ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X

ᑕᓯᐅᔭᖅ

ᑕᓯᐅᔭᖅ ᓄᓇᓕᓕᐊᖑᒪᕗᖅ ᑕᓯᐅᔭᐅᑉ ᓯᓈᓂ, ᑲᖏᕐᓱᐊᓘᑉ ᐸᖓᓂ ᕕᖕᑯ ᕆᕚᐅᑉ ᐹᖓᓂ. ᓄᓇᓕᒃ ᐊᒥᓲᖕᖏᑐᓂ ᑭᓚᒦᑕᓂ ᓇᐹᕐᑐᓕᐅᑉ ᑕᕐᕋᖓᓃᑦᑐᖅ, ᑕᒫᓂ ᓄᓇ ᐅᕐᐱᓕᒻᒪᕆᐅᓚᐅᕋᓗᐊᕐᓱᓂ ᐅᑭᐅᕐᑕᑐᒧᑦ ᓲᕐᓗ ᑐᓂᓯᒪᔪᖅ. ᑕᐅᓯᔭᖅ ᑐᑭᖃᕐᑐᖅ ‘ᑕᓯᕐᔫᔭᕐᑐ-ᒥᒃ’ ᑭᓯᐊᓂ ᑐᑭᖃᓪᓚᕆᑦᑐᖅ ᑕᐅᓯᔭᐅᑉ ᖃᒪᓂᓕᒫᖓᓂᒃ, ᑖᒃᑯᐊ ᑕᓰᕐᓗ ᐃᑳᕆᐊᕐᓗ ᑕᓯᐅᔭᕐᓗ. ᑕᒪᓐᓇ ᑕᓯᐅᔭᖅ ᖃᐅᔨᒪᔭᐅᒍᖃᕐᑐᖅ ᑎᓂᓐᓂᕆᓐᓂᐹᖑᓂᕐᒥᓄᑦ ᐅᓕᑦᓴᓂᖓᑕᓗ 15 ᒦᑌᑦ ᐅᖓᑖᓄᓱᖑᓂᖓᓄᑦ.

ᓇᑦᓯᓕᒻᒪᕆᐅᑦᓱᓂᓗ ᕿᓚᓗᒐᓕᐊᓘᓱᖑᑦᓱᓂᓗ, ᐃᖃᓗᑉᐱᓕᒻᒪᕆᐅᑦᓱᓂᓗ ᐊᑦᓛᓐᑎᒃ ᐃᒪᕐᐱᖓᑕᓗ ᓵᒪᖏᓐᓂᒃ ᓄᑎᓪᓕᓕᐊᓗᑦᓱᓂᓗ, ᒥᑎᖃᕐᓱᓂᓗ ᐊᒥᓱᓂᓪᓗ ᐊᑦᔨᒌᑦᑎᖏᑦᑐᓂᒃ ᐃᒪᕐᐱᒥᐅᑕᓂᒃ ᑎᖕᒥᐊᖃᕐᓱᓂ, ᑕᒪᓐᓇ ᓄᓇ ᓄᓇᒋᔭᐅᒻᒥᔪᖅ 1000 ᒥᑦᓯᑎᓐᓃᑐᓄ ᐅᒥᒻᒪᓄᑦ. ᑭᒃᒐᕖᓪᓗ ᕿᓐᓄᐊᔪᐊᓪᓗ ᑕᓯᐅᔭᐅᑉ ᖃᒪᓂᖓᓂ ᖃᕐᙯᑦ ᐃᓐᓈᕈᖏᓐᓂ ᐅᓪᓗᓕᓯᒪᓲᖑᒻᒥᔪᑦ.

ᒍᐃᒍᐃᒃᑯᑦ ᓂᐅᕐᕈᓭᔨᖏᑦ ᕆᕓᔮᐅᓐ ᕕᕇᕆᒃᑯᑦ ᖃᑦᓴᓐ ᐯ ᑲᑉᐸᓂᒃᑯᓗ ᑕᒪᕐᒥᒃ ᐃᖏᕐᕋᑎᑦᓯᒍᑎᖃᕐᓯᒪᔫᒃ ᓂᐅᕐᕈᓭᕕᖁᑎᒥᓐᓂᒃ ᐊᕐᕌᒍᐃᑦ 1905 1907 ᐊᑐᕐᑎᓗᒋᒃ, ᑕᒫᓂ ᓄᓇᒥ ᐅᓪᓗᒥ ᓄᓇᓕᖃᕐᕕᓚᕆᐅᔫᑉ ᓯᕿᓂᐊᑕ ᓄᐃᕕᐊᓃᑦᑐᕕᓂᐅᑦᓱᑎᒃ. ᑖᓐᓇ ᓄᓇᓕᒃ ᐃᓛᓂᑦ ᑕᒪᐅᖓ ᓇᑉᐸᑕᐅᓯᒪᓚᐅᕐᑐᕕᓂᖅ ᑮᑕ ᕿᒧᑦᓯᑐᑦ ᐊᕐᖁᓯᓂᖓᓄᑦ ᖃᓂᑦᑑᒐᓱᓐᓂᕋᒥ ᑰᒃᔪᐊᓗ ᑲᖏᕐᓲᓗ ᐊᑯᓐᓂᐊᓂ. ᑭᓯᐊᓂᑦᑕᐅᖅ ᑕᒪᕐᒥᒃ ᑖᒃᑯᐊ ᐅᒃᑯᐊᓯᒪᓕᓚᐅᕐᓯᒪᕘᒃ 1935-ᖑᓕᕐᑎᓗᒍ, ᓄᓇᓕᒻᒥ ᓇᐸᖏᓐᓇᑐᒥᒃ ᕿᒣᑦᔭᒐᑎᒃ.

ᑲᕙᒪᑐᖃᖅ ᑰᒃᔪᐊᒥ ᐃᓕᓐᓂᐊᕕᒻᒥᒃ ᐅᒃᑯᐃᓯᑐᐊᕐᒪᑦ ᐱᑕᖃᕐᑎᓯᒍᑎᖃᖃᑦᑕᓯᑐᐊᕐᒪᓗ ᐃᓄᓕᕆᔨᑎᒍᑦ ᐱᑦᔪᔨᒍᑎᓂᒃ, ᐊᒥᓱᑦ ᐃᓄᑐᐃᓐᓀᑦ ᓄᐊᓯᓚᐅᕐᓯᒪᕗᑦ ᑕᒃᒍᖓ ᐱᕙᓪᓕᐊᓂᖃᓯᔪᒧᑦ ᓄᓇᓕᒻᒧᑦ. ᑭᓯᐊᓂ ᑌᒣᒃᑲᓗᐊᕐᑎᓗᒋᑦ ᓂᕐᔪᑎᖃᑦᓯᐊᓯᒪᖕᖏᑐᖅ ᐃᓄᐃᑦ ᓂᕿᑦᓴᖏᓐᓂᒃ, ᑌᒣᒻᒪᑦ ᐃᓄᐃᑦ ᐊᒥᓱᑦ ᑲᕙᒪᑐᖃᒃᑯᑦ ᑮᓇᐅᔭᓕᑦᓯᒍᑎᒋᓲᖏᓐᓂᒃ ᓱᖏᕐᑑᑎᖃᓕᕐᓯᒪᕗᑦ. ᑕᒪᑐᒥᖓ ᐱᐅᓯᐅᒍᓐᓀᑎᑦᓯᒋᐊᒃᑲᕋᓱᑦᓱᑎᒃ, 1963-ᖑᓕᕐᑎᓗᒍ ᑯᐯᒃ ᑕᕐᕋᖓᑕ ᐊᐅᓚᑦᓯᔨᖏᑦ ᑯᐯᒃ ᑲᕙᒪᒃᑯᓂ ᓇᑉᐯᓯᓚᐅᕐᓯᒪᕗᑦ ᑕᓯᐅᔭᐅᑉ ᓯᕿᓂᐊᓂ ᓂᕐᔪᑎᖃᕐᓂᓴᒨᕆᒋᐊᕐᓱᑎᒃ.

1966-ᖑᓕᕐᑎᓗᒍ, ᓇᑯᐃᒋᔭᖃᕐᓂᖅ ᓯᕗᓪᓕᐹᖅ ᑐᓴᕐᓴᐅᒋᐊᖕᖓᓯᓚᐅᕐᓯᒪᕗᖅ ᐃᓕᖓᑦᓱᓂ ᓄᓇᓕᐅᑉ ᓇᓂᓪᓗᑐᖅ ᐃᓂᓪᓚᑕᐅᔪᑦᓴᐅᓂᖓᓅᓕᖓᑦᓱᓂ, ᑐᑭᑖᕐᑕᐅᓚᕆᑦᓴᕋᑕᓕᓚᐅᕐᓯᒪᔪᒥᒃ ᐊᖏᖃᑎᒌᕐᖃᔭᖕᖏᑐᑦ ᐃᓚᒌᖑᓈᕐᑎᔪᑦ ᐊᖏᖃᑎᒌᑦᓴᕋᑕᕐᒪᓃᒃ ᓄᓇᓕᖃᕐᕕᒃ ᐃᒫᓄᑦ ᐃᓱᐊᕐᑑᒋᐊᖃᕆᐊᖓ. ᓄᓇᓕᑦᑕᖃᒻᒥᖅ ᑐᑭᑖᕐᑕᐅᒪᑦᓯᐊᓕᑐᐊᕐᒪᑦ, 1971-ᖑᓕᕐᑎᓗᒍ ᑯᐊᐸᒥᒃ ᓂᐅᕕᕐᓂᐊᕕᑦᑖᓕᓚᐅᕐᓯᒪᔪᑦ ᐃᓄᖏᑦ, ᐅᓪᓗᒥᒧᑦ ᓄᓇᕕᒻᒥ ᐃᓚᒌᓴᒃᑯᓄᑦ ᐱᑐᑦᓯᒪᓂᖃᖕᖏᑐᑐᐊᖑᓲᒥᒃ.

ᑕᑯᔭᑦᓭᓗ ᖃᓄᐃᓘᕈᑎᑦᓴᐅᔪᓪᓗ

ᑕᑯᓐᓇᕋᓱᒐᑦᓴᕆᕓᑦ ᐃᒪᐅᑉ ᑎᓂᑦᑕᓂᖓ ᑕᒫᓂ ᑕᓯᐅᔭᒥ ᐅᓄ¯ᓗᑐᐃᓐᓇᖅ ᑎᓂᓲᖑᒻᒪᑦ. ᐊᕐᕌᒍᓕᒫᒥ ᐆᒪᔪᕐᓂᐊᓂᕐᒥᓗ ᐱᓂᐊᕐᓂᖃᕐᕕᐅᒍᓐᓇᑐᖅ ᐊᐅᔭᐅᓕᕐᒪᓗ ᐃᖃᓗᑉᐱᓂᒃ ᐃᖃᓗᓐᓂᐊᕕᑦᓯᐊᖑᑦᓱᓂ.

ᑐᑭᖓ

ᑕᓯᐅᔮᕐᑐᖅ

ᐃᓄᖏᑕ ᐅᓄᕐᓂᖏᑦ

303

ᓯᓚᖓ

Today -26°C
Wed -23°C
Thu -24°C