ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
Photo by/Photo par: Yoann Richard

ᓯᕝᕗᕕᐊᓪ

ᓯᕝᕗᕕᐊᓪ ᓄᓇᓕᖕᖑᑕᐅᒍᑎᖃᕐᓯᒪᕗᖅ ᑭᑭᐊᑦᓴᔭᓂᒃ ᐁᕋᓐ ᐆᕐᓂᒃ ᐱᓇᓱᒐᖁᑎᓖᑦ ᑲᓇᑕᒥ ᐅᔭᕋᓐᓂᐊᓯᑎᓪᓗᒋᑦ 1954-ᒥ ᐅᔭᕋᓐᓂᐊᓯᑦᓱᑎᒃ ᑭᑭᐊᒑᓗᑦᓴᔭᓂᒃ ᑕᒫᓂ ᓄᓇᒥ. ᑖᓐᓇ ᓄᓇᓕᒃ ᐃᓂᓪᓚᑕᐅᓂᖃᓕᕐᑎᓗᒍ, ᐊᓪᓓᑦ ᐄᓐᓄᐃᑦ ᒫᓕᐆᑎᓐᓈᒻᒥᐅᑦ ᐊᓪᓓᓗ ᓈᔅᑲᐲᑦ ᑰᒃᔪᐊᒥᐅᑦ ᑕᒪᐅᖓ ᓯᕝᕗᕕᐊᓪᒧᑦ ᓄᑦᑎᑎᑕᐅᓚᐅᕐᑐᕕᓃᑦ ᐃᑲᔪᖁᔭᐅᑦᓱᑎᒃ ᓄᓇᒥᒃ ᐅᔭᕋᓐᓂᐊᕕᑦᓴᓯᐅᕐᑐᓂᒃ ᓄᓇᒃᑯᔫᑯᑖᓪᓗ ᐊᕐᖁᑎᑦᓴᖏᓐᓂᒃ ᓴᓇᖃᑕᐅᓗᑎᒃ ᐃᓄᖏᓐᓂᒃ 5,000-ᒧᑦ ᑎᑭᐅᑎᑎᑦᓯᓱᑎᒃ.

ᑭᖑᓂᐊᒍᑦ ᑭᑭᐊᑦᓴᔦᑦ ᐊᑮᕈᑐᐊᕐᒥᒪᑕ, 4,000 ᒥᑦᓯᑎᓐᓃᑐᑦ ᓄᓇᓕᑐᖃᐅᖕᖏᓂᖏᑦ ᓄᓇᓕᒻᒥᓂᒃ ᐃᐱᕃᓐᓀᓕᓚᐅᕐᓯᒪᒋᕗᑦ, ᐊᒥᓱᑲᓪᓛᓗᓐᓂᒃ ᐃᓪᓗᓂᒃ ᕿᒣᓐᓀᓱᑎᒃ ᐅᔭᕋᓐᓂᐊᕕᑦᓯᐊᖑᓂᖓᓂ ᐃᓪᓗᓕᐊᖑᓯᒪᔪᓂᒃ. ᑌᒣᒻᒪᑦ 1968-ᖑᓕᕐᑎᓗᒍ, ᓄᓇᓕᐅᑉ ᐃᓚᖓ ᐊᓪᓚᓄᑦ ᓄᓇᑖᖑᓕᓚᐅᕐᓯᒪᕗᖅ ᐊᑦᓯᕋᐅᑎᑖᕐᑕᐅᓱᓂ ᒪᑎᒥᑲᔅᒥᒃ ᐊᓪᓓᑦ ᓈᔅᑳᐱᓪᓗ ᐄᓐᓄᐃᓪᓗ ᑕᒃᑲᓂ ᓄᓇᓯᒪᖃᑎᒌᓯᑎᓪᓗᒋᑦ.

ᐅᐱᓐᓇᖁᑎᑦᓱᑎᒃ, ᐊᕐᕌᒍᑦ 20 ᐊᓂᒍᕐᑎᓗᒋᑦ ᐊᑐᕐᑕᐅᖏᓪᓗᑐᒐᓚᖃᑦᑕᓕᕐᑐᕕᓂᐅᑦᓱᑎᒃ, ᐊᑭᑦᑐᐸᓪᓕᐊᓂᐅᓕᕐᑐᓄᑦ ᓱᒃᑯᐸᓪᓕᐊᑐᐃᓐᓇᓂᖅ ᒧᒥᑎᑕᐅ¯ᓕᕐᓯᒪᒋᕗᖅ. ᐱᒃᑲᑕᐅᑦᓱᑎᒃ ᓯᓚᕐᔪᐊᒥᐅᑉ ᑭᑭᐊᑦᓴᔭᓂᒃ ᑭᖕᖒᒪᒋᔭᕐᑖᓂᖏᓐᓄᑦ, ᑲᓇᑕᒥᐅᓪᓗ ᑕᕆᐅᓪᓗ ᐊᑭᐊᓂᒥᐅᑦ ᑮᓇᐅᔭᓕᐅᕋᓱᑦᑎᖏᑦ ᐅᖃᐅᓯᖃᕐᓯᒪᓕᕆᕗᑦ ᑮᓇᐅᔭᒐᓵᓗᑦᑐᕈᑕᐅᒐᔭᕐᑐᓂᒃ ᐱᓕᐊᓐᓃᑦᑐᓂᒃ ᐱᒐᓱᒍᑎᖃᓕᕋᔭᕐᒥᓱᑎᒃ ᑭᑭᐊᑦᓴᔭᓂᑦ ᐱᓯᒪᔪᓂᒃ ᐱᓕᐊᑦᓴᓅᓕᖓᔪᓂᒃ ᑕᒪᑐᒥᖓᓗ ᐱᓇᓱᑦᑕᖃᕋᔭᕐᓱᑎᒃ ᐊᕐᕌᒍᓂ 20-ᓂ, ᐱᓇᓱᒐᓕᕆᔨᑎᒍᑦ ᐃᓂᓪᓚᑕᐅᒋᐊᓪᓚᓗᓂ ᐅᔭᕋᓐᓂᐊᓂᕐᒥᒃ ᐃᖏᕐᕋᑎᑦᓯᒍᑎᐅᓲᖅ, ᐊᓯᖏᑦ ᐱᕙᓪᓕᐊᑎᑕᐅᒐᔭᕐᒥᑎᓪᓗᒋᑦ—ᐃᓚᖏᑦ ᖃᓂᑦᑐᒥ ᓛᐸᑐᐊᒦ 30 ᑭᓚᒦᑕᓂᒃ ᓯᕿᓂᐅᑉ ᓂᐱᕝᕕᐊᓂᐅᓂᕐᓴᖅ ᐱᕙᓪᓕᐊᑎᑕᐅᑎᓪᓗᒋᑦ. ᑕᒐᑕᒐᓪᓛᑦ ᑕᒪᓐᓇ ᓄᓇ ᐃᓘᓐᓇᓂ ᐃᓄᑖᕐᐸᓕᐊᔪᒻᒪᕆᐅᓕᕐᖁᖅ. ᐱᐅᓯᕆᓚᐅᕐᓯᒪᖕᖏᑕᒥᓂᓪᓗ, ᓄᓇᓕᑐᙯᑦ ᐅᓇᒻᒥᓱᐊᒍᑎᖃᓕᕐᓱᑎᒃ—ᓈᔅᑳᐱᓪᓗ ᐄᓐᓄᐃᓪᓗ—ᐱᓇᓱᖃᑎᒌᒍᑎᖃᕆᐅᕐᓯᒪᓕᕐᓂᖓᑦ ᑕᒐᑕᒐ ᐱᓇᓱᑦᑕᐅᓕᕐᑐᑦ ᐃᓚᖏᓐᓅᓕᖓᔪᓂ.

ᓯᕝᕗᕕᐊᓪ ᓄᓇᖓᓂ ᐅᔭᕋᓐᓂᐊᓂᐅᑉ ᒪᑭᒋᐊᓪᓚᓂᖓ ᑌᒣᒻᒪᑦ ᓂᕆᐅᒍᑕᐅᕗᖅ ᐊᑦᓱᐃᓕᒋᐊᓪᓚᒐᔭᕐᓂᖓᓂᒃ ᖃᓄᐃᖕᖏᓯᐊᕐᑐᒥᓪᓗ ᐃᓅᓯᖃᓕᐅᒥᒐᔭᕐᓂᖏᓐᓂᒃ ᓄᓇᓕᑐᖃᐅᔪᑦ ᑯᐯᒃ ᑕᕐᕋᖓᓂ ᑕᒪᓐᓇᓗ ᓂᕆᐅᒋᔭᐅᑦᓱᓂ ᐱᕙᓪᓕᐊᓯᑦᓴᐅᑎᒋᒐᔭᕐᑎᓗᒍ.

ᑕᑯᔭᑦᓭᓗ ᖃᓄᐃᓘᕈᑎᑦᓴᐅᔪᓪᓗ

ᐊᕐᕋᒎᑉ ᖃᓄᐃᓪᓗᐊᓂᖓ ᑐᖕᖓᕕᒋᓗᒍ, ᑭᒍᑕᖏᕐᓇᓂᒃ ᓄᓂᕙᕝᕕᓴᑦᓯᐊᓚᕆᐊᓘᔪᖅ, ᑐᑦᑐᓯᐅᕐᕕᓯᐊᖑᑦᓱᓂᓗ, ᑰᖏᓪᓗ ᐃᐳᐃᓐᓈᑐᓄᑦ ᖃᔭᕆᐊᕌᕈᒃᑯᑦ ᐅᒥᐊᕐᑐᕕᑦᓯᐊᖑᑦᓱᑎᒃ. ᐊᒥᓱᐊᓗᓐᓂᒃ ᓴᓇᖕᖑᐊᓯᒪᔪᓕᐅᕈᓐᓇᑐᓂᒃ, ᐱᑕᖃᕐᓱᑎᓪᓗ ᓯᕗᓕᕐᑎᖃᕐᓗᓂ ᑕᑯᔭᕐᑐᒐᑦᓴᓂᒃ ᑕᑯᔭᕐᑐᑲᑕᑦᑎᑕᐅᓃᑦ ᐅᑦᑑᑎᒋᓗᒋᑦ ᓯᑮᑐᒃᑯ ᒪᙯᑎᑕᐅᓃᑦ ᑐᑦᑐᓯᐅᕐᑎᑕᐅᓃᓪᓗ.

ᑐᑭᖓ

ᐊᑦᓯᑕᐅᓯᒪᔪᖅ ᓇᓗᓀᕐᓯᒍᑎᐅᑦᓱᓂ ᐃᑦᓯᒐᕐᔪᐊᒥ ᓕᐅᓂᐊᓪ ᓯᕝᕗᒥᒃ ᓛᐸᑐᐊᒥ ᐃᑦᓯᒐᕐᔪᐊᖑᓯᒪᔪᒥᒃ ᐊᕐᕌᒍᓂ 40-ᓂ

ᐃᓄᖏᑕ ᐅᓄᕐᓂᖏᑦ

213

ᓯᓚᖓ

Today -24°C
Wed -20°C
Thu -20°C