ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ > ᐃᓄᐃᒃᑯᑦ > ᑐᓴᕋᑦᓴᖁᑎᖏᑦ > ᐱᐅᓕᐊᕐᓯᕕᒃ

ᑕᑯᒥᓇᕐᑐᒪᕆᐊᓗᒃ ᑎᖕᒥᐊᑖᕐᖃᒥᖅ ᑎᖕᒥᐳᖅ.

ᐃᓄᐃᑦ ᐱᔪᕆᒍᑎᖃᕐᐳᑦ ᑐᓴᕐᑕᐅᑎᑦᓯᒋᐊᒥᒃ ᓂᐅᕕᐊᕆᕐᖃᒥᕐᒥᓂᒃ ᓄᑕᐅᓯᓕᕐᖃᒥᕐᒥᓂᓪᓗ ᐳᔪᓕᐊᓘᑉ/ᓱᐴᕐᑐᓕᐊᓘᑉ 737-ᓕᐅᑉ ᐁᑉᐸᑖᕐᖃᒥᖓᓂᒃ ᐃᓚᒋᔭᐅᓚᖓᓕᕐᑎᓗᒍ ᖃᖓᑦᑕᔫᑎᒍᑦ/ᑎᒻᒥᔫᑎᒍᑦ ᑯᐯᒃ ᑕᕐᕋᖓᓂ ᐱᑦᔪᔨᒍᑎᒥᑕ ᐊᖏᓕᕙᓪᓕᐊᓂᖏᓐᓄᑦ ᐅᐸᓲᖏᑦ ᐃᓚᖃᕐᑎᓗᒋᑦ ᓯᕿᓂᐅᑉ ᓂᐱᕝᕕᐊᓂᒥᐅᖑᓂᕐᓴᓂᓪᓗ ᓯᕿᓂᕐᒥᐅᖑᓂᕐᓴᓂᓪᓗ.

ᐊᒥᓱᖕᖑᕆᐊᕐᓯᒪᓂᖏᑦ ᓇᑭᓕᒫᖅ ᐊᑕᓐᓂᐅᕈᑎᐅᕙᑦᑐᑦ ᐃᓄᓐᓂᒃ ᖃᖓᑦᑕᔫᑎᒍᑦ/ᑎᒻᒥᔫᑎᒍᑦ ᐊᐅᓚᒍᑎᖃᕐᑎᓯᓂᕐᒥᒃ ᐅᔭᕋᓐᓂᐊᑕᐅᒪᔪᓂᓪᓗ, ᐱᓗᐊᕐᑐᒥ ᑭᑭᐊᑦᓴᔭᓂᒃ ᐊᑭᑐᔪᑦᓴᔭᓂᓪᓗ ᐅᔭᕋᑦᑖᖑᓯᒪᔪᓂᒃ, ᐃᓚᖃᕐᓱᑎᒃ ᑯᐯᒃ ᑲᕙᒪᒃᑯᑦ ᑕᕐᕋᒧᑦ ᐸᕐᓇᓯᒪᒍᑎᒥᓂᒃ ᐱᒐᓱᐊᒻᒪᕆᒍᑎᖃᖕᖑᓱᐊᓂᖏᓐᓂᒃ ᐱᕙᓪᓕᐊᑎᑦᓯᓂᖃᓯᓚᐅᔪᕗᑦ ᖃᓄᑐᐃᓐᓇᖅ ᐃᓂᓪᓚᒍᐊᕐᑑᓗᓂᓗ ᓱᖏᕐᑑᑎᑦᓴᓯᐊᖑᓗᓂᓗ ᖃᖓᑦᑕᔫᑎᒍᑦ/ᑎᒻᒥᔫᑎᒍᑦ ᐊᐅᓚᒍᑎᑦᓴᓂᒃ ᑯᐯᒃ ᑕᕐᕋᖓᓃᒻᒪᕆᑦᑐᓄᑦ ᓄᓇᓄᑦ ᐱᑦᓴᑕᕐᕕᓴᓂᓪᓗ ᐊᔪᕐᓴᖏᑦᑐᓄᑦ ᓄᓇᓄᑦ ᐃᓚᐅᑎᓪᓗᒋᒃ ᓯᕗᕕᐊᓪᓗ ᕈᐁᓐ-ᓄᕌᓐᑕᓗ.

ᐳᔪᓕᐊᓗᒃ/ᓱᐴᕐᑐᓕᐊᓗᒃ 737-200–ᓕᒃ ᑎᒻᒥᔫᖑᕗᖅ/ᖃᖓᑦᑕᔫᖑᕗᖅ ᐊᑕᐅᓯᐅᓕᖓᑐᐃᓐᓇᖏᑦᑑᒍᓐᓇᓱᓂ, ᑕᒪᓐᓇ ᑐᑭᓕᒃ ᐃᒫᒃ ᐃᓂᓪᓚᑕᐅᒪᒍᓐᓇᓂᖃᕆᐊᖓ ᐃᓄᑦᑕᐅᑎᑐᐃᓐᓇᐅᓗᓂᓗ, ᐅᓯᑲᑦᑕᐅᑎᑐᐃᓐᓇᐅᓗᓂᓗᓐᓃᑦ ᐅᕝᕙᓗᓐᓃᑦ ᐅᓯᒍᑎᐅᓗᓂᓗ ᐃᓄᑦᑕᕈᑎᐅᓗᓂᓘᕈᓐᓇᓱᓂ. ᑌᒫᒃ ᐊᖏᔫᑦᓱᓂ ᑖᓐᓇ ᑎᒻᒥᔫᖅ/ᖃᖓᑦᑕᔫᖅ ᓄᓇᒧᑦ ᕿᕐᓱᑎᓯᒪᖕᖏᑐᒧᑦ/ᓯᒫᓐᑎᖃᖕᖏᑐᒧᑦ ᒥᒍᓐᓇᑐᓕᐊᕆᒪᔪᑐᐊᒐᓚᓪᓚᕆᒃ, ᑌᒣᑦᑑᒐᒥᓗ ᑕᕐᕋᒥ ᐃᖏᕐᕋᑎᑦᓯᒍᑎᑦᓯᐊᖑᕗᖅ ᐊᐅᓚᒍᑎᑦᓯᐊᖑᑦᓱᓂ ᓄᓇᓂ ᓄᑖᓂᒃ ᐱᓇᓱᒐᕐᓂᒃ ᐱᕙᓪᓕᐊᑎᑦᓯᕕᐅᕙᓪᓕᐊᑐᐃᓐᓇᑐᒥ. ᑭᓯᐊᓂᓗᑦᑕᐅᖅ ᐊᑦᑕᑐᐊᖑᓗᓂ ᐃᓱᕐᕆᓇᕐᑐᐊᓘᓗᓂ ᐊᑐᕐᑕᐅᒍᓐᓇᒥᔪᖅ ᐆᓇᕐᑐᓂᒃ ᓂᕆᒃᑲᐅᑎᑦᓴᑕᖃᑦᓯᐊᓱᓂ.

ᖃᖓᑦᑕᔫᖃᓲᖑᓕᕐᓂᒪᓂᑦ ᑖᒃᑯᐊ ᑎᒻᒥᔫᑦ ᑎᒻᒥᔫᓕᐊᖑᓲᓕᒫᓂᑦ ᓂᐅᕕᐊᖑᓲᖑᓂᕐᐹᖑᕗᑦ, ᑖᒃᑯᐊ 737-ᓖᑦ ᑭᓪᓕᐊᓃᖕᖏᓇᒥᓪᓗᓃᑦ ᐊᑕᐅᓯᕐᒥᒃ ᐊᐅᓚᐅᑎᓕᐅᕙᓚᐅᕐᑑᒃ ᖃᖓᑦᑕᔫᒃ ᐃᓄᐃᒃᑯᑦ ᓂᐅᕕᐊᕆᓚᐅᕐᓯᒪᔭᒋᒃ ᐅᓯᑲᑦᑕᐅᑎᐅᓂᐊᕐᑎᓗᒋᒃ ᐊᕐᕌᒍᖅ 1978-ᖑᑎᓪᓗᒍ. ᓄᑖᖑᑦᓱᓂ 737-200 C–ᓕᒃ ᓂᐅᕕᐊᖑᕐᖃᒥᐅᓂᕐᐹᖑᓕᕆᕗᖅ ᐃᓄᐃᒃᑯᑦ ᖃᖓᑦᑕᔫᖁᑎᖏᑕ ᐊᒥᓱᖕᖑᐸᓪᓕᐊᓱᑎᒃ 30-ᐅᒋᐊᕕᑦᑐᓄᑦ ᖃᖓᑦᑕᔫᓄᑦ/ᑎᒻᒥᔫᓄᑦ. ᐅᓪᓗᒥ, ᐃᓄᐃᒃᑯᑦ ᖃᖓᑦᑕᔫᖁᑎᖏᑦ/ᑎᒻᒥᔫᖁᑎᖏᑦ ᐃᒣᑦᑐᖑᐊᖑᓕᕐᒪᑕ ᒪᕐᕈᓕᐊᕉᑦᓱᑎᒃ ᑭᖕᐃᐊᑦ, ᑎ ᖄᕕᓚᓐᑯᑦ ᒪᕐᕈᓕᐊᕈᓕᐊᕆᓯᒪᔭᖏᑦ ᐹᒻᐸᑎᐊᒃᑯᓗ ᑖᔅ 8 100-ᓕᖏᓪᓗ 300-ᓕᖏᓪᓗ ᑫᕕᑦᑐᓕᐅᕐᓱᑎᒃ ᑎᑭᒍᑎᐅᒍᓐᓇᓲᖑᓕᕐᑐᑦ ᒪᓐᑐᔨᐊᒧᓪᓗ ᐊᓯᖏᓐᓄᓗ ᐃᓪᓗᒐᓴᖃᕐᕕᓄᑦ ᑯᐯᒃ ᓄᓇᓕᕐᓚᖓᓂ ᓯᕿᓂᕐᒥᐅᖑᓂᕐᓴᓄᑦ ᐱᑐᑦᓯᒪᐅᑎᐅᑦᓱᑎᒃ ᓄᓇᕕᐅᑉ ᓯᓈᓂ ᓄᓇᓕᓐᓄᑦ 14-ᓄᑦ ᐱᑐᑦᓯᒪᒍᑎᐅᑦᓱᑎᒃ.

ᑖᓐᓇ ᖃᖓᑦᑕᔫᖅ/ᑎᒻᒥᔫᖅ ᐃᓄᐃᒃᑯᑦ ᖃᖓᑦᑕᔫᖁᑎᖏᓐᓄᑦ/ᑎᒻᒥᔫᖁᑎᖏᓐᓄᑦ ᐃᓚᒋᓕᐅᑎᓚᐅᔪᔪᖅ ᓂᐅᕕᐊᖑᓯᒪᑦᓴᓕᑐᐊᕋᒥ ᐃᑐᑦᑎᓯᐊᕐᓱᒍ ᐃᑐᑦᑎᑕᐅᓚᐅᔪᔪᖅ ᐃᓕᐅᕐᖃᕆᐊᑦᓯᐊᑕᐅᑦᓱᓂ ᓯᓚᑖᓂᑦ ᐃᓗᐊᓄᑦ. ᐱᐅᓂᕐᐹ-ᔭᓂᓪᓗ ᐃᓗᐊᒍᑦ ᓯᓚᑖᒍᓪᓗ ᐃᑯᒪᓕᐅᕐᑕᐅᓚᐅᔪᑦᓱᓂ, ᓇᑎᑦᓴᔭᓕᕐᑐᔭᐅᑦᓱᓂᓗ ᐃᑦᓯᕙᐅᑕᖏᓪᓗ ᓯᓚᑉᐱᐊᑕᐅ-ᒋᐊᑦᓯᐊᓱᑎᒃ ᐃᓚᒋᔭᐅᑎᓪᓗᒋᑦ ᐃᓄᐃᒃᑯᑦ ᐋᕐᕿᓯᒪᒍᑎ-ᐅᖁᔭᒥᓐᓂᒃ ᐋᕐᕿᓱᕐᓯᒪᔪᒥᒃ ᓂᕆᑎᑦᓯᒍᑎᒋᓚᖓᔭᒥᓐᓂᒃ ᐊᑐᐃᓐᓇᕈᕐᑎᕆᕕᒋᕙᓐᓂᐊᑕᖓᑦ. ᐃᓘᓐᓇᓂ ᓴᓇᒋᐊᑦᓯᐊᓂᐅᑉ ᐱᓇᓱᑦᑕᐅᓂᖓ ᐃᑲᐅᕐᓂᓂᒃ/ᑫᕙᓪᓚᒍᓯᓂᒃ 40,000-ᖑᓪᓗᐊᕋᔭᕐᑐᓂᒃ ᐱᓇᓱᑦᑕᐅᓂᖃᓚᐅᔪᕗᑦ ᑕᕐᕿᓂᓪᓗ 5-ᓂ ᐱᔭᕇᕐᑕᐅᒐᓱᑦᓱᓂ. ᑖᓐᓇ ᑎᒻᒥᔫᖅ/ᖃᖓᑦᑕᔫᖅ ᐃᓄᐃᒃᑯᑦ ᑕᐅᑐᕆᕙᓐᓂᐊᓕᕐᑕᖏᓐᓂᒃ ᑕᐅᑦᑐᑖᕐᑕᐅᒋᐊᖕᖓᓱᓂᓘᓚᐅᔪᔪᖅ ᓄᐃᑕᑎᑦᓯᓕᐅᒥᓂᕐᓴᓂᒃ ᐃᓄᐃᑦ ᐱᔪᕆᒪᒻᒪᕆᒍᑎᒋᑦᓱᓂᒋᑦ ᐃᓗᕐᖁᓯᖓᓐᓂᒃ ᐆᒪᔪᓂᓪᓗ ᓄᔪᐊᕐᑕᓂᒃ ᐱᒍᒪᓯᑎᐅᓂᖏᓐᓂᒃ. ᑌᒪᖕᖓᒥ ᐊᒥᓱᑲᓪᓚᐅᓕᕐᑐᑦ ᐃᓄᐃᒃᑯᑦ ᖃᖓᑦᑕᔫᖏᑦ ᑖᒃᑯᓂᖓ ᓄᑖᓂᒃ ᑕᐅᑦᑐᑕᕐᑕᐅᓯᒪᓕᕐᑐᑦ.


ᑐᑭᓯᒋᐊᒃᓂᕈᓐᓇᐳᑎᑦ ᐃᓄᐃᒃᑯᑦ ᑕᐅᑦᑐᑕᕐᖃᒥᖓᓅᓕᖓᔪᓂᒃ ᓇᕐᓂᓗᒍ. ᐃᓄᐃᒃᑯᑦ ᑎᒻᒥᔫᖁᑎᓕᒫᖏᑦ ᖃᖓᑦᑕᔫᓕᒫᖏᑦ ᑕᑯᒍᒪᒍᕕᒋᑦ, ᐅᓇ ᓇᕐᓂᓗᒍ.