ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
Photo by/Photo par: Zebedee Annahatak

ᑲᖏᕐᓱᒃ

ᑲᖏᕐᓱᒃ ᓄᓇᓕᐅᕗᖅ ᑲᓪᓗᓈᕐᑎᑐᑦ ᑲᖏᕐᓲᑉ ᐊᑦᓯᕋᐅᑎᖓᑕ ᐲᓐ ᑰᑉ ᑕᕐᕋᖓᑕ ᓯᓈᓂᑦᓱᓂ, ᐅᖓᓯᑦᑑᒐᓂ ᐅᖓᕙᒥᑦ, ᐊᑯᓐᓂᐊᓂ ᑕᕐᕋᒥ ᒪᓃᑦᑐᒥᒃ ᐃᓐᓈᕈᖃᕐᓱᓂ, ᖃᕐᖄᓗᖃᕐᓱᓂᓗ ᙯᕐᑐᔮᒥᒃ ᓯᕿᓂᐅᑉ ᓂᐱᕝᕕᐊᓂᑦᑐᒥᒃ. ᐊᒥᓱᐊᓗᐃ ᑕᓰᓪᓗ ᑰᓪᓗ ᓇᓂᒥᐅᑐᐃᓐᓇᓕᒫᓄᑦ ᖃᐅᔨᒪᔭᐅᒻᒪᕆᑦᑐᑦ ᐃᖃᓗᑉᐱᓂᓪᓗ ᐃᓯᐅᕋᓕᑦᑖᓂᓪᓗ ᐃᖃᓗᓐᓂᐊᕕᑦᓯᐊᖑᒋᐊᖏᑦ. ᐲᓐ ᑰᖓᑕ ᑎᓂᓪᓗᐊᑕᕐᓂᖓ ᐅᕕᓗᕐᑕᕕᑦᓯᐊᕌᓗᒍᑎᒋᔭᖓ. ᑲᖏᕐᓲᑉ ᓄᓇᖓᑕ ᐱᕈᕐᑐᖏᓪᓗ ᓂᕐᔪᑎᖏᓪᓗ ᑕᑯᒥᓇᕐᑐᔪᐊᕌᓗᒻᒥᔪᑦ. ᑲᖏᕐᓱᒧᑦ ᐅᖓᓯᑦᑑᓇᑎᒃ ᕿᑭᕐᑌᑦ ᑭᔭᒃ ᑲᖏᕐᓱᓗ ᑕᓯᕐᓗ ᐊᑦᓯᕋᐅᑎᓕᒃ ᑕᓯᕐᔪᐊᕈᓯᕐᒥᒃ ᒥᑎᕐᓄᑦ ᐃᕙᕕᐅᓲᖑᕗᑦ. ᐃᓄᑐᐃᓐᓀᑦ ᐊᕐᓇᖏᑦ ᑖᒃᑯᓇᖕᖓᑦ ᖁᓂᕈᕐᑕᓲᑦ ᐊᑎᒋᓕᐊᑦᓴᒥᓂᒃ ᐅᑭᐅᕌᓗᒻᒥ ᕿᐅᒋᒃᑯᑎᑦᓴᓐᓂᒃ ᑲᖏᕐᓱᒥᐅᓄᑦ.

ᐊᓯᒥ ᐃᓄᑐᐃᓐᓇᐅᖃᑎᒥ ᓄᓇᓕᖏᑐᑦ ᑯᐯᒃ ᑕᕐᕋᖓᓂ, ᑲᖏᕐᓱᒃ ᓄᓇᓕᖕᖑᓯᒪᕗᖅ ᐱᒋᐊᕈᑎᖃᖃᑕᐅᑦᓱᓂ ᓂᐅᕕᕐᑏᑦ ᓄᓇᓯᒪᕕᖓᓐᓂᒃ. ᕆᕓᔮᓐ ᕕᕆᐊᕇᒃᑯᑦ ᒍᐃᒍᐃᒻᒪᕇᑦ ᓄᓇᖓᓐᓂᒥᐅᔦᑦ ᓂᐅᕕᕐᕕᖁᑎᒥᓐᓂᒃ ᓇᑉᐯᓚᐅᕐᓂᒪᑕ !(@!-1ᒍᑎ9l, ᐊᕐᕌᒍᐃᓪᓗ ᓯᑕᒪᑦ ᐊᓂᒍᕐᒪᑕ, ᖃᑦᓴᓐ ᐯ ᑲᒻᐸᓂᒃᑯᑦ ᓂᐅᕕᕐᕕᖁᑎᒥᓐᓂᒃ ᓇᑉᐯᓕᓚᐅᕐᓂᒥᑦᓱᑎᒃ, ᑖᒃᑯᐊ ᑕᒪᕐᒥᒃ ᐃᓄᓐᓄᑦ ᐃᖏᕐᕋᑎᑕᐅᖃᑦᑕᓯᒪᔪᐃᓐᓇᐅᔫᒃ. ᑲᕙᒪᑐᖃᒃᑯᑦ ᐃᓕᓐᓂᐊᕕᖁᑎᖓᑦ ᐅᒃᑯᐃᑕᐅᓂᖃᕐᓯᒪᔪᖅ 1959-ᖑᓕᕐᑎᓗᒍ, ᐃᓄᑐᐃᓐᓇᓄᑦ ᑕᒃᑲᓂᑦᓭᓇᖅ ᓄᓇᓯᒪᒍᑎᖕᖑᓱᓂ. 1961-ᖑᓕᕐᑎᓗᒍ, ᑲᕙᒪᑐᖃᒃᑯᑦ ᐋᓐᓂᐊᓯᐅᕐᑎᑖᕆᓕᓚᐅᕐᓯᒪᒻᒥᔪᑦ, ᐃᓄᓐᓂᓗ ᐃᓪᓗᓕᐅᕆᑦᓱᑎᒃ ᐃᓄᓕᕆᔨᑖᕆᑦᓱᑎᓪᓗ, ᑕᒪᒃᑯᐊ ᐃᓂᓪᓚᑕᐅᓯᒪᓕᑐᐊᕐᒪᑕ ᓄᓇᓕᒃ ᓱᑲᑦᑐᒥᒃ ᐊᖏᓕᕙᓪᓕᐊᓯᓚᐅᕐᓯᒪᔪᖅ. 1965-ᖑᓕᕐᑎᓗᒍ ᐋᖕᓕᑲᒃᑯᑦ ᑐᑦᓯᐊᕕᖁᑎᒥᓂᒃ ᓇᑉᐯᓕᓚᐅᕐᓯᒪᒋᕗᑦ ᑲᖏᕐᓱᒥ ᐊᑯᓂᐅᖕᖏᑐᕐᓗ ᓄᓇᓖᑦ ᑯᐊᐸᒋᓂᐊᓕᕐᑕᖓᑦ ᓇᑉᐸᑕᐅᒻᒥᓱᓂ. 1981-ᖑᓕᕐᑎᓗᒍ, ᑲᖏᕐᓲᑉ ᓄᓇᓕᖓ ᑲᕙᒪᓄᑦ ᓇᓗᓀᕐᑕᐅᒍᑎᑖᕐᓯᒪᕗᖅ.

 

ᑕᑯᔭᑦᓭᓗ ᖃᓄᐃᓘᕈᑎᑦᓴᐅᔪᓪᓗ

ᑕᑯᔭᕐᑐᕋᑦᓴᐅᕗᖅ ᐲᓐ ᑰᒐᓗᐊ, ᓇᓂᒥᐅᓕᒫᓄᑦ ᖃᐅᔨᒪᔭᐅᑦᓯᐊᑐᖅ ᑎᓂᓐᓂᕙᓪᓗᐊᓘᒋᐊᖓ ᐅᕕᓗᕐᑕᕕᑦᓯᐊᒪᕆᐊᓘᒋᐊᖓᓗ. ᐊᒥᓱᑦ ᑕᓰᓪᓗ ᑰᓪᓗ ᐱᑕᖃᑦᓯᐊᑐᑦ ᐃᖃᓗᑉᐱᓂᒃ ᐃᓯᐅᕋᓕᑦᑖᓂᓪᓗ. ᓂᕐᔪᑏᑦ ᑕᑯᔭᐅᒍᓐᓇᑐᑦ ᑕᒫᓂ ᐃᓚᖃᕐᑐᑦ ᕿᓚᓗᒐᕐᓂᒃ, ᓇᑦᓯᓂᒃ, ᑐᑦᑐᓂᒃ ᐊᒥᒐᖕᖏᓗᑐᕐᑐᓂᓪᓗ ᑎᖕᒥᐊᓂᒃ. ᐃᑦᓴᓂᑕᑕᓕᒃ ᓄᓇᓕᒻᒧᑦ ᐅᖓᓯᑦᑑᖏᑦᑐᖅ ᐸᒥᐅᖅ ᕿᑭᕐᑕᓂ ᑕᑯᔭᑦᓴᑕᖃᕐᑐᖅ ᐃᓪᓗᑯᑕᕕᓂᐊᓗᓂᒃ ᐃᑦᓴᓂᑕᕐᓂᐊᑏᑦ ᐃᓚᖏᑦ ᑖᒃᑯᓂᖓ ᕓᑭᖕᓄᑦ ᐊᓂᕐᕋᕕᓂᐅᓂᐊᖕᖑᓯᓲᑦ, ᑕᒫᓂ ᓄᓇᓯᒪᔪᕕᓂᐅᒍᓇᐅᒻᒪᑕ ᑌᑦᓱᒪᓂᕐᔪᐊᒋᐊᓪᓚᒃ.

ᑐᑭᖓ

ᑲᖏᕐᓱᖅ

ᐃᓄᖏᑕ ᐅᓄᕐᓂᖏᑦ

549

ᓯᓚᖓ

Today -24°C
Tue -28°C
Wed -24°C