ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ > ᐊᐅᓚᓂᖃᕐᓂᓂ ᑐᑭᓯᒪᔭᐅᒋᐊᓖᑦ > ᐃᑦᓯᕖᑦ/ᐃᕐᓯᕖᑦ > ᖃᓄᐃᓕᖓᔪᒥᒃ ᐳᕐᑐᐃᓯᒪᒍᑎᐅᒋᐊᓖᑦ

ᐃᑦᓯᕕᑎᓐᓂᒃ ᐊᓯᖏᓐᓂᓗᓐᓃᑦ ᐊᐅᓪᓚᕈᑎᒋᓛᕐᑕᑎᓐᓂᒃ ᐸᕐᓇᕈᑎᒋᒋᐊᓕᑎᑦ

ᐊᐅᓪᓚᓛᓕᑐᐊᕈᕕᑦ ᐸᕐᓀᑎᓪᓗᑎᑦ ᐃᑲᔪᕐᓯᒍᑎᑦᓭᑦ.
  • ᑭᓇᐅᓂᕐᓅᓕᖓᔪᑦ ᐊᓪᓚᖁᑎᑎᑦ ᓯᒃᑭᑖᐱᖁᑎᑎᓪᓗ, ᐃᑭᒍᑎᑖᕆᒋᐊᓕᑉᐱᓗ ᐊᓪᓚᖁᑎᖏᑦ, ᑮᓇᐅᔭᑎᓪᓗ, ᐋᓐᓂᐊᓯᐅᑎᑎᓪᓗ, ᐊᑎᒐᑦᓴᑎᓪᓗ ᐊᓐᓄᕌᑎᑦ, ᐅᕝᕙᐅᑎᑎᓪᓗ ᑐᕐᖁᓯᒪᒋᐊᖃᕐᐳᑦ ᓂᕈᒥᐊᓛᕐᑕᓂ. ᐃᑦᓯᕕᑎᑦ/ᐃᕐᓯᕕᑎᑦ ᐃᑭᒍᑎᑦᓴᑖᕐᕕᑯᑦ ᐅᓯᑦᓴᓕᐊᕕᓂᑎᑦ ᑎᑭᖃᑎᒋᖕᖏᐊᓗᑦᓴᕈᕕᒋᑦ ᐊᓯᐅᔨᔭᐅᑦᓴᕋᔭᕐᓂᐸᑕᓗᓐᓃᑦ, ᑎᒍᒥᐊᓪᓗᑯᒐᔭᕋᕕᑦ ᑭᖕᖒᒪᓇᕐᓯᓴᐅᑎᒋᓲᓂᒃ ᐃᑦᓯᕖᑦ/ᐃᕐᓯᕖᑦ ᑎᑭᓚᐅᖕᖏᓂᖓᓂ ᐊᑐᕋᔭᕐᑕᑎᓪᓂᒃ.
  • ᐊᑐᓛᖕᖏᑕᑎᓐᓂᒃ ᓇᑦᓴᓯᒍᓐᓀᓗᑎᑦ. ᑭᖕᖒᒪᒋᓛᕐᑕᑎᑦ ᓇᓴᑕᑐᐊᕆᓗᒋᑦ. ᓂᕈᒥᐊᕐᑕᐅᔪᑦ ᐅᖁᒣᓐᓂᖏᑦ ᖄᖏᐅᑎᔭᐅᑦᑌᓕᒋᐊᖃᓲᖑᒻᒥᒪᑕ ᑌᒫᑦᓭᓇᕐᓗ ᐃᑦᓯᕖᑦ ᐃᑭᒍᑎᑦᓴᑖᕐᕕᑯᑦ ᐅᓯᑦᓴᓕᐊᖑᔪᑦ ᐅᖁᒣᓐᓂᖏᑦ ᖄᖏᐅᑎᑦᑌᓕᒋᐊᖃᓲᖑᒻᒥᓱᑎᒃ, ᐊᑭᓖᒍᑎᑦᓴᖃᑦᓯᐊᕆᐊᖃᕐᓱᑎᓪᓗᑕᐅᖅ ᐅᖁᒣᓐᓂᐅᒋᐊᓕᓐᓂᒃ ᖄᖏᐅᑎᑦᓴᓂᕈᕕᑦ ᐊᑭᓖᒍᑎᒋᓂᐊᕐᑕᑎᓐᓂᒃ.
  • ᐃᑦᓯᕕᑎᑦ/ᐃᕐᓯᕕᑎᑦ ᐃᓘᓐᓇᑎᒃ ᐊᑎᕐᓂᒃ ᐊᓪᓚᓯᒪᔪᕐᑕᖃᑦᓯᐊᑐᐃᓐᓇᐅᒋᐊᓖᑦ ᓯᓚᑖᓂᑦᑐᓂᓪᓗ ᐃᓗᐊᓃᑦᑐᓂᓪᓗ, ᐊᓪᓚᓯᒪᔪᕐᑕᖃᑦᓯᐊᓗᑎᒃ ᐊᑎᑎᓐᓂᒃ, ᐊᖏᕐᕋᐱᑦ ᓯᓚᑎᑦᓴᖓᓂᒃ ᐅᖄᓚᐅᑎᐅᓪᓗ ᑭᓯᑦᔪᑎᖓᓂᒃ ᐅᖄᓚᕕᐅᒐᔭᕐᑐᒥᒃ ᐃᑦᓯᕖᕐᑎᓯᑕᐅᑲᓪᓚᓴᕐᓂᕈᕕᑦ. ᐃᓄᐃᒃᑯᑦ ᐃᕐᓯᕕᓐᓂᒃ ᐊᑎᓕᐅᕐᕕᖏᑦ ᐊᑐᐃᓐᓇᐅᖏᓐᓇᓕᒪᓲᖑᕗᑦ ᐃᓘᓐᓇᖏᓐᓂᒃ ᒥᕝᕕᓂ.
  • ᐃᑦᓯᕕᓐᓂᒃ/ᐃᕐᓯᕕᓐᓂᒃ ᓇᒧᖕᖓᒪᖔᑦ/ᓇᒧᖕᖓᓕᐊᕐᒪᖔᑦ ᑭᖑᓪᓕᐹᒥ ᐊᐅᓪᓚᓱᑎᒃ ᓇᓗᓀᒃᑯᑕᕐᑖᕆᒍᑎᕕᓃᑦ ᐊᐅᓪᓚᓯᑐᐊᕐᒥᒍᕕᑦ ᐲᑦᓯᐊᕆᐊᓕᑎᑦ ᐊᓯᐅᓚᕿᑲᓪᓚᓚᕿᖁᓇᒋᑦ ᐅᕝᕙᓗᓐᓃᑦ ᑐᑭᓯᓂᕐᓗᓚᕿᒍᑎᐅᖁᓇᒋᑦ.
  • ᖃᐅᔨᒪᒐᓱᑦᓯᐊᕆᐊᖃᕐᖁᑎᑦ ᐃᑦᓯᕕᓕᒫᑎᑦ/ᐃᕐᓯᕕᓕᒫᑎᑦ ᐃᑭᒍᑎᑦᓴᑖᕐᕕᒥᑦ ᓯᑯᑦᓴᔮᐱᑦᑖᑕᐅᔪᐃᓐᓇᐅᒐᓗᐊᕐᒪᖔᑕ ᓄᓇᓕᓪᓗ ᐅᐸᑦᑌᑦ ᐊᓪᓚᓯᒪᑦᓯᐊᕋᓗᐊᕐᒪᖔᑦ ᑖᒃᑯᓇᓂ ᐃᑦᓯᕕᑉᐱᑦ/ᐃᕐᓯᕕᑉᐱᑦ ᓯᑯᑦᓴᔮᐱᑦᑖᑕᐅᒍᑎᖏᓐᓂ
  • ᐃᑦᓯᕕᒃ/ᐃᕐᓯᕕᒃ ᐃᑖᔦᕕᒃᑯᑦ ᐃᑎᕐᑎᓗᒍ ᑎᒍᔦᑦ ᐱᒋᑦᓯᐊᕋᓗᐊᕐᒪᖔᕐᐱᐅᒃ ᑲᒪᓇᓱᑦᓯᐊᕆᐊᖃᕐᖁᑎᑦ. ᐃᑦᓯᕖᑦ/ᐃᕐᓯᕖᑦ ᐊᒥᓱᑦ ᐊᓪᓚᖃᑎᒌᖑᓲᖑᒻᒪᑕ ᑕᐅᑦᑐᖃᑎᒌᖑᑦᓱᑎᓪᓗᓃᑦ.
  • ᐃᑦᓯᕖᑦ/ᐃᕐᓯᕖᑦ ᓱᕐᕋᓯᒪᔫᔭᑐᐊᕐᐸᑦ, ᖃᐅᔨᔭᐅᑎᒋᐊᓖᑦ ᐃᓄᐃᒃᑯᑦ ᐱᓇᓱᑦᑎᖓᓄᑦ ᒥᕝᕕᒥᑦ ᐊᓂᓚᐅᖕᖏᓂᕐᓂ, ᑌᒣᒃᑯᕕᑦ ᓱᓕᔪᕐᓴᓂᕐᓴᐅᒐᔭᕐᒪᑕ ᓱᒃᑯᑐᕕᓂᐅᒋᐊᖓ ᐃᓄᐃᒃᑯᑎᒍᑦ ᐊᐅᓚᓂᖃᕐᓂᓂ.
  • ᐃᑦᓯᕕᑉᐱᑦ/ᐃᕐᓯᕕᑉᐱᑦ ᓇᕿᑕᕈᑎᖏᓪᓗ ᐊᓯᓕᒫᖏᓪᓗ ᐃᑦᓯᕕᓐᓂᒃ ᐃᑎᐅᕐᙯᒍᑎᒃᑰᓕᕈᑎᒃ ᓂᑦᓯᑕᐅᑐᐃᓐᓇᕆᐊᓖᑦ ᐃᓘᓐᓇᑎᒃ ᐃᑦᓯᕕᐅᑉ ᐃᓗᐊᓄᑦ ᑐᕐᖁᓯᒪᑦᓯᐊᕆᐊᖃᕐᐳᑦ ᓂᕕᖓᕋᓚᑦᑌᓕᑦᓯᐊᓗᑎᒃ ᑌᒣᖁᔭᐅᕗᓪᓗ ᓱᒃᑯᐃᓚᕿᖁᓇᒋᑦ ᐃᑦᓯᕕᓐᓂᓗᓐᓃᑦ ᐅᕝᕙᓗᓐᓃᑦ ᒥᕝᕕᐅᑉ ᐃᑦᓯᕕᓐᓂᒃ ᐃᑖᑎᕆᒍᑎᖓᓂᒃ.
  • ᑲᒃᑯᐊ ᐃᑭᒍᑎᑦᓴᑕᕐᕕᑯᑦ ᐃᑦᓯᕕᓐᓂᒃ ᐊᐅᓪᓚᑐᑦᓴᓕᐊᖑᓛᕐᑐᓄᑦ ᐃᓗᓪᓖᒍᑎᐅᓯᒪᒋᐊᖃᖕᖏᑐᑦ, ᐊᓯᐅᔨᔭᐅᑲᓪᓚᑐᐃᓐᓇᕆᐊᖃᕋᒥᒃ ᐊᓯᕈᕐᑕᐅᓗᑎᓪᓗᓃᑦ.
    • ᓄᓇᓕᕐᓚᒧᑦ ᐃᑎᕈᓐᓇᐅᑏᑦ, ᐃᓅᑉ ᑭᓇᐅᓂᕐᒥᓄᑦ ᐊᓪᓚᖁᑎᖏᑦ, ᖃᖓᑦᑕᐅᑏᑦ ᐅᕝᕙᓗᓐᓃᑦ ᑮᓇᐅᔭᒃᑯᕕᓐᓂᑦ ᐊᑭᓕᑦᓴᑖᕈᓐᓇᐅᑏᑦ
    • ᑮᓇᐅᔦᑦ, ᑕᓕᐊᑦ, ᓇᒃᒍᐊᒥᐅᑌᑦ ᐅᕝᕙᓗᓐᓃᑦ ᐊᓯᖏᑦ ᐊᑭᑐᔪᔦᑦ/ᓇᓕᑑᕕᓃᑦ
    • ᐊᑦᔨᓕᐅᕆᒍᑏᑦ ᐅᕝᕙᓘᓐᓃᑦ ᐊᑦᔨᓕᐅᕈᑏᑦ ᐃᓚᑦᓴᔭᖏᑦ
    • ᓂᐱᓕᐅᕈᑏᑦ-ᓂᒪᕐᑐᓕᐅᕈᑏᓪᓗ ᐱᐅᒃᑯᑎᖏᓪᓗ
    • ᖃᕆᑕᐅᔦᑦ ᐃᓚᑦᓴᔭᖏᓪᓗ (ᖃᕆᑕᐅᔭᕈᑎᑦᓴᔭᓕᒫᓪᓗ)
    • ᐃᔭᐅᑏᓪᓗ ᐃᔨᒧᓪᓗ ᓂᐱᑎᒐᑦᓴᔭᐅᑦᓱᑎᒃ ᐃᔭᐅᑏᑦ
    • ᐳᓪᓚᐅᔭᒥᑦ ᓴᓇᒪᔪᑦ
    • ᐳᓪᓚᐅᔭᓂᒃ ᐳᓖᑦ ᐃᒥᕋᑦᓭᑦ
    • ᓴᓇᖕᖑᐊᓯᒪᔪᑦ, ᓄᑕᐅᖕᖏᑐᔦᑦ ᐅᕝᕙᓗᓐᓃᑦ ᓄᐊᒐᑦᓴᔦᑦ, ᓴᓇᖕᖑᐊᓯᒪᔪᐃᓪᓗ
    • ᐋᓐᓂᐊᓯᐅᑏᑦ
ᖃᐅᔨᒪᔭᐅᒋᐊᓖᑦ: ᑕᑉᐱᑯᐊ ᐃᓚᖏᑦ ᐱᐅᓂᕐᓴᐅᔪᑦ ᐃᓄᐃᒃᑯᑦ ᐅᓯᑦᓴᓕᕆᕕᖔᖓᑎᒍᑦ ᐊᐅᓪᓚᑎᑕᐅᔪᑦᓴᐅᒋᐊᖏᑦ ᐃᓚᖏᑦ ᐴᕐᑐᕆᐊᑦᓯᐊᑕᐅᒪᒋᐊᖃᓲᖑᓂᖏᓪᓗ ᐱᓪᓗᑯᒋᐊᖃᕐᓂᖏᓪᓗ ᐱᑦᔪᑎᒋᑦᓱᒋᑦ.