ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ > ᐃᓄᐃᒃᑯᑦ > ᐱᓇᓱᒐᖃᕐᕕᐅᑉ ᖃᓄᐃᑦᑑᓂᖓ > ᐃᓅᑦᔪᓯᕐᓅᓕᖓᔪᓄᑦ ᐱᔭᑦᓴᖁᑕᐅᔪᑦ

ᐃᓅᑦᔪᓯᕐᓅᓕᖓᔪᓄᑦ ᐱᔭᑦᓴᖁᑕᐅᔪᑦ

ᑌᒪᖕᖓᑦ ᐱᓇᓱᒐᖁᑕᐅᓂᐊᓕᕐᓱᑎᒃ ᐃᓄᐃᒃᑯᑦ ᓴᕐᕿᑎᑕᐅᓂᖃᓕᓚᐅᕐᓯᒪᒐᒥᓂᑦ, ᐱᔭᖃᕋᓱᖏᓐᓇᓲᑐᖃᐅᕗᑦ ᐱᐅᓯᒋᐊᕆᓂᕐᒥᒃ ᐃᓄᐃᑦ ᓄᓇᕕᒻᒥᐅᑦ ᐃᓅᓯᖏᓐᓂᒃ ᐱᓇᓱᑉᐊᐸᑕᒥᓐᓂᒃ ᓴᐳᑦᔨᓯᒪᓂᒃᑯᑦ ᓄᓇᓖᑦ ᐱᓇᓱᒐᖃᕐᕕᖏᓐᓂᒃ, ᐃᓕᓐᓂᐊᑎᑦᓯᒍᑎᑎᒍᑦ ᐱᓇᓱᑦᑕᐅᔪᓂᒃ, ᐱᖕᖑᐊᓂᕐᑎᒍᑦ ᐱᒋᐅᕐᓴᑎᑦᓯᓂᕐᓅᓕᖓᔪᓂᒃ ᐃᓗᕐᖁᓯᕐᒨᓕᖓᔪᓂᓪᓗ ᓱᔪᖃᕐᑎᓯᒍᑎᓂᒃ. ᐃᓚᐅᕕᖃᖃᑦᑕᓯᒪᓕᕐᓱᑎᓪᓗ ᓯᓚᕐᔪᐊᒥᐅᑎᒍᑦ ᓱᔪᖃᕐᓂᐅᔪᓄᑦ ᐃᓚᐅᓂᕐᒥᒍᑦ ᓯᓚᕐᔪᐊᒥᐅᑦ ᐱᓇᓱᒐᖃᕐᕕᖁᑎᖏᑎᒍᑦ ᑕᒪᑐᒧᖓ ᐃᓚᐅᑎᓪᓗᒋᑦ ᐃᓄᐃᑦ ᐅᑭᐅᕐᑕᑐᒥ ᓄᓇᓕᕐᔪᐊᖃᖃᑎᒌᑦᑐᑦ ᑲᑎᖕᖓᕕᕐᔪᐊᖓᑦ, ᐃᓄᑐᐃᓐᓇᓄᑦ ᑕᕐᕋᒥᐅᖑᒻᒥᓱᑎᒃ ᐊᓯᓂᒃ ᓄᓇᓕᕐᔪᐊᖃᕐᓱᑎᒃ ᑲᑎᕝᕕᒋᓲᖓᓐᓄᑦ ᐅᖃᖃᑎᒌᒍᑎᖃᕆᐊᕐᑐᓱᑎᒃ ᓱᓇᑐᐃᓐᓇᓂᒃ ᐃᓄᑐᐃᓐᓇᑎᒍᑦ ᐅᓇᒻᒥᓱᒍᑎᒥᓐᓂᒃ ᐃᓱᒫᓗᒍᑎᒥᓂᓪᓗ. ᑕᒪᓐᓇ ᐃᓄᐃᒃᑯᓄᑦ ᑲᔪᓯᔪᒥᒃ ᓯᕗᓂᖃᕈᑕᐅᔪᖅ ᐃᑲᔪᕐᓯᒪᒍᑎᑦᓴᐅᓱᓂ ᐃᓄᐃᑦ ᐃᓗᕐᖁᓯᖓᓐᓂᓗ ᐅᖃᐅᓯᖓᓐᓂᓗ ᐊᓯᐅᑎᑦᓯᑌᓕᒍᑕᐅᓗᓂᓗ ᑲᔪᓯᖏᓐᓇᓕᒫᕐᑎᑕᐅᓂᐊᕐᑎᓗᒍ.

ᐱᓂᐊᕐᓂᖃᕈᑎᑎᒍᑦ ᐊᑐᕐᓗᒋᑦ ᐃᓕᓐᓂᐊᑎᓂᒃ ᐃᑲᔪᕐᓯᒍᑎᐅᓲᑦ ᐁᑉᐯᖃᕐᑎᓗᒋᑦ ᐊᖏᕐᑕᐅᒪᑦᓯᐊᑐᓂᒃ-ᐱᓂᐊᕐᓂᖃᕈᑎᑦᓴᐅᓱᑎᒃ ᐱᓇᓱᒍᑎᓕᐊᖑᒪᔪᓂᒃ, ᐃᓄᐃᒃᑯᑦ ᐃᑲᔪᕐᓯᓯᒪᓲᖑᒋᕗᑦ ᐃᓄᑐᐃᓐᓀᑦ ᑭᖑᕚᖏᓐᓂᒃ ᑯᐯᒃᒥ ᐱᒍᓐᓇᓯᖁᑦᓱᒋᑦ ᐃᓕᓯᒪᔪᑎᒍᑦ ᐱᔪᓐᓇᐅᑎᓂᒃ ᐊᑐᕐᑕᐅᒍᓐᓇᑐᓂᒃ ᐱᑦᔪᔨᒍᑎᐅᓗᑎᒃ ᓄᓇᓕᓐᓂ, ᐃᑲᔪᕐᓯᒍᑎᒋᓇᓱᑦᓱᒋᓪᓗ ᑲᔪᓯᓂᖃᑦᓯᐊᖏᓐᓇᕋᔭᕐᓱᑎᒃ ᑮᓇᐅᑦᔭᓴᕐᕕᐅᓗᑎᒃ ᐱᓇᓱᒐᕐᓂᒃ, ᐃᓅᓕᕐᕕᕕᓂᕐᒥᓂ ᓄᓇᒥ ᐅᕝᕙᓗᓐᓃᑦ ᓯᕿᓂᕐᒥᐅᓂ (ᖃᓪᓗᓈᑦ ᓄᓇᖏᓐᓂ). ᐃᓄᐃᒃᑯᑦ ᐱᕕᓕᒫᒥᒍᑦ ᐃᓚᐅᑎᑦᓯᓇᓱᓐᓂᒥᒍᑦ ᐃᓄᑐᐃᓐᓇᓂᒃ ᐱᓇᓱᒐᕐᑖᑎᑦᓯᓂᒃᑯᑦ ᓯᕗᓪᓕᐅᔨᖏᓐᓇᕋᓱᓲᖑᕗᑦ ᑕᒪᓐᓇᓗ ᐱᓇᓱᑦᑎᑖᕐᓂᓄᑦ ᒪᓕᒐᖃᕐᑎᑕᐅᒍᑎᓂ ᐊᓪᓚᑕᐅᓯᒪᓂᖃᕐᐳᖅ.