ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
Photo by/Photo par: Michel Desmeules

ᓯᑦ-ᓰᓪ

ᑌᒪᓕ ᑰᒑᓗᒃ ᐊᑦᓯᕋᐅᑎᓕᒃ ᓰᓐ-ᓗᕌᓐᓯᒥ ᑰᒻᒪᑦ ᑕᕐᕋᒥᑦ ᓯᕿᓂᐅᑉ ᓄᐃᕕᐊᓄᑦ, ᓄᓇᐅᑉ ᓯᕿᓂᐊᓂᐅᓂᕐᓴᖅ ᐃᓪᓗᒐᓭᑦ ᒪᓐᑐᔨᐊᓗ, ᑯᐯᒃᓗ ᓄᓇᓕᕐᓚᖓᑕ ᐃᓪᓗᒐᓴᖁᑎᖓ ᑯᐯᒃ ᓯᑎᓗ, ᓯᑦ-ᓰᓪᓗ—ᐃᓘᓐᓇᑎᒃ ᑰᒐᓘᑉ ᑕᕐᕋᖓᑕ ᓯᓈᖏᓐᓂᑐᐃᓐᓇᐅᓱᑎᒃ—ᐱᑕᖃᕐᑎᓯᒍᑎᑦᓯᐊᖏᓐᓇᐅᓲᖑᕗᑦ ᐅᐸᐅᑎᒍᓐᓇᓂᕐᒥᒃ 14-ᓄᑦ ᓄᓇᕕᐅᑉ ᓄᓇᓕᖏᓐᓄ.

ᓯᑦ-ᓰᓪ (ᓯᑕᒪᐅᔪᕐᑐᑦ ᕿᑭᕐᑌᑦ) ᑕᕐᕋᒦᓐᓂᐹᖑᕗᖅ ᑯᐯᒃᒥ ᓄᓇᓕᓐᓂ ᐃᓄᒋᐊᑦᑐᓚᕆᐅᓂᕐᓴᓂ. ᑕᒃᒐᓂ ᓄᓇᓕᒻᒥ ᓄᓇᓯᒪᒋᐊᖕᖓᓯᔪᕕᓃᑦ ᓄᓇᓕᑐᖃᐅᑦᓱᑎᒃ ᐃᓗᕐᖁᓯᖃᑎᒌᑦᓴᔭᐅᓯᒪᖕᖏᑐᑦ, ᐃᓚᖏᑦ ᑕᒪᒃᑯᐊ ᖃᐅᔨᒪᔭᐅᑦᓯᐊᑐᑦ ᐊᓪᓓᑦ ᒨᑕᖕᓃ ᐄᓐᓄᐃᑦ ᑖᑦᓱᒥᖓ ᕿᑭᕐᑕᒥᒃ ᐊᑦᓯᕋᐅᑎᖃᕐᑎᓯᔪᑦ ᐅᐊᔅᓵᑦᒥᒃ (ᑐᑭᖃᕐᑎᓗᒍ ‘ᑲᖏᕐᓱᐊᓗᒃ’). ᑖᒃᑯᐊ ᓯᕗᓕᖏᑦ ᑲᑎᔭᐅᓚᐅᕐᑐᕕᓃᑦ ᓄᓇᑐᖃᕐᓯᐊᖑᒋᐊᖕᖓᓱᑎᒃ ᔭᒃ ᑲᕐᓰᒧᑦ, ᐅᒥᐊᕐᑐᑐᒧᑦ ᑕᒃᑯᓈ ᑰᒃᑯᑦ, ᑌᒣᓯᒪᔪᑦ ᐹᔅᑮᑦ ᐃᖃᓗᓐᓂᐊᑏᑦ ᕿᓚᓗᒐᕐᓂᐊᓱᑎᓪᓗ ᐆᒐᕐᓂᐊᓱᑎᓪᓗ ᐱᒐᓱᕝᕕᖃᓲᑐᖃᐅᒐᓗᐊᕐᑎᓗᒋᑦ.

ᑕᕆᐅᑉ ᐊᑭᐊᓂᒥᐅᖑᑦᓱᑎᒃ ᑎᑭᕐᖄᖃᑦᑕᓯᔪᕕᓃᑦ ᑮᓇᐅᔭᑎᒍᑦ ᒪᑭᑕᒐᓱᒍᑎᓂᕐ ᐱᓂᐊᕐᓂᖃᖃᑦᑕᓯᒪᓂᖓᑦ ᓯᑦ-ᓰᓪᒥ ᑐᖕᖓᕕᖃᕐᓯᒪᕗᖅ ᐃᖃᓗᓐᓂᐊᓂᕐᒥᓗ ᐆᒪᔪᕕᓃᓪᓗ ᐊᒥᖏᓐᓂᒃ ᓂᐅᕐᕈᓭᓂᕐᓂᒃ. ᐅᓂᒃᑲᐅᓯᐅᓲᑐᖃᖅ ᓘᐃ ᔫᓪᓕᐋ ᓇᑉᐯᓚᐅᕐᓂᖁᖅ ᓂᐅᕐᕈᓭᕕᒻᒥᒃ ᐊᕐᕌᒍᖅ 1679ᖑᑎᓪᓗᒍ, ᑭᖑᓂᐊᒍᑦ ᐳᕆᑕᓐᒥᐅᑦ ᒍᐃᒍᐃᓂᒃ ᓄᓇᑖᕐᖃᒥᕐᒥᓃᑦᑐᓂᒃ ᓄᓀᕐᓂᓚᐅᕐᑎᓗᒋᑦ, ᖃᑦᓴᓐ ᐯ ᑲᒻᐸᓂᒃᑯᑦ ᐊᐅᓚᑦᓯᔨᖕᖑᓂᕐᖁᑦ ᓂᐅᕐᕈᓭᓂᕐᓂᒃ ᐃᖏᕐᕋᑎᑦᓯᒍᑎᓄᑦ. ᑖᓐᓇ ᓄᓇᓕᒃ ᓄᓇᓕᖕᖑᑎᑕᐅᓂᖃᕐᓂᖏᑦᑐᖅ ᑎᑭᑦᓱᒍ ᐊᕐᕌᒍ6 1885.

ᑌᑦᓱᒪᓂ ᓄᓇᒃᑯᑦ ᐊᕐᖁᓯᐅᕐᓯᒪᖕᖏᓂᖓᓂ, ᑖᓐᓇ ᓄᓇᓕᒃ ᐅᒥᐊᒃᑯᑦ ᐄᒐᕐᕕᑖᕆᐊᖕᖓᓂᕐᖁᖅ ᐊᕐᕌᒍᖅ 1908-ᖑᓕᕐᑎᓗᒍ. $ᓯᐊᓂᓕ ᓴᓇᔭᐅᓕᑐᐊᕐᒪᑦ ᑯᐯᒃ ᑕᕐᕋᖓᓃᓐᓂᓴᐅᓱᑦᓱᓂ ᖃᓪᓗᓈ ᓄᓇᖓᓐᓃᓂᕐᓴᖅ ᓛᐸᑐᐊᒧᓪᓗ ᓯᕝᕗᕕᐊᓪᒧᓪᓗ ᓄᓇᒃᑯᔫᑯᑖᑦ ᐊᕐᖁᓯᐅᕐᑕᐅᑎᓪᓗᒋᑦ 1950-ᒥᑦ 1954 ᑎᑭᑦᓱᒍ, ᐃᓄᖏᑦ ᐅᓄᕐᓯᓂᕐᖁᑦ ᑭᑭᐊᑦᓴᔭᒥᒃ ᐅᔭᕋᓐᓂᐊᓯᑐᐊᕐᒪᑕ ᓛᐸᑐᐊᒥ ᓄᓇᒃᑯᔫᑯᑖᒃᑯᑦ ᐊᐅᓪᓚᐅᔭᐅᖃᑦᑕᓯᑐᐊᕐᒪᑕ. ᑭᒍᓂᖏᒍᑦ ᑮᓇᐅᔭᓕᐅᕋᓱᒍᑎᐅᔪᑦ ᐃᓪᓗᒐᓴᕐᒥᒃ ᐊᓯᑦᔩᓚᕆᓕᕐᓂᖁᑦ ᐃᑎᔪᒦᑦᑐᒥᒃ ᐃᒫᒍᑦ ᐅᒥᐊᓄᑦ ᐄᒐᕐᕕᑕᕐᑕᐅᓂᖃᑐᐊᕐᒪᑦ, ᑭᓯᐊᓂ ᓯᓚᕐᔪᐊᒥ ᑭᑭᐊᑦᓴᔦᑦ ᐊᑮᕈᒋᐊᕐᓯᒪᓂᖏᑦ ᑕᒐᑕᒐᐅᓂᕐᓴᖅ ᐱᓇᓱᒐᕐᓂᓄᓗ ᐃᓄᖏᓐᓂᓗ ᐃᑭᓕᒋᐊᕆᒍᑎᐅᒪᕙᓕᕐᒥᔪᑦ, ᐄᒐᕐᕕᐊᓗᒃ ᑲᔪᓯᑦᓯᐊᖏᓐᓇᕋᓗᐊᕐᑎᓗᒍ.

ᐅᓪᓗᒥᐅᓂᕐᓴᖅ ᓯᑦ-ᓰᓪ ᐱᔪᕆᒍᑎᑦᓴᖃᖏᓐᓈᐳᖅ ᓯᓚᕐᔪᐊᒥ-ᐱᐅᔪᒻᒪᕆᐅᖃᑕᐅᔪᒥᒃ ᐊᕐᖁᑎᖃᖃᑕᐅᒐᒥ ᐱᑐᕝᕕᐅᒍᓐᓇᓱᓂ ᓄᓇᕕᒻᒥᐅᓄᑦ ᓇᒧᑐᐃᓐᓇᓕᒫᑦᓯᐊᖅ ᖃᓪᓗᓈᑦᓄᑦ ᐁᔪᒪᔪᓄᑦ.

ᑕᑯᔭᑦᓭᓗ ᖃᓄᐃᓘᕈᑎᑦᓴᐅᔪᓪᓗ

ᐅᑭᐅᒃᑯᑦ ᓯᑐᕋᐅᓯᔭᕐᕕᐅᒍᓐᓇᑐᖅ ᐅᕝᕙᓗᓐᓃᑦ ᓵᑦᑐᔭᐅᑦᓱᓂ ᑐᒥᐅᔭᒧᑦ ᓂᑯᕐᕋᔪᓄᑦ ᓯᑐᕋᐅᑎᑦᓴᔭᒥᒃ ᐊᑐᕐᑐᒧᑦ ᓯᑐᕋᕐᕕᐅᒍᓐᓇᒥᑦᓱᓂ ᐅᖓᓯᑦᑑᖏᑦᑐᒥ ᐃᓪᓗᒐᓭᑦ ᓯᕿᓂᐅᑉ ᓂᐱᕝᕕᐊᓂ. ᓯᑦ-ᓰᓪᒦᓐᓂᓂᑦᑕᐅᖅ ᐅᒥᐊᒃᑯᑦ ᐋᓐᑎᑳᔅᑎᒧᑦ ᐃᓐᓂᐊᑐᑦᓴᐅᒥᑦᓱᑎᑦ ᑖᓐᓇ ᕿᑭᕐᑕᖅ ᐃᓄᒋᐊᑦᑑᓇᓂ ᐱᐅᓕᐊᕐᓯᓯᒪᕕᐅᔮᕐᒪᑦ ᑯᐯᒃ ᒍᐃᒍᐃᖏᑕ ᐊᑯᓂᐅᓕᕐᑐᖅ ᐱᐅᓯᕆᓯᒪᔭᖓᓂᒃ.

ᑐᑭᖓ

ᓯᑕᒪᐅᔪᖕᖏᒐᕐᑐᑦ ᕿᑭᕐᑌᑦ

ᐃᓄᖏᑕ ᐅᓄᕐᓂᖏᑦ

28,487

ᓯᓚᖓ

Today -10°C
Wed -6°C
Thu -11°C