ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ > ᐅᓯᑲᑦᑕᓂᖅ > ᐅᓯᑦᓴᓂᒃ ᐱᑦᔪᔨᒍᑎᖃᕐᓃᑦ

ᐅᓯᑦᓴᓂᒃ ᐱᑦᔪᔨᒍᑎᖃᕐᓃᑦ

ᖃᐅᔨᔭᖃᕆᑦ ᖃᓄᐃᓪᓗᐊᑎᒋᒻᒪᖔᑕ ᐅᓯᒍᑦᔨᒍᑎᒋᒍᓐᓇᑕᑦᑕ ᐊᑦᔨᒌᖕᖏᓂᖏ ᐃᓪᓕᓇᕐᑐᖁᑎᑦᓯᓂᒃ ᑕᒪᓪᓚᑌᓕᑦᓯᐊᓗᑎᒋᑦ ᓱᑲᑦᑐᒥᓪᓗ ᐅᐸᑦᑕᖏᓐᓄᑦ ᑎᑭᐅᑦᔨᒍᓐᓇᓗᒋᑦ, ᐅᓯᒍᑦᔨᒍᓐᓇᕋᑦᑎᒋᑦ ᐃᓂᓪᓚᓯᒪᓂᖃᕈᓐᓇᑐᓂᒃ ᖃᓄᑎᒋᒃ ᐊᖏᓂᖃᕐᓂᒥᓄᑦ ᖃᓄᑎᒋᓪᓗ ᐅᐃᒪᖁᔨᓂᒃᑯᑦ ᑭᖕᖒᒪᑦᓯᒍᑎᑦᓯᓄᑦ.

ᓯᕗᓪᓕᐅᔨᒐᑦᓴᓕᐊᖑᓯᒪᔪᑦ

ᐃᓄᐃᒃᑯᑦ ᓯᕗᓪᓕᐅᔨᒐᓴᓕᐊᖑᓯᒪᔪᓂᒃ ᐱᑦᔪᔨᒍᑎᒋᓲᖏᑦ ᓱᑲᑦᑐᒪᕆᐅᑦᓱᑎᓪᓗ ᐃᓱᐊᕐᑑᓱᑎᓪᓗ ᐱᓇᓱᒍᑎᑦᓴᓕᐊᖑᓯᒪᓲᒍᓄᑦ ᐊᑐᕐᑕᐅᒍᓐᓇᓱᑎᒃ ᐃᓘᓐᓇᒐᓚᖏᓐᓄᑦ ᐅᓯᔭᐅᑎᑦᓯᒍᑎᑎᒍᑦ ᑭᖕᖒᒪᓇᓲᓄᑦ. ᐃᓘᓐᓇᖏᓐᓂ ᐃᓄᐃᒃᑯᑦ ᐃᖏᕐᕋᑎᑦᓯᕕᒋᓱᖏᓐᓂ ᒥᕝᕕᓂ ᐊᑐᐃᓐᓇᐅᔪᑦ (ᒪᓕᒐᓪᓗᑯᐊᐱᑦᑕᑕᐅᒍᑎᖃᕐᓯᒪᑦᓱᑎᒃ). ᑌᒣᒃᑲᓗᐊᕐᓱᑎᒃ, ᓯᕗᓪᓕᐅᔨᒐᑦᓴᓕᐊᖑᓯᒪᓗᑎᒃ ᐊᐅᓪᓚᑎᑕᐅᓇᓱᑦᑐᑦ ᐊᓯᒥᓂᒃ ᓇᒻᒥᓂᖅ ᐃᓄᐃᒃᑯᑎᒍᑦ ᐊᐅᓚᒍᓐᓇᖏᑦᑕᑎᓐᓂᒃ ᐃᓚᖃᕐᑎᑕᐅᕐᖃᔭᖕᖏᓚᑦ.

ᐊᐅᓪᓚᑎᒋᐊᓕᓐᓂᒃ ᓯᕗᓪᓕᐅᔨᒐᑦᓴᓕᐊᖑᒪᔪᑎᒍᑦ ᐅᓯᔭᐅᑎᓪᓗᒍ ᐊᐅᓪᓚᑐᑦᓴᓕᐅᕐᓯᒪᑐᐊᕈᕕᑦ, ᓱᕐᖁᐃᑐᒥᒃ ᓯᕗᓪᓕᐅᔨᔭᐅᔨᐊᖃᖕᖏᓂᐅᔭᖕᖏᓚᑎᑦ ᖃᖓᑦᑕᔫᖅ/ᑎᒻᒥᔫᖅ ᐅᓯᓕᕐᑐᑕᐅᓕᕐᐸᑦ ᐅᓯᓕᐅᑦᔭᐅᖄᕋᔭᕐᑐᖅ ᐅᐸᑦᑕᒥᓄᓪᓗ ᑎᑭᑦᓴᐅᑎᒋᒍᓐᓇᕕᓕᒫᖓᒍᑦ ᑎᑭᐅᑎᑎᑕᐅᓂᖃᕋᔭᕐᓱᓂ. ᐃᓄᐃᒃᑯᑦ ᓯᕗᓪᓕᐅᔨᒐᑦᓴᓕᐊᖑᓯᒪᔪᓂᒃ ᐅᓯᒍᑦᔨᓂᒃᑯᑦ ᐱᑦᔪᔨᒍᑎᖏᑦ ᐃᓚᖃᓲᖑᕗᑦ ᐃᓗᐃᑦᑐᓯᐊᓂᒃ ᖃᖓᑦᑕᐅᓰᒍᑎᕕᓂᑎᓐᓂᒃ ᐅᑎᕐᕕᐅᒍᑎᖃᕋᔭᕐᑎᓗᑎᑦ ᐊᐅᓪᓚᑎᑕᕕᓃᑦ ᐊᓯᐅᔨᔭᐅᑦᓴᓂᕐᐸᑦ ᐅᕝᕙᓗᓐᓃᑦ ᓯᖁᑦᑎᔨᐊᖑᑦᓴᓂᕐᐸᑦ. ᐊᐅᓪᓚᑎᑕᕕᓃᓪᓗ ᐅᐸᑦᑕᒥᓄᑦ ᑎᑭᐅᑎᓯᒪᖕᖏᑐᐊᕐᐸᑦ ᑎᑭᕝᕕᒋᓛᕐᑕᖓ ᐅᓪᓗᖅ ᐅᖃᕐᑕᐅᔪᕕᓂᖅ ᐊᓂᒍᕐᓯᒪᓕᕐᑎᓗᒍ, ᖃᖓᑦᑕᐅᑎᖏᑦ ᐊᑭᓕᕐᑕᕕᓂᑎᑦ ᐃᑭᓕᒋᐊᕐᑕᐅᓗᑎᒃ ᐊᑦᔨᒋᔭᐅᓕᕋᔭᕐᑐᑦ ᐃᓘᓐᓀᓄᑦ ᖃᖓᑦᑕᐅᓯᕐᑐᐃᒍᑎᐅᑦᓱᑎᒃ ᐅᓄᕐᓂᕆᔭᐅᑎᑕᐅᓲᓄᑦ.

ᑐᑭᓯᒋᐊᒃᑲᓂᕈᒪᒍᕕᑦ ᐃᓕᖓᔪᓂᒃ ᓯᕗᓪᓕᐅᔨᒐᑦᓴᓕᐊᖑᓯᒪᔪᓂᒃ ᐅᓯᒍᑦᔨᓂᕐᒥᒃ ᐱᑦᔪᔨᕕᑦᑎᓅᓕᖓᔪᓂᒃ, ᖃᐅᔨᒋᐊᕐᕕᖃᕐᑐᓴᐅᕗᑎᑦ ᐃᓄᐃᒃᑯᑦ ᐊᓪᓚᕕᖓᓐᓂᒃ ᐃᓕᓐᓄᑦ ᖃᓂᓐᓂᐹᑐᐃᓐᓇᒥᒃ.


ᐃᓘᓐᓈᓄᓕᖓᔪᑦ

ᐃᓘᓐᓈᓄᓕᖓᔪᑦ ᐅᓯᒍᑦᔭᐅᒍᑎᐅᓂᕋᕐᑕᐅᔪᑦ ᑌᒃᑯᐊᖑᕗᑦ ᐅᓯᒍᑦᔨᓂᒃᑯᑦ ᐱᑦᔪᔨᒍᑎᒋᓲᖏᑦ ᐊᑐᕐᑕᐅᕙᓪᓗᓲᖑᑦᓱᑎᒃ ᐃᓄᐃᒃᑯᑦ ᐱᑦᔪᔨᓲᖏᓐᓄᑦ ᐅᓯᒍᑦᔭᐅᒍᑎᒋᒋᐊᓕᒻᒥᓂᒃ ᑭᖕᖒᒪᒋᔭᖃᓕᑐᐊᕋᒥᒃ ᑖᒃᑯᐊᓗ ᐊᑐᕐᑕᐅᓗᐊᖕᖑᐊᓲᖑᕗᑦ ᐱᑦᔪᑎᖃᕐᓱᑎᒃ ᓱᓇᐅᒐᓗᐊᕐᐸᑕ ᐅᓯᒍᓐᓇᕈᑕᐅᓂᕐᒥᓂᒃ. ᐅᓯᑦᓴᓕᐊᑦ ᐊᓪᓚᓯᒪᔪᖃᐅᑎᐅᑦᓱᑎᒃ ᐴᑦᓴᔭᐅᑉᐸᑕ ᓱᔪᒐᔭᕐᑐᔭᐅᑉᐸᑕᓗᓐᓃᑦ ᐃᓕᒪᓇᑐᐃᓐᓇᕆᐊᓕᐅᑉᐸᑕᓗᓐᓃᑦ ᐃᓚᐅᒻᒥᑎᓪᓗᒋᑦ ᐊᖏᔪᐊᓘᓪᓗᐊᖏᑦᑐᑦ ᓄᓇᒃᑯᔫᑦ. ᐃᓘᓐᓈᓄᓕᖓᔪᓂᒃ ᐅᓯᒍᑦᔭᐅᒍᑎᓂᒃ ᐊᑐᕐᑕᖃᕐᓂᖅ ᐊᑐᕐᑕᐅᔪᑦᓴᓯᐊᒻᒪᕆᐊᓘᕗᖅ.


Sulukpac/ᓱᓗᒃᐹᒃ

Sulukpac/ᓱᓗᒃᐹᒃᒥᒃ ᑌᔭᐅᑦᔪᑎᓕᒃ ᐅᓯᔭᐅᑎᑦᓯᓂᕐᒥᒃ ᐱᑦᔪᔨᒍᑎ ᐱᐅᓂᕐᐹᓚᕆᐅᕗᖅ ᓱᑲᑦᑑᓱᓂ, ᐊᑭᓕᐅᕐᑕᐅᒪᒍᑎᖏᓪᓗ ᐅᓄᕐᓂᓕᐅᕐᑕᐅᒪᑦᓱᑎᒃ ᖁᕝᕙᐸᓪᓕᐊᓂᖃᕐᖃᔭᖕᖏᑐᓂᒃ ᐃᓄᕐᓴᕆᐊᕐᖃᔭᖕᖏᑑᑦᓱᑎᓪᓘᑐᓂᒃ ᐅᓯᒍᑦᔨᒍᑎᐅᓲᖑᑦᓱᑎᒃ ᓱᓇᑐᐃᓐᓇᓂᒃ 2.2 ᑭᓗᑯᔮᒻ ᐊᑖᓂ ᐅᖁᒣᓐᓂᓕᓐᓂᒃ ᐊᑭᓕᐅᕐᑕᐅᒪᒍᑎᖏᑦ ᑐᖕᖓᕕᖃᖕᖏᑐᑦ ᓇᒧᖕᖓᓂᕐᒥᓂᒃ ᑐᖕᖓᕕᑐᐊᖃᕋᒥᒃ ᐃᓄᐃᒃᑯᑦ ᐅᐸᓲᖏᓐᓅᓂᕐᒥᓂᒃ. ᑖᒃᑯᐊ ᓱᑲᑦᑑᓱᑎᓪᓗ ᑮᓇᐅᔭᕐᑐᓂᖃᓪᓗᐊᕋᑎᓪᓗ ᐱᑦᔪᔨᒍᑎᐅᓲᑦ ᐱᑦᔪᔭᐅᔪᓄᑦ ᓱᕐᖁᐃᓯᓯᒪᒍᑎᐅᓲᖑᕗᑦ ᖃᐅᔨᒪᒍᑎᐅᑦᓱᑎᒃ ᐴᑦᓴᔭᖁᑎᖏᓪᓗᓃᑦ ᒥᑭᔫᑦᓱᑎᓪᓗᓃᑦ ᐃᑦᓯᕕᐊᐱᖁᑎᖏᑦ ᐅᐸᑦᑕᒥᓄᑦ ᑎᑭᐅᑎᑎᑕᐅᓛᕆᐊᖏᓐᓂᒃ ᖃᐅᑐᐊᕐᐸᑦ.


ᐊᐅᓪᓚᑎᑕᐅᑲᑕᖏᓐᓇᓲᖑᖕᖏᑐᓂᒃ ᐱᖁᑎᓂᒃ ᐊᓯᖏᓐᓂᓗ ᖃᖓᑦᑕᐅᑎᓕᐅᕆᓯᒪᒍᑏᑦ

ᐊᐅᓪᓚᑎᑕᐅᑲᑕᓲᖑᖕᖏᑐᓂᒃ ᐱᖁᑎᓂᒃ ᐊᓯᖏᓐᓂᓗ ᖃᖓᑦᑕᐅᑎᓕᐅᕆᓯᒪᒍᑏᑦ ᐅᓯᔭᐅᑎᑦᓯᒍᑎᑎᒍᑦ ᐱᑦᔪᔨᕕᒻᒥ ᓴᕐᕿᑎᑕᐅᒍᑎᖃᕐᓯᒪᕗᑦ ᑲᒪᒋᔭᖃᕆᐊᕈᑕᐅᑦᓱᑎᒃ ᑭᖕᖒᒪᑦᓯᒍᑎᓪᓗᑯᐊᐱᒋᓲᖏᓐᓂᒃ ᓄᓇᓕᑐᖃᐅᑦᓱᑎᒃ ᐃᓅᖃᑎᒌᖑᔪᑦ ᓄᓇᕕᒻᒥ, ᑖᒃᑯᐊ ᒪᓂᒪᑎᑕᐅᓲᖑᔪᑦ ᐊᑭᑭᓕᒋᐊᕐᓯᒪᔪᓂᒃ ᖃᖓᑦᑕᐅᑎᖃᕐᑎᓯᒍᑎᑦᓴᐅᓱᑎᒃ ᐃᓄᐃᑦ ᐃᓗᕐᖁᓯᖏᓐᓄᑦ ᖃᐅᑕᒫᓪᓗ ᐃᓅᓯᖏᓐᓄᑦ ᐱᑐᑦᓯᒪᓂᖃᓪᓚᕆᑦᑐᓂᒃ ᓄᓇᒥᓐᓂ. ᑕᒪᒃᑯᐊ ᐃᓚᖃᕈᓐᓇᑐᑦ ᐃᓄᐃᑦ ᓂᕿᑐᐃᓐᓇᖏᓐᓂᒃ, ᓴᓇᖕᖑᐊᕋᑦᓴᖏᓐᓂᒃ, ᓱᔪᓲᖑᑦᓱᑎᒃ ᓂᕿᓂᒃ, ᖃᔭᕆᐊᑦ ᕿᐊᕐᖑᔫᖏᓐᓂᒃ, ᓯᑮᑐᓂᒃ ᓯᑕᒪᓂᓪᓗ ᐊᑦᓴᓗᐊᓕᑲᓪᓚᐅᓱᑎᒃ ᐃᖏᕐᕋᐅᑎᓂᒃ.

ᑖᒃᑯᐊ ᐊᐅᓪᓚᑎᑕᐅᑲᑕᖏᓐᓇᓲᖑᖕᖏᑐᓂᒃ ᐱᖁᑎᓂᒃ ᐊᓯᖏᓐᓂᓗ ᖃᖓᑦᑕᐅᑎᓕᐅᕆᓯᒪᒍᑏᑦ ᐱᑦᔪᔨᒍᑕᐅᓂᕐᒥᒍᑦ ᐃᓅᒐᓱᒋᐊᖃᕐᓂᑯᑦ ᐊᓐᓇᐅᒪᒍᑎᓪᒪᕆᐊᓘᔪᑦ ᓄᓇᕕᒻᒥᐅᓄᑦ ᐃᓄᖏᓐᓄᓗ—ᐊᑭᑐᓗᐊᓚᐅᕐᓯᒪᓇᑎᒃ. ᑐᑭᓯᒋᐊᒃᑲᓂᕈᒪᔪᑦ ᑕᒪᒃᑯᓄᖓ ᐱᐅᓯᕆᔭᐅᖏᓐᓇᓗᐊᓲᖑᒐᑎᒃ ᐅᓯᑦᓴᓂᒃ ᐱᑦᔪᔨᒍᑎᐅᓲᓄᓕᖓᔪᓂᒃ, ᐅᖄᓚᕕᖃᕈᓐᓇᐳᑦ ᐃᓄᐃᒃᑯᑦ ᐅᓯᑦᓴᓂᒃ ᐱᑦᔪᔨᕕᖓᓂᒃ.


ᐃᓚᐅᔪᖅ

ᐃᓚᐅᔪᖅ ᓴᓇᔭᐅᒍᑎᖃᕐᓯᒪᕗᖅ ᖃᖓᑦᑕᔫᒃᑯᑦ/ᑎᒻᒥᔫᒃᑯᑦ ᐊᐅᓚᓂᐅᒍᓐᓇᑐᓂᒃ ᐅᒃᑯᐃᖔᓕᐅᒥᑎᑦᓯᓇᓱᒍᑎᐅᑦᓱᓂ ᓄᓇᕕᐅᑉ ᐃᓄᑐᐃᓐᓇᖏᓐᓂᒃ, ᐱᑕᖃᕐᑎᓯᒍᑎᑦᓴᐅᓗᓂ ᐊᑭᑭᓕᒋᐊᕐᓯᒪᔪᓂᒃ ᖃᖓᑦᑕᐅᑎᑖᕈᓐᓇᓂᐅᒍᓐᓇᑐᓂᒃ ᓄᓇᕕᐅᑉ ᐱᕙᓪᓕᖁᑎᑖᕐᑕᑐᖏᓐᓄ ᐱᓇᓱᒐᕐᒥᒍᓪᓗ ᐃᓅᓯᕐᒥᒍᓪᓗ ᓄᓇᓖᑦ ᐊᑯᕐᖓᓂ ᐊᕐᕕᑕᕐᓂᖃᕆᐊᖃᕐᓂᓴᐅᓲᖑᑦᓱᑏᕐᑐᓄᑦ.

ᐃᓚᐅᔪᒃᑯᑎᒍᑦ ᐱᓇᓱᒍᑎᓕᐊᖑᒪᔪᓂᒃ ᐊᑐᕐᓱᑎᒃ ᓄᓇᕕᒻᒥᐅᑦ ᐱᒍᓐᓇᑎᑕᐅᓲᖑᕗᑦ 75%-ᒥᒃ ᐊᑭᑭᓕᒋᐊᕆᒍᓐᓇᓂᕐᒥᒃ ᖃᖓᑦᑕᐅᑎᓄᑦ ᐊᑭᓕᐊᖑᒪᔪᓂᒃ, ᑕᒪᑐᒥᖓᓗ ᐊᕐᕌᒍᓕᒫᒥ ᒪᕐᕈᕕᑦᓱᑎᒃ ᐊᑐᕈᓐᓇᕕᖃᕐᑎᑕᐅᓲᖑᑦᓱᑎᒃ. ᐃᓄᐃᑦ ᑖᒃᑯᓂᖓ ᐱᕕᖃᕐᑎᑕᐅᒍᑎᓖᑦ ᐊᑕᐅᓯᐊᕐᓗᑎᒃ ᐅᓯᔭᐅᑎᑦᓯᓂᖃᕈᓐᓇᒥᔪᑦ ᓯᑕᒪᓂᒃ ᐊᑦᓴᓗᐊᓕᑲᓪᓚᒥᒃ ᐃᖏᕐᕋᐅᑎᒥᒃ, ᓯᑮᑐᒥᓪᓗᓃᑦ ᐅᕝᕙᓗᓐᓃᑦ ᖃᔭᕆᐊᑦ ᕿᐊᕐᖑᔫᖏᓐᓂᒃ 75%-ᓄᑦ ᐅᓯᓂᒃ ᐊᑭᓕᐅᕆᒍᑎᐅᓯᒪᔪᑦ ᐊᑭᑭᓕᐊᕐᓯᒪᔪᓂᒃ ᐅᓯᔭᐅᒍᑎᖃᕐᑎᓗᒋᑦ ᖃᖓᑦᑕᔫᖃᕐᑎᓯᒍᑎᐅᓲᑎᒍᑦ ᑰᓐᓂᐊᑎᒃᑯᓄᑦ ᐅᐸᐅᑎᓂᖃᓲᓂᒃ ᐱᑐᑦᓯᒪᑦᓱᑎᒃ ᓄᓇᕕᒻᒥᐅᑦ ᓄᓇᓕᖏᓐᓄᑦ ᐅᓄᕐᓂᐹᖃᕈᓐᓇᓱᑎᒃ $800-ᓂᒃ ᐃᓚᐅᑎᓪᓗᒋᑦ ᖃᖓᑦᑕᐅᓯᒍᑏᑦ ᑖᒃᓯᖏᑦ.

ᖃᐅᔨᒋᐊᕈᒪᒍᕕᑦ ᖃᓄᐃᓕᖓᓕᕐᒪᖔᑕ ᐅᓯᔭᐅᑎᑕᑎᑦ, ᐅᖃᓕᒪᕕᖃᕐᑐᓴᐅᕗᑦ ᐱᓇᓱᑦᑎᑕ ᓇᓪᓕᖓᓐᓂᒃ ᐅᓯᔭᐅᓛᕐᑐᓂᒃ ᐊᐅᓪᓚᑐᑦᓴᓕᐅᕐᕕᕕᓂᕐᓂᒃ. ᑐᑭᓯᒍᒪᒍᕕᑦ ᐃᓚᐅᔪᒃᑯᑎᒍᑦ ᐅᓯᔭᐅᑎᑦᓯᒍᑎᑦᓴᖃᕐᒪᖔᕐᐱᑦ ᐅᕝᕙᓗᓐᓃᑦ ᐃᓚᐅᔪᒃᑯᑎᒍᑦ ᖃᖓᑦᑕᐅᑎᓂᒃ ᐊᑭᑭᓕᒋᐊᕆᒍᑎᑦᓴᑎᓐᓅᓕᖓᔪᓂᒃ ᐅᖃᓕᒪᕕᖃᕆᐊᖃᕐᐳᑎᑦ ᐃᑭᒍᑎᑦᓴᓕᕆᕕᒻᒥᒃ ᐅᕗᖓ ᐅᖄᓚᓗᑎᑦ
1 800 361-2965 ᖃᕆᑕᐅᔭᒃᑯᓗᓐᓃᑦ ᑕᑯᒋᐊᕐᓗᑎᑦ ᐅᕙᓂ www.airinuit.com/iu/ilaujuq.


ᓱᔪᒍᐊᕐᑐᑦ

ᓄᓇᕕᒻᒥᐅᓂᒃ ᓂᕆᓯᒪᑦᓯᐊᑎᑦᓯᓂᕐᓗ ᖃᓄᐃᖕᖏᓯᐊᕐᑎᓯᓇᓱᓐᓂᓗ ᐱᑕᖃᓪᓚᕆᑦᓱᑎᒃ ᐱᑦᔪᔨᒍᑎᐅᒋᐊᖃᕐᐳᑦ ᓄᓇᒥᒃ ᐃᓄᐃᒃᑯᑦ ᐱᑦᔪᔨᕕᒋᒋᐊᖓᑦ ᖁᕕᐊᒋᒻᒪᕆᑦᑕᖓᓂᒃ. ᓂᖀᑦ ᐱᕈᕐᑐᕕᓃᑦ ᖃᓪᓗᓈᑦ ᓄᓇᖓᓐᓂ ᑭᓯᐊᓂ ᐱᔭᐅᒍᓐᓇᑐᑦ ᑯᐯᒃ ᓯᕿᓂᖓᓂᑦ ᑕᕐᕋᒧᑦ ᑎᑭᐅᑎᔭᐅᓵᕆᐊᖃᓲᖑᕗᑦ ᐴᕐᑐᓯᒪᒋᐊᖃᓲᖑᑦᓱᑎᓪᓗ ᐱᑦᓯᐊᓯᒪᕖᖕᖓᕋᓱᑦᓱᒋᑦ ᓂᕿᑦᓯᐊᖑᒍᑎᖏᑦ ᓱᔪᖁᓇᒋᑦ ᐃᓘᓐᓀᓄᓪᓗ ᐊᑐᐃᓐᓇᐅᖁᑦᓱᒋᑦ.

ᐃᑉᐱᒋᑦᓯᐊᒪᕆᐊᓗᑦᓱᒋᑦ ᑲᒪᒋᔭᐅᒋᐊᖃᓲᑦ ᐃᓱᒫᓗᓐᓇᑐᑦ ᐃᓚᖃᕐᑎᓗᒋᑦ ᓇᔪᕐᑕᖏᑕ ᖃᓄᑎᒋᒃ ᓂᓪᓚᓱᓐᓂᖃᕐᓂᕆᒋᐊᓕᖏᓪᓗ ᐊᐅᓚᑕᐅᓂᖏᓪᓗ ᐱᓇᓱᑦᑕᐅᓲᑦ ᐃᓄᐃᒃᑯᑦ ᐱᓇᓱᓕᓂᐅᓕᕐᓱᑎᒃ ᐱᓇᓱᑦᑎᖏᓐᓄᑦ ᑕᒪᓐᓇᓗ ᑌᒣᓲᖑᕗᖅ ᐱᑦᔪᔭᑦᑕ ᐊᑦᑕᓇᕐᑐᒪᕆᐊᓘᑎᓪᓗᒋᑦ ᓱᔪᒍᐊᕐᑐᖁᑎᖏᑦ ᑲᒪᒋᔭᐅᑦᓯᐊᕈᓐᓇᕕᓕᒫᒥᒍᑦ ᑲᒪᒋᔭᐅᓯᒪᓗᑎᑦ ᐅᐸᑦᑕᒥᓄᑦ ᑎᑭᐅᑎᑦᓯᐊᖁᑦᓱᒋᑦ ᓄᑌᔪᕈᓐᓇᕕᓕᒫᒥᒍᑦ ᓄᑌᔪᖏᓐᓇᓗᑎᓪᓗ, ᑎᐸᖃᑦᓯᐊᖏᓐᓇᓗᑎᓪᓗ ᓂᕿᑦᓯᐊᖑᖏᓐᓇᓗᑎᓗ ᐱᕕᓕᒫᒥᒍᑦ.