ᓄᓇᓖᑦ
ᐅᐸᑦᑕᐅᔪᑦ

ᐊᑯᓕᕕᒃ ᓄᓇᐅᕗᖅ ᑕᓯᐅᔭᕐᔪᐊᒧᑦ ᑎᑭᐅᑎᔪᒥᒃ ᓄᕗᑯᑖᖃᕐᓱᓂ. ᐃᒪᕐᐱᐅᑉ ᐊᕙᑖᓂᑦᑐᖅ ᓄᓇᖓ ᐊᑦᔨᒋᔭᐅᔮᕐᑐᖅ ᓲᕐᓗ ᑲᑭᕙᖕᒧᑦ, ᐃᓄᐃᑦ ᐱᐅᓯᑐᖃᕐᒥᒍᑦ ᐱᖓᓱᓕᐅᑦᓱᓂ ᐃᐳᑯᑖᖃᕐᓱᓂᓗ ᐃᖃᓗᓐᓂᐅᑎᑐᖃᖓᓐᓄᑦ.

ᐊᐅᐸᓗᒃ ᓄᓇᓕᐅᕗᖅ ᓄᓇᕕᒻᒥ ᓄᓇᓕᓕᒫᓂᑦ ᒥᑭᓂᕐᐹᖑᑦᓱᓂ, ᖃᓪᓗᓈᕐᑎᑐᑦ ᐊᑦᓯᑕᐅᒪᔫᑉ ᓄᓇᐅᑉ ᖂᑉᓯ ᐊᑦᕚᓐᓯᒥᒃ ᓯᕿᓂᐊᓃᑦᓱᓂ, ᑲᖏᕐᓱᑲᓪᓚᒃ ᓯᕿᓂᐅ ᓂᐱᕝᕕᐊᑕ ᓯᑦᔭᖓᓃᑦᓱᓂ ᐅᖓᕙᐅᑉ ᑲᖏᕐᓲᐊᓗᖓᓂ.

ᓄᓇ ᐃᓂᖃᕐᑐᖅ ᐃᓄᒃᓱᐊᑉ ᑰᖓᑕ ᑕᕐᕋᖓᓂ, ᐃᓄᑦᔪᐊᖅ ᖃᐅᔨᒪᔭᐅᒍᑎᖃᓲᖑᕗᖅ ᑐᖑᔪᕐᑖᐱᒻᒥᒃ ᑕᐅᑦᑐᓕᒻᒥᒃ ᑰᖓ ᐃᒪᖃᕐᒪᑦ ᓱᑲᑦᑐᐊᓗᒻᒥᓗ ᑰᒃᑐᒥ ᑰᖏᑦ ᑰᓐᓂᖃᕐᓱᑎᒃ.

ᐃᕗᔨᕕᒃ ᓄᓇᓕᐅᕗᖅ ᑯᐯᒃ ᑕᕐᕋᖓᓂ ᓄᓇᓕᓕᒫᓂᑦ ᖁᑦᓯᓂᕐᐹᖑᑦᓱᓂ, ᐊᕙᓗᔭᐅᒪᑦᓱᓂ ᐃᓐᓈᕈᓄᑦ ᐃᒪᕐᐱᒧᑦ ᐃᕐᖃᓕᔮᖕᖏᑐᒧᑦ ᕿᑭᕐᑕᓰᑦ ᐊᕙᑖᓂ ᑲᑕᓪᓗᐊᓇᕐᑐᓄᑦ.

ᑲᖏᕐᓱᐊᓗᒃᔪᐊᖅ ᓄᓇᓕᐅᕗᖅ ᓄᓇᕕᐅᑉ ᓄᓇᓕᓕᒫᖏᓐᓂᑦ ᓯᕿᓂᐅᑉ ᓄᐃᕕᐊᓃᓐᓂᐹᖑᑦᓱᓂ, ᐅᖓᕙᒥ ᐅᖓᓯᓐᓂᖃᕐᓱᓂ 25 ᑭᓚᒦᑕᓂᒃ ᑲᖏᕐᓱᐊᓗᒃᔪᐊᑉ ᑰᒐᓗᐊᑕ ᐹᖓᓃᑦᓱᓂ.

ᑲᖏᕐᓱᔪᐊᑉ ᓄᓇᓕᖓᑕ ᓄᓇᖓ ᐱᐅᔪᐸᐅᔮᓗᒻᒦᑐᖅ ᑕᑕᒥᓐᓇᕇᔭᕐᓱᓂ ᑕᑯᒥᓇᕐᑐᒪᕆᐊᓗᒻᒥ, ᓇᑎᕐᓈᕌᐱᒻᒦᓱᓂ ᓱᕐᓗ ᖁᕐᖒᑉ ᖃᒪᓂᖓᓂᑦᓱᓂ ᖃᕐᖃᔪᐊᓄᑦ ᐊᕙᓗᔭᐅᒪᔪᖅ, 10 ᑭᓛᒥᑖᐱᑐᐃᓐᓇᓂᒃ ᐊᖓᓯᓐᓂᖃᕐᓱᓂ ᓄᕗᐊᓘᑉ ᐃᒪᕐᐱᖓᓄᑦ.

ᑲᖏᕐᓱᒃ ᖃᓪᓗᓈᑎᑐᑦ ᐯᓐ ᐯ-ᖑᓂᕋᕐᑕᐅᔫᑉ ᑕᕐᕋᖓᓂᑦᓱᓂ ᓯᓈᓂᑦᑐᖅ, ᐅᖓᓯᑦᑐᒐᓚᐅᕐᓱᓂ ᐅᖓᕙᐅᑉ ᑲᖏᕐᓱᐊᓗᐊᓄᑦ.

ᑰᒃᔪᐊᖅ ᐃᓄᒋᐊᓐᓂᐸᐅᕗᖅ ᓄᓇᓕᓕᒫᓂ, ᓄᓇᓕᖓ ᓯᕿᓂᐅᑉ ᓂᐱᕕᐊᓂᐅᓂᕐᓴᖅ ᑰᑦᔪᐊᑉ ᑰᖓᑕ ᓯᓈᓂᑦᓱᓂ, 50 ᑭᓛᒥᑕᓄᑦ ᐅᖓᓯᓐᓂᖃᕐᓱᓂ ᑕᐅᓄᖓ ᐅᖓᕙᐅᑉ ᑲᖏᕐᓱᐊᓗᐊᑕ ᓯᓈᓄᑦ.

ᑰᒃᔪᐊᕌᐱᐅᑉ ᓄᓇᓕᖓᑕ ᓯᑦᔭᖓ ᓯᐅᕋᔮᖅ ᑰᒃᔪᐊᕌᐱᐅᑉ ᑰᖓᑕ ᐹᖓᓂᑦᓱᓂ.

<ᓚ ᑲᕌᓐ, ᐊᓪᓚᓄᑦ ᑯᔩᓄᑦ, ᓯᓵᓯᐱᐅᓂᕋᕐᑕᐅᓲᒍᒻᒥᔪᖅ ᐊᓪᓚᓄᑦ ᑖᕙᑦᓱᒪᐅᑉ ᒥᑦᓯᓕᒫᖓᓂ ᓄᓇᓕᓐᓄᑦ, ᑰᕌᓗᖓᓗ ᑯᐯᒃᓕᒫᒥ ᑰᓄᑦ ᐊᖏᓂᕐᐸᐅᓂᕋᕐᑕᐅᔪᓄᑦ ᑐᖓᓕᕆᔭᐅᑦᓱᓂ ᐊᖏᓂᖓ.

ᒪᓐᑐᔨᐊᓪ ᑯᐯᒃᓕᒫᒥ ᐃᓪᓗᒐᓴᕐᔪᐊᑕᖃᕐᓱᓂ ᓄᓇᓕᕆᓐᓂᐸᐅᕗᖅ ᐊᒻᒪᓗ ᑲᓇᑕᓕᒫᒥ ᑐᖓᓕᕆᔭᐅᑦᓱᓂ ᓄᓇᒋᐊᑦᑑᓂᖓ. ᕿᑭᕐᑕᒦᑦᑐᖅ ᓭᓐ-ᓗᐊᕋᓐᔅ ᑰᕌᓗᐊᑕ ᕿᑎᖓᓂᑦᓱᓂ ᓯᕗᓪᓕᐹᑦᓯᐊᒥ ᑕᕆᐅᕐᔪᐊᑉ ᐊᑭᐊᓂᒥᐅᔭᓄᑦ ᑕᑯᔭᐅᒋᐊᖕᖓᓯᒪᔪᖅ ᕿᓂᕐᑎᐅᓯᒪᔪᒧᑦ ᔮᒃ ᑲᑦᓰᒧᑦ ᒍᐃᒍᐃᒻᒪᕆᒃᑯᑦ ᓄᓇᖓᓂᒥᐅᔭᒧᑦ ᑲᑎᓯᒋᐅᓚᐅᕐᑐᕕᓂᕐᒧᑦ ᐊᓪᓚᓂᒃ ᐃᐊᕆᑯᐊᓂᒃ 1535 ᐊᕐᕌᒍᖓᓂ.

ᐃᓂᖃᕐᓱᓂ 4 ᑭᓚᒦᑕᓂᒃ ᐳᕕᕐᓂᑑᑉ ᑲᖏᕐᓱᖓᓂᑦ, ᑰᓪᓚᕆᖓᑕ ᓯᑦᔭᖓᓂ ᑕᕐᕋᖓᓃᑦᓱᓂ, ᑖᓐᓇ ᐃᓄᐃᑦ ᓄᓇᓕᖓ ᐊᕙᓗᐊᔭᐅᒪᔪᖅ ᒪᓂᕋᕐᑐᒧᑦ.

ᖁᐊᕐᑕᐅᑉ ᓄᓇᓕᖓ ᕿᑭᕐᑕᐅᑉ ᑐᕚᓗᓂᕋᕐᑕᐅᑉ ᓴᓂᐊᓂᕐᑐᖅ, ᓯᕿᓂᖓᑕ ᓄᐃᕕᐊᓃᓐᓂᓴᐅᑦᓱᓂ ᓄᕗᑯᑖᒥ ᓄᕗᐊᓘᑉ ᐃᒪᕐᐱᖓᓂ ᐅᖓᕙᐅᑉ ᐹᖓᓂ.

ᑯᐯᒃ ᓯᑎᐅᑉ ᐊᑦᓯᕋᕐᑕᐅᒍᓯᖓ ᑯᐯᒃ ᓄᓇᓕᕐᔪᐊᖁᑎᖓᓄᑦ ᐆᒻᒪᑎᒋᔭᐅᓂᕋᕐᑕᐅᓱᓂ ᑐᑭᖃᕐᑎᓯᒍᑕᐅᓲᖑᕗᖅ.

ᓴᓪᓗᒥᐅᑦ ᓄᓇᓕᖓ ᑲᖏᕐᓱᑯᑖᑉ ᓄᕗᐊᓗᖓᓂᑦᓱᓂ ᐅᖓᓯᓐᓂᖃᕐᑐᖅ 10 ᑭᓛᒥᑕᓄᑦ ᓄᕗᐊᓘᑉ ᐃᒪᕐᐱᖓᓄᑦ.

ᓴᓂᑭᓗᐊᖅ ᕿᑭᕐᑕᖅ ᑕᓯᐅᔭᕐᔪᐊᑉ ᕿᑎᓪᓗᐊᖓᓃᑦᓱᓂ, ᓄᓇᑐᐃᓐᓇᐅᑉ ᓯᑦᔭᖓᓄᑦ ᐅᖓᓯᓐᓂᓕᒃ 150 ᑭᓛᒥᑕᓄᑦ, ᓄᓇᕘᒥᐅᑦ ᓄᓇᓕᖏᓐᓄᑦ ᓯᕿᓂᕐᒦᓂᕐᐸᐅᑦᓱᓂ.

ᓴᕙᕕᐊᓪ ᓄᓇᓕᖕᖑᑕᐅᒍᑎᖃᕐᓯᒪᕗᖅ ᑭᑭᐊᑦᓴᔭᓕᕆᔨᓄᑦ ᑲᓇᑕᒥ 1954-ᒍᑎᓪᓗᒍ ᐅᔭᕋᕐᓂᐊᓯᑎᓪᓗᒋᑦ 1954-ᒥ ᑖᕙᑦᓱᒪᐅᑉ ᒥᑦᓵᓂ.

ᓯᑦ-ᓯᐊᓪ ᑕᕐᕋᒥᓐᓂᐸᐅᑦᓱᓂ ᓄᓇᓕᕐᓚᐅᖃᑕᐅᑦᓱᓂ ᑯᐯᒃ ᑕᕐᕋᖓᓂᓐᓂᐸᐅᕗᖅ ᐊᒥᓱᑲᓪᓚᓂᓪᓗ ᐃᓄᒋᐊᓐᓂᖃᕐᒥᓱᓂ.

ᑕᓯᐅᔭᖅ ᓄᓇᓕᓕᐊᖑᓯᒪᕗᖅ ᓯᑦᔭᖏᓐᓂ ᑕᓯᐅᔭᐅᑉ ᑕᓯᖓᑕ, ᑲᖏᕐᓱᑲᓪᓚᐅᑉ ᐹᖓᓂ ᓂᐅᓪᑐᔫᑉ ᑰᖓᓂ

ᐅᒥᐅᔭᖅ ᓄᓇᓕᖕᖑᑎᑕᐅᓯᒪᕗᖅ ᖃᕐᖃᐅᑉ ᐅᒥᐊᖕᖑᐊᒍᔮᕐᑑᑉ ᐳᓯᖕᖓᔫᔮᕐᓱᓂ ᓴᓂᐊᓂ (ᐃᓄᐃᑦ ᐱᐅᓯᑐᖃᕐᒥᑎᒍᑦ ᐅᒥᐊᖃᕐᐸᓚᐅᕐᒪᑕ ᐁᕕᔭᕐᓂᒃ ᐊᒻᒥᐊᓕᓐᓂᒃ).