ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ > ᐃᓄᐃᒃᑯᑦ > ᐱᓇᓱᒐᖃᕐᕕᐅᑉ ᖃᓄᐃᑦᑑᓂᖓ > ᑎᓕᔭᐅᒪᒍᑎᖓᑦ

ᑎᓕᔭᐅᒪᒍᑎᖓᑦ

ᐃᓄᐃᒃᑯᑦ ᐱᓇᓱᒐᖕᖑᓚᐅᕐᓯᒪᕗᑦ 1978 ᐅᖃᐅᓯᐅᓪᓚᕆᑦᑐᒥᒃ ᑎᓕᔭᐅᒍᑎᑖᕐᓱᓂ ᑯᐯᒃ ᑕᕐᕋᖓᑕ ᖁᑦᓯᓂᕐᐹᖏᓐᓂ ᓄᓇᓕᓐᓂᒃ ᐱᑐᑦᓯᒪᖃᑎᒌᑎᑦᓯᓂᕐᒥᒃ ᐱᑕᖃᕐᑎᓯᒍᑎᖃᕐᓱᓂ ᖃᖓᑦᑕᔫᑎᒍᑦ ᐱᑦᔪᔨᒍᑎᓂᒃ ᑕᕐᕋᐅᑉ ᓄᓇᖓᓂ 55 ᐃᑳᖓᔪᑯᑖᑉ ᖁᓛᓂ ᖃᐅᑦᔨᑕᐅᒍᑎᖃᕐᓱᓂ ᓄᓇᕕᒻᒥᒃ, ᐃᓄᑐᐃᓐᓀᑦ ᐊᖏᕐᕋᕆᑦᓱᒍ ᐊᕐᕌᒍᒐᓵᓗᓐᓂ ᓄᓇᑐᖄᓗᐊᓐᓂᒃ.

ᓯᕗᓪᓕᐸᐅᑦᔨᓱᒍ ᑌᒪᖕᖓᓗ ᐃᓱᒫᓗᒋᓂᕐᐹᕆᖏᓐᓇᐸᑦᓱᒍ ᓯᕗᓂᖃᕈᑎᖃᕐᐸᐳᒍᑦ ᐱᓂᕐᓗᓂᕐᒧᑦ ᑎᑭᐅᑎᑎᑦᓯᑌᓕᓂᕐᒥᒃ ᐃᓄᓐᓂᒃ ᐅᓯᔭᑦᑎᓂᒃ. ᑌᒣᒻᒪᑦ ᐱᓇᓱᒍᑎᓕᐅᕐᓯᒪᕗᒍᑦ ᖃᖓᑦᑕᔫᓕᕆᔨᑎᒍᑦ-ᓯᕗᓕᕈᑎᑦᑎᓂᒃ ᐱᓂᕐᓗᑌᓕᒋᐊᖃᕐᓂᒥᒃ ᑲᒪᒋᔭᖃᕐᑎᐅᓂᕐᒧᑦ ᐱᓇᓱᒍᑎᓂᒃ ᐊᑐᕈᓐᓇᕈᑎᒋᕙᑦᑕᑎᓐᓂᒃ ᖄᖏᐅᑎᒍᑎᒋᑦᓱᒋᓪᓗᐊᓛᑦ ᑕᐸᓇᖕᖏᓂᕐᐹᓂᒃ ᖃᖓᑦᑕᔫᑎᒍᑦ/ᑎᒻᒥᔫᑎᒍᑦ ᐱᓂᕐᓗᑌᓕᒋᐊᖃᕐᓂᓄᑦ ᓯᓚᕐᔪᐊᓕᒫᒥ ᒪᓕᒐᖁᑕᐅᔪᓂᒃ. ᑲᕙᒪᑐᖃᒃᑯᑦ ᐊᐅᓚᒍᑎᓕᕆᔨᖏᓐᓂᒃ ᐊᕐᕌᒍᑦ 30 ᐅᖓᑖᓄᑦ ᐱᓇᓱᖃᑎᖃᖏᓐᓇᓯᐊᕐᐸᓱᑕ, ᑌᒣᒃᑲᒥ ᐃᓄᐃᒃᑯᑦ ᐱᔭᖃᕐᓯᒪᓕᕐᑐᑦ ᑐᓱᓐᓇᑐᒻᒪᕆᐊᓗᓐᓂᒃ ᐱᓂᕐᓗᑌᓕᓂᕐᒥᒃ ᐱᑦᓯᐊᕈᑎᖃᕐᓯᒪᓂᕐᒥᓄᑦ ᓇᓗᓀᕐᑕᐅᒪᒍᑎᓂᒃ ᑲᓇᑕᒥ. ᑌᒪᖕᖓᑐᐃᓐᓇᒐᓛᒃ ᓄᓇᒥ ᓵᖕᖓᔭᑦᓴᑎᒍᑦ ᐅᕿᖕᖏᑐᓂᒃ ᓯᓚᖃᕐᐸᑐᒥ ᐃᖏᕐᕋᑎᑦᓯᕕᖃᕐᐸᓱᑎᒃ, ᐅᖃᖕᖏᒐᑦᓴᐅᖏᑦᑐᓂᒃ ᐱᔭᖃᕐᓯᒪᓂᖃᓕᕐᐳᒍᑦ ᐱᔪᕆᒍᑎᒋᒻᒪᕆᑦᑕᑎᓐᓂᒃ ᓱᓕᓗ ᑌᒣᑎᖏᓐᓇᓂᐊᕐᓱᒋᑦ ᓯᕗᓂᖃᕈᑎᒋᕙᕗᑦ.

ᑌᒫᑦᓭᓇᓪᓗᐊᓯᐊᖅ ᐱᓪᓚᕆᐅᑎᕙᒻᒥᔭᕗᑦ ᖃᓄᐃᖕᖏᓯᐊᕆᐊᖃᕐᓂᖏᑦ ᐃᓱᕐᕆᓯᐊᕆᐊᖃᕐᓂᖏᓪᓗ ᐱᓇᓱᑦᑎᑕ. ᐃᓄᐃᒃᑯᑦ ᓇᓗᓀᕐᓯᓯᒪᔪᑦ ᐱᓇᓱᒐᖃᕐᕕᖁᑎᒥ ᐱᒍᓐᓇᓯᐊᕐᓂᖏᑦ ᓱᖏᕐᑑᑎᖃᓪᓚᕆᒋᐊᖏᑦ ᐃᓄᖁᑎᒥ ᓈᒻᒪᓴᑦᓯᐊᓂᖏᓐᓄᑦ. ᑌᒣᒻᒪᑦ ᐱᒐᓱᑦᑕᖃᖏᓐᓇᓲᖑᕗᑦ ᑲᔪᓯᑎᑦᓯᓯᐊᖏᓐᓇᕋᓱᑦᓱᑎᓪᓗ ᐃᓘᓐᓇᑎᒃ ᐱᓇᓱᑦᑏᑦ ᐃᓱᒪᒃᑯᑦ ᐃᓱᕐᕆᓯᐊᕐᓂᓴᖏᓐᓂᒃ ᐃᓘᓐᓇᑎᓪᓗ ᐱᕕᓕᒫᒃᑯᑦ ᓲᓱᒋᔭᐅᓂᖃᑦᓯᐊᓗᑎᒃ. ᐱᓇᓱᑦᑎᓂᒃ ᑲᒪᔨᒻᒪᕇᑦ ᐱᓇᓱᑦᑎᒥᓂᒃ ᓂᓪᓕᕈᑎᑦᓴᖃᓕᑐᐊᕐᒪᑕ ᐱᓇᓱᒉᑦ ᐱᐅᓯᒋᐊᕐᑕᐅᒍᑎᑦᓴᖏᓐᓂᒃ ᐃᓘᓐᓇᖏᓐᓂᒃ ᓂᓪᓕᕈᓐᓇᕕᖃᕐᑎᓯᑦᓯᐊᓲᑦ ᐃᑲᔪᕐᓯᒍᑎᐅᓚᖓᔪᓂᒃ ᐱᓇᓱᒉᑦ ᖃᓄᐃᓕᖓᓂᖏᓐᓄᓗ ᖃᓄᐃᓘᕐᑕᐅᒍᑎᑦᓴᑕᕐᑕᐅᓯᒪᒍᑎᖏᓐᓄᓗ. ᑲᒪᔨᒻᒪᕇᑦ ᐊᑐᐃᓐᓇᐅᖏᓐᓇᓯᐊᓲᑦ ᐅᖃᐅᓯᖃᓚᐅᕐᓱᑎᒃ ᑭᖑᓂᖓᒍᑦ ᖃᓄᐃᓕᖓᓕᕐᒪᖔᑕ ᖃᐅᔨᒋᐊᕈᒪᔪᖃᑐᐊᕐᒪᑦ ᑲᒪᒋᔭᐅᑎᑦᓯᒋᐊᓲᖑᑦᓱᑎᓪᓗ ᐃᓱᒫᑕᖑᓯᒪᑦᓯᐊᑐᑦ ᒪᓕᒐᖃᕐᑎᓯᒍᑎᓕᐅᕈᑕᐅᑎᑦᓱᒋᑦ. ᐃᓄᐃᒃᑯᑦ ᐃᓱᒪᖃᕐᐳᑦ ᐱᑕᖃᓪᓚᕆᒋᐊᖃᕆᐊᖏᑦ ᐱᓇᓱᑦᑏᓗ ᑲᒪᔨᒻᒪᕆᓪᓗ ᐊᑦᔨᒌᒥᒃ ᑐᕌᒐᖃᕐᓂᕆᒋᐊᓕᖏᑦ ᑌᒣᒃᑯᑎᑦ ᐊᑦᔨᒌᒥᒃ ᐱᔭᖃᕈᓐᓇᓂᐊᕐᒪᑕ ᐱᓇᓱᖃᑎᒌᒍᑎᖃᕐᓂᖃᑦᓯᐊᓂᒥᒍᑦ.

ᑌᒪᓕ ᐃᓄᐃᒃᑯᑦ ᑐᕃᓐᓇᑐᓄᑦ ᐱᓕᐅᑎᖃᑕᐅᓪᓚᕆᐊᓗᓐᓂᖃᖕᖏᑲᓗᐊᕐᓱᑎᒃ, ᐱᓇᓱᒐᖃᕐᕕᖁᑎᖓᑦ ᐊᑕᓐᓂᐅᕕᖃᕐᐸᐳᖅ ᐱᓇᓱᑦᑎᖁᑎᓕᒫᒥᓂᒃ ᐱᐅᓯᒋᐊᕆᓂᖃᕆᐊᖃᕈᑎᒃ ᐱᑦᔪᔨᒍᑎᒥᒍᑦ ᐱᓇᓱᒐᕐᒥᓂᒃ ᐱᕕᓕᒫᒥᒍᑦ ᐱᑦᓯᐊᓂᖃᖁᔨᑦᓱᓂ ᓲᕐᓗ ᐱᓕᐅᑎᖃᑎᓕᑦᑎᑐᑦ ᐱᓂᐊᕐᓂᖃᑦᓭᓇᕐᓗᑎᒃ. ᐱᑦᔪᑎᒋᒻᒥᓱᒋᓪᓗᑕᐅᖅ ᐊᒥᓱᑦ ᖃᖓᑦᑕᔫᒃᑯᑦ ᐊᐅᓚᓂᖃᕐᑎᓗᒋᑦ ᐅᓯᕙᑦᑕᖏᑦ ᓇᒻᒥᓂᖃᖃᑕᐅᒻᒥᓲᑎᓪᓘᓂᖏᓐᓂᒃ, ᐃᓗᖏᕐᑐᓱᑕ ᐱᑦᔪᔭᑦᑎᓂᒃ ᓈᒻᒪᓴᑦᓯᐊᖁᔨᓂᕆᓲᕗᑦ ᐃᑎᔪᒥᒃ ᐱᓇᓱᒐᖃᕐᕕᑕ ᐃᓗᕐᖁᓯᖓᓄᑦ ᐃᓚᒋᔭᐅᓪᓚᕆᑦᑐᐊᓘᕗᖅ.

ᐃᓄᐃᒃᑯᑦ ᑎᓕᔭᐅᓯᒪᒍᑎᖃᕐᐳᑦ ᑲᑎᖕᖓᔨᒥᓄᑦ ᐃᖏᕐᕋᑎᑦᓯᖁᔭᐅᑦᓱᑎᒃ ᑐᖕᖓᕕᖃᕐᓗᑎᒃ ᒪᓕᑦᑕᐅᓚᕆᐊᓗᒋᐊᓕᓐᓂᒃ ᖃᓄᕐᓘᓂᓪᓗ ᐃᔨᕐᓯᒪᓂᖃᖕᖏᑐᓂᒃ ᐱᓇᓱᒐᕐᒥᒃ ᐃᖏᕐᕋᑎᑦᓯᒍᑎᖃᓲᖑᑦᓱᓂ. ᐱᓇᓱᒐᖃᕐᕕᒃ ᐱᓇᓱᖏᓐᓇᓯᐊᓲᖅ ᐱᔭᖃᕋᓱᖏᓐᓇᓕᒫᕐᓱᓂ ᖄᖏᕐᓂᑯᓂᕐᒥᒃ ᑲᔪᓯᑦᓯᐊᕈᑎᑦᓴᒥᓂᒃ ᐱᓯᑎᐅᓂᕐᓴᐅᖏᓐᓇᓂᑦᓴᒥᓐᓂᒃ ᓴᐳᑦᔨᓯᒪᓂᖃᑦᓯᐊᖏᓐᓇᓗᓂᓗ ᐊᒥᓱᑲᓪᓚᓂᒃ ᐃᓅᑦᔪᓯᑎᒍᓪᓗ, ᐃᓕᓐᓂᐊᑎᑦᓯᓂᕐᓅᓕᖓᔪᑎᒍᓪᓗ ᐃᓗᕐᖁᓯᕐᒨᓕᖓᔪᑎᒍᓪᓗ ᐱᓇᓱᒍᑎᓂᒃ ᐊᖑᒪᑦᓯᒍᑎᒋᒍᓐᓇᓂᐊᕐᑕᒥᓂᒃ ᑭᖕᖒᒪᑦᓯᒍᑎᒋᓲᖏᓐᓂᒃ ᓄᓇᕕᓕᒫᒥ ᐃᓄᐃᑦ ᓄᓇᓕᖏᑕ.

ᐱᑦᔪᑎᖃᕐᓱᑎᒃ ᓄᓇᖁᑕᐅᔪᒥᒃ ᐱᑦᔪᔨᕕᒋᔭᒥᓂᒃ, ᐃᓄᐃᒃᑯᑦ ᐱᕕᓕᒫᒥᒍᑦ ᐱᑕᖃᕐᑎᓯᒍᑎᖃᕋᓱᓪᓚᕆᓲᖑᕗᑦ ᐃᓄᑐᐃᓐᓀᑦ ᑭᖑᕚᖏᓐᓂᒃ ᐱᓇᓱᒐᖃᕐᑎᓯᓇᓱᓐᓂᒥᒃ ᑌᒣᑕᐅᓗᑎᒃ ᐱᓪᓚᕆᐅᖃᑕᐅᖁᓪᓗᒋᑦ ᑮᓇᐅᔭᑎᒍᑦ ᑐᓂᔨᒍᓐᓇᓂᕐᒥᒃ ᑮᓇᐅᔭᓕᐅᕐᓂᐅᑉ ᒪᑭᑕᓂᖃᑦᓯᐊᓂᕆᒋᐊᓕᖏᓐᓄᑦ ᐃᓗᓐᓈᒍᓪᓗ ᐱᕙᓪᓕᐊᑎᑕᐅᓂᖏᓐᓄᑦ ᐃᓄᐃᑦ ᓄᓇᖁᑎᖓᑕ.