ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X

ᑰᒃᔪᐊᕌᐱᒃ

ᑰᒃᔪᐊᕌᐅᑉ ᓄᓇᓕᖓ ᓄᓇᓯᒪᕕᖃᕐᐳᖅ ᓯᐅᕌᒥᒃ ᓯᓈᓕᒻᒥ ᓄᓇᒥ ᑰᒃᔪᐊᕌᐱᐅᑉ ᑯᒑᓗᐊᑕ ᐹᖓᓂ. ᑕᕆᐅᕐᒧᑦ ᓵᖕᖓᓱᓂ ᑕᑯᓐᓇᕕᐅᑦᓯᐊᕈᓐᓇᑐᖅ ᑕᓯᐅᔭᕐᔪᐊᑉ ᐃᒪᕐᐱᖓᓂᓪᓗ ᒪᓂᑐᓄᒃᓗ ᕿᑭᕐᑕᖏᓐᓂᒃ ᓄᓇᐅᑉ ᓵᖓᓄᑦ ᐅᖓᓯᓐᓇᑎᒃ ᕿᑭᕐᑕᓂᒃ. ᙯᕐᑐᔮᖑᔪᖅ ᓯᑦᔭᖓ, ᑐᓄᒥᒍᑦ ᐃᓐᓈᕈᖃᕐᓱᓂ. ᓯᓈᒥ ᑲᖏᐊᓂ ᓄᓇᖃᕐᓱᓂ ᓄᓇᔭᓕᒻᒥᒃ ᒪᓂᕐᓂᓗ ᐅᔭᕋᓛᓂᓪᓗ ᐊᕗ¯ᓗᒃ ᑌᒣᓕᖓᔪᒥᒃ. ᑲᖏᕐᓱᖓ ᕿᑭᕐᑌᓗ ᓄᓇᖓᓄᑦ ᖃᓂᑦᑐᑦ ᑎᖕᒥᐊᖃᐅᑎᐅᓲᑦ, ᐃᒪᕐᒥᐅᑖᓗᓐᓄᓗ ᐊᖏᔪᖑᐊᕌᓗᓐᓄᑦ ᕿᓚᓗᒐᕐᓄᓗ ᐊᖏᕐᕋᐅᓱᓂ. 12 ᑭᓚᒦᑕᓂᒃ ᑕᕆᐅᒥᑦ ᓄᓇᒧᑦ ᐃᑎᑦᔭᑐᖃᕈᓂ ᑕᑯᑦᓴᐅᔪᖅ ᖁᕐᓗᑐᐊᓗᒃ ᐊᒦᑕᐸᓅᔅᒥᒃ ᐊᑦᓯᕋᐅᑎᓕᒃ.

ᑰᒃᔪᐊᕌᐱᒃ ᓄᓇᕕᐅᑉ ᓄᓇᓕᖁᑎᓕᒫᖏᓐᓂ ᓯᕿᓂᕙᓯᓐᓂᐹᖑᔪᖅ ᐊᑦᔨᐅᖏᑦᑑᒍᑎᖃᕐᓱᓂᓗ ᑕᒣᓐᓄᑦ ᐃᓄᑐᐃᓐᓇᓄᓪ ᐊᓪᓚᓄᓪᓗ ᑯᔩᓄᑦ ᓄᓇᓯᒪᕕᐅᓂᕐᒥᓂᒃ. ᐊᓪᓓᑦ ᓄᓇᓕᒻᒥᓂᒃ ᒍᐊᑉᒫᑯᔅᑐᒥᒃ ᐊᑦᓯᕌᕆᔪᑦ (ᑐᑭᖃᕐᑎᓗᒍ ‘ᕿᓚᓗᒐᕐᑕᓕᒻᒥᒃ’) ᑭᓯᐊᓂᓗᑦᑕᐅᖅ ᒍᐃᒍᐃᑎᑐᑦ ᐊᑦᓯᕋᐅᑎᖃᕐᒥᔪᖅ ᐴᔅ ᑕᓚ ᐸᓕᐋᓐᒥᒃ, ᑲᓇᑕᒥ ᐃᑭᑦᑐᐊᐱᓐᓄᑦ ᓄᓇᓕᓐᓄᑦ ᐱᖓᓱᓂᒃ ᐊᑦᓯᕋᐅᑎᓕᓐᓄᑦ ᐃᓚᒋᔭᐅᑦᓱᓂ. ᐃᓄᐃᑦᑕᐅᖅ 150 ᒥᑦᓯᑎᓐᓂ ᐊᒥᓲᓂᖃᕐᑐᑦ ᓄᓇᓯᒪᒻᒥᔪᑦ ᐊᓪᓓᑦ ᑯᔩᑦ ᐊᑯᕐᖓᓂ ᓄᓇᓕᒻᒥ ᐊᑦᓯᕋᐅᑎᓕᒻᒥ ᓯᔅᓵᓯᐱᒥᒃ (ᒣᓚᓯᒃ), ᑖᓐᓇ ᓄᓇᓕᒃ ᓯᕿᓂᕐᒦᑐᖅ ᓯᕿᓂᐅᑉ ᓂᐱᕝᕕᐊᓃᓐᓂᓴᐅᓱᑎᒃ, ᔦᒥᓯ ᐯ ᑲᖏᕐᓱᐊᓗᖓᓂ.

ᐃᓄᐃᑦ ᓯᕗᓕᖏᑦ, ᐊᓪᓓᓗ ᑯᔩᑦ ᓯᕗᓕᖏᑦ ᓄᓇᕐᖃᑎᒌᓐᓂᖃᕐᓯᒪᔪᑐᖄᓗᓕᕐᑐᑦ ᑕᒪᑐᒥᖓᓗ ᐱᐅᓯᖃᕐᑐᑐᖃᐅᑦᓱᑎᒃ ᐊᕐᕌᒍᑦ 3000-ᓃᑦᑐᑦ ᒥᑦᓯᑎᓐᓂ. ᖃᑦᓴᓐ ᐯ ᑲᒻᐸᓂᒃᑯᑦ ᐅᒃᑯᐃᓯᓚᐅᕐᑐᕕᓂᐅᔪᑦ ᓂᐅᕕᕐᕕᖁᑎᒥᓐᓂᒃ ᐊᕐᕌᒍᖓᓂ 1820 ᑕᒐᑕᒐ ᑰᒃᔪᐊᕌᐱᐅᑉ ᓄᓇᓕᖃᕐᕕᒋᓕᕐᑕᖓᓂ ᓄᓇᒥ, ᐅᒃᑯᐃᒍᑎᖃᓗᐊᖕᖑᐊᓱᑎᒃ ᕿᓚᓗᒐᕕᓂᕐᓂᓗ ᐊᓯᖏᓐᓂᓗ ᒪᑦᑕᓕᑦᓴᔭᐅᑦᓱᑎᒃ ᐆᒪᔪᕕᓂᕐᓂᒃ ᐱᑦᓴᓕᐅᕐᕕᖃᕈᒪᑦᓱᑎᒃ ᒥᕐᖁᓕᓐᓂᓗ ᐆᒪᔪᐃᑦ ᐊᒥᖏᓐᓂᒃ ᓂᐅᕐᕈᓭᓂᕐᒥᒃ ᐱᓂᐊᕐᓂᖃᕐᕕᒋᔪᒪᑦᓱᒍ. ᐋᖕᓕᑲᒃᑯᑦ ᐊᔪᕿᑦᑐᐃᔨᖏᑦ ᑐᑦᓯᐊᕕᖁᑎᒥᓐᓂᒃ 1882 ᐊᕐᕌᒍᖓᓂ ᓇᑉᐯᓚᐅᕐᑐᕕᓃᑦ ᑲᑐᓕᒃᑯᓗ ᑐᑦᓯᐊᕕᖁᑎᒥᓐᓂᒃ 1890-ᒥ ᓇᑉᐯᑎᓪᓗᒋᑦ. ᑌᒪᓕ ᑲᕙᒪᑐᖃᒃᑯᑦ ᓯᓚᓐᓂᐊᕕᖁᑎᑦᓴᒥᓂᒃ ᓇᑉᐯᓚᐅᕐᑐᕕᓂᐅᒐᓗᐊᕐᑎᓗᒋᑦ 1895 ᐊᕐᕌᒍᖓᓂ, ᐋᑐᒑᒥᑦᑐᑦ ᑲᕙᒪᑐᖃᒃᑯᑦ ᐱᑕᖃᕐᑎᓯᒍᑎᖃᕆᐊᖕᖓᓕᑌᓐᓇᓯᒪᕗᑦ ᐱᕕᑭᓈᕐᓯᒪᔪᒥᒃ ᐋᓐᓂᐊᓯᐅᕆᓂᒃᑯᑦ ᐃᑲᔪᕐᓯᒍᑎᓂᒃ ᐳᓖᓯᖃᕐᑎᓯᓂᕐᒥᓗ ᐊᕐᕌᒍᑦ
1901-ᒥᑦ ᐱᒋᐊᕐᓱᑎᒃ 2000-ᒧᑦ ᑎᑭᑦᑐᑦ ᐊᑯᓐᓂᖓᓐᓂ.

ᑖᓐᓇ ᓄᓇᓕᒃ ᐱᕈᕐᐸᓕᐊᓂᖃᓯᔪᕕᓂᖅ 1930-ᓃᑦᑐᑦ ᐊᕐᕌᒍᐃᑦ ᐃᓱᓕᒋᐊᕕᓐᓂᓴᐅᓕᕐᑎᓗᒋᑦ. ᓯᓚᕐᔪᐊᒥ ᐅᓇᑕᕐᓇᔪᐊᑉ ᑐᖓᓕᖓ ᐊᑑᑎᓕᕐᑎᓗᒍ, ᐊᒥᕆᑲᒥᐅᑦ ᓴᓇᓯᓚᐅᕐᓂᒪᑕ ᐅᓇᑕᕐᑐᓴᖃᐅᑎᒋᓂᐊᕐᑕᒥᓐᓂᒃ ᖃᖓᑦᑕᔫᓄᓪᓗ ᒥᕝᕕᐅᕙᓐᓂᐊᑐᒥᒃ, ᑖᒃᑯᐊ 1948-ᒥ ᑲᓇᑕᐅᑉ ᓄᓇᓕᕐᓚᖓᓄᑦ ᐅᑎᕐᑎᓕᓚᐅᕐᓯᒪᒻᒥᔭᖏᑦ ᑭᖑᓂᐊᒍᑦ ᓴᓇᔭᐅᓕᓚᐅᕐᓯᒪᒻᒥᔪᑦ ᐅᓇᑕᕐᑐᓴᓄᑦ ᐱᓇᓱᒍᑎᖃᕐᕕᐅᓂᐊᓕᕐᓱᑎᒃ ᓯᓚᐅᑉ ᐊᓂᕐᓂᓴᖓᓂᒃ ᐃᒥᐊᔪᑎᒍᑦ ᓈᓚᒍᑎᖃᕐᓂᓂᒃ ᓴᓇᔭᐅᓯᓚᐅᕐᓯᒪᔪᓂᒃ 1955-ᒥ ᐱᒋᐊᕐᕕᖃᕐᓱᑎᒃ ᐊᑦᓛᓐᑎᒃ ᐃᒪᕐᐱᖓᓂᑦ ᑕᓯᐅᔭᕐᔪᐊᒧᑦ ᐱᑐᑦᓯᒪᔪᓂᒃ 55 ᐃᑲᖓᔫᑉ ᑭᓪᓕᐊᒎᕐᓱᑎᒃ. ᑭᓯᐊᓂᑦᑕᐅᖅ ᑰᒃᔪᐊᕌᐱᐅᑉ ᐃᓄᑐᐃᓐᓇᖏᑦ ᐃᑭᓕᔪᒻᒪᕆᐅᓕᓚᐅᕐᓯᒪᒋᕗᑦ 1985-ᒥ ᐃᓚᒌᑦ ᐊᒥᓱᐃᑦ ᓄᑦᑎᑎᓪᓗᒋᑦ ᐊᓯᐊᓄᑦ ᓄᓇᓕᒻᒧᑦ, ᐅᒥᐅᔭᒧᑦ, 160 ᑭᓚᒦᑌᑦ ᒥᑦᓯᑎᓐᓂ ᐅᖓᓯᓐᓂᓕᒻᒧᑦ ᑕᕐᕋᒦᓐᓂᓴᐅᑦᓱᓂ, ᑖᒃᑯᐊ ᐃᓄᐃᑦ ᓄᑦᑎᓚᐅᕐᓯᒪᔪᑦ ᓯᕘᕋᑦᓱᑎᒃ ᑰᒃᔪᐊᕌᐱᐅᑉ ᑰᖓᓂᒃ ᐃᑯᒪᐅᑎᓕᐅᕐᑐᓄᑦ ᓱᕐᕋᑕᐅᓂᕆᒐᔭᕐᑕᒥᓐᓂᒃ.

ᑕᑯᔭᑦᓭᓗ ᖃᓄᐃᓘᕈᑎᑦᓴᐅᔪᓪᓗ

ᑕᑯᔭᕐᑐᕋᑦᓴᓚᕆᐅᕗᑦ ᒪᓂᑐᓄᒃ ᕿᑭᕐᑕᖏᑦ ᐊᒥᒐᖕᖏᑐᓂᒃ ᓂᕐᔪᑎᑕᖃᕋᒥᒃ. ᑕᑯᔭᕐᑐᕋᑦᓴᐅᒥᔪᓪᓗ ᓄᓇᕐᐸᓯᓂᕐᓭᑦ, ᐊᒥᑕᐸᓄᔅ ᖁᕐᓗᑐᖏᑦ ᑕᑯᒥᓇᕐᑐᔪᐊᕌᓗᐃᑦ. ᑰᒃᔪᐊᕌᐱᐅᑉ ᓄᓇᓕᖓᓂ, ᑕᑯᒋᐊᖃᓪᓚᕆᒃᑭᕗᑎᑦ ᐁᑐ ᐅᐃᑖᓪᑑᑉ ᒥᖑᐊᕈᑎᓄᑦ ᐊᓪᓚᖑᐊᕐᓯᒪᔭᖓᓂᒃ ×ᔅᑑᓯ ᑰᒃᔪᐊᕌᐱᐅᑉ ᑰᖓᑕ ᐃᒫᒍᑦ ᐱᓱᑦᑎᓗᒍ. ᐊᓯᒪᐅᑦᑕᖅ ᐃᓕᓐᓂᐊᕕᒃᑕᐅᖅ ᐁᑑᑉ ᓴᓇᖕᖑᐊᖃᑦᑕᓯᒪᔭᖏᓐᓂᓗ ᒥᖑᐊᖃᑦᑕᓯᒪᔭᖏᓐᓂᓗ ᐱᑕᓕᒻᒪᕆᐅᒋᕗᖅ.

ᑐᑭᖓ

ᑰᖕᒪᕆᐅᑦᓱᓂ ᒥᑭᔪᕐᓚᖅ

ᐃᓄᖏᑕ ᐅᓄᕐᓂᖏᑦ

657

ᓯᓚᖓ

Today -8°C
Wed -4°C
Thu -7°C