ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ > ᐃᓄᐃᒃᑯᑦ > ᑐᓴᕋᑦᓴᖁᑎᖏᑦ > ᐱᐅᓕᐊᕐᓯᕕᒃ

ᐱᐅᒋᔭᐅᑦᓴᖑᐊᕐᑐᑦ ᑕᕐᓴᑕᕐᖃᒥᕗᑦ ᑕᐅᑦᑐᑕᕐᖃᒥᕗᓪᓗ

ᑌᒪᖕᖓᑦ ᐃᓄᐃᑦ ᑕᑯᔭᐅᑎᑦᓯᒋᐊᖕᖓᓯᓚᐅᔪᑦᓱᓂ ᓄᑖᓂᒃ ᑕᕐᓴᑕᕐᖃᒥᕐᒥᓂᓪᓗ ᑕᐅᑦᑐᑕᕐᖃᒥᕐᒥᓂᓪᓗ ᐅᑭᐊᖓᓂ 2012 ᓄᐃᑎᒋᐊᖕᖓᓯᒪᔭᒥᓂᒃ, ᑌᒪᖕᖓᒥ ᖁᕕᐊᒋᔭᐅᑦᓴᖑᐊᕐᑐᑦ ᐱᔪᕆᒪᐅᑎᐅᑦᓱᑎᓪᓗ ᐃᓄᑐᐃᓐᓇᓄᑦ ᓄᓇᕕᒻᒥᐅᓄᑦ ᓱᖏᕐᑑᑎᖃᕐᐸᑐᓄᑦ ᑕᕐᕋᒥ ᐅᓯᑲᑦᑕᑎᒥᓐᓂᒃ ᐊᐅᓚᒍᑎᒋᕙᑦᑕᒥᓂᒃ ᓄᓇᒥᓐᓂᑦ ᓄᓇᒥᓐᓄᓗ. ᑌᒣᒃᑲᓗᐊᕐᒥᑎᓪᓗᒋᓪᓕ ᐃᓄᐃᑦ ᑖᓐᓇ ᐃᓄᐃᑦ ᑕᕐᓴᑕᕐᖃᒥᖓᓪᓗ ᑕᐅᑦᑐᑕᕐᖃᒥᖓᓪᓗ ᖃᖓᑦᑕᔫᓕᕆᔨᓄᓪᓗ ᐊᓪᓚᓯᒪᔪᓂᓪᓗ ᐊᑦᔨᖑᐊᓕᐅᕐᑎᓄᑦ ᐱᐅᒋᔭᐅᖃᑦᑕᕆᕗᑦ ᓯᓚᕐᔪᐊᓕᒫᒥ.

 ᐱᓇᓱᖃᑎᒌᒍᑎᓖᑦ ᐱᒐᓱᓚᐅᔪᕗᑦ ᐃᑲᔪᕐᑎᖃᕐᓱᑎᒃ ᓴᓇᓯᒪᓪᓗᑯᕐᑐᐊᐱᓐᓂᒃ ᓴᓇᒐᓱᒍᓐᓇᑐᓂᒃ ᑲᑎᖕᖓᔨᓂᒃ ᐃᓄᐃᒃᑯᑦ ᑲᑎᖕᖓᔨᖏᓐᓂᒃ, ᑕᕐᓴᓕᐅᕐᓂᓄᑦ ᖃᐅᔨᒪᔨ Marc-André Chaput/ᒫᒃ-ᐋᓐᑎᕆ ᓴᑉᐴᑦ ᐊᒻᒪᓗ Montreal’s Studio Feed/ᒪᓐᑐᔨᐊᒥᐅᑦ ᐱᔪᓐᓇᐅᑎᓖᑦ  ᓇᓗᓀᕐᑕᐅᒍᑎᑖᓚᐅᔪᕗᑦ ᐊᕐᕌᒍᑦ 16-ᖑᒍᑎᒋᓕᕐᑕᖓᓂᒃ –ᑯᑦ ᑕᑯᑦᓴᐅᑎᑦᓯᓂᕆᓲᖏᓐᓂ ᐊᓪᓚᐅᑎᓄᑦ ᐊᓪᓚᖑᐊᕐᓯᒪᑦᓯᐊᓂᕐᐹᓂᒃ ᑕᒃᒐᓂ ᐊᕐᕌᒍᒥ ᑯᐯᒃᒥ ᓴᓇᔭᔪᕕᓂᕐᓂ ᐱᑦᓯᐊᓯᒪᓂᕐᐹᖑᓚᐅᕐᑐᑦ. ᓇᓗᓀᕐᑕᐅᓂᖃᓚᐅᔪᒻᒥᓱᑎᓪᓗ ᖃᕆᑕᐅᔭᑎᒍᑦ ᑲᖏᓵᕆᒍᓐᓇᓂᖃᑦᓯᐊᑐᓄᑦ ᐅᑯᓄᖓ Brand New-ᑯᓐᓄᑦ  ᑖᒃᑯᐊ ᐃᓄᐃᒃᑯᑦ ᑕᕐᓴᑕᕐᖃᒥᖓᓐᓂᓗ ᑕᐅᑦᑐᑕᕐᖃᒥᖏᓐᓂᓗ ᕿᒥᕐᕈᓚᐅᔪᒻᒪᑕ ᐃᓚᐅᑎᓪᓗᒋᑦ ᑲᖑᖕᖑᐊᑦ ᐸᑦᔭᓘᑎᔪᖕᖑᐊᑦ. ᖃᕆᑕᐅᔭᑎᒍᑦ ᐅᖃᐅᓯᑦᓴᒥᓂᒃ ᐅᖄᕙᑦᑐᑦ ᓱᓇᑐᐃᓐᓇᓕᒫᓂᒃ ᖃᕿᐊᕐᓯᒍᐊᕐᑐᓲᑦ ᑌᒣᑦᔭᖏᒻᒪᕆᓚᐅᔪᔪᑦ ᖃᕿᐊᕐᓯᔪᖃᓪᓗᐊᓚᐅᔪᖕᖏᑐᖅ ᐱᐅᑦᓴᑐᐃᓐᓇᐅᓂᕐᓴᐅᓚᐅᕐᒪᑕ. 80% ᐅᖓᑖᓂᑦᑐᑦ ᓴᓇᒻᒪᓴᓕᐅᕐᑎᓂᑦ 722-ᓂᑦ ᖃᐅᔨᓴᕐᕕᐅᔪᕕᓂᕐᓂᑦ ᐱᐅᓂᕐᐹᖑᖃᑕᐅᓂᕃᓚᐅᔪᕗᑦ ᓯᓚᕐᔪᐊᓕᒫᒥ ᖃᖓᑦᑕᔫᓂ ᑕᕐᓴᓕᐊᖑᒪᔪᓂᑦ, ᓂᓪᓕᖃᑕᐅᑦᓴᒪᕆᓚᐅᔪᔪᑦ ᐊᓪᓛᑦ ᐊᒥᕆᑲᒥᐅᑦ ᖃᖓᑦᑕᔫᓕᕆᔨᖏᑦ ᑖᒃᑯᐊᓕᑦᑕᐅᖅ ᐊᖏᕐᑕᐅᓯᐊᖕᖏᒪᕆᑦᓱᑎᒃ ᑕᐅᑦᑐᒥᓐᓂᒃ ᐊᓯᑦᔨᑎᕆᓂᖃᓚᐅᔪᒻᒥᒐᒥᒃ 2014-ᒥ ᐅᐱᕐᖓᓴᒃᑯᑦ.
ᐃᓄᐃᑦ ᓂᕈᐊᕐᑕᐅᖃᑕᐅᓚᔪᕗᖅ 10-ᓄᑦ ᑕᐅᑦᑐᑕᕐᖃᒥᐅᔪᓄᑦ ᐃᓚᒋᔭᐅᑦᓱᑎᒃ ᐱᐅᔪᒻᒪᖔᑕᓗ ᖏᒻᒪᖔᑕᓗ ᐅᖃᕐᑏᑦ ᓂᕈᐊᕐᓂᖃᕐᑎᓗᒋᑦ ᐅᑯᓇᖕᖓᑦ ᐱᓯᒪᔪᑦThe Design Air/ᑎᒻᒥᔫᓂᒃ/ᖃᖓᑦᑕᔫᓂᒃ ᑕᐅᑦᑐᓴᓕᐅᕆᔨᓂᑦ,  ᑖᒃᑯᐊ ᑕᐅᑦᑐᓴᓕᐊᖑᒪᔪᓂᒃ ᖃᕿᐊᕐᓯᔩᑦ ᐱᓇᓱᒐᓪᓚᕆᑐᐊᖃᕐᓱᑎᒃ ᖃᖓᑦᑕᔫᓄᓕᖓᔪᓂᒃ. ᑕᒪᓐᓇ ᓄᑖᒥᒃ ᑕᐅᑦᑐᑖᕐᓂᓗ ᑕᕐᓴᑖᕐᓂᓗ ᐱᐅᒋᔭᐅᑦᔪᑎᖃᕆᐊᓪᓚᓚᐅᔪᒻᒥᔪᖅ ‘ᐱᑦᓯᐊᓯᒪᔪᕐᔪᐊᕌᓗᓂᕐᒥᓄᑦ ᐱᓪᓗᑯᒋᐊᖃᓪᓗᐊᖏᒻᒪᕆᑦᑐᕕᓂᐅᓂᕐᒥᓄᓪᓗ ᐅᑯᓄᖓ ᕿᒥᕐᕈᐊᓕᓐᓄᑦ ᐅᖃᐅᑕᐅᑦᓱᓂ Applied Arts magazine ᐊᒥᓱᐊᓗᖕᖏᑐᓄᓪᓗ ᓴᓇᒻᒪᓴᓕᐅᓲᓄᑦ ᑕᕆᐅᑉ ᐊᑭᐊᓂᒥᐅᓄᑦ. ᐊᒥᕆᑲᒥᐅᑦ ᑐᓴᕋᑦᓴᓂᐊᕐᑎᖁᑎᖏᓐᓄᑦ CNN-ᑯᓐᓄᐊᓪᓛᑦ ᐅᖄᒍᑕᐅᓕᓚᐅᔪᒐᒥᒃ ᐅᕙᓂ ᑕᑯᓐᓇᕋᓱᑦᑕᐹᓗᖃᑎᖃᓚᐅᔪᕗᓪᓗ Southwest Airlines -ᑯᓐᓂᒃ ᖃᖓᑦᑕᔫᓂᒃ/ᑎᒻᒥᔫᓂᒃ ᑕᕐᓴᓕᐅᕐᓂᒥᒃ ᐱᓇᓱᒐᓕᓐᓄᑦ.

ᑕᑉᐱᑯᐊ ᐅᖃᐅᓯᑦᓴᓯᐊᕌᓗᓐᓂᒃ ᐅᖃᖃᑦᑕᓚᐅᕋᓗᐊᕐᑎᓗᒋᑦ ᐅᖃᐅᓯᑦᓴᓯᐊᖑᓂᕐᐹᑦ ᐱᓚᐅᔪᕙᕗᑦ ᐃᓄᑐᐃᓐᓇᒥᑦ ᓯᓚᕐᔪᐊᓕᒫᒥ ᖃᐅᔨᒪᔭᐅᓂᖃᓕᕐᑐᒥᑦ ᓂᑦᔭᓗᑦᑖᑎ-ᓂᑦᔭᓗᑦᑖᕈᓯᓕᐅᕐᑎᒥᑦ ᐃᓕᓴᐱ ᐁᓴᒻᒥᑦ ᖃᕆᑕᐅᔭᒃᑯᑦ ᐊᓪᓚᕕᒋᓚᐅᔪᒻᒫᑎᒍᑦ ‘ᑎᒻᒥᔪᕌᐱᒻᔪᖒᖅ’ ᐊᓂᕐᕋᖃᕐᒥᓄᑦ ᓴᓪᓗᓄ ᐊᐅᓪᓚᕈᒪᓕᕐᑎᑕᐅᔪᖅ ᓚᑦᓱᓂ ᐊᓪᓚᓚᐅᔪᔪᖅ ᓵᓚᖃᐅᑎᑖᕋᑕᕕᓂᐅᑦᓱᓂ Félix award–ᒥᒃ ᐊᑦᓯᕋᐅᑎᓕᒻᒥᒃ 2013-ᒥ ADISQ gala-ᑐᓂ, ᑯᐯᒃ ᓄᓇᓕᕐᓚᖓᑕ ᓂᑦᔭᓗᑦᑖᑎᓂᓪᓗ ᑐᓴᕐᓂᔮᕐᑎᓯᔨᓂᓪᓗ ᖃᓪᓗᓈᕐᑎᑐᑦ ᐅᖃᐅᓯᕐᒥᒃ ᐊᑐᕐᑐᒥᒃ ᑐᓴᕐᓂᓂᕐᐹᖁᑎᒥᓐᓂᒃ ᓇᓗᓀᕐᓯᒍᑎᒋᓲᖓᓐᓂᒃ. ᑕᒪᓐᓇ ᐅᐱᒋᔭᐅᓂᖅ ᓇᓂᓕᒫᖅ ᖁᕕᐊᓱᒍᑎᐅᓚᐅᔪᔪᖅ ᐱᒐᓱᐊᒻᒪᕆᑦᓱᑎᒃ ᖃᖓᑦᑕᔫᖁᑎᒥᓐᓂ ᑕᕐᓴᑖᕆᒐᓱᓚᐅᔪᒐᒥᒃ ᐃᓄᐃᑦ ᐱᖃᕐᑐᑦ ᐱᔪᕆᒪᐅᑎᒋᓛᕐᑕᖓᓐᓂᒃ.