ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
Unknown source/ Source inconnue

ᐳᕕᕐᓂᑐᖅ

ᓄᓇ ᑕᓯᐅᔭᕐᔪᐊᒥ ᓯᕿᓂᐅᑉ ᓄᐃᕕᐊᓃᓐᓂᓴᖅ, ᓄᓇᓕᐅᑉ ᐊᑎᖓ ‘ᐳᕕᕐᓂᑐᖅ’ ᐱᔭᐅᓯᒪᕗᖅ ᐃᓄᐃᑦ ᐅᖃᐅᓯᖓᓐᓂᑦ ᑐᑭᓕᒻᒥᒃ ‘ᑎᐸᓕᒻᒥᒃ ᐃᒍᓇᕐᓂᐅᓱᓂ ᐳᕕᕐᓂᐊᓂᕐᒥᒃ’ ᐅᖃᕐᑕᐅᓲᑦ ᐳᕕᕐᓂᑑᑉ ᓄᓇᓕᖓᑕ ᐊᑦᓯᕋᐅᑎᖓᓂᒃ ᓇᑭᕐᖓᓂᑕᐅᒻᒪ¯ᑦ ᐅᓂᒃᑲᐅᓯᕐᑕᖏᑦ ᐊᑦᔨᒌᖑᖕᖏᑐᑦ. ᑐᑭᖃᓪᓚᕆᑦᑐᕆᔭᐅᔪᖅ ᐱᓯᒪᒋᐊᖓ ᐃᓄᐃᑦ ᐅᑭᐅᖑᑎᓪᓗᒍ ᖃᓂᒪᓐᓇᒧᑦ ᓄᖑᑕᐅᓚᐅᕐᑐᕕᓂᐅᓂᖓᓐᓂᑦ, ᐁᑉᐹᒍᓪᓗ ᑐᑭᖃᑐᐃᓐᓇᕆᐊᖃᕐᒥᓱᓂ ᑐᑦᑐᐃᑦ ᐃᒫᓄᑦ ᑭᕕᐅᕐᖃᑐᕕᓂᐅᑦᓱᑎᒃ ᓯᓚ ᐅᕐᖂᓯᓯᒪᓕᑎᓗᒍ ᑭᓯᐊᓂ ᐳᕕᕐᓂᐅᓕᕐᑎᓗᒋᑦ ᓀᐱᑕᐅᓚᐅᕐᑐᕕᓂᐅᓂᖓᓐᓂᒃ.

ᐅᓪᓗᒥᐅᔪᖅ ᐳᕕᕐᓂᑐᖅ ᓄᓇᓕᐅᕗᖅ ᐱᒋᐊᕐᓯᒪᑦᓱᓂ 1921-ᒥᑦ ᑌᑦᓱᒪᓂ ᖃᑦᓴᓐ ᐯ ᑲᒻᐸᓂᒃᑯᑦ ᑖᕙᑦᓱᒪ ᓄᓇᖓᓂ ᐱᓇᓱᐊᒻᒪᕆᓚᐅᕐᓂᒪᑕ, 1951-ᖑᓕᕐᑎᓗᒍ ᐅᒃᑯᐃᓯᕋᑕᕐᓱᑎᒃ ᓂᐅᕕᕐᓂᐊᕕᒻᒥᒃ ᑲᔪᖏᕐᓴᕈᑕᐅᒪᔪᒥᒃ ᓯᓈᒥᐅᓄᑦ ᐃᓄᓐᓄᑦ ᐃᓂᓪᓓᒍᑕᐅᓚᕿᑦᓱᓂ ᐃᓄᐃᕈᑉᐸᓂᐊᕈᓐᓀᑐᒥᒃ ᓄᓇᓕᒻᒥᒃ. ᐊᓱᐃᓛᒃ 1950 ᐊᕐᕌᒍᖏᑕ ᕿᑎᕐᖃᖏᓐᓂ, ᑲᑐᓕᒃᑯᑦ ᐃᑦᓯᕋᕐᔪᐊᖓᑦ ᐊᔪᒉᓪᓕᐅᑐᒻᒪᕆᐅᓕᕐᓱᓂ ᓱᓕᓪᓗᑐᕐᑐᖑᐊᕌᐱᐅᔮᕐᑐᓂᒃ ᐃᓄᐃᑦ ᓴᓇᖕᖑᐊᐸᑦᑕᖏᓐᓂᒃ ᐃᑉᐱᒍᓲᒻᒥᓕᓚᐅᕐᓯᒪᕗᖅ. ᐅᒥᑲᓪᓚᐅᓂᕋᕐᑕᖅ ᕚᑕ ᓯᑌᓐᒪᓐ ᐱᒋᐊᕐᑎᓯᓯᓚᐅᕐᓯᒪᕗᖅ ᓴᓇᐅᒐᕐᑏᑦ/ᓴᓇᖕᖑᐊᑏᑦ ᑯᐊᐸᒋᓂᐊᕐᑕᖓᓂᒃ ᐊᑯᓂᐅᖕᖏᑐᐊᐱᓪᓗ ᓯᓚᕐᔪᐊᒥᐅᓄᑦ ᐃᓄᐃᑦ ᐃᓗᕐᖁᓯᖓ ᖃᐅᔨᔭᐅᓕᓚᐅᕐᓯᒪᕗᖅ.

ᑌᒪᓕ ᐊ1Q1ᖏᑦᑑᓴᐅᑎᒋᓚᐅᕐᓯᒪᒐᓗᐊᕐᓱᑎᒃ ᑰᖕᒥᒃ ᐃᑯᒪᐅᑎᓕᐅᕈᒪᔪᓂᒃ 1974-ᒥ, ᐊᒥᓱᓂᕐᓭᑦ ᐃᓄᑐᐃᓐᓀᑦ ᑕᒪᑐᒥᖓ ᐱᓇᓱᑦᑕᐅᔪᒪᔪᒥᒃ ᐊᖕᖓᔭᖃᕐᓂᓴᐅᓯᒪᕗᑦ. ᐅᓪᓗᒥ ᐳᕕᕐᓂᑐᖅ ᐱᓇᓱᕝᕕᐅᒪᕆᑉᐸᓕᕐᑐᖅ ᑐᑦᑕᕕᐅᑦᓱᓂ ᐊᒥᓱᓄᑦ ᐱᓇᓱᒐᕐᓄᓗ ᐃᓗᕐᖁᓯᕐᒥᓗ ᐱᓂᐊᕐᓂᓄᑦ ᓄᓇᓕᓐᓄᓗ ᐊᒥᓱᓄᑦ ᐊᕙᑎᒥᓃᑦᑐᓄᑦ ᑎᒻᒥᔫᒃᑯᑦ ᐊᐅᓚᔪᓄᑦ ᑲᓱᕐᑕᕕᐅᓕᕐᓱᓂ ᑕᓯᐅᔭᕐᔪᐊᒥᑦ ᒪᓐᑐᔨᐊᒧᓪᓗ ᑯᐯᒃ ᓯᑎᒧᓪᓗ ᐊᓯᖏᓐᓄᓗ ᓄᓇᓕᓐᓄᑦ ᓯᕿᓂᕐᒦᓂᕐᓴᓄᑦ.

ᐱᑕᖃᕆᐊᖃᓪᓚᕆᓕᕐᓯᒪᒐᒥ ᓄᓇᖁᑕᐅᔫᑉ ᑭᖕᖒᒪᑦᓯᒍᑎᖏᓐᓅᓕᖓᑦᓱᓂ, ᓄᑖᓪᓚᕆᒃ ᖃᖓᑦᑕᔫᓂᒃᔭᑎᖕᒥᔫᓂᒃ ᐅᑕᕐᕿᕕᐅᕙᓐᓂᐊᓕᕐᑐᖅ ᐳᕕᕐᓂᑐᒥ ᐅᒃᑯᐃᑕᐅᓂᖃᓚᐅᔪᕗᖅ ᑉᔾᖕᕐ ᐅᑭᐊᑦᓴᖓᓂ.

ᑕᑯᔭᑦᓭᓗ ᖃᓄᐃᓘᕈᑎᑦᓴᐅᔪᓪᓗ

ᐳᕕᕐᓂᑐᒥ ᐅᑭᐅᒃᑯᑦ ᐊᐳᑎᒥᒃ ᓇᓪᓕᐅᓂᕐᓯᐅᕈᑎᖃᕐᓂᐅᓲᖅ ᐃᓄᐃᓪᓗ ᐱᐅᓯᑐᖃᕐᒥᒍᑦ ᖃᓄᐃᓘᕈᓯᖏᓐᓂᒃ ᐊᑦᔨᒌᖕᖏᑐᓂᒃ ᐱᖕᖑᐊᓂᖃᕐᓂᐅᓲᖑᕗᖅ, ᐃᓚᐅᖕᖏᓂᐅᔭᕐᑎᓇᒍ ᐊᐳᑎᒥᒃ ᓴᓇᖕᖑᐊᓯᒪᔪᓕᐅᕐᓂᖅ ᑕᒃᒐᓂ ᐃᓄᑐᐃᓐᓀᑦ ᓴᓇᖕᖑᐊᓯᑎᖁᑎᖏᑦ ᓴᓇᖕᖑᐊᖃᑕᐅᓲᖑᔪᑦ ᓱᖏᐅᓐᓂᕆᖕᖏᑕᒥᓐᓂᒃ ᐊᐳᑎᒥᒃ ᓴᓇᖕᖑᐊᓱᑎᒃ. ᓴᓇᕐᕈᑎᑐᖃᕐᕕᓃᑦ, ᐊᖑᓇᓱᒍᑎᑐᖃᕕᓃᓪᓗ ᐊᓐᓄᕌᕕᓃᓪᓗ ᑐᓖᐅᓂᕋᕐᑕᐅᔪᑦ ᐃᓄᕐᖃᕕᓃᑦ ᐱᐅᒃᑯᑎᕕᓂᖏᑦ ᐊᓐᓄᕌᕕᓂᖏᓐᓂᓗ ᑕᑯᑦᓴᐅᓲᖑᒻᒥᔪᑦ ᐃᑦᓴᓂᑕᓕᓐᓂ ᓄᓇᓂ.

ᑐᑭᖓ

ᓄᓇ ᑎᐸᓕᒃ ᐳᕕᕐᓂᐊᓂᕐᒥᒃ

ᐃᓄᖏᑕ ᐅᓄᕐᓂᖏᑦ

1,692

ᓯᓚᖓ

Today -1°C
Wed -7°C
Thu -6°C