ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X

ᖃᖓᑦᑕᔫᓂᒃ/ᑎᒻᒥᔫᓂᒃ ᐊᑦᑕᑐᐊᖑᑎᑦᓯᓂᕐᓄᑦ ᐱᑦᔪᔨᕕᒃ

ᖃᖓᑦᑕᔫᓂᒃ/ᑎᒻᒥᔫᓂᒃ ᐊᑦᑕᑐᐊᖃᕆᐊᒥᒃ ᐱᔭᕆᐊᑭᓐᓂᓴᐅᕗᖅ ᐃᓱᒪᒋᒐᔭᕐᑕᓂᑦ, ᖃᓄᑐᐃᓐᓈᕈᓐᓇᕕᖃᕐᓂᓴᐅᑦᓱᑎᓪᓗ ᖃᖓᑕᕕᑦᓴᓕᐅᕐᑕᐅᒪᔪᓂᒃ ᐃᖏᕐᕋᐅᑎᖃᕐᓂᐅᑉ ᓴᓂᐊᓂ.

ᓯᕗᓪᓕᐹᒥ ᐃᑦᓯᕙᕕᑦᓴᑐᐃᓐᓇᓂᒃ ᓂᐅᕕᐊᖃᖕᒋᓇᑦᓯ, ᖃᖓᑦᑕᔫᓕᒫᒥᒃ/ᑎᒻᒥᔫᓕᒫᒥ ᐊᑐᓚᖓᑦᓱᓯ ᐋᕐᖀᒍᑎᖃᕋᑦᓯ. ᓇᒻᒥᓂᕐᓗ ᑐᑭᑖᕈᑎᖃᕈᓐᓇᓱᓯ ᓇᓪᓕᐊᓂᓪᓗ ᖃᓄᑎᒋᓪᓗ ᐊᖏᓂᓕᒻᒥᒃ ᖃᖓᑦᑕᔫᒥᒃ/ᑎᒻᒥᔫᒥᒃ ᐊᑐᕈᒪᓚᖓᒻᒪᖔᑦᓯ ᖃᓄᕐᓗ ᐃᓄᑦᑕᖃᓚᖓᓂᖓ ᐃᓂᓪᓚᓯᒪᖁᒻᒪᖔᑦᓯᐅᒃ. ᐳᔪᓕᐊᓗᖁᑎᕗᑦ 737-200ᕋ-ᓕᒃ, ᐆᑦᑑᑎᒋᓗᒍ, ᐋᕐᕿᓱᕐᓯᒪᒍᓐᓇᑐᖅ ᐊᒥᓱᐃᓂᒃ ᐅᓯᑎᒍᑦ ᖃᓄᐃᓕᖓᒍᑕᐅᖁᔭᐅᔪᓂᒃ ᐃᓂᓪᓚᑕᐅᒪᒍᑎᖃᕐᓗᓂ, ᑌᒣᒻᒪᑦ ᐊᑕᐅᓯᑐᐃᓐᓇᒥᒃ ᖃᖓᑦᑕᔫᒥᒃ ᐊᑦᑕᑐᖃᕋᓗᐊᕈᕕᑦ ᐅᓯᒍᓐᓇᕋᔭᕐᐳᓯ ᐅᖁᒣᑦᑐᓂᒃ ᐊᐅᓚᐅᑎᓂᒃ, ᐳᕐᑐᓂᕐᓴᒥᒃ ᐱᓇᓱᑦᑎᖁᑎᓯᓐᓂᓗ ᐱᓇᓱᑦᑎᑐᐃᓐᓇᓯᓐᓂᓗ ᐊᑕᐅᑦᓯᑯᑦ ᐅᓯᓗᒋᑦ ᑮᓇᐅᔭᕐᑐᓗᐊᕈᒪᖕᖏᒧᑦ. ᒥᑭᓂᕐᓴᓂᒃ ᑎᒻᒥᔫᓂᒃ/ᖃᖓᑦᑕᔫᓂᒃ ᐊᑐᐃᓐᓇᖃᕐᒥᔪᒍᑦ ᓱᖃᑦᓯᓂᕐᒥᒃ ᐊᐅᓚᒍᑎᖃᖔᓚᖓᑐᐊᕈᑦᓯ.

ᑐᑭᑖᕈᑎᖃᕐᓯᒪᒍᓐᓇᒥᔪᓯ ᖃᓄᑎᒌᕐᑐᓂᒃ ᐱᑦᔪᔭᐅᓂᖃᕈᒪᓂᑦᓯᓄᑦ. ᑕᒪᓐᓇ ᑐᑭᓕᒃ ᓱᓇᓕᒫᓂᒃ ᑎᑭᓪᓗᒋᑦ ᖃᖓᑕᓂᖃᕐᓂᓴᓯ ᐃᑲᐅᕐᓂᑎᒍᑦ/ᑫᕙᓪᓚᒍᓯᑎᒍᑦ ᐋᕐᕿᑕᐅᒪᖁᔨᒍᑎᓯ, ᖃᑦᓯᓂᓪᓗ ᐱᒪᔨᖃᕈᒪᒻᒪᖔᑦᓯ ᖃᖓᑦᑕᔫᒥ/ᑎᒻᒥᔫᒥ ᖃᑦᓯᕕᓪᓗᓯᓗ ᓂᕆᑎᑕᐅᓂᖃᕈᒪᓂᓯᓐᓂᒃ ᑐᑭᑖᕆᒍᑎᖃᕐᓯᒪᒍᓐᓇᒥᑦᓱᓯ.

ᑌᒣᒻᒪᒃ ᐸᕐᓇᕈᑎᓯ ᐃᓕᖓᑉᐸᑕ ᐊᓃᕐᓇᑐᒥ ᖁᕕᐊᒋᔭᕐᓯᐅᓂᑐᐃᓐᓇᒥᒃ ᐊᐅᓪᓚᖑᐊᕈᑎᖃᕐᓂᓄ, ᓱᑯᐃᔦᓂᕐᒨᓕᖓᔪᓂᒃ ᐊᐅᓪᓚᕈᑎᖃᕐᓂᓄᑦ ᐅᕝᕙᓗᓐᓃᑦ ᑮᓇᐅᔭᓕᐅᕋᓱᒍᑎᑦᓴᓂᒃ ᐱᑦᔪᑎᖃᕐᓗᓯ ᐊᐅᓪᓚᕈᑦᓯ, ᐃᓄᐃᒃᑯᑦ ᐊᒥᓱᐃᓂᒃ ᖃᖓᑦᑕᔫᖁᑎᖃᕐᐳᑦ/ᑎᒻᒥᔫᖁᑎᖃᕐᐳᑦ ᐱᑦᔪᔨᒍᑎᑦᓴᖃᕐᓱᑎᓪᓗ ᓇᓪᓕᑳᕝᕕᒋᒍᓐᓇᑕᑦᓯᓂᒃ ᐊᐅᓚᒍᑎᖃᕐᓂᑯᑦ ᑭᖕᖒᒪᑦᓯᒍᑎᑦᓯᓂᒃ ᐱᑦᔪᔨᒍᓐᓇᑐᓂᒃ.

ᑐᑭᓯᒋᐊᒃᑲᓂᕈᑎᖃᕈᒪᒍᑦᓯ ᐊᑦᑕᑐᐊᖃᕐᑎᓯᓂᕐᓄᑦ ᐱᑦᔪᔨᒍᑎᑦᑎᓂᒃ, ᐅᖃᓕᒪᕕᖃᕐᑐᓴᐅᕗᓯ ᐊᑦᑕᑐᐊᖃᕐᓂᒧᑦ ᐱᑦᔪᔨᕕᑦᑎᓂᒃ ᐅᕗᖓ ᐅᖄᓚᓗᓯ 1 800 661-5850.