᑯᓗ ᐃᖏᕐᕋᕕᒋᒋᐊᖃᓲᖏᑦ, ᑕᒪᒃᑯᐊ ᐱᒍᓐᓇᐸᑦᑕᖏᑦ ᐅᖃᐅᓯᑦᓴᓯᐊᖑᕗᑦ ᐃᓱᒣᓐᓇᓗ ᐱᔪᕆᒪᐅᑎᒋᕙᕗᑦ ᑲᔪᓯᑎᓐᓂᐊᓱᒋᓪᓗ ᓯᕗᓂᖃᕈᑎᒋᑦᓱᑎᒋᑦ.

ᐃᓄᐃᒃᑯᑕᐅᖅ ᑌᒫᑦᓭᓇᓪᓗᐊᖅ ᐱᔪᕆᒪᒍᑎᖃᕐᐳᑦ ᐊᑦᔨᖃᖕᖏᑐᓂᒃ ᓯᖁᒥᓯᒪᔪᕐᓂᐊᓂᕐᓄᓗ ᓯᖁᒥᑎᑦᓯᑌᓕᓂᕐᓂᓗ ᐱᓇᓱᒍᑎᒋᒍᓐᓇᓲᒥᓐᓂᒃ ᐱᐅᔪᓪᓚᕆᐊᓗᓐᓂᓗ ᐱᑦᔪᔨᒍᑎᖃᕈᓐᓇᓲᖑᒋᐊᒥᒃ ᓯᓚᑎᓄᑦ ᐃᖏᕐᕋᑎᑦᓯᔨᓄᑦ. ᓱᕐᖁᐃᑐᒥᒃ ᓇᒻᒥᓂᖃᕈᑎᒥᓐᓂᒃ ᐱᓂᕐᓗᑌᓕᓂᕐᒥᒃ ᑲᒪᒋᔭᖃᕈᑎᓂᒃ ᐱᓇᓱᒍᑎᓕᐊᕆᓯᒪᔭᒥᓐᓂᒃ ᐊᒻᒪᓗ ᓄᑖᖑᒍᓐᓇᕕᓕᒫᖓᒍᑦ ᓯᖁᒥᓯᒪᔪᕐᓂᐊᓂᕐᓄᓗ ᓯᖁᒥᑎᑦᓯᑌᓕᓂᕐᓄᓗ ᐱᓇᓱᕝᕕᖁᑎᒥᓂᒃ ᐱᓇᓱᑦᑎᓕᓐᓂᒃ ᐱᔪᓐᓇᓂᓖᑦ ᐊᑯᕐᖓᓂ ᐱᓯᑎᐅᓂᕐᐹᖑᖃᑕᐅᔪᓂᒃ ᓴᓇᒻᒪᓕᐅᕐᑎᖃᕐᓂᒥᓐᓂᒃ ᐱᓪᓗᑯᒋᐊᓕᓐᓂᓗ ᐱᓇᓱᑦᑎᖁᑎᖃᕐᓂᒥᓂᒃ ᖃᖓᑦᑕᔫᓕᕆᓂᕐᒥᒃ ᐱᓇᓱᒐᓖᑦ ᐊᑯᕐᖓᓂ, ᐱᒍᓐᓇᑕᖃᑦᓯᐊᕋᑦᑕ ᐱᓇᓱᓕᓂᑐᖃᐅᑦᓱᑕᓗ ᐱᑕᖃᕐᑎᓯᒍᑎᖃᕈᑎᓂᒃ ᓯᖁᒥᓯᒪᔪᕐᓂᐊᓂᑎᒍᓪᓗ ᓯᖁᒥᑎᑦᓯᑌᓕᓂᒃᑯᓗ ᐋᕐᕿᒍᑎᐅᓲᓂᒃ ᐱᐅᓂᕐᐹᖑᑦᓱᑎᒃ ᐃᓚᐅᑎᓪᓗᒋᑦ ᓯᖁᒥᓯᒪᔪᕐᓂᐊᒪᕆᓐᓃᓗ ᖃᖓᑦᑕᔫᓪᓗ/ᑎᒻᒥᔫᓪᓗ ᐊᕙᑎᖏᑕ ᓯᖁᒥᓯᒪᔪᐃᔭᕐᑕᐅᒋᐊᖃᕐᓂᖏᓐᓂᒃ.

ᐃᓄᐃᒃᑯᑦ ᐱᒍᓐᓇᓂᕐᑖᓯᒪᓕᕐᐳᑦ ᐊᖏᔪᑲᓪᓚᒪᕆᐊᓗᓐᓂᒃ ᐱᓇᓱᖃᑦᑕᓯᒪᓂᒃᑯᑦ ᐱᒋᐅᕐᓯᒪᒍᑎᓂᒃ ᓯᖁᒥᓯᒪᔪᕐᓂᐊᖃᑦᑕᓯᒪᓂᕐᒥᒍᑦ ᐃᒣᑦᑐᓂᒃ ᖃᖓᑦᑕᔫᓂᒃ/ᑎᒻᒥᔫᓂ:
  • Boeing 737–ᓕᓐᓂᒃ ᐳᔪᓕᐊᓗᓐᓂᒃ
  • Bombardier Dash 8 100 Series/ᑖᔅ 8 100-ᓕᓐᓂᒃ
  • Bombardier Dash 8 300 Series/ᑖᔅ 8 300-ᓕᓐᓂᒃ
  • De Havilland DHC-6 Twin Otter 300 Series/ᒪᕐᕈᓕᐊᕈᕐᓂᒃ
  • Beechcraft King Air 100 Series/ᑭᖕᐃᐊ 100-ᓕᓐᓂᒃ
  • Hawker Siddeley 748–ᓕᓐᓂᒃ ᒪᕐᕈᓕᐊᓗᓐᓂᒃ

ᑐᑭᓯᒋᐊᒃᑲᓂᕈᑎᖃᕈᒪᒍᑦᓯ ᖃᖓᑦᑕᔫᖁᑎᓕᒫᑦᑎᓂᒃ ᓯᖁᒥᓯᒪᔪᕐᓂᐊᓂᕐᒥᓗ ᓯᖁᒥᑎᑦᓯᑌᓕᓂᕐᒥᓗ ᐱᑦᔪᔨᒍᑎᒋᓲᑦᑎᓄᑦ ᐃᓕᖓᔪᓂᒃ, ᐅᖃᓕᒪᕕᖃᕈᓐᓇᓯᐊᕐᖁᓯ ᓯᖁᒥᓯᒪᔪᕐᓂᐊᓂᕐᒥᓗ ᓯᖁᒥᑎᑦᓯᑌᓕᓂᕐᒥᓗ ᐱᑦᔪᔨᒍᑎᖃᕐᓂᓄᑦ ᐅᖄᓚᕕᐅᒍᓐᓇᕕᑦᑎᓂᒃ ᐅᕙᓂ 514 905-9420.
*ᐊᓪᓚᕕᐅᓯᒪᓪᓚᕆᒋᐊᓕᒃ
ᐃᓄᐃᒃᑯᑦ ᖃᓄᓕᒫᖅ ᓱᕐᖁᐃᑎᓐᓇᓱᑉᐸᓯ ᐊᓯᑦᓯᓄᑦ ᖃᐅᔨᒪᔭᐅᑎᒋᐊᖃᖕᖏᓂᒃᑯᑦ ᓇᐅᑐᐃᓐᓇᓄᓪᓗ ᑐᓴᐅᒪᔭᐅᑎᑦᓯᓂᐊᖕᖏᓚᑦ ᓱᓇᓂᒃ ᐱᑦᔪᔭᐅᒍᑎᖃᕈᒪᑦᓱᓯ ᑐᓂᔨᒻᒪᖔᑦᓯ. ᐅᑯᐊ ᓇᕐᓂᓗᒋᑦ ᑐᑭᓯᒋᐊᒃᑲᓂᕈᒪᒍᕕᑦ ᖃᐅᔨᒪᔭᐅᑎᑦᓯᒌᒃᑯᑎᓄᑦ ᒪᓕᒐᖁᑎᑦᑎᓂᒃ.