ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ > ᐊᐅᓚᓂᖃᕐᓂᓂ ᑐᑭᓯᒪᔭᐅᒋᐊᓖᑦ > ᖃᖓᑦᑕᔫᒧᑦ/ᑎᒻᒥᔫᒧᑦ ᐃᑭᒋᐊᕐᑐᓚᐅᕐᓇᓂ > ᑭᖑᕙᕆᐊᕐᓃᓗ ᐅᓂᓐᓂᓗ

ᑭᖑᕙᕆᐊᕐᓃᑦ, ᓴᖑᑎᑕᐅᔪᑦ ᐊᐅᓪᓚᓚᖓᔪᕕᓃᓪᓗ ᐅᓂᑦᑎᑕᐅᔪᑦ

ᐃᓄᐃᒃᑯᓂ, ᐱᕕᓕᒫᑦᑎᒍᑦ ᐅᐸᒐᓱᑦᑕᓯᓐᓄᑦ ᑎᑭᑎᑦᓯᓯᐊᖏᓐᓇᕋᓱᐊᓲᖑᕗᒍᑦ ᓇᖏᐊᕐᓇᖏᑦᑐᑯᑦ ᑎᑭᕝᕕᓴᓕᐊᕆᓯᒪᔭᑦᑎᓂᓪᓗ ᖄᖏᕐᑌᓕᑦᓱᑕ. ᐃᓚᖓᓂᒃ, ᑭᓯᐊᓂ, ᓯᓚᐅᑉ ᐊᓯᑦᔨᐊᕿᒍᐊᕐᑑᓂᖓᓄᑦ ᐸᕐᓇᓯᒪᒍᑎᑦᑎᓂᒃ ᑲᔪᓯᑦᓯᐊᖏᑦᑑᑎᑕᐅᑲᓪᓚᓲᖑᒻᒥᔪᒍᑦ.

ᖃᖓᑦᑕᔫᑉ/ᑎᒻᒥᔫᑉ ᐊᐅᓪᓚᕕᑦᓴᖓ ᑭᖑᕙᕆᐊᕐᑕᐅᐸᑦ, ᓴᖑᑎᑕᐅᑉᐸᓗᓐᓃᑦ ᐅᕝᕙᓗᓐᓃᑦ ᐊᐅᓪᓚᓂᐅᓚᖓᕐᖃᐅᔪᖅ ᐅᓂᑦᑎᑕᐅᑉᐸᑦ ᑌᒣᑎᑕᐅᓚᕿᓗᓂ ᓯᓚᒧᑦ, ᐃᓄᐃᒃᑯᑦ ᐃᒣᓘᕐᓂᐊᑐᑦ:
  • ᐊᐅᓪᓚᓚᖓᔪᓂᒃ ᖃᖓᑦᑕᔫᑉ/ᑎᒻᒥᔫᑉ ᐊᓯᐊᒍᑦ ᐊᐅᓪᓚᑐᖃᓚᖓᑐᐊᕐᐸᑦ ᐊᐅᓪᓚᖃᑕᐅᑎᑦᓯᓗᑎᒃ (ᑌᑲᓂ ᐃᓂᖃᑐᐊᕐᐸᑕ) ᐊᑭᓕᕐᓯᒪᔭᒥ ᐅᖓᑖᓄᒋᐊᓪᓚᒃ ᐊᑭᓖᑎᑕᐅᑎᓐᓇᒋᑦ;
  • ᐅᕝᕙᓘᓐᓃᑦ, ᐃᓄᒃ ᐊᐅᓚᓂᓕᒃ ᐅᐸᒋᐊᓕᒻᒥᓄᑦ ᑎᑭᐅᑎᓂᐊᖕᖏᑐᐊᕐᐸᑦ ᐅᐸᒐᓱᑦᑕᖓᓄᑦ ᖃᓂᓐᓂᐹᒧᑦ ᓂᐅᒋᐊᕐᑐᓗᒍ ᐅᕝᕙᓗᓐᓃᑦ ᓂᐅᑎᓪᓗᒍ ᐊᓯᐊᓄᑦ ᖃᖓᑦᑕᔫᒧᑦ ᐃᑭᕕᒋᒋᐊᕐᑐᓚᖓᔭᕕᓂᖓᓄᑦ ᐊᓪᓚᑕᐅᒪᔪᒧᑦ ᖃᖓᑦᑕᐅᑎᑕᕐᑕᐅᒪᒍᑎᖓᓂ, ᓯᓂᑦᑕᕕᒋᓚᖓᔭᕕᓂᕆᓇᒍ, ᐊᑭᓖᑎᒋᐊᓪᓚᓛᕈᓐᓀᓗᒍ ᓂᐅᑎᒋᐊᓕᒃ;
  • ᐅᕝᕙᓘᓐᓃᑦ ᖃᖓᑦᑕᐅᑎᓯᒍᑎᕕᓂᖏᓐᓂᒃ ᐅᑎᕐᑎᓯᕕᒋᓗᒍ ᐅᑎᕐᑎᓯᕕᐅᒋᐊᖓ ᖃᐅᔨᒪᔪᑐᐊᖑᓗᑎᒃ.
ᐃᓄᐃᒃᑯᑦ ᓵᑕᐅᒍᑎᑦᓴᖃᕐᓂᐊᖏᑦᑐᑦ ᐱᑕᖃᕐᑎᓯᒍᑎᖃᖁᔭᐅᓗᑎᒃ ᐊᓯᖏᓐᓂᒃ ᐱᑦᔪᔨᒍᑎᓂᒃ ᐃᓚᐅᑎᓪᓗᒋᑦ ᑐᔪᕐᒥᐅᕕᑦᑖᕆᖁᔭᐅᓃᑦ, ᓂᕆᔭᑦᓴᖃᕐᑎᓯᖁᔭᐅᓃᑦ ᐅᕝᕙᓗᓐᓃᑦ ᓄᓇᒃᑯᑦ ᐊᐅᓚᒍᑎᓄᑦ ᐅᓯᔨᑦᓴᓯᐅᕆᓃᑦ ᓯᓚᒧᑦ ᐱᒃᑲᑕᐅᓗᑎᑦ ᐅᐸᑦᑕᒥᓄᑦ ᑎᑭᐅᑎᖕᖏᑐᓕᒫᓄᑦ.