ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ > ᐊᐅᓚᓂᖃᕐᓂᓂ ᑐᑭᓯᒪᔭᐅᒋᐊᓖᑦ > ᐱᓪᓗᑯᒋᐊᓕᓐᓄᑦ ᑭᖕᖒᒪᓇᕐᑐᑦ > ᐊᐅᓚᖃᑎᖃᕐᓂᖅ ᑲᒃᑲᓛᓂᒃ/ᐱᐊᕋᕐᓂᒃ

ᐊᐅᓪᓚᖃᑎᖃᕐᓂᖅ ᐱᐊᕋᕐᓂᒃ/ᑲᒃᑲᓛᓂᒃ

ᖃᖓᑦᔫᒃᑯᑦ ᑲᒃᑲᓛᓂᒃ/ᐱᐊᕋᕐᓂᒃ ᐊᐅᓚᖃᑎᖃᕐᓂᖅ ᐱᔭᕐᓃᑐᒍᓐᓇᖁᖅ. ᐃᓄᐃᒃᑯᑦ ᒪᓂᒪᑎᑦᓯᓲᖑᕗᑦ ᐱᐅᓯᕆᔭᐅᖏᓐᓇᓲᖑᖕᖏᑐᓂᒃ ᐃᑲᔪᕐᓯᒪᒍᑎᓂᒃ ᖃᖓᑦᑕᔫᒃᑯᑦ ᐊᐅᓪᓚᑐᓂᒃ ᑲᒃᑲᓛᓂᒃ/ᐱᐊᕋᕐᓂᒃ ᓄᑕᕌᕈᕐᓂᓘᓐᓃᑦ ᐊᐅᓪᓚᖃᑎᖃᕐᓱᑎᒃ ᑌᒫᑦᓭᓇᖅ ᓄᑕᕋᑦᓴᓕᓐᓂᒃ/ᐱᐊᕋᑦᓴᓕᓐᓂᒃ ᐃᑲᔪᕐᓯᓇᓱᐊᓲᖑᒻᒥᓱᑎᒃ.

ᐱᐊᕃᑦ/ᑲᒃᑲᓛᑦ 2 ᐊᑖᓂ ᐅᑭᐅᓖᑦ

  • ᐱᐊᕃᑦ/ᑲᒃᑲᓛᑦ 2 ᐊᑖᓂ ᐅᑭᐅᓖᑦ ᑌᒣᓪᓗᐊᑑᑦᓱᑎᒃ ᐊᐅᓚᓂᖃᕐᓂᒥᓂ ᐅᑭᐅᖃᑐᐊᕋᒥᒃ ᐊᑭᖃᖕᖏᑑᑦᓱᑎᒃ ᐃᑭᒪᑎᑕᐅᓲᖑᕗᑦ ᐃᓄᐃᒃᑯᓂ. ᑭᓯᐊᓂ ᖃᐅᔨᒪᑦᓯᐊᕆᐊᖃᕐᑐᑎᑦ, ᐱᐊᕋᒃᒋᐊᑦ/ᑲᒃᒐᓛᒃᒋᐊᑦ ᖃᖓᑕᓂᓕᒫᑦᓯᓂ ᓴᕐᓕᐊᕆᐊᖃᕆᐊᐱᐅᒃ, ᖃᖓᑦᑕᔫᖅ ᖃᖓᑦᑕᕆᐊᕐᑐᑎᓪᓗᒍᒐᓴᒃ, ᖃᖓᑦᑕᓯᑎᓪᓗᒍᓗ ᒥᓯᑐᐊᕐᐸᓗ.
  • ᐸᕐᓇᓯᒪᑦᓯᐊᕆᐊᖃᕐᑐᑎᑦ ᓈᒻᒪᑐᓂᒃ ᓂᕿᑦᓴᖏᓐᓂᓗ, ᓇᖏᖏᓐᓂᓗ ᐊᓯᓕᒫᖏᓐᓂᓗ ᑭᖕᖒᒪᓇᕐᑐᓂᒃ ᐱᐊᕋᕐᓄᑦ/ᑲᒃᑲᓛᕐᓅᕕᑦ ᐊᑐᕐᑕᐅᒋᐊᖃᕐᓱᑎᒃ.

ᐱᐊᕃᑦ/ᑲᒃᑲᓛᑦ ᐅᑭᐅᓖᑦ 2-ᓂᑦ 11-ᓄᑦ ᑎᑭᑦᑐᓂᒃ

  • ᐱᐊᕃᑦ/ᑲᒃᑲᓛᑦ 2-ᓂᒃ ᐅᑭᐅᓖᑦ ᓇᒻᒥᓂᖅ ᐃᑦᓯᕙᐅᑕᕐᑕᑕᐅᒪᒋᐊᖃᕐᐳᑦ ᐱᓂᕐᓗᓂᕐᒧᑦ ᑎᑭᐅᑎᑲᓪᓚᖁᖕᖏᒧᑦ.
  • ᕿᑐᕐᙰᑦ ᐱᓂᕐᓗᐊᕿᖁᖕᖏᒧᑦ ᖃᖓᑕᓂᑦᓯᓂ ᐱᒍᓐᓇᕕᖃᕐᑎᑕᐅᕗᑎᑦ ᐃᑭᒍᑎᑦᓴᑖᕋᓱᓕᕈᕕᑦ ᐊᑐᕈᓐᓇᓚᖓᑎᑕᐅᓂᕐᒥᒃ ᑲᓇᑕᒥ ᐊᐅᓚᒍᑎᓕᕆᔨᒃᑯᑦ ᑲᒃᑲᓛᓂᒃ/ᐱᐊᕋᕐᓂᒃ ᐃᑦᓯᕙᐅᑕᖃᕐᑎᓯᒍᑎᑦᓴᔭᖏᓐᓂᒃ ᐅᕝᕙᓘᓐᓃᑦ ᐊᖏᕐᑕᐅᒪᔪᒥᒃ ᓄᓇᒃᑯᔫᒥ ᐃᑦᓯᕙᐅᑕᕆᓲᖓᓂᒃ ᐊᑭᓕᕆᐊᓪᓚᒍᓐᓀᓗᒍ ᐊᑐᕈᓐᓇᑕᕐᓂᒃ.

ᐅᑭᐅᑭᑦᑐᑦ ᑲᒪᔨᖃᕋᑎᒃ ᐊᐅᓚᓂᖏᑦ

ᕿᑐᕐᙰᑦ ᐊᐅᓚᓂᖃᕐᐸ ᐃᓄᑑᑦᓱᓂ? ᐊᓱᐃᓚᐅᑉᐸᑦ, ᐃᓄᐃᒃᑯᑦ ᐱᓇᓱᑦᑎᖏᑦ ᐃᑲᔪᕐᓯᒪᒍᓐᓇᐳᑦ ᒥᕝᕕᒥᓗ, ᖃᖓᑦᑕᔫᒥᓗ ᐅᐸᑦᑕᒥᓄᓪᓗ ᑎᑭᐅᑎᓚᐅᕋᓂ ᐊᓯᐊᓄᑦ ᖃᖓᑦᑕᔫᒧᑦ ᐃᑭᔭᕐᑐᕆᐊᖃᕐᐸᑦ, ᑌᒣᒋᐊᖃᕈᑎᒃ, ᕿᑐᕐᖓᓂᐅᕕᑦ ᐱᓂᕐᓗᓂᕐᒧᑦ ᑎᑭᐅᑎᖁᔨᖕᖏᒧᑦ ᐃᓱᕐᕆᖁᔨᒧᓪᓗ ᐊᐅᓚᓂᖃᕐᓂᓕᒫᖓᓂ ᐃᑲᔪᕐᓯᒪᓂᐊᕐᐳᑦ.
  • ᐱᐊᕃᑦ/ᑲᒃᑲᓛᑦ ᐅᑭᐅᓖᑦ 5-ᓂᑦ ᑎᑭᑦᓱᒋᑦ 11, ᖃᖓᑦᑕᔫᒃᑯᑦ/ᑎᒻᒥᔫᒃᑯᑦ ᐊᐅᓚᔪᑦ ᐊᓪᓚᓯᒪᔪᖕᖑᐃᒍᑕᐅᒪᒋᐊᖃᕐᐳᑦ ᐃᓄᑐᑦᓱᑎᒃ ᐊᐅᓚᓂᖃᕐᓂᕋᕐᑕᐅᓗᑎᒃ. ᐅᑭᐅᑭᑦᑐᑦ ᐃᓄᑐᑦᓱᑎᒃ ᐊᐅᓚᓂᖃᓛᕈᑎᒃ ᐃᑭᒍᑎᑦᓴᓕᐅᕐᑕᐅᓕᕈᑎᒃ ᐅᖃᐅᓯᐅᒋᐊᖃᕐᐳᑦ ᑲᒪᔨᖃᖕᖏᑑᓚᕆᐊᖏᑦ ᑲᒪᔨᖃᕐᑎᑕᐅᒍᑎᑦᓴᖏᓪᓗ ᐊᑭᓕᕐᑕᐅᒋᐊᖃᕐᓱᑎᒃ $52.50-ᓂ ᑦ ᑎᑭᐅᑎᑦᓱᒋᑦ $57.49 (ᑖᒃᓯᖏᓐᓂᓗ).
  • ᑲᒪᔨᖃᕋᑎᒃ ᐅᑭᐅᑭᑦᑐᑦ ᐊᐅᓚᓂᖃᓕᕋᒥᒃ ᐃᑉᐱᒋᔨᖃᑦᓯᐊᓲᖑᕗᑦ ᐃᑭᒍᑎᑦᓴᓕᕆᕕᒻᒥᑦ ᑎᑭᐅᑎᖕᖏᓂᓕᒫᒥᓂᓗ ᐅᐸᑦᑕᒥᓄᑦ. ᐱᐅᓯᕆᔭᐅᖏᓐᓇᓲᖑᖕᖏᑐᒥᒃ (ᑲᒪᔨᖃᖕᖏᑐᒧᑦ ᐅᑭᐅᑭᑦᑐᒨᓕᖓᔪᖅ) ᐃᑦᓯᕕᖓᓄᑦ ᓂᕕᖕᖓᑕᐅᒪᓲᖑᕗᖅ ᐊᓪᓚᓯᒪᔪᕐᑕᕆᒋᐊᓕᓕᒫᖏᓪᓗ ᐃᑭᒍᑎᑦᓴᑖᕐᕕᒦᓐᓂᒥᓂ ᐊᓪᓚᓯᒪᔪᖕᖑᑕᐅᓯᒪᑦᓯᐊᕆᐊᖃᕐᓱᑎᒃ, ᐱᐊᕋᕐᒧᑦ/ᑲᒃᑲᓛᒧᑦ ᓇᑦᓴᑕᐅᑦᓯᐊᖏᓐᓇᓕᒫᓚᖓᓗᓂ ᐃᓄᐃᒃᑯᓄᑦ ᑲᒪᒋᔭᐅᓂᖃᕐᓂᓕᒫᖓᓂ.
ᐊᐅᓚᓂᐅᓛᕐᑐᒧᑦ ᖃᖓᑦᑕᐅᑎᑦᓴᓕᐅᕆᒍᒪᒍᕕᑦ ᐅᑭᐅᑭᑦᑑᑉ ᐊᑐᓛᕐᑕᖏᓐᓂᒃ, ᖃᐅᔨᒋᐊᕐᕕᖃᕐᑐᓴᐅᕗᑎᑦ ᐃᓄᐃᒃᑯᑦ ᐃᑭᒍᑎᑦᓴᓕᕆᕕᖓᓂᒃ.