ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ > ᐃᓄᐃᒃᑯᑦ > ᑐᓴᕋᑦᓴᖁᑎᖏᑦ > ᐱᐅᓕᐊᕐᓯᕕᒃ

ᑕᐅᑦᑐᑕᕐᖃᒦᑦ ᐃᓱᒪᑖᖑᒪᔪᑦ ᐃᓄᐃᑦ ᓴᓇᖕᖑᐊᓲᖏᓐᓂᑦ ᐃᓅᓂᕐᒥᒍᓪᓗ ᐱᕐᖁᓯᖏᓐᓂᑦ.

ᑕᑯᓚᐅᕐᓯᒪᕋᑕᖕᖏᑐᐊᕈᕕᑦ ᐃᓄᐃᒃᑯᑦ ᑕᑯᓪᓗᕆᓐᓇᑐᒥᒃ ᑕᕐᓴᑖᕐᖃᒥᐊᓐᓂᓗ ᑕᐅᑦᑐᑖᕐᖃᒥᖏᓐᓂᓗ, ᑕᑯᔭᖃᖃᑦᑕᓚᖓᕗᑎᑦ ᐊᒥᓱᑲᓪᓚᓂᒃ ᖃᕆᑕᐅᔭᒃᑯᑦ ᐅᖃᐅᓯᕕᓂᕐᓂᒃ, ᐊᑦᔨᖑᐊᓂᒃ ᐊᓯᖏᓐᓂᓗ ᓂᓪᓕᕈᑕᐅᓯᒪᔪᓂᒃ ᑕᕐᓴᑖᕐᖃᒥᑦᑎᓄᑦ ᐃᓕᖓᑦᓱᑎᒃ. ᑕᒪᓐᓇ ᑌᒣᓚᕿᔪᖅ ᐱᑦᔪᑎᖃᕐᓱᓂ ᐃᓄᐃᒃᑯᑦ ᑕᕐᓴᑕᕐᖃᒥᖓᑦ ᐊᖏᔪᐊᓗᒻᒥᒃ ᕿᒣᓂᑐᐃᓐᓇᐅᖏᒻᒪᑦ ᑕᐅᑦᑐᑐᖃᕆᓲᒥᓂᒃ, ᑕᑯᑦᓴᓗᕆᐅᑦᓱᓂ ᐃᓄᐃᑦ ᐃᑉᐱᓂᐊᕐᓂᖏᓐᓅᓕᖓᔪᒥᒃ ᑕᑯᑦᓴᐅᑎᑦᓯᒪᑦ — 12-ᓂᒃ ᐃᓄᓐᓂᒃ ᑭᒃᒐᑐᕐᑕᒥᓂᒃ ᓱᖏᕐᑑᑎᖃᕐᐸᑐᓂᒃ ᖃᖓᑦᑕᔫᓂᒃ ᓂᕿᑦᓴᒥᓄᑦ ᐊᓯᖏᓐᓄᓗ ᐅᓪᓗᑕᒫᑦ ᐃᓱᐊᖁᑎᑦᓴᔭᓄᑦ 14-ᓂ ᑕᕆᐅᑉ ᓯᓈᓂ ᓄᓇᕕᒻᒥ ᓄᓇᓕᓐᓂᒃ ᑯᐯᒃ ᑕᕐᕋᖓᓂ

ᑖᒃᑯᐊ ᐃᓄᐃᒃᑯᑦ ᑕᐅᑦᑐᖏᓐᓂᒃ ᐊᓯᑦᔨᑎᕆᓃᑦ ᐃᓄᐃᑦ ᐃᓚᖏᓐᓄ ᐊᔪᒉᒋᔭᐅᑐᐃᓐᓇᕆᐊᓖᑦ, ᑭᓯᐊᓂ ᑌᒣᒃᑲᓗᐊᕐᓱᑎᒃ ᐃᓚᒋᔭᐅᑐᐃᓐᓇᑐᑦ ᐃᓄᐃᒃᑯᑦ ᐊᑕᖏᕐᓯᓱᑎᒃ ᓄᑕᐅᓯᒋᐊᕆᓂᖏᓐᓄᑦ ᖃᖓᑦᑕᔫᓂᓪᓗ ᐊᐅᓚᒍᑎᖃᕈᒪᕙᑦᑐᑦ ᐊᑯᓓᓐᓂᓴᒥᒃ ᐊᑕᓐᓂᐅᕈᑎᖃᓲᕈᕐᐸᓕᐊᓂᖏᓐᓂᒃ ᐃᓘᓐᓈᒍᑦ ᐱᒍᓐᓇᓯᒋᐊᒃᑲᓂᕋᓱᓐᓂᒥᒃ ᐱᔭᖃᓕᕐᑎᓗᒋᑦ ᐃᓱᐊᖁᑎᑎᒍᓪᓗ ᐅᔭᕋᓐᓂᐊᑐᑎᒍᓪᓗ ᐊᑐᕐᑕᐅᒍᒪᕙᓪᓕᐊᑐᐃᓐᓇᐸᓕᕋᒥᒃ ᓄᓇᒥ ᐊᑭᑐᔪᔭᓂᒃ ᐱᑦᓴᑕᓕᒻᒪᕆᐅᔪᒥ.

ᐊᑕᖏᕐᓯᓂᖃᑦᓯᐊᑐᒥᒃ ᐃᓄᐃᑦ ᑕᐅᑦᑐᖓᓂᒃ ᑕᕐᓴᖓᓂᓪᓗ ᖃᐅᔨᓴᕐᑕᖃᑦᓯᐊᓚᐅᔪᕗᑦ ᖃᐅᔨᒋᐊᕐᕕᖃᖃᑦᑕᓱᑎᒃ ᓄᓇᓕᓐᓂᒃ ᐃᓄᐃᓪᓗ ᐃᓗᕐᖁᓯᖓᓐᓄᑦ ᐅᖃᐅᓯᖓᓐᓄᓗ ᐃᓕᓯᒪᓂᖃᕐᓱᑎᒃ ᐱᔪᓐᓇᐅᑎᓕᓐᓂᒃ ᐊᕙᑕᖅ ᐱᐅᓯᑐᖃᓕᕆᕕᒻᒥ ᐱᓇᓱᒐᖃᕐᓱᑎᒃ ᑖᒪᒃᑯᐊ ᑐᑭᓯᓂᐊᕐᕕᐅᖃᑦᑕᓚᐅᔪᕗᑦ ᑐᑭᓯᒋᐊᒃᑲᓂᕈᑕᐅᒍᒪᑦᓱᑎᒃ ᖃᖓᑦᑕᔫᖁᑕᐅᔪᑦ ᓄᑭᖏᓐᓂᓗ ᐱᑦᔪᔨᕙᑦᑕᒥᓄᓪᓗ ᖃᓄᑎᒋᒃ ᑐᑭᖃᕐᑎᑕᐅᓂᖏᓐᓂᒃ. ᐱᓇᓱᐊᒻᒪᕆᒍᑎᐅᓚᐅᔪᔪᑦ ᐃᓚᖃᓚᐅᔪᕗᑦ ᖃᐅᔨᓴᕐᕕᖃᖃᑦᑕᓂᕐᓂᒃ ᖃᖓᑦᑕᔫᑎᒍᑦ ᐊᐅᓚᓂᖃᕐᐸᑐᓂᒃ, ᓄᓇᓕᓐᓂ ᐱᓇᓱᑦᑎᓂᓪᓗ ᐱᕕᓕᒫᒃᑯᓗ ᑐᑭᓯᓂᐊᕐᓂᖃᕐᓂᒥᒃ ᐱᐅᓂᕐᐹᓂᒃ ᐊᑑᑎᔭᐅᒐᔭᕐᑐᓂᒃ ᑕᕐᓴᑖᕆᒍᑕᐅᕐᖃᒥᕐᒥᒃ ᐊᑦᔨᖃᓚᐅᕐᓯᒪᖕᖏᓚᕆᖁᔨᓂᖅ ᐃᓚᐅᑎᑦᓱᒍ ᐃᓗᕐᖁᓯᕐᒨᓕᖓᔪᓄᑦ ᐃᓚᐅᓪᓚᕆᓪᓗᓂ.

ᐄᔅᓲᑉ-ᐊᓪᓚᖑᐊᕈᓯᖓᑐᑦ ᑕᐅᑦᑐᑖᕐᑕᐅᒪᔪᒥᒃ ᐊᐅᐸᓛᖓᔫᑦᓱᓂᓗ-ᖃᑯᕐᑕᐅᓱᓂᓗ ᓂᕐᓕᖑᐊᓂᒃ ᑕᕐᓴᓕᐅᕐᓂᖅ ᓴᕐᕿᑎᑕᐅᒍᑎᖃᓚᐅᔪᕗᖅ ᓄᐃᑕᑎᑦᓯᒍᑕᐅᓇᓱᑦᓱᓂ ᐃᓄᑐᐃᓐᓀᑦ ᐅᐱᒍᓱᑦᓱᑎ ᓲᓱᒋᔭᖃᑦᓯᐊᓱᑎᓪᓗ ᓄᓇᒥᒃ ᐊᕙᑎᒥᓃᑦᑐᒥᒃ ᐊᒥᒐᖕᖏᑐᓂᓪᓗ ᓂᕐᔪᑎᓂᒃ ᐱᓂᐊᕐᓂᖃᕈᑎᒋᓲᖏᓐᓂᒃ ᐊᓐᓇᐅᒪᒍᑎᒋᓯᒪᑦᓱᓂᒋᑦ ᐊᕐᕌᒍᒐᓵᓗᓐᓂ ᓄᓇᒥ ᐃᓅᕕᒋᒐᓱᒋᐊᖓ ᑕᐸᓇᖕᖏᖃᑕᐅᔪᒥ. ᑌᒣᑦᑐᒥᒃ ᑕᕐᓴᑖᕆᓂᖅ ᓯᕗᓂᖃᕈᑕᐅᓯᒪᒋᕗᖅ ᑕᑯᑦᓴᐅᑎᑦᓯᒋᐊᒃᑲᓂᕈᑎᐅᒐᔭᕐᑎᓗᒍ ᐃᓄᐃᒃᑯᑦ ᖃᓄᐃᑦᑐᔭᐅᓂᕐᒥᒍᑦ ᐃᒻᒥᒎᕈᑎᖏᓐᓂᒃ ᓯᕗᓂᑦᓴᒥᓗ ᓴᐱᕐᓇᑎᒃ ᑲᔪᓯᕕᖃᕐᓂᐊᓂᖏᓐᓂᒃ ᐃᓚᖃᕐᑎᓗᒋᑦ ᐱᐊᓚᔪᖕᖑᕆᐊᒃᑲᓂᕐᓂᒥᒃ ᐊᖑᒪᑦᓯᒍᓐᓯᓗᑎᒃ ᐃᖏᕐᕋᑎᑦᓯᒍᑎᑎᒍᑦ ᐊᑭᓕᕐᑐᕋᑦᓭᑦ ᐅᓄᕐᓯᒋᐊᕐᓯᒪᓂᖏᓐᓂᒃ, ᐊᕐᖁᓯᓂᕐᑖᖃᒻᒥᓂᒃ ᐱᓪᓗᑯᒋᐊᓕᓐᓂᓗ ᐱᑦᔪᔨᒍᑎᓂᒃ ᐃᑉᐱᒋᑦᓯᐊᓯᒪᓗᑎᓪᓗ ᓄᑖᓂᒃ ᓂᐅᕐᕈᓭᕕᓐᓂᒃ ᐃᓚᐅᕕᑦᑖᖃᑦᑕᓂᒃᑯᑦ.

ᓇᓗᓀᕐᑕᐅᓂᖃᕆᕗᑦ ᐊᕐᕌᒍᒐᓴᓂ ᑭᖑᕚᕆᓄᑦ ᐃᓄᑐᐃᓐᓇᓄᑦ ᐱᐅᓯᑐᖃᐅᑉ ᐃᓚᖓ ᑕᒪᓐᓇ ᐃᓕᖓᔪᖅ ᓴᓇᖕᖑᐊᑎᐅᓂᖏᓐᓄᑦ ᑕᑯᒥᓇᕐᑐᓕᐅᕐᑎᐅᓂᖏᓐᓄᓗ, ᐳᔪᓕᐊᓘᑉ ᐊᕙᑎᓕᒫᖓ ᐃᓴᕈᒋᒃ ᐊᑐᖕᖏᑐᑐᐊᖑᑎᓪᓗᒋᒃ
ᓲᕐᓗ ᐊᓪᓚᖑᐊᕐᑎᒧᑦ ᐊᓪᓚᖑᐊᕐᕕᓴᑎᑐᑦ ᐃᓕᖓᑎᓪᓗᒍ ᒥᖑᐊᕆᕕᐅᓯᒪᓂᖓ ᓂᕐᓕᖑᐊᓂᒃ ᑎᖏᒪᑦᓯᐊᖑᐊᕐᑐᓂᒃ ᐅᖓᓯᑦᑐᒥᑦ ᑕᑯᑦᓴᓯᐊᖑᑦᓱᑎᒃ ᐊᐳᑎᖕᖑᐊᖑᑎᓪᓗᒍ ᖃᑯᕐᑕᐅᓂᖓ.

ᐊᑦᔨᖃᓚᐅᕐᓯᒪᖕᖏᑐᓂᒃ ᐃᒻᒥᒎᕐᑐᓂᒃ ᐊᓪᓚᒍᓯᕐᑖᑕᐅᒪᒻᒥᔪᑦ ᑭᓇᐅᓂᖏᑕ ᐊᓪᓚᑕᐅᒪᒍᑎᖏᑦ ᓴᓇᔭᐅᓚᐅᔪᔪᓂᒃ ᐃᓄᐃᒃᑯᑦ ᐃᒻᒥᒍᑦ ᐱᑦᔪᔨᒍᑎᒋᓲᒥᒍᓪᓗ ᐆᒻᒪᑎᖓᓅᓕᖓᑦᓱᑎᓪᓘᑐᓂᒃ ᓄᐃᑦᓯᒍᑎᐅᒋᐅᓚᐅᔪᔪᓂᒃ. ᐊᓪᓚᒍᓯᖅ ᖃᓪᓗᓈᕐᑎᑐᑦ ᐊᑦᓯᑕᐅᑦᓱᓂ ᐃᐊ ᐃᓄᐃᑦ ᓵᓐᓴ, ᑖᓐᓇ ᐃᓄᐃᒃᑯᑦ ᖃᕆᑕᐅᔭᑎᒍᑦ ᐊᓪᓚᒍᓯᕐᑖᖃᒻᒥᖓᑦ ᓄᐃᑕᓪᓗᕆᓐᓂᓴᐅᔪᖅ ᓯᕗᓪᓕᓂᑦ ᐊᓪᓚᒍᓯᐅᓯᒪᖃᑦᑕᓚᐅᔪᔪᓂᑦ ᐊᒻᒪᓗᑭᑕᐅᓕᖓᓂᕐᓴᓂᓪᓗ ᑎᕆᕐᖁᖃᕐᓱᓂ ᐃᓄᐃᑦ ᐃᓄᒃᑎᑐᑦ ᐊᓪᓚᒍᓯᖏᓐᓄᑦ ᐊᑦᔨᐅᓂᕐᓴᓂᒃ. ᑌᒣᑦᑐᓭᓐᓇᐅᓱᑎᒃ ᐊᓪᓚᒍᓰᑦ ᐊᑐᕐᑕᐅᓯᒪᒻᒥᔪᑦ ᓴᕐᕿᔮᕐᑎᓯᒍᑎᐅᑦᓱᑎᒃ ᐃᓄᐃᒃᑯᑦ ᑕᕐᓴᑖᕐᖃᒥᖓᓂᒃ ‘ᐃᓄᐃᑦ’ ᓚᔪᒥᒃ ᐅᖃᐅᓯᕐᒥᒃ ᐱᐅᓯᑐᖃᒃᑯᑦ ᐃᓄᑐᐃᓐᓇᑎᑐᑦ ᐊᓪᓚᓯᒪᑦᓱᑎᒃ ᐊᐅᐸᓛᖓᔪᒥᒃ ᑕᐅᑦᑐᖃᕐᓱᑎᒃ ᓄᐃᑕᑎᑦᓯᒍᑎᐅᒋᐊᒃᑲᓂᕐᓱᑎᒃ ᐃᓄᐃᑦ ᐃᓄᑐᐃᓐᓇᓄᑦ ᓇᒻᒥᓂᕆᔭᐅᓂᖓᓂᒃ ᐃᓗᕐᖁᓯᕐᒥᒍᓪᓗ ᕿᒻᖁᓯᐊᕆᓯᒪᔭᖏᓐᓂᒃ.

2011-ᒥ ᐅᑭᐊᑐᖃᐅᓕᕐᑎᓗᒍ ᐅᓖᑦᔮᑕᐅᒋᐊᖕᖓᓂᖃᕐᓱᓂ ᑕᑯᑎᑦᓯᒍᑎᐅᒋᐊᖕᖓᓚᐅᔪᔪᖅ ᖁᕕᐊᓱᐊᔪᓂᒃ ᐃᓄᐃᑦ ᐱᓇᓱᑦᑎᖏᓐᓂᒃ, ᑖᓐᓇ ᓄᑖᖑᑦᓱᓂ ᐃᓄᐃᒃᑯᑦ ᑕᑦᓴᑖᕐᖃᒥᕆᑦᓱᒍ ᑕᐅᑦᑐᑖᕐᖃᒥᖓᑦ ᓄᐃᑎᑕᐅᕙᓪᓕᐊᕗᖅ ᑖᒃᑯᓂᖓ ᐊᑐᐊᕐᓯᓱᑎᒃ ᒪᑉᐱᕋᕐᓂ ᐊᓂᒍᐃᕙᓪᓕᐊᓂᕐᓂ. ᒥᖑᐊᕈᑎᖏᑦ ᓄᑖᑦ ᑕᐅᑦᑐᕆᔭᐅᓕᕇᕐᑐᑦ ᐊᒥᓱᑲᓪᓚᓄᑦ ᑎᒻᒥᔫᓄᑦ/ᖃᖓᑦᑕᔫᓄᑦ ᖃᖓᑦᑕᔫᓂ/ᑎᒻᒥᔫᓂ ᐊᒥᓱᖕᖑᕙᓪᓕᐊᑐᐃᓐᓇᑐᓂ ᐃᓚᖃᓕᕐᓱᑎᒃ ᐊᓪᓛᑦ ᒪᕐᕉᓂ ᐳᔪᓕᐊᓘᓐᓂᒃ/ᓱᐴᕐᑐᓕᐊᓘᓐᓂᒃ 737-200C-ᓖᓐᓂᒃ, ᑭᖕᐃᐊᓂᓪᓗ ᑖᔅ-8ᓕᓐᓂᓗ ᐃᓚᐅᒻᒥᑎᓪᓗᒍ ᓄᑖᖅ ᐱᓪᓗᑯᒋᐊᓕᓐᓂᒃ ᐱᑦᔪᔨᕕᑦᑖᖃᒻᒥᖓᑦ ᒪᓐᑐᔨᐊ, ᑯᐯᒃᒦᑦᑐᖅ.