ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ > ᐃᓄᐃᒃᑯᑦ > ᐱᓇᓱᒐᖃᕐᕕᐅᑉ ᖃᓄᐃᑦᑑᓂᖓ > ᐱᕙᓪᓕᐊᓯᒪᓂᖅ

ᐱᕙᓪᓕᐊᓯᒪᓂᖅ

ᑌᒪᓕ ᑕᕆᐅᑉ ᐊᑭᐊᓂᑦ ᐱᕙᑦᑐᑦ ᐊᕐᕌᒍᒐᓵᓗᓐᓂ 100-ᖑᓇᕐᑎᓱᑎᒃ ᐊᒥᓱᐃᓂ ᖃᐅᔨᓂᐊᕐᓂᖃᖃᑦᑕᓯᒪᒐᓗᐊᕐᑎᓗᒋᑦ ᓄᓇᐅᓪᓗ ᐱᑦᓴᖁᑎᖏᓐᓂᒃ ᑎᒍᓚᕙᒃᑲᓗᐊᕐᑎᓗᒋᑦ ᓄᓇᖁᑕᐅᔪᒥ ᑯᐯᒃ ᑕᕐᕋᖓᓂ ᓄᓇᐅᑉ ᐱᑦᓴᖁᑎᖏᑦ ᓄᓇᒥ ᐊᑦᓯᕋᐅᑎᓕᒻᒥ ᑯᐯᒃ ᑕᕐᕋᖓᓂᒃ ᑕᒐᑕᒐ ᖃᐅᔨᒪᔭᐅᑦᔪᑎᖃᓲᖑᓕᕐᑐᒥᒃ ᓄᓇᕕᒻᒥᒃ, ᐊᕐᕌᒍᐃᑦ 1901-ᒥᑦ ᐱᒋᐊᕐᓱᑎᒃ ᑏᓯᒻᐱᕆ 31, 2000 ᐊᕐᕌᒍᖓ ᑎᑭᑦᓱᒍ, ᑖᒃᑯᐊ ᐊᕐᕌᒍᑦ ᐊᑐᕐᑐᑐᖃᐅᓕᕐᑎᓗᒋᑦ ᑭᓯᐊᓂ ᐊᑯᓓᑦᑐᒥᒃ ᐊᐅᓚᓂᖃᕐᓃᑦ ᑕᒫᓂ ᓄᓇᖁᑕᐅᔪᒥ ᑮᓇᐅᔭᓕᐅᕋᓱᒍᑎᑎᒎᓕᖓᑦᓱᑎᒃ ᐱᑕᖃᕆᐊᖃᓕᑌᓐᓇᓂᖃᕐᓯᒪᕗᑦ.

ᑯᐯᒃᑯᑦ ᑲᕙᒪᖓᑦ ᑐᑭᑖᕈᑎᖃᑐᐊᕐᒪᑦ ᑲᔪᓯᑎᑦᓯᓂᖃᓛᓕᕐᓱᓂ ᐱᕙᓪᓕᐊᑎᑦᓯᒍᑎᖃᕈᒪᒍᑎᒥᓂᒃ ᑰᓐᓂᒃ-ᐃᑯᒪᐅᑎᓕᐅᕈᑎᖃᕐᓂᒥᒃ ᐱᓇᓱᒍᑎᐅᒍᓐᓇᑐᓂᒃ ᑕᒫᓂ ᓄᓇᒥᒃ ᑐᑭᑖᕆᓚᐅᕐᓯᒪᔭᒥᓂᒃ ᐊᕐᕌᒍᐃᑦ 1960-ᓃᓕᕐᑎᓗᒋᑦ, ᓯᕗᓪᓕᐹᒥ ᓯᕿᓂᕐᒥᒃ ᓄᓇᓯᒪᔪᑦ ᑕᕝᕙᓂ ᑯᐯᒃ ᓄᓇᓕᕐᓚᖓᓂᒥᐅᑦ ᐱᓂᐊᕐᓂᖃᕐᓗᑎᒃ ᑭᓯᐊᓂᖕᖑᓚᐅᕐᓯᒪᕗᑦ ᑲᕙᒪᑎᒍᑦ ᐃᓕᑕᕆᔭᐅᔪᓂᒃ ᐅᖃᖃᑎᒌᓐᓂᖃᕐᓂᓂᒃ ᐅᖃᖃᑎᒌᖃᑎᖃᓕᕐᓗᑎᒃ ᐱᔪᕆᒍᑎᖃᒻᒪᕆᑦᓱᑎᒃ ᐃᓐᓄᐃᒪᔪᑐᖃᕐᓂᒃ ᐋᑕᐅᑐᐃᓐᓇᕈᑎᖃᕐᓂᐅᔭᖕᖏᑑᑦᓱᑎᓪᓗ ᐱᔪᓐᓇᐅᑎᖃᕈᑎᑐᖃᕐᒥᓂᒃ ᑕᒫᓂ ᓄᓇᒥ.

ᑌᒃᑯᓇᓂ ᑕᒐ ᐊᕐᕌᒍᓚᐅᕐᓯᒪᔪᓂ ᐃᓄᐃᑦ ᑐᑭᓯᓇᕐᑎᓯᒋᐊᓪᓚᕆᓕᓚᐅᕐᓯᒪᕗᑦ ᐃᓄᑦᑎᒍᑦ ᓲᓱᒋᔭᐅᑦᓯᐊᓂᖃᕐᑐᓴᐅᓂᖓᓪᓗ ᐃᓗᕐᖁᓯᖓᓪᓗ ᑲᔪᓯᔪᒥᒃ ᑐᖕᖓᕕᐅᓪᓚᕆᖏᓐᓇᖃᑦᑕᕆᐊᖃᓛᕆᐊᖏᒃ ᐱᓂᐊᕐᓂᑎᒍᑦ ᖃᓄᐃᓘᖃᑎᒌᓐᓂᖃᓕᕐᐸᑕ ᑯᐯᒃ ᑲᕙᒪᒃᑯᓗ ᐃᓄᑐᐃᓐᓀᓗ. ᑕᒪᑐᒥᖓ ᑐᑭᓯᔭᐅᑎᑦᓯᓂᕐᒥᒃ ᐱᔭᖃᕐᓂᖅ ᓵᓚᖃᕐᓂᐅᒌᑦᓴᐅᑎᒋᓯᒪᔪᖅ, ᐱᕙᓪᓕᐊᑎᑕᐅᓂᖃᓯᑦᓱᓂᓘᓕᑐᐊᕐᒪᑦ ᑯᐯᒃ ᑕᕐᕋᖓᓂ ᐃᓄᐃᑦ ᑲᑐᑦᔨᖃᑎᒌᓐᓂᖓ

ᑌᒪᓕ ᐃᓄᐃᑦ ᐱᒋᐊᖕᖓᐅᒥ ᐊᖏᖃᑎᒌᑦᑐᐃᓇᐅᖕᖏᒪᕆᒃᑲ-ᓗᐊᕐᑎᓗᒋᑦ ᐱᑦᔪᑎᖃᕐᓱᑎᒃ ᑲᔪᓯᔪᑦᓴᐅᒐᓗᐊᕐᒪᖔᑕ ᐱᓇᓱᑦᑕᐅᒍᒪᓕᕐᑐᑦ, ᐱᖁᔭᖕᖑᑎᓯᓃᑦ ᑎᑭᐅᑎᔭᐅᓚᐅᕐᓯᒪᕗᑦ ᐊᑎᓕᐅᖃᑎᒌᒍᑕᐅᑎᓪᓗᒋᑦ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᓄᑦ ᐊᖏᖃᑎᒌᒍᑎᑖᑦ – ᓯᕗᓪᓕᐹᓪᓗᑑᑦᓱᑎᒃ ᑲᕙᒪᓂᒃ ᐱᓂᐊᕐᓂᖃᖃᑎᖃᕈᑕᐅᑦᓱᑎᒃ ᓄᓇᓂᒃ-ᐃᓐᓄᐃᓯᒪᓇᓱᒍᑎᐅᑦᓱᑎᒃ ᐊᖏᖃᑎᒌᒍᑕᐅᓪᓚᕆᒋᐅᕐᑐᑦ ᑲᓇᑕᓕᒫᒥ. ᑌᒃᑯᐊᓗ ᔦᒥᓯ ᐯᒥ ᑰᓐᓂᒃ ᐃᑯᒪᐅᑎᓕᐅᕐᓃᑦ ᑲᔪᓯᓂᖃᓪᓚᕆᓯᑐᐊᕐᒪᑕ, ᑭᖕᖒᒪᓇᕐᓯᓚᐅᕐᓯᒪᕗᑦ ᐊᑯᓓᑦᑐᒥᒃ ᓱᖏᕐᑑᑎᐅᑦᓯᐊᕈᓐᓇᓱᑎᓪᓘᑐᒥᒃ ᖃᖓᑦᑕᔫᑎᒍᑦ/ᑎᒻᒥᔫᑎᒍᑦ ᐱᑦᔪᔨᖃᑦᑕᓂᐊᕐᑐᑦ ᑕᒫᓂ ᓄᓇᒥ ᐊᖏᔪᕐᔪᐊᕌᓗᒻᒥ ᑌᑦᓱᒪᓂᐅᑎᓪᓗᒍ ᓱᓕ ᓇᐅᒃᑯᓘᓐᓃᑦ ᓄᓇ ᐱᓇᓱᕝᕕᐅᔪᒪᓕᕐᑐᖅ ᐊᕐᖁᑎᖃᖕᖏᓂᑯᒥᓄᑦ ᐅᐸᑦᑕᐅᑐᐃᓐᓇᖃᔭᖕᖏᒋᐊᖓ ᐃᑉᐱᓇᕐᓯᐊᕿᓕᓚᐅᕐᓯᒪᕗᖅ. ᑌᒣᒻᒪᑦ ᑌᒣᑦᑑᑎᓪᓗᒍ, ᒪᑭᕝᕕᒧᑦ ᐃᑲᔪᕐᓯᒪᔭᐅᒻᒪᕆᑦᓱᓂ ᓱᓕ, ᐃᓄᐃᒃᑯᑦ ᓴᕐᕿᓕᓚᐅᕐᓯᒪᕗᑦ, ᐊᑕᖏᑦᓯᐊᑐᒥᒃ ᓇᒻᒥᓂᕆᔭᐅᑦᓱᓂ ᓄᓇᕕᐅᑉ ᐃᓄᖏᓐᓄᑦ ᓄᓇᕕᒻᒥᒃ ᓄᓇᓕᑐᖃᕐᓄᑦ.

ᐊᖏᔫᑦᓱᑎᒃ ᐱᔪᖃᕐᓂᐅᓯᒪᔪᑦ

ᐃᓄᐃᒃᑯᑦ ᐃᖏᕐᕋᑎᑦᓯᒍᑎᒋᕙᓐᓂᐊᓕᕐᑕᒥᓂᒃ ᐱᒋᐊᖕᖓᑎᑦᓯᓚᐅᕐᓯᒪᕗᑦ 1978-ᒥ ᓂᐅᕕᐊᖃᕆᐊᖕᖓᓱᑎᒃ ᐊᑕᐅᓯᓕᑲᓪᓚᐅᓱᓂ ᑕ ᖄᕕᓚᓐᑯᑦ ᖃᖓᑦᑕᔫᖁᑎᑦᓴᔭᖓᓐᓂᒃ, ᑭᖑᓂᑦᓴᐅᑎᒋᖓᒍᑦ ᒪᕐᕉᓂᒃ ᒪᕐᕈᓕᐊᕉᓐᓂᒃ ᖃᖓᑦᑕᔫᕐᑖᓕᓚᐅᕐᓯᒪᑦᒥᔪᑦ, ᐊᑕᐅᓯᓕᑲᓪᓚᑖᕐᓱᑎᓪᓗ DHC3–ᓕᒻᒥᓗ ᑰᒃᔪᐊᒦᖃᑦᑕᓂᐊᕐᑐᓂᒃ.

1983-ᖑᓕᕐᑎᓗᒍ, ᐃᓄᐃᒃᑯᑦ ᓂᐅᕕᐊᖃᓕᓚᐅᕐᓯᒪᒻᒥᔪᑦ ᑕᕐᕋᒥ ᖃᖓᑦᑕᔫᑦ ᐊᕐᖁᓯᓂᕆᓲᖏᓐᓂᒃ ᓯᕿᓂᐅᑉ ᓄᐃᕕᐊᓂᐅᓂᕐᓴᖅ ᑕᓯᐅᔭᕐᔪᐊᑉ ᓯᑦᔭᒐᖒᕐᑐᓂᒃ ᓂᐅᕕᐊᕆᓚᐅᕐᓯᒪᔭᒥᓂᒃ ᐋᔅᑕᓐ ᖃᖓᑦᑕᔫᓕᕆᔨᒃᑯᓂᑦ, ᐅᓄᕐᓯᒋᐊᕈᑎᒋᓕᕐ)ᖏᑦ ᒪᕐᕈᓕᐊᕈᕐᓂᒃ ᖃᖓᑦᑕᔫᖁᑎᒥᓄᑦ 8-ᕈᒍᑦᔭᐅᓕᓚᐅᕐᓯᒪᔪᑦ ᒪᕐᕈᓕᐊᕈᕐᓄᑦ. 1985-ᖑᓕᕐᑎᓗᒍ, ᐃᓄᐃᒃᑯᑦ ᓂᐅᕕᕆᐊᖕᖓᓕᓚᐅᕐᓯᒪᒋᕗᑦ ᒪᕐᕈᓕᐊᓘᑦᓱᓂ 748-ᓕᒻᒥᒃ ᐃᖏᕐᕋᑎᑦᓯᒍᑎᒥᓂᓪᓗ ᓄᓇᓯᒪᕕᖃᕐᑎᓯᒍᑎᒋᓕᕐᓱᒍ ᑰᒃᔪᐊᕌᐱᖕᒥ ᑭᖑᓂᖓᒍᑦ ᓯᐊᕈᒋᐊᑐᖃᐅᓕᕐᒪᑦ ᓄᑦᑎᑕᐅᓯᓚᐅᕐᓯᒪᒻᒥᔪᒥᒃ ᑰᓐᓂᐊᑎᒃᑯᓄᑦ ᕌᑎᓴᓐᒧᑦ ᐱᓇᓱᒋᐊᕐᑐᕈᑕᐅᓯᑦᓱᓂ ᐅᓯᑲᑦᑕᓂᕐᒥᒃ ᐅᓯᖃᑦᑕᓂᕐᒥᓗ ᐅᖁᒣᑦᑐᓂᓪᓗ ᓄᓇᒃᑯᔫᓂ ᓄᓇᖁᑕᐅᔪᓕᒫᒥ, ᐃᓕᖓᓗᐊᖕᖑᐊᑐᓂᒃ ᐅᔭᕋᓐᓂᐊᓂᕐᒨᓕᖓᔪᓄᑦ. 1988-ᖑᓕᕐᑎᓗᒍ, ᔮᓂ ᒣ ᖃᖓᑦᑕᔫᓂᒃ ᐊᑦᑕᑐᐊᕐᑕᕕᖁᑎᖓ ᓂᐅᕕᖓᖑᓕᓚᐅᕐᓯᒪᒻᒥᔪᖅ ᐱᓇᓱᒐᖃᕐᕕᖁᑎᒋᐊᓪᓚᐅᓗᓂ ᐃᓄᐃᒃᑯᓄᑦ ᐱᒋᔭᐅᓚᖓᓕᕐᓱᓂ ᐃᖏᕐᕋᑎᑦᓯᒍᑎᐅᕙᓐᓂᐊᓗᓂ ᐊᑕᐅᓯᓕᑲᓪᓚᓂᓪᓗ ᐊᑕᐅᓯᓕᐊᕈᕐᓂᓗ ᐃᒫᓄᑦ ᖃᖓᑦᑕᔫᑦ ᒥᓐᓇᓯᐅᕐᓇᖃᕐᓂᖏᓐᓂ ᐊᑐᕐᑕᐅᖃᑦᑕᓂᐊᕐᓱᑎᒃ.

1995-ᖑᓕᕐᑎᓗᒍ, ᐃᓄᐃᒃᑯᑦ ᐱᒐᓱᑦᑕᖃᓯᓚᐅᔪᒋᕗᑦ ᐱᒐᓱᒍᑎᖃᕈᒪᓪᓚᕆᓕᕐᓱᑎᒃ ᐊᖏᓕᒋᐊᕈᑎᐅᓗᓂ ᐊᑑᑎᔭᑦᓴᐅᔪᕆᔭᒥᓐᓂᒃ, ᐊᑐᕐᑕᖃᕆᐊᖕᖓᓯᑦᓱᑎᒃ ᑕ ᖄᕕᓚᓐᑯᑦ ᖃᖓᑦᑕᔫᖁᑎᑦᓴᔭᖓᓐᓂᒃ ᑖᔅ 8-100-ᓕᒻᒥᒃ ᐱᑦᔪᔨᒍᑎᖃᖃᑦᑕᕈᒪᓕᕐᓱᑎᒃ ᒪᓐᑐᔨᐊᒥᑦ ᓄᓇᕕᒧᑦ, ᑭᖑᓂᐊᒍᑦ ᐅᐃᒍᑖᓕᓚᐅᕐᓯᒪᔭᒥᓐᓂᒃ ᐃᓴᕈᒥᒍᑦ ᑫᕙᑦᑐᓕᓐᓂᒃ ᐱᑦᔪᔨᒍᑎᖃᕐᓂᒥᒃ ᓄᓇᕕᒻᒥ ᖃᖓᑦᑕᔫᒃᑯᕕᖃᖃᑦᑕᓱᑎᒃ ᑰᒃᔪᐊᒥ ᓂᐅᕕᕐᓱᑎᒃ Aerospatiale Astar 350-ᒥᒃ.

2008 ᐊᕐᕌᒍᖓᓂ, ᐃᓄᐃᒃᑯᑦ ᓂᐅᕕᐊᖃᓕᓚᐅᕐᓯᒪᒋᕗᑦ ᐳᔪᓕᐊᓘᑦᓱᓂ 737-200C-ᓕᒻᒥᒃ ᓴᓇᒋᐊᑦᓯᐊᓚᐅᕐᓯᒪᔭᒥᓐᓂᒃ ᑕᕐᕋᒥ ᐃᖏᕐᕋᑎᑦᓯᒍᑎᐅᖃᑦᑕᕈᒫᕐᓂᐊᑐᓕᐊᕆᑦᓱᒍ ᐱᔪᕆᒍᑎᒻᒪᕆᐊᓗᖓᑦ ᑕᒣᑕ ᐱᓇᓱᑦᑎᓂᒃ ᑲᒪᔨᒻᒪᕇᓪᓗ ᐃᓄᐃᓪᓗ ᐱᑦᔪᔭᐅᓂᖃᕐᐸᑐᑦ. ᐅᓪᓗᒥ, ᐊᕐᕌᒍᑦ 37 ᐅᖓᑖᓄᑦ ᐃᖏᕐᕋᑎᑦᓯᓂᖃᕐᓂᒥᒃ ᐱᓇᓱᑉᐸᑐᑐᖃᐅᓕᕐᓱᑎᒃ, ᐃᓄᐃᒃᑯᑦ ᐊᖏᓂᕐᐹᖑᑦᓱᑎᒃ ᓄᓇᖁᑕᐅᔪᒥ ᐃᖏᕐᕋᒍᑎᖃᕐᑎᓯᓂᕐᓂᒃ ᐱᓇᓱᐊᕐᐸᑐᓄᑦ ᑲᓇᑕᓕᒫᒥ ᑐᖓᓕᐅᓕᕐᐳᑦ. ᐃᓄᐃᒃᑯᑦ ᓇᑉᐯᖃᒻᒥᐅᒥᔪᑦ ᐊᒥᓱᐃᓕᖓᔪᓂᒃ-ᐱᓇᓱᕝᕕᓴᐅᑦᓱᓂ ᓄᑖᒻᒪᕆᐊᓘᓂᕐᐹᔭᒥᒃ ᓯᖁᒥᓯᒪᔪᕐᓂᐊᓂᕐᓄᓗ ᓯᖁᒥᑎᑦᓯᑌᓕᓂᕐᒥᓗ ᐱᓇᓱᐊᕐᕕᓴᐅᑦᓱᓂ ᐱᑦᔪᔨᕕᒻᒥᒃ ᐅᐃᒍᖃᕐᓱᓂ ᐊᓪᓚᕕᒻᒪᕆᖓᓐᓂᒃ ᐃᓄᐃᒃᑯᑦ ᖃᓂᑦᑑᒥᒃ ᒪᓐᑐᔨᐊᒥ ᑐᕈᑑ ᒥᕝᕕᐊᓗᒻᒧᑦ ᓯᓚᕐᔪᐊᒥᑦ ᓇᑭᑐᐃᓐᓇᖅ ᐱᔪᓄᑦ ᒥᕝᕕᓕᐊᓗᒻᒥ ᑖᓐᓇ ᐃᓚᒋᔭᐅᔪᖅ ᓄᑕᐅᓯᓕᑎᕆᒍᑎᐅᔪᑦ ᐱᕕᓕᒫᒥᒍᑦ ᐅᓪᓗᒥᓯᐅᑎᐅᓂᕐᐹᓕᐊᖑᓇᓱᓐᓂᖏᓐᓄᑦ ᓴᓇᒪᒐᓱᑦᓱᓂᓗ ᐱᒍᓐᓇᓂᖃᑦᓯᐊᐸᓐᓂᐊᓂᕐᒧᑦ ᖃᖓᑦᑕᔫᓂᒃ/ᑎᒻᒥᔫᓂᒃ ᐱᑦᔪᔭᐅᒍᑎᖃᕐᓗᑎ ᒃᐊᐅᓚᒍᑎᖃᕈᒪᔪᑦ ᐊᑕᓐᓂᐅᕈᑎᖏᑕ ᐊᑯᓓᓕᕙᓪᓕᐊᑐᐃᓐᓇᓂᖏᓐᓄᑦ ᑯᐯᒃ ᑕᕐᕋᖓᓂ ᐊᓯᖏᓐᓂᓗ ᐅᐸᑦᑕᐅᔪᓐᓇᑐᓂ ᑲᓇᑕᓕᒫᒥ ᐊᓪᓛᓗ ᐊᒥᕆᑲᒥᐅᑦ ᓄᓇᖏᓐᓂ.