ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ > ᐃᓄᐃᒃᑯᑦ > ᑐᓴᕋᑦᓴᖁᑎᖏᑦ > ᐱᐅᓕᐊᕐᓯᕕᒃ

ᐸᓂᕐᑎᑕᖅ ᑎᖕᒥᐳᖅ!

ᐃᓄᐃᑦ ᖁᕕᐊᓱᑉᐳᑦ ᐃᑭᒪᔨᐊᒥᓂᒃ ᐃᓄᑐᐃᓐᓇᓯᐅᑎᒥᒃ ᐱᑎᑦᓯᒍᓐᓇᓕᕆᐊᒥᓐᓂᒃ: ᐹᓇᒃᒥᒃ ᐅᕝᕙᓗᓐᓃᑦ “ᐸᓂᕐᑎᑕᒥᒃ” ᐃᓄᑦᑎᑐᑦ ᐅᖃᐅᓯᕐᒥᒍᑦ ᐊᑦᓯᕋᕐᐸᑕᒥᓂᒃ. ᓄᓇᓕᑐᙯᑦ ᐃᒐᓲᑐᖃᖓᓐᓂᒃ ᐊᕐᕌᒍᑦ ᐅᓄᕐᑐᑦ ᐊᓂᒍᕐᓱᒋᑦ, “ᑕᕐᕋᒥᐅᑦ ᓂᐊᖁᔭᖓᑦ” ᐃᓗᕐᖁᓯᕐᒥᒍᑦ ᑕᑯᑦᓴᐅᒍᑎᖓᑦ ᐱᔪᕆᒪᒍᑎᒋᑦᓱᒍ ᐱᑎᑦᓯᒍᑎᒋᖃᑦᑕᑕᕗᑦ ᔫᓂ 2015 ᕿᑎᕐᖃᕉᑎᓕᕐᑎᓗᒍ ᐱᔭᐅᑎᖃᑦᑕᕆᐊᓯᓚᐅᔪᔭᕗᑦ ᖃᖓᑕᕕᐅᔪᑦ ᐃᓚᖏᓐᓂ.
 
ᖃᓪᓗᓈᕐᑎᑐᑦ ᐅᖃᐅᓯᖅ ᓯᐊᓪᑎᒃ ᐅᖃᐅᓯᖏᓐᓂᑦ ᐱᓯᒪᑦᓱᓂ ᑐᑭᖃᕐᓱᓂ “ᒥᑭᑦᓯᑎᖕᖓ”, ᐹᓇᒃ ᐱᐅᓯᑐᖃᑎᒍᑦ ᓂᐊᖁᔭᓕᐊᖑᖃᑦᑕᓯᒪᕗᖅ ᐳᑦᔪᓯᐅᑎᖃᖕᖏᑐᒥᑦ ᓴᓇᐅᒐᕐᒥᑦ, ᑕᕆᐅᖃᕐᓱᓂ ᐃᒪᑐᐃᓐᓇᒥᒃ ᓂᖕᖑᒍᑎᖃᕐᓱᓂ. ᑲᓇᑕᐅᑉ ᑕᕐᕋᖓᓂ ᓴᕐᕿᓚᐅᕐᑐᕕᓂᖅ ᐊᕐᕌᒍᐃᑦ 1801-ᒥᑦ 1900-ᒧᑦ ᑎᑭᑦᑐᑦ ᓇᓪᓕᐅᓯᒪᑎᓪᓗᒋᑦ, ᑌᑦᓱᒪᓂ ᓯᑲᑦᓰᑦ ᕿᓂᕐᑐᑦ ᐃᓂᓪᓓᑎᓪᓗᒋᑦ ᒥᕐᖁᓕᓐᓂᒃ-ᓂᐅᕕᕐᕕᓂᒃ ᑕᒫᓂ ᓄᓇᒥ. ᐱᐅᓯᑐᖃᑎᒍᑦ, ᐊᒥᓱᐃᓂᒃ ᐃᒐᐅᓯᕐᓂᒃ ᐊᑐᖃᑦᑕᓯᒪᔪᑦ, ᓲᕐᓗ ᐅᕐᓱᒥ ᐳᑦᑕᑎᓪᓗᒋᑦ, ᐸᓂᕐᑐᒥ ᓵᑦᑐᔭᕐᓱᒋᑦ ᑭᐊᒃᓴᐅᑎᐅᓪᓗ ᐃᓗᐊᓂ.
 
ᓄᓇᕕᒻᒥᐅᑦ ᐃᓄᖏᓐᓂᒃ ᑐᑭᓯᓂᐊᕐᑎᓗᑕ, ᐊᒥᓱᑦ ᐃᓄᐃᑦ ᐅᖃᓚᐅᔪᕗᑦ ᐃᓄᐃᑦ ᓂᕿᓕᐊᕆᓱᑐᖃᖏᑕ ᐃᓚᖏᓐᓂᒃ ᐱᔪᒪᓂᕋᕐᓱᑎᒃ ᖃᖓᑦᑕᔫᓕᕈᑎᒃ. ᐊᓱᐃᓛ ᐃᒐᓕᐅᑎᑎᑦᓯᓕᓚᐅᔪᔪᒍᑦ ᓄᓇᓕᓐᓂ 14-ᓂ ᐃᓘᓐᓇᖏᓐᓂ ᐸᓂᕐᑎᑕᑦᓯᐊᖑᓂᕐᐹᓂᒃ ᕿᓂᓕᕐᓱᑕ. ᐱᓕᐅᑎᑎᑦᓯᒌᕋᑦᑕ ᐱᖓᓱᑦ ᐃᒐᒍᓰᑦ ᓵᓚᖃᓕᓚᐅᔪᕗᑦ, ᓄᓇᖁᑕᐅᔪᓂᑦ ᐊᑐᓂᑦ ᐱᓯᒪᑦᓱᑎᒃ (ᑕᓯᐅᔭᕐᔪᐊᒥᑦ, ᐅᖓᕙᒥᑦ ᓄᕗᐊᓗᒻᒥᓗ) ᐱᖓᓱᐃᑦ ᐃᒻᒥᒎᕐᑐᑦ ᐃᒐᒍᓰᑦ ᐊᑐᕐᓱᒋᑦ: ᐊᑕᐅᓯᖅ ᑭᐊᒃᓴᐅᑎᐅᑉ ᐃᓗᐊᓂᑦᑐᕕᓂᖅ, ᐊᑕᐅᓯᖅ ᐅᕐᓱᒧᑦ ᐃᒐᒪᔪᖅ ᐊᑕᐅᓰᓪᓗ ᐸᐅᕐᖔᓗᑦᑕᓖᑦ. ᐅᐱᒍᓲᑦᔨᕙᕗᑦ ᒫᑕ ᐳᑐᒍ ᐃᕿᕐᖁᖅ ᐳᕕᕐᓂᑐᕐᒥᐅᖅ, ᒥᓂ ᐁᕈ ᑲᖏᕐᓱᒥᐅᖅ ᐊᒻᒪᓗ ᕉᑕ ᐃᔩᑭᐅᓪ ᖁᐊᕐᑕᒥᐅᖅ, ᐃᓘᓐᓇᖏᓪᓗ ᐱᓕᐅᑎᔪᓄᑦ ᐃᓚᐅᓚᐅᔪᔪᓕᒫᑦ. ᓇᑯᕐᒦᒪᕆᑉᐸᕗᓪᓗ ᒪᑭᕝᕕᐅᑉ ᐳᕐᑐᓂᕐᓴᖏᓪᓗ ᓄᓇᓕᓐᓂᓗ ᐃᒐᔪᓂᒃ ᒪᒪᕐᓂᐸᕐᓯᐅᑎᐅᓚᐅᔪᔪᑦ ᓇᓗᓀᕆᓚᐅᔪᒻᒪᑕ ᒪᒪᕐᓂᐹᓂᒃ ᐃᒐᒍᓯᓕᓐᓂᒃ.
 
ᑌᒣᒻᒪᑦ ᑭᖑᓪᓕᒥ ᐃᓄᐃᒃᑯᑎᒍᑦ ᖃᖓᑕᓕᕐᒥᒍᕕᑦ, ᐸᓂᕐᑎᑕᑦᑎᓂᒃ ᒪᒪᕐᑐᓂᒃ ᐸᓂᕐᑎᑕᕐᑐᓛᖁᓇᕐᐳᑎᑦ ᐃᓄᐃᑦ ᓂᐊᖁᔭᑦᓴᔭᑐᖃᖏᓐᓂᒃ!
 
ᐸᓂᕐᑎᑕᕐᑐᑎᑕᐅᓲᑦ ᐱᑎᑦᓯᕕᑦᓴᑕᓕᓐᓂ ᖃᖓᑕᓕᕋᒥᒃ ᑭᓯᐊᓂ.