ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ > ᐊᐅᓚᓂᖃᕐᓂᓂ ᑐᑭᓯᒪᔭᐅᒋᐊᓖᑦ > ᐊᐅᓪᓚᓗᑎᒃ ᐃᑲᔪᕐᑕᐅᒍᑎᒋᒍᓐᓇᑕᑎᑦ > ᐊᐅᓚᓂᖃᕐᓂᓅᓕᖓᔪᑦ ᐃᒣᓕᖓᒋᐊᖃᕐᖁᑏᕐᑕᐅᒍᑏᑦ

ᐊᐅᓚᓂᖃᕐᓂᓅᓕᖓᔪᑦ ᐃᒣᓕᖓᒋᐊᖃᕐᖁᑏᕐᑕᐅᒍᑏᑦ

ᐅᖓᓯᑦᑐᒧᑦ ᑕᕐᕋᒧᑦ ᐊᐅᓪᓚᑐᖃᓕᕋᒥ ᖁᕕᐊᓇᕐᑐᐊᓗᒃ, ᖃᐅᔨᓴᕐᓯᒪᑦᓯᐊᖁᔨᕗᒍᑦ ᖃᓄᐃᑦᑐᒥᒃ ᓯᓚᖃᓲᖑᒻᒪᖔᑦ, ᓄᓇᖃᕐᒪᖔᑦ ᐃᓄᖏᓪᓗ ᖃᓄᐃᑦᑐᒥᒃ ᐃᓅᑦᔪᓯᕐᒥᒍᑦ ᐱᐅᓯᖃᕐᒪᖔᑕ ᑌᑲᓂ ᓄᓇᓕᒻᒥ ᐅᐸᖕᖑᓱᑦᑕᓂ, ᑖᕙᓃᓕᕈᕕᑦ ᐃᓱᕐᕆᓯᐊᕈᓐᓇᖁᓪᓗᑎᑦ ᑕᒪᒃᑯᓂᖓ ᖃᐅᔨᓴᕐᓯᒪᔪᑦᓴᐅᕗᑎᑦ.

ᓯᓚᓗ ᓄᓇᖓᓗ

ᐃᕐᖃᐅᒪᖕᖏᑑᓯᑦᓴᐅᑎᒋᓲᖑᕗᑦ ᑯᐯᒃ ᓄᓇᓕᕐᓚᖓᓂ ᓯᕿᓂᕐᒥᓗ ᑕᕐᕋᒥᓗ ᓯᓚᖏᒃ ᐊᑦᔨᒌᖕᖏᑐᒻᒪᕆᐊᓘᒋᐊᖏᒃ, ᑌᒣᒻᒪᑦ ᐊᕐᕌᒍᒥ ᑕᕐᖀᑦ ᓇᓪᓕᐊᓃᒃᑲᓗᐊᕋᑦᑕ ᐊᐅᓪᓚᓂᖃᕐᑎᓗᑎᑦ, ᓯᓚ ᑌᒪᖕᖓᒐᓛᑦᓯᐊᖅ ᕿᐅᔭᓇᕐᓂᓴᐅᖏᓐᓇᓲᖑᕗᖅ 55-ᒥ ᑭᓯᑦᔪᑎᓕᐅᑉ ᐃᑲᖓᔫᑉ ᖁᓛᓂ. ᐃᕐᖃᐅᒪᑦᓯᐊᕆᐊᖃᕐᖁᓯ, ᓄᓇᕕᐅᑉ ᓄᓇᒻᒪᕆᐊᓗᐊᓂᐅᒐᓗᐊᖅ, ᓯᓚᖓᓗ ᓄᓇᖓᑕᓗ ᖃᓄᐃᑦᑑᓂᖏᑦ ᐊᑦᔨᒌᖕᖏᑐᒻᒪᕆᐊᓘᓱᖑᒋᐊᖏᑦ. ᑌᒫᑦᓭᓇᓪᓗᐊᓗ ᐱᒻᒪᕆᐅᒋᕗᖅ ᖃᐅᔨᒪᒋᐊᖃᕐᓂᖅ ᓯᓚ ᐊᓯᑦᔨᓚᖓᔫᔭᖕᖏᑲᓗᐊᕋᒥ ᐊᓯᑦᔨᐊᕿᓲᖑᒋᐊᖓ, ᑌᒣᒻᒪᑦ ᐊᓐᓄᕌᒃᑭᓯᒪᑦᓯᐊᖏᓐᓇᕆᐊᖃᕐᐳᑦ ᓯᓚᑉᐱᐊᓂᒃ ᕿᐅᒌᒃᑯᑎᑦᓯᐊᖑᔪᓂᒃ. ᐊᐅᔭᒥᓗ, ᒥᓗᒋᐊᑦ ᐱᔭᕋᓕᓐᓇᓯᑐᐃᓐᓇᕆᐊᖃᓲᖑᑦᓱᑎᒃ, ᑌᒣᒻᒪᑦ ᒥᓗᒋᐊᕐᑕᐅᒋᒃᑯᑎᖃᑦᓯᐊᕆᐊᖃᕐᐳᑦ. ᐅᑭᐅᓪᓚᕆᐅᓕᕐᒪᓗ, ᐊᓐᓄᕌᖃᑦᓯᐊᓗᑎᒃ, ᖁᓂᕈᕐᓂᒃ ᐃᑭᐊᕐᒥᐅᑕᓕᓐᓂᒃ, ᓇᓴᖃᑦᓯᐊᓗᑎᒃ ᐊᑎᒋᖏᑦ, ᐅᑭᐅᕐᑕᑐᒥᐅᕐᓯᐅᑎᓪᓚᕇᓐᓂᓗ ᑲᒥᐊᓗᖃᕐᓗᑎᒃ, ᐳᐊᓗᖃᑦᓯᐊᓗᑎᒃ ᑮᓀᔭᕇᒃᑯᑎᖃᑦᓯᐊᓗᑎᓪᓗ. ᖃᐅᔨᓴᕐᓯᒪᑦᓯᐊᖏᓐᓇᑐᑦᓴᐅᕗᓪᓗ ᓯᓚᐅᑉ ᖃᓄᐃᓐᓂᖓᓂᒃ ᖃᓄᐃᓐᓂᐊᓂᕋᕐᑕᐅᒍᑎᖏᓐᓂᓗ ᓇᔪᕐᑕᒥᓂᑦ ᓅᒋᐊᓚᐅᖕᖏᓂᕐᒥᓂᑦ.

ᐃᓅᑦᔪᓯᕆᔭᐅᔪᑦ ᖃᓄᐃᑦᑑᓂᖏᑦ

ᓄᓇᕕᒃ ᓱᓕ ᐱᕙᓪᓕᐊᑎᑕᐅᓂᖄᓗᓪᓗᐊᓯᒪᕋᑕᖕᖏᓚᖅ ᐱᑕᖃᖕᖏᓚᓪᓗ ᓂᐅᕐᕈᕕᐅᓂᕐᒨᓕᖓᑦᓱᑎᒃ ᐃᓱᐊᖁᑎᓕᐊᖑᒪᔪᑦ ᐃᓪᓗᒐᓴᓂ ᑕᑯᓲᓯ. ᓄᓇᓕᒻᒪᕆᐅᓂᕐᓴᓂ ᐊᓪᓛᑦ ᐱᑕᖃᖕᖏᑑᑐᐃᓐᓇᕆᐊᖃᕐᒪᑕ ᓂᐅᕕᐊᑦᓴᐅᖏᓐᓇᓂᕐᓴᐅᓲᑦ. ᓂᐅᕕᕈᒪᔭᑎᓐᓂᒃ ᐱᑕᖃᑐᐊᕐᐸᑕ, ᐊᑐᐃᓐᓇᐅᒪᒋᐊᖃᕐᐳᑎᑦ ᐊᑭᑐᓂᕐᓴᐅᑎᓪᓗᒋᑦ ᓂᐅᕕᓚᖓᒋᐊᒥᒃ. ᐱᐅᓯᖃᕐᒪᑕ, ᓂᖀᑦ ᒪᓐᑐᔨᐊᒥ ᐊᑭᖏᑦ ᐃᓄᐃᑦ ᓄᓇᖓᓐᓂ ᐊᑭᓕᐅᕐᑕᐅᓕᕋᒥ ᒪᕐᕈᕕᓪᓗᐊᑐᒥᒃ ᐊᑭᓕᐅᕐᑕᐅᒪᓲᖑᒻᒪᑕ.

ᑰᒃᔪᐊᑉ ᓄᓇᓕᖓᑕ ᐊᓯᐊᓂ, ᑕᑯᓂᐅᔭᖕᖏᑐᑎᑦ ᓂᕆᕕᒻᒥᒃ ᐅᕝᕙᓗᓐᓃ ᐃᑲᐅᕐᓂᓂ/ᑫᕙᓪᓚᒍᓯᕐᓂ 24-ᓂᒃ ᐅᒃᑯᐃᖔᓱᒥᒃ ᓂᐅᕕᕐᓂᐊᕕᒻᒥᒃ ᐅᓐᓄᐊᒥ ᓂᕆᒍᒪᓕᕐᑕᑎᓐᓂᒃ ᐁᑦᓯᕕᒋᑲᓪᓚᑐᐃᓐᓇᕈᓐᓇᑕᕐᓂᒃ ᐱᑕᖃᖕᖏᑐᖅ. ᓄᓇᓖᑦ ᐃᓘᓐᓇᑎᒃ ᑐᔪᕐᒥᐅᕕᐊᐱᓖᓐᓇᐅᔪᑦ ᐃᓱᕐᕆᕕᒋᓗᒍ ᓇᔪᕈᓐᓇᑕᕐᓂᒃ. ᑭᓯᐊᓂ ᐃᒑᑦᓴᒋᕈᕕᑦ ᐱᐅᓂᕐᓴᐅᔪᖅ, ᐃᒐᐅᑎᖃᕐᒪᑦ ᓇᒻᒥᓂᖅ-ᐃᒐᔭᕕᓂᑎᓐᓂᒃ-ᓂᕐᓯᐅᒋᒍᓐᓇᑕᕐᓂᒃ.

ᑐᑭᑖᕆᓯᒪᓕᑐᐊᕈᕕᑦ ᐊᐅᓪᓚᒍᑎᒋᓛᕐᑕᑎᓐᓂᒃ, ᐃᓂᓪᓓᔪᑦᓴᖁᑎᖃᕐᐳᒍᑦ ᓯᕗᓂᐊᒍᑦ ᖃᐅᔨᒋᐊᕐᓂᒥᒃ ᐃᓄᒻᒥᒃ ᖃᐅᔨᒋᐊᕐᕕᖃᕐᓗᑎᑦ ᓄᓇᓕᒻᒥ ᐅᐸᖕᖑᓱᑦᑕᓂ. ᑐᑭᓯᒋᐊᒃᑲᓂᕈᑎᖃᕈᒪᒍᕕᑦ ᐃᓄᑐᐃᓐᓇᓅᓕᖓᔪᓂᒃ ᐃᓅᑦᔪᓯᖏᑕᓗ ᖃᓄᐃᓕᖓᓂᖏᓐᓂᒃ ᐱᐅᓯᑐᖃᖏᓐᓂᓗ, ᐊᒥᓱᓂᒃ ᑐᑭᓯᒪᒍᑎᑦᓴᓂᒃ ᖃᕆᑕᐅᔭᑎᒍᑦ ᑕᑯᓇᓱᑦᑕᐅᒍᓐᓇᑐᓂᒃ ᑕᑯᒍᓐᓇᓯᐊᕐᐳᑎᑦ. ᐃᓚᒋᓕᐅᑎᓂᖃᓯᒐᕕᑦ ᐃᑎᕐᑕᖃᓯᑦᓱᑎᓪᓗ ᓄᓇᒥᓪᓗ ᐃᓄᖏᑕᓗ ᐃᓗᕐᖁᓯᖓᓂᒃ ᐃᓗᕐᖁᓯᕐᐱᑦ ᐊᑦᔨᒋᖕᖏᓗᑐᑦᓯᐊᑕᖓᓂᒃ ᐱᐅᓯᓕᓐᓄᑦ.

ᖃᖓᑦᑕᔫᑎᒍᑦ ᐊᐅᓚᓃᑦ

ᐃᓄᐃᒃᑯᑦ ᐃᖏᕐᕋᑎᑦᓯᒍᑎᖃᓲᖑᕗᑦ ᐱᕕᓕᒫᑦᓯᐊᖏᒍᑦ ᖃᓄᕐᓗᓃᑦ ᓯᖁᒥᓯᒪᑦᑌᓕᒐᓱᑦᑐᓂᒃ ᖃᖓᑦᑕᔫᖁᑎᒥᓐᓂᒃ, ᐃᓘᓐᓇᑎᒃ ᑕᕐᕋᒥ ᐊᑐᕐᑐᓴᐅᑎᓪᓗᒋᑦ ᓴᓇᔭᐅᒋᐊᓪᓛᓯᒪᔪᓂᒃ. ᐃᓄᓐᓂᒃ ᐅᓯᕕᖓ ᐊᐅᓚᑕᐅᓂᖃᖕᖏᓂᐅᔭᖕᖏᑑᒐᓗᐊᖅ ᓯᓚᒧᑦ, ᐱᓗᐊᕐᑐᒥ ᐅᑭᐅᒃᑯᑦ. ᑌᒣᒻᒪᑦ ᐅᕐᖂᔪᓂᒃ ᐊᓐᓄᕌᕐᓯᒪᒍᑦᓯ ᐱᐅᓂᕐᓴᓚᕆᐅᔪᖅ ᓯᓚᒦᓚᖓᔪᑎᑐᑦ ᐅᑭᐅᕐᓯᐅᓯᔭᑦᓯᐊᓗᓯ. ᐱᐅᔪᒋᐊᓪᓚᐅᓲᖑᒻᒥᔪᖅ ᓇᒻᒥᓂᖅ ᓂᕿᕋᑦᓴᔭᒐᓯᓐᓂᒃ ᑕᖁᐊᕆᐊᒃᑲᓂᕈᑦᓯ ᐅᐸᑦᑕᓯᓐᓄᑦ ᑎᑭᐅᑎᑎᓪᓗᓯ ᓂᐅᕕᕐᓂᐊᕖᑦ ᐅᒃᑯᐊᓯᒪᑦᓴᐸᑕ ᓂᕆᔭᑦᓴᖃᖁᓪᓗᓯ. ᓂᐅᕕᕐᓂᐊᕖᑦ ᐅᒃᑯᐃᖔᑯᑖᓱᖑᖕᖏᒪᑕ ᓲᕐᓗ ᑌᒣᑉᐸᑲᒥᒃ ᐃᓪᓗᒐᓴᐅᓂᕐᓴᓂ, ᑌᒣᒻᒪᑦ ᑳᓕᖁᓇᓯ ᓂᐅᕕᕐᕕᑦ ᐅᒃᑯᐃᓚᐅᖕᖏᓂᖏᓐᓂ ᓂᕆᔭᑦᓴᒋᕐᓯᒪᒍᑦᓯ ᐱᐅᓂᕐᓴᐅᔪᖅ.

ᐊᑏᒋᓐᓈ ᑕᕐᕋᒧᑦ ᐊᕐᕕᑕᕆᐊᕐᓯᒪᓃᑦ ᑲᔪᓯᑎᒋᐊᒻᒪᕆᓕᕈᒃ!

ᑐᑭᓯᒋᐊᒃᑲᓂᕈᒪᒍᕕᑦ ᑯᐯᒃ ᑕᕐᕋᖓᑕ ᓄᓇᓕᖏᓐᓂᒃ ᐊᓯᖏᓐᓂᓗ ᐅᐸᑦᑕᐅᔪᑦᓴᐅᓱᑎᒃ ᓄᓇᓂᒃ ᑭᒃᒐᑐᕐᑕᑎᓐᓂᒃ, ᐅᑯᐊ ᓇᕐᓂᑭᑦ.