ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ > ᐊᐅᓚᓂᖃᕐᓂᓂ ᑐᑭᓯᒪᔭᐅᒋᐊᓖᑦ > ᐃᑦᓯᕖᑦ/ᐃᕐᓯᕖᑦ > ᐊᑭᖃᖕᖏᑐᓂᒃ ᐃᑦᓯᕕᒃᑭᕈᓐᓇᐅᑏᑦ

ᐊᑭᓕᕆᐊᑐᖕᖏᑐᓂᒃ ᐃᕐᓯᕕᒃᑭᑎᑕᐅᒍᑏᑦ/ᐃᑦᓯᕕᒃᑭᑎᑕᐅᒍᑏᑦ

ᐊᑭᓕᕆᐊᑐᖕᖏᑐᓂᒃ ᐃᕐᓯᕕᒃᑭᑎᑕᐅᒍᑏᑦ/ ᐃᑦᓯᕕᒃᑭᑎᑕᐅᒍᑏᑦ ᑐᖕᖓᕕᖃᕐᐳᑦ ᖃᓄᑎᒋᒃ ᐊᖏᓂᖃᕐᓂᒥᓂᒃ ᖃᖓᑦᑕᔫᓪᓗ/ᑎᒻᒥᔫᓪᓗ ᐊᑐᓚᖓᔭᑦᓯ ᖃᓄᐃᑦᑐᔭᐅᓂᖓᓂᒃ. ᐊᓪᓚᓂᐊᕐᑕᐅᔪᑦᓴᐅᕗᑦ ᐃᑦᓯᕕᒃᒋᓂᕐᓅᓕᖓᔪᑦ ᒪᓕᒐᖃᕐᑎᓯᒍᑎᕗᑦ ᐊᑐᐃᓐᓇᐅᓯᐊᖁᓪᓗᓯ ᐸᕐᓇᓯᒪᑦᓯᐊᖁᓪᓗᓯᓗ ᐊᐅᓪᓚᓂᑦᓴᓯᓐᓄᑦ ᑲᔪᓯᓂᖃᑦᓯᐊᖁᒧᓪᓗ.

ᖃᖓᑦᑕᔫᖅ/ᑎᒻᒥᔫᖅ ᐊᐅᓪᓚᕈᑎᐅᓚᖓᔪᖅ:

ᖃᖓᑦᑕᔫᑉ/ᑎᒻᒥᔫᑉ ᖃᓄᐃᑦᑐᔭᐅᓂᖓ ᐃᓄᒃ ᐊᑕᐅᓯᖅ ᐊᑭᓖᓯᒪᓗᓂ ᐃᒣᓪᓗᐊᑐᓂᒃ ᐅᖁᒣᓐᓂᓕᓐᓂᒃ ᐃᑦᓯᕕᖃᕈᓐᓇᑐᖅ
ᐳᔪᓕᐊᓗᒃ 737, ᑖᔅ 8 ᐅᕝᕙᓗᓐᓃᑦ ᒪᕐᕈᓕᐊᕈᖅ 30 ᑭᓗᑯᔮᒻ (ᐅᖁᒣᓐᓃᑦ 66)
ᑭᖕᐃᐊ 20 ᑭᓗᑯᔮᒻ (ᐅᖁᒣᓐᓃᑦ 44)
  • ᖃᖓᑦᑕᔫᒃᑯᑦ/ᑎᒻᒥᔫᒃᑯᑦ ᐊᐅᓚᓂᕆᓚᖓᔦᑦ ᑕᒃᑲᓂᑦᓭᓇᖅ ᐅᓪᓗᒥ ᑎᒻᒥᔫᑉ ᐊᓯᐊᓄᑦ ᐊᑐᕋᑕᕐᑕᓯ ᐊᑦᔨᒋᖕᖏᑕᖓᓄᑦ ᐅᖁᒣᓐᓂᐅᒍᓐᓇᓂᕋᕐᑕᐅᔪᓪᓗ ᐊᑦᔨᒋᖕᖏᐸᒋᑦ 30 ᑭᓗᑯᔮᒻ ᐊᑐᕐᑎᑕᐅᓚᖓᔪᑦ.
  • ᐊᑦᔨᒌᓕᕐᑎᑕᐅᒪᔪᑦ ᐊᑭᖃᖕᖏᑑᒍᓐᓇᑐᓂᒃ ᐅᖁᒣᓐᓂᓂᒃ ᖄᖏᐅᑎᒍᑏᑦ ᐊᑭᖏᑦ: $8/ᐊᑕᐅᓯᖅ ᑭᓗᑯᔮᒻ (ᑖᒃᓯᒥᓂᒃ ᐅᐃᒍᖃᕐᓱᑎᒃ), ᐃᓕᖓᔪᑦ ᐃᓘᓐᓇᖏᓐᓄᑦ ᐅᖁᒣᓗᐊᕈᑎᓕᒫᓄᑦ. ᐅᖁᒣᓐᓂᐅᒋᐊᓕᓐᓂᒃ ᖄᖏᐅᑎᓯᒪᔪᑦ ᐅᓯᔭᐅᒍᓐᓇᑐᑦ ᐃᓂᖃᑦᓯᐊᑐᐊᕈᑎᒃ ᑭᓯᐊᓂ ᐅᖁᒣᓐᓂᖃᕈᓐᓇᓱᑎᒃ 40 ᑭᓗᑯᔮᒻᓂᒃ ᐊᖏᕐᑕᐅᑎᒌᕐᓯᒪᓗᑎᒃ ᐅᖁᒣᓐᓂᓴᐅᒍᓐᓇᕋᓗᐊᕐᓱᑎᒃ. ᑕᒪᑐᒥᖓ ᐸᕐᓇᕈᑎᖃᕆᐊᖃᕈᕕᑦ ᐅᖃᓕᒪᒍᓐᓇᑐᑎᑦ ᐃᓄᐃᒃᑯᑦ ᐱᑦᔪᔨᔭᒥᓂᒃ ᐃᑲᔪᕐᕕᖓᓄᑦ.
  • ᓄᑦᑎᓚᖓᒍᕕᑦ ᕘᔅ ᐃᐊᒃᑯᓂᑦ ᐃᓄᐃᒃᑯᓄᑦ, ᐃᓄᐃᒃᑯᑦ ᐊᑭᖃᕐᑎᓯᒍᑎᖏᑦ ᐊᑐᕐᑕᐅᖔᕐᓂᐊᑐᑦ.
ᐃᓅᑉ ᐊᑕᐅᓯᐅᑉ ᐃᑦᓯᕕᒃᒋᐊᖓ ᐅᖁᒣᓐᓂᖃᕈᓐᓇᑐᖅ 32-ᓂᒃ ᑭᓗᓂᒃ. ᐃᑦᓯᕖᑦ/ᐃᕐᓯᕖᑦ 32-ᓂᒃ ᑭᓗᓂᒃ ᖄᖏᐅᑎᔪᓕᒫᑦ ᐊᖏᕐᑕᐅᖃᑦᑕᓚᖓᒍᓐᓀᑐᑦ ᓲᕐᓗ ᐃᑦᓯᕕᒃᒋᐊᑐᐃᓐᓇᑎᑐᑦ ᐊᐅᓪᓚᑎᑕᐅᖓᕆᐊᖃᓕᕐᓱᑎᓪᓗ ᐅᓯᑦᓴᓕᕆᕕᖔᒃᑯᑦ.

ᐊᐅᓚᒍᑎᑎᑦ ᐃᓚᖃᕐᐸᑕ ᖃᖓᑦᑕᔫᒧᑦ/ᑎᒻᒥᔫᒧᑦ ᐃᓄᐃᒃᑯᑦ ᐊᓯᐊᓄᑦ ᐃᑭᒋᐊᖃᓚᖓᓂᕐᒥᒃ, ᑐᑭᓯᒪᑦᓯᐊᖁᓇᕐᐳᓯ ᖃᓄᐃᓕᖓᒻᒪᖔᑕ ᐃᑦᓯᕕᒃᑭᐊᓂᒃ ᐅᖁᒣᓐᓂᖃᕐᑎᓯᒍᑎᖏᓐᓅᓕᖓᔪᓂᒃ ᖁᓅᒻᒥᓂᕐᒧᑦ ᑎᑭᐅᑎᖁᓇᓯ.

ᐃᓄᐃᑦ ᐊᖏᓚᖓᖕᖏᑐᑦ ᓇᐅᓕᒫᓂᒃ lithium-ᓂᒃ ᐃᑯᒪᐅᑎᓂᒃ ᐅᕐᓱᓕᓐᓂᒃ ᐃᖏᕐᕋᔫᓂᒃ. ᑕᑯᓗᓯ ᐅᑯᓂᖓ ᐱᐅᓕᓐᓂᐊᒉᑦ ᐱᑕᖃᕆᐊᖃᖕᖏᑐᑦ ᐊᒻᒪᓗ ᐊᑦᑕᓇᕐᑐᑦ ᐱᖁᑏᑦ ᑐᑭᓯᒋᐊᑦᓯᐊᕈᒪᒍᑦᓯ.