ᐃᓄᐃᑦ ᖃᖓᑦᑕᔫᖏᑦ ᓴᖑᑎᑕᐅᒍᓐᓇᕕᓕᓐᓂᒃ ᐊᑭᖃᕐᑎᓯᓲᖅ ᐅᖓᒻᒧᑦ ᑭᓯᐊᓂ (Y-ᒥᒃ) ᓇᓗᓀᒃᑯᑕᓕᓐᓂᒃ.
ᕿᑐᕐᖓᑕ ᐃᑭᒍᑎᖏᑦᑕ ᐊᑭᖏᑦ ᓴᖑᑎᑕᐅᒍᓐᓇᕕᖏᑦ ᑐᖕᖓᕕᐅᑎᓪᓗᒋᑦ.
ᐃᓄᒻᒪᕇᑦ ᐊᕙᑏᑦ ᐱᖓᓱᑦ 60 ᐅᖓᑖᓄᓪᓘᓃᑦ ᐅᑭᐅᓖᑦ ᐃᑭᒍᑎᖏᑦ ᓴᖑᑎᑕᐅᒍᓐᓇᕕᖃᕐᓱᑎᒃ ᐊᑭᒋᔭᐅᑎᑕᐅᔪᐃᑦ ᕿᑎᕐᖃᓗᐊᖏᓐᓂᒃ ᐊᑭᑭᓪᓕᒋᐊᕐᓯᒪᒍᓐᓇᑐᑦ.
ᓴᖑᑎᑕᐅᒍᓐᓇᒐᓛᑦᓱᑎᒃ ᐊᑭᒋᔭᐅᑎᑕᐅᔪᐃᑦ ᑮᓇᐅᔭᕐᑐᖏᓐᓂᓴᐅᒍᑎᐅᒍᓐᓇᒥᔪᑦ Economy (Y-ᒥᒃ) ᓇᓗᓀᒃᑯᑕᓖᑦ ᐃᓂᓕᐅᕐᓯᒪᒍᑎᐅᒋᐊᖃᕐᓱᑎᒃ ᐊᒻᒪᓗ ᐃᑭᒍᑎᑖᕐᓯᒪᒍᑎᐅᒋᐊᖃᕐᓱᑎᒃ ᓯᕗᓂᐊᒍᑦ.
ᐃᓄᐃᑦ ᖃᖓᑦᑕᔫᖏᑦ ᐱᐅᓯᕐᓲᑎᑐᐃᓐᓇᐅᖏᑦᑐᑎᒍᑦ ᐊᑭᑭᓪᓕᒋᐊᕐᓯᒪᑎᑦᓯᓲᑦ ᑲᑎᑕᐅᕐᖃᒥᐅᑦᓱᑎᒃ ᐊᐅᓪᓚᖑᐊᑫᓐᓇᕈᒪᔪᓄᑦ. ᓄᓇᕕᒻᒥ ᐱᓗᑎᒃ ᑭᓯᐊᓂ ᐊᐅᓪᓚᕆᐊᖃᑐᐃᓐᓇᑐᑦ ᐃᓄᐃᑦ ᖃᖓᑦᑕᔫᖏᑦᑎᒍᑦ/ᑎᒻᒥᔫᖏᑦᑎᒍᑦ ᐊᒻᒪᓘᓐᓃᑦ ᓴᓂᑭᓗᐊᒥᑦ, ᓚ ᑯᕌᓐᒥᑦ (ᑰᓐᓂᐊᑎᒃᑯᓂᑦ), ᓯᑉ-ᐃᐊᓪᒥᑦ ᐅᕝᕙᓘᓐᓃᑦ ᓴᕙᕕᐊᓪᒥᑦ ᐱᓗᑎᒃ ᐊᑭᑭᓪᓕᒋᐊᕐᓯᒪᒍᓐᓇᑐᑦ.
ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᐊᑭᑭᓪᓕᒋᐊᕐᓯᒪᑎᑦᓯᓲᒍᕗᑦ ᐃᓚᒥᓂᒃ ᐃᓅᒍᓐᓀᔨᐊᖃᕐᑐᕕᓂᕐᓂᒃ.
ᐃᓓᕐᑐᕕᓂᕐᓄᑦ ᐊᐅᓪᓚᕈᑏᑦ ᓈᒃᑯᒍᓱᓐᓂᒧᑦ ᐊᑭᑭᓪᓕᒋᐊᕐᓯᒪᑎᑕᐅᓲᒍᒻᒥᔪᑦ ᐃᓓᕐᓱᑎᒃ ᓄᓇᒨᕐᓯᒋᐊᕐᑐᑐᐃᑦ ᑭᓯᐊᓂ ᐊᖏᕐᑕᐅᓯᒪᕐᖄᒋᖃᓲᑦ ᐊᖓᔪᕐᖃᐅᕕᓕᓐᓄᑦ ᐊᑎᓕᐅᕐᕕᐅᓯᒪᒋᐊᖃᓲᒍᑦᓱᑎᓪᓗ ᓄᓇᓕᒻᒥ ᓯᕗᓕᕐᑎᒧᑦ, ᑲᕙᒫᒋᒃᑯᓂᓘᓐᓃᑦ ᑎᓕᔭᐅᓯᒪᔪᒧᑦ ᐅᕝᕙᓘᓐᓃᑦ ᐊᖓᔪᕐᖃᐅᕕᖃᕐᑎᑕᐅᑦᓱᓂ ᐱᒍᓐᓇᓂᖃᕐᑎᑕᐅᔪᒧᑦ ᐃᑭᒍᑎᑦᓴᖅ ᐊᖏᕐᑕᐅᓯᒪᕐᖄᒋᐊᖃᓲᑦ. ᖃᐅᔨᒋᐊᒃᑲᓂᕈᒪᔪᐃᑦ ᖃᐅᔨᒋᐊᕐᕕᖃᕐᑐᓴᐅᕗᑦ ᓄᓇᓕᒻᒥᑕ ᖃᑦᑕᔫᕐᓂᐊᕕᖓᓂ/ᑎᒻᒥᔫᕐᓂᐊᕕᖓᓂ ᐱᓇᓱᑦᑎᓂᒃ ᐊᐅᓚᒍᑎᑦᓴᖏᑦ ᖃᓄᖅ ᐋᕐᕿᓱᕐᑕᐅᓯᒪᓂᐊᕐᒪᖔᑕ.
ᓄᓇᕕᒻᒧᑦ ᐊᐅᓪᓚᑎᕆᑦ ᐃᓄᐃᑦ ᖃᖓᑦᑕᔫᖏᑎᒍᑦ