ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ

ᐃᓄᐃᑦᑯᓐᓂᒃ ᑐᑭᓯᔭᐅᑎᑦᓯᒍᑎᖃᕐᓂᖅ, ᕿᒥᕐᕈᐊᓂᒃ

ᐱᔪᕆᒪᒍᑎᖃᕐᐳᑦ ᓄᐃᑦᓯᒋᐅᕈᑎᖃᕆᐊᒥᒃ ᓯᕗᓪᓕᐹᓂᒃ ᖃᖓᑦᑕᔫᒥ ᕿᒥᕐᕈᐊᖁᑎᒋᒋᐅᕐᑕᒥᓂᒃ. ᐊᑦᓯᕋᐅᑎᖃᕐᑎᓯᐊᕐᑕᒥᓂᒃ ᐃᓄᐃᑦ (ᐊᓪᓚᓯᒪᑎᓪᓗᒋᑦ ᖃᓂᐅᔮᕐᐯᑎᑐᑦ), ᓄᑖᖑᑦᓱᑎᒃ ᕿᒥᕐᕈᐊᒉᑦ ᓴᓇᔭᐅᒪᒍᓯᖏᑦ ᖃᖓᑦᑕᔫᑎᒍᑦ ᐊᐅᓚᔪᓄᑦ ᐱᑕᖃᕐᑎᓯᒍᑎᐅᓂᐊᕐᑎᓗᒋᑦ ᐱᐅᔪᔭᓪᓚᕆᓐᓂᒃ ᕿᒥᕐᕆᐊᓂᒃ ᑕᑯᑦᓴᐅᑎᑦᓯᓂᖃᕐᐸᓂᐊᕐᑐᓂᒃ ᐃᓄᐃᑦ ᐃᓗᕐᖁᓯᖏᓐᓂᒃ, ᐱᐅᓯᑐᖃᖏᓐᓂᒃ ᐃᓅᑦᔪᓯᖏᓐᓂᓗ, ᑌᒣᒃᑲᓗᐊᕐᓗᑎᑦᑕᐅᖅ ᐊᑐᐊᕐᓯᔪᓄᑦ ᐃᓕᑦᓯᕚᓪᓕᒍᑎᐅᒍᓐᓇᓗᑎᒃ ᑕᑯᒥᓇᕐᑐᔪᐊᖑᓂᖓᓂᓪᓗ ᑐᖕᖓᓇᕐᓂᖓᓂᓪᓗ ᓄᓇᕕᐅᑉ ᓄᓇᖁᑎᖏᓐᓂᒃ.

ᑖᒃᑯᐊ ᐃᓄᐃᑦ ᐃᓅᖃᑎᒌᒍᔪᑦ ᖃᖓᑦᑕᔫᖁᑎᖏᓪᓗ/ᑎᒻᒥᔫᖁᑎᖏᓪᓗ ᓲᕐᓗ ᑕᕐᕋᖏᓐᓂᒃ ᑕᓪᓖᓂᖏᓐᓂᓗ ᓴᕐᕿᔮᕐᑎᓯᓂᖃᕐᓂᐊᓱᑎᒃ ᓄᐃᑕᐅᓯᓚᐅᔪᔪᑦ, ᕿᒥᕐᕈᐊᑕᕐᖃᒥᐅᑦᓱᑎᓪᓗ ᐃᓗᓕᖃᖃᑦᑕᓚᖓᕗᑦ ᐃᓄᐃᒃᑯᑦ ᐊᒥᓱᖕᖑᐸᓪᓕᐊᔪᓂᒃ ᖃᖓᑦᑕᔫᕐᑖᕙᓪᓕᐊᓂᖏᓐᓂᒃ ᓴᓇᔭᐅᒋᐊᓪᓛᓯᒪᔪᓂᒃ ᑕᕐᕋᒥ ᐃᖏᕐᕋᑎᑕᐅᔪᑦᓴᔭᐅᑦᓱᑎᒃ, ᐃᓚᖃᕐᒥᓗᑎᓪᓗ ᐊᒥᓱᐃᓂᒃ ᐱᓪᓗᑯᒋᐊᓕᓐᓂᒃ ᐱᑦᔪᔨᒍᑎᒋᒍᓐᓇᑕᖏᓐᓂᒃ ᖃᓄᐃᑦᑐᑐᐃᓐᓇᓂᒃ ᑭᖕᖒᒪᑦᓯᒍᑎᖃᓕᕐᑐᓄᑦ. ᐊᕐᕌᒍᑕᒫᑦ, ᐃᓄᐃᒃᑯᑦ ᖃᖓᑕᒍᑦᔨᓲᒍᓄᑦ 100,000 ᐅᖓᑖᓂᑦᑐᓂᒃ ᐃᓄᑦ÷ᖃᑦᓴᓂᒃ ᓄᓇᕕᓕᐊᕐᑐᓂᒃ ᓄᓇᕕᒻᒥᓗ ᐱᔪᓂᒃ. ᐃᓄᐃᑦᑯᑦ ᐱᑦᔪᔨᔭᖃᕐᐸᒥᔪᑦ ᓴᓂᑭᓗᐊᕐᒥᐅᓂᒃ, ᑰᓐᓂᐊᑎᒃᑯᓂᒃ, ᑯᐯᒃ ᓄᓇᓕᕐᓚᖓᑕ ᓯᕿᓂᕙᓪᓕᐅᓂᕐᓴᖓᓂ ᑕᕐᕋᓯᓂᕐᒥᐅᓂᒃ, ᓯᕗᕕᐋᓪᒥᓪᓗ ᒍᐊᐳᔅᒥᓗ.

ᕿᒥᕐᕈᐊᖑᕐᑎᑕᐅᓂᖃᕐᐸᓂᐊᕐᓱᑎᒃ ᐊᕐᕌᒍᓕᒫᒥ 4-ᕕᓪᓗᑎᒃ, ᐃᓄᐃᑦ ᑕᑯᕕᐅᔪᓐᓇᖃᑦᑕᓚᖓᕗᑦ ᓄᑖᓂᓪᓗ ᐱᑕᖃᕇᕐᑐᑐᖃᐅᓂᕐᓴᓂᓪᓗ ᓇᒻᒥᓂᕆᔭᐅᑦᓱᑎᒃ ᐱᓇᓱᒐᖁᑕᐅᔪᓂᒃ, ᑐᓴᕐᑎᓯᒍᑎᖃᖃᑦᑕᒥᓗᑎᓪᓗ ᐱᖕᖑᐊᓂᕐᓂᒃ, ᑕᑯᒥᓇᕐᑐᓕᐅᕐᓂᓂᒃ ᓴᓇᖕᖑᐊᓂᕐᓂᓗ, ᓂᕆᓇᓱᓐᓂᓂᓪᓗ ᑕᑯᓐᓇᐅᔭᕐᑎᑕᐅᓂᕐᓂ ᐁᑉᐯᖃᕐᑎᓗᒋᑦ ᑕᑯᑦᓴᐅᑎᑦᓯᒍᑎᖕᖑᓚᕿᓗᑎᒃ ᐊᓯᑦᔨᓂᖃᑦᓭᓇᓲᖑᑦᓱᑎᓪᓗ ᑕᑯᒥᓇᕐᓱᑎᓪᓗ ᐃᓗᕐᖁᓯᕐᒥᒃ. ᐅᓂᒃᑲᐅᓯᖃᖃᑦᑕᓂᐊᕐᓱᑎᓪᓗ ᐱᖕᖑᐊᓂᕐᓂᒃ ᐃᓄᑦᑎᑐᓪᓗ ᐅᖃᐅᓯᕐᒧᑦ ᐃᓕᖓᓪᓗᑯᐊᐱᑦᑐᒥᒃ ᐱᑕᖃᖃᑦᑕᓚᖓᑦᓱᑎᒃ ᐃᑲᔪᕐᓯᕚᓪᓕᒍᑕᐅᓇᓱᑦᑎᓗᒍ ᑕᕐᕋᒥ ᐊᐅᓚᓂᖃᕐᑐᓕᒫᑦ ᑐᑭᓯᒪᐅᑎᖃᑎᒌᑦᓯᐊᖏᓐᓇᕆᐊᖃᕐᓂᖏᓐᓄᑦ ᖁᕕᐊᓇᕐᑐᒥᓗ ᑲᖓᑕᓂᖃᖃᑦᑕᓗᑎᒃ.

ᕿᒥᕐᕈᐊᓂᒃ ᓄᐃᑦᓯᒋᐊᖕᖓᕈᑎᕗᑦ ᐱᑐᕝᕕᐅᒍᓐᓇᑐᓂᒃ  ᐅᓂᒃᑲᐅᑎᖃᕐᑐᖅ ᑕᕐᕋᒥ ᖃᖓᑦᑕᔫᕐᑎᐅᓚᐅᕐᓯᒪᑦᓱᓂ ᓇᐅᓕᒫᓄᑦ ᖃᐅᔨᒪᔭᐅᓂᖃᑦᓯᐊᒪᕆᑦᑐᒥᒃ, ᔮᓂ ᒣ-ᒥᒃ, ᐃᓄᑦᑎᑐᓪᓗ ᓂᑦᔭᓗᑦᑖᑎᐅᑦᓱᓂ ᖃᐅᔨᒪᔭᑦᓯᐊᒥᔪᒥᒃ ᐃᓕᓴᐱ ᐁᓴᒻᒥᒃ, ᐊᑦᔨᖑᐊᑎᒍᓪᓗ ᐅᓂᒃᑲᐅᓯᓂᒃ ᑲᖏᕐᓱᐊᓗᒃᔪᐊᑉ ᑰᕈᕐᔪᐊᖓᒍᑦ ᐊᐅᓚᓂᕕᓂᕐᒥᒃ, ᐃᓚᐅᒻᒥᑎᓪᓗᒋᑦ ᐱᔭᐅᔪᒪᓕᕐᐸᓕᐊᓂᖃᕐᑐᑦ ᐃᓄᐃᑦ ᓴᓇᖕᖑᐊᑕᕕᓂᖏᑦ ᑌᒣᑦᑑᑎᓪᓗᒋᑦ ᓯᓚᕐᔪᐊᒥᐅᓄᑦ ᐱᔭᐅᔪᒪᓂᖃᕐᓱᑎᒃ.

ᕿᒥᕐᕈᐊᑦ ᐊᒥᓲᓂᖃᖃᑦᑕᓚᖓᑦᓱᑎᒃ 5,000-ᓂᒃ ᕿᒥᕐᕈᐊᕈᕐᑕᐅᔪᑕᒫᑦ, ᑖᒃᑯᐊ ᓄᑖᖑᑦᓱᑎᒃ ᕿᒥᕐᕈᐊᖑᕐᑐᑦ ᐱᔭᐅᔪᓐᓇᖃᑦᑕᓚᖓᕗᑦ ᐱᒋᐊᕐᓗᑎᒃ ᓯᑉᑎᒻᐱᕆ 2014 ᕿᑎᕐᖃᖓᓂ ᐃᓘᓐᓇᖏᓐᓂᒃ ᐃᓄᐃᒃᑯᑦ ᖃᖓᑦᑕᓐᓇᓯᐅᕐᑐᓕᒫᖏᓐᓂᒃ ᑕᑯᓇᓱᑦᑕᐅᒍᓐᓇᒥᓗᑎᓪᓗ ᖃᕆᑕᐅᔭᑎᒍᑦ ᐅᕙᓂ ᐱᑐᕝᕕᐅᕕᒋᒍᓐᓇᑕᒥᓐᓂ ᑐᑭᓯᓂᐊᕐᕕᐅᒍᒪᒍᑎᒃ ᐊᒥᓱᐃᓂ ᖃᕆᑕᐅᔭᑎᒍᑦ ᐋᕐᕿᓱᕐᑕᐅᒪᔪᓂᒃ ᐃᓚᖃᕐᑎᓗᒋᑦ ᓇᑦᓴᑲᑕᒐᑎᒍᑦ ᖃᕆᑕᐅᔮᕈᕐᓂᓗ ᐅᖄᓚᐅᑎᓂᓗ. ᐃᓄᐃᒃᑯᑕᐅᖅ ᖃᖓᑦᑕᔫᒥ ᐃᑭᒪᔨᐊᒥᓐᓂᒃ ᕿᒥᕐᕈᐊᓂᒃ ᑎᒍᓯᖃᑦᑕᖁᓗᒋᑦ ᐊᑐᐊᕐᓯᒍᒪᑦᓯᐊᓕᕈᑎᒃ ᑭᓯᐊᓂ ᐱᕕᖃᕐᐸᑕ.