ᐃᓄᐃᒃᑯᑦ ᓄᓇᖁᑕᐅᔫᑉ ᖃᖓᑦᑕᔫᖁᑎᒋᕙᖏᑦ /ᑎᒻᒥᔫᖁᑎᒋᕙᒋᑦ ᐱᑕᖃᕐᑎᓯᔨᐅᑦᓱᑎᒃ ᐊᑑᑎᓕᒻᒪᕆᐊᓗᓐᓂᒃ ᐃᓄᑦᑕᐅᑎᓂᒃ, ᖃᖓᑦᑕᔫᓂᒃ/ᑎᒻᒥᔫᓂᒃ ᐊᑦᑕᑐᐊᖃᕐᕕᓂᒃ, ᐅᓯᑲᑦᑕᐅᑎᓂᒃ ᐅᐃᒪᓇᕐᑐᖃᓕᕐᒪᓗ ᖃᖓᑦᑕᔫᒃᑯᑦ ᐊᐅᓪᓚᐅᔨᖃᑦᑕᓂᕐᒥᒃ ᐱᑦᔪᔨᒍᑎᐅᓲᖑᑦᓱᑎᒃ ᑯᐯᒃ ᑕᕐᕋᓕᒫᖓᓂ ᐊᓯᖏᓐᓂᓗ ᑲᓇᑕᒥ ᐊᒥᕆᑫᓪᓗ ᓄᓇᒐᓴᖏᓐᓂ ᐅᐸᑦᑕᐅᒋᐊᖃᓲᓄᑦ.
ᐅᐱᕐᖓᓴᕐᓯᐅᑎᓃᑦᑐᑦ ᑖᒃᑯᓇᓂ ᐊᓕᐊᓇᕐᑐᒪᕆᓐᓂᒃ ᖃᐅᔨᒍᑎᖃᕐᓇᑐᕐᑕᓕᒃ! ᐊᐱᕐᓱᑕᐅᔪᖅ ᐊᔪᒉᑦᑐᓕᖕᖑᐊᑎ ᐅᕕᒃᑲᖅ ᑲᖏᕐᓱᔪᐊᕐᒥᐅᔭᖅ, ᐃᓄᐃᑦ ᐅᕕᒃᑲᐅᓕᕐᑐᑦ ᐅᓪᓗᒥ ᑐᓴᕐᓂᔮᓕᐅᕐᑏᑦ, ᐅᓂᒃᑳᖓ “ᓄᕐᕃᑦ” ᐱᓇᓱᐊᕐᓂᖏᑦᑕ, ᐱᓯᑎᒻᒪᕆᒻᒥᒃ ᐅᖄᖃᑎᖃᕐᓂᖅ ᕿᓯᔭᓄᑦ ᐱᐅᓴᐅᑎᓕᐅᕐᑎᒥᒃ, ᐊᓯᒋᐊᓪᓚᖏᓪᓗ. ᐊᑐᐊᕐᓯᓯᐊᕆᑦᓯ!
ᑕᒃᑲᓂ ᐅᑭᐅᒥ ᐊᓪᓚᓂᐊᒐᕐᒥ, ᐃᓱᕐᕆᓇᕐᑐᒦᓪᓗᑎᑦ ᐊᓪᓚᓂᐊᖁᕙᑦᑎᒋᑦ ᓄᑖᓂᒃ ᐃᓄᐃᑦ ᑐᓐᓂᓕᐅᕐᑎᖏᓐᓂᒃ ᓄᐃᑦᓯᒋᐊᓪᓚᑎᓪᓗᒋᑦ ᑐᓐᓂᓕᐅᕈᓯᑐᖃᕐᒥᒃ, ᖃᓄᖅ ᐱᐊᕃᑦ ᐊᓪᓚᓂᐊᒐᖏᑦ ᐃᑲᔪᕐᓯᓯᒪᒻᒪᖔᑕ ᐃᓄᒃᑎᑑᕐᓂᒥᒃ ᐊᓪᓚᓂᐊᖃᑦᑕᓂᖏᑎᒍᑦ ᐱᐊᕃᑦ, ᖄᑭᕐᓂᒥ ᖁᕕᐊᒋᔭᖃᓪᓚᕆᓐᓂᖅ ᐃᓄᐃᑦ ᓄᓇᖓᓐᓂ, ᐊᓯᖏᓪᓗ. ᐊᓪᓚᓂᐊᑦᓯᐊᕆ!
ᐅᑭᐊᑦᓴᑯᑦ ᓄᐃᑎᓲᑦᑎᒍᑦ ᕿᒥᕐᕈᐊᖁᑎᑦᑎᓂᒃ ᐊᑦᑐᑕᐅᓐᓇᑐᓂᒃ ᐆᒻᒪᑎᒃᑯᑦ ᐅᓂᒃᑳᑐᐊᕐᑕᖃᕐᑐᒍᑦ ᐊᓕᐊᒋᒐᑦᓴᓯᓐᓂᒃ. ᑲᑎᓗᒍ ᐊᔪᐃᓐᓇᓂᖃᑦᓯᐊᑐᖅ ᐃᓕᓐᓂᐊᑎᑦᓯᔨ ᒪᓕᖏᓐᓇᓯᐊᕐᑐᖅ ᑐᕌᒐᕆᔭᕐᒥᓂᒃ ᐃᓅᓯᕐᒥᑕ ᐃᑲᔪᕐᓯᓂᖃᕐᓂᒥᒃ ᐱᐊᕋᕐᓂᒃ, ᐅᕕᒐᕐᑑᓱᓂ ᐃᓄᒃ ᑲᖏᕐᓱᔪᐊᕐᒥᐅᖅ ᐃᕐᖃᐅᓂᖃᑦᓯᐊᑐᖅ ᐱᐅᓯᑐᖃᕐᑎᒍᑦ ᕿᓚᓗᒐᕐᓂᐊᖃᑎᖃᕐᓱᓂ ᐊᑖᑕᒥᓂᒃ, ᒪᕐᕉᒃ ᐊᖑᑏᒃ ᑲᔪᓯᒍᒪᓂᖃᑦᓯᐊᓱᑎᒃ ᑕᓯᐅᕐᓯᓂᕐᒥᒃ ᐃᓕᓐᓂᐊᑎᓂᒃ ᖃᓄᐃᓘᕐᑕᐅᒍᓯᖏᓐᓂᒃ ᐊᒻᒪᓗ ᐱᐅᓯᑐᖃᕐᑎᒍᑦ ᐊᑐᕐᑕᐅᓲᑐᖃᕐᓂᒃ ᖃᔭᓕᐅᕐᓂᒥᒃ, ᐅᓂᒃᑳᑐᐊᖓ ᐱᐊᕋᕐᓄᑦ ᕿᒥᕐᕈᐊᓕᐊᕕᓂᖅ ᐊᓪᓚᖑᐊᕐᑕᕕᓂᐅᑦᓱᓂ ᐱᑎᓪᓗᒍ ᐃᓱᒪᖏᓐᓂᒃ ᓄᓇᕕᒻᒥᐅᑦ ᐱᐊᕋᖏᑦᑕ, ᐊᒻᒪᓗ ᐱᑕᖃᕆᐊᓪᓚᓱᓂ.
ᐃᓕᑦᓯᕕᖃᖁᓇᕐᐳᓯ ᖃᓄᐃᑦᑐᑰᕐᓯᒪᓂᖓᓂᒃ ᐊᑕᓂᐊᓘᑉ ᑭᒡᒐᑐᕐᑎᖓᑕ ᒥᐊᔨ ᓭᒪᓐ, ᐅᓂᒃᑳᖓ ᑐᕌᒐᓱᐊᕐᑕᖓᓗ ᐅᒃᑯᐃᑕᐅᕐᖃᒥᐅᑉ ᐆᒪᔪᖁᑎᓄᑦ ᐋᓐᓂᐊᕕᐅᑉ ᓄᓇᕕᒻᒥ ᓯᕗᓪᓕᐹᖅ, ᑏᕐᓗᓅᓕᖓᔪᑦ ᓱᕙᓕᓐᓄᓗ ᐅᖃᐅᓯᑦᓭᑦ - ᐃᓄᑐᐃᓐᓀᑦ ᐃᓗᕐᕈᓯᖓᑕ ᐱᓪᓚᕆᖁᑎᖏᒃ ᕿᒻᒪᖁᑦᓯᐅᓯᒪᔪᓂ-, ᐊᑦᔨᖑᐊᑦᓯᐊᒪᕆᐊᓗᐃᑦ ᒫᑦᔨᒥ ᐃᕙᒃᑲᑎᓪᓗᒋᑦ ᐊᑦᔨᓕᐊᕕᓃᑦ, ᐊᓯᒋᐊᓪᓚᖏᓪᓗ!
ᓯᕗᓪᓕᐹᓂᒃ ᖃᖓᑦᑕᔫᒥ ᕿᒥᕐᕈᐊᖁᑎᒋᒋᐅᕐᑕᒥᓂᒃ