ᓱᕐᖁᐃᑐᒥᒃ ᐱᑕᖃᓪᓚᕆᒋᐊᓖᑦ ᐱᑦᔪᔭᐅᒍᑎᒋᒋᐊᓕᖏᑦ ᐃᓄᑐᐃᓐᓀᑦ ᑲᔪᓯᑎᒃᑭᑦ ᐃᓚᐅᖃᑦᑕᓗᑎᓪᓗ ᐱᐅᓯᒋᐊᕆᓂᕐᓄᑦ ᐃᓅᓯᐅᔪᒥᒃ ᐊᑦᓱᐃᓂᐅᒋᐊᓕᒻᒥᓗ, ᐊᑕᐅᑦᓯᑯᑦ ᐃᑲᔪᕐᓯᒪᖏᓐᓇᒥᓗᒋᓪᓗ ᐊᔪᕐᓴᓂᕐᑕᖃᖕᖏᑐᒥᒃ ᕿᒻᒪᖁᓯᐊᕆᓯᒪᔭᖓᑦ ᐃᓗᕐᖁᓯᖓ, ᐊᖏᔪᐊᓗᒻᒥᒃ ᐅᑎᕐᕕᐅᓇᕐᓱᓂ ᐊᑑᑎᔭᑦᓴᐅᓲᖅ ᑭᓇᑐᐃᓐᓇᑯᓐᓄᑦ ᐱᕙᓪᓕᐊᑎᑦᓯᒍᑎᖃᓯᔪᓄᑦ ᖁᕕᐊᓇᕐᑐᐊᓗᓐᓂᒃ ᐊᑑᑎᖃᑦᑕᓯᓲᑦᑎᓂᒃ.
ᐃᓄᐃᑦ ᐱᓇᓱᑦᑎᖁᑎᒥᓂᒃ ᑫᓪᓚᑐᐃᕙᑉᐳᖅ ᐱᔭᖃᕋᓱᖃᑦᑕᖁᑦᓱᒋᑦ ᓄᑦᑎᑲᑦᑕᓂᕐᓂᒃ ᐊᑯᕐᖓᒥᓐᓂᒃ ᐊᒻᒪᓗ ᖁᕝᕙᐸᓪᓕᐊᓂᕆᒍᓐᓇᑕᒥᓐᓂᒃ ᐱᒐᓱᕝᕕᖃᑦᓯᐊᖃᑦᑕᖁᑦᓱᒋᑦᐱᒋᐅᕐᓴᑎᑦᓯᓂᖃᓲᒍᒻᒥᔪᒍᑦ ᐱᒋᐅᕐᓴᑎᑕᐅᒍᑎᖏᑦ ᐊᑭᓕᕐᓱᒋᑦ ᐱᓇᓱᑦᑎᐅᑉ ᐱᕙᓪᓕᖁᑎᒋᓚᖓᔫᔮᑐᐊᕐᒪᐅᒃ ᑲᒻᐸᓂᖁᑎᑦᑕ ᐃᓗᐊᓂ.
ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᐱᒋᐊᓕᓚᐅᕐᓂᒪᑕ ᑌᒪᖕᖓᓂᑦ, ᓯᕿᓂᖅ ᖃᐅᔨᒪᔪᖅ ᓱᕐᓗ ᓄᐃᕙᓪᓕᐊᓯᓚᐅᕐᓂᖁᖅ ᐃᓕᓐᓄᑦ. ᐱᓇᓱᒐᖃᓚᖓᑐᐊᕈᕕᑦ ᖃᖓᑦᑕᔫᒥ ᐅᑭᐅᕐᑕᑐᒥ ᐱᓇᓱᓚᖓᒐᓗᐊᕈᕕᑦ ᓄᓇᒦᐅᒐᓗᐊᕐᐸᑦ ᖃᖓᑦᑕᔫᒥᓪᓘᓃ, ᐱᓯᑎᐅᓗᑎᒃ ᐱᒍᓐᓇᓂᖃᑦᓯᐊᕆᐊᖃᓪᓚᕆᑉᐳᑎᑦ ᐱᓇᓱᒍᒪᑐᐊᕈᕕᑦ ᐃᓄᐃᑦ ᖃᖓᑦᑕᔫᖏᓐᓂ.
ᑲᒪᔨᒻᒪᕆᐅᓲᑦ ᐱᓇᓱᑦᑎᓂᒃ ᐃᑉᐱᒋᔭᖃᑦᓯᐊᕋᓱᐊᓲᑦ ᐊᑐᓂ ᐱᓇᓱᑦᑏᑦ ᓂᓪᓕᕕᖃᕈᓐᓇᑎᑦᓯᐊᕋᓱᐊᕐᓱᒋᑦ ᐱᓇᓱᕝᕕᓂ ᐱᐅᓯᐅᒥᒋᐊᓪᓚᕈᑎᑦᓭᑦ ᐱᓪᓗᒋᑦ ᐊᒻᒪᓗ ᐊᑑᑎᔭᐅᒋᐊᓖᑦ ᐱᐅᓯᐅᒥᒋᐊᓪᓚᕈᑎᑦᓴᖏᑦ ᓄᐃᑕᐅᑎᒐᓱᐊᕐᓱᒋᑦ.
ᐃᓄᐃᑦ ᖃᖓᑦᑕᔫᓕᕆᔨᖏᑦ/ᑎᒻᒥᔫᓕᕆᔨᖏᑦ ᖃᐅᔨᒪᑦᓯᐊᐳᑦ ᖃᓄᐃᖕᖏᓯᐊᕐᓗᑎᒃ ᐱᑦᓯᐊᕈᓐᓇᑐᕐᐸᑕ ᐱᓇᓱᑦᑎᕗᑦ, ᐃᓗᓯᕐᓱᓯᐊᕐᓗᑎᒃ ᐊᒻᒪᓗ ᐃᓂᓪᓚᖓᑦᓯᐊᓗᑎᒃ ᑲᔪᑎᑦᓯᓯᐊᕈᓐᓇᓂᖏᓐᓂᒃ ᖃᐅᔨᒪᕗᑦ. ᑕᒪᓐᓇ ᐱᑦᔪᑎᒋᑦᓱᒍ ᑲᑦᓯᙰᑦᑐᓯᐊᓂᒃ ᐱᒍᓐᓇᑐᕆᑦᓯᐊᑐᓂᓪᓗ ᐊᒻᒪᓗ ᓲᓱᒋᐅᑎᑦᓯᐊᑐᓂᒃ ᐱᓇᓱᑦᑎᖃᕋᓱᐊᓲᖑᕗᒍᑦ ᐱᓇᓱᕝᕕᐅᔪᓂ.
ᐱᓇᓱᑦᑏᑦ ᐱᒍᓐᓇᕕᓕᒫᑦᓯᐊᒥᒍᑦ ᐱᓇᓱᐊᕈᓐᓇᓯᐊᖁᓗᒋᑦ, ᐃᓄᐃᑦ ᖃᖓᑦᑕᔫᖁᑎᖏᓐᓂ/ᑎᒻᒥᔫᖁᑎᖏᓐᓂ ᐱᓇᓱᑦᑏᑦ ᐱᒍᓐᓇᕕᓕᒫᒥᒍᑦ ᐃᓱᐊᕐᓂᐹᓂᒃ ᐱᓇᓱᐊᕐᕕᖃᕋᓱᐊᕐᑎᓲᕗᑦ.
ᐃᓄᐃᑦ ᖃᖓᑦᑕᔫᖏᓐᓂ/ᑎᒻᒥᔫᖏᓐᓂ ᐱᓇᓱᑦᑎᓂᒃ ᖃᓄᐃᑦᑐᑐᐃᓐᓇᓂᒃ ᐱᓇᓱᒐᓕᓐᓂᒃ ᐱᕕᑦᓴᖃᕐᑎᓯᓲᒍᕗᑦ ᖃᐅᔨᒪᓂᕐᑖᓕᐅᒥᑎᒐᓱᐊᕐᓱᒋᑦ ᑐᑭᓯᒪᒋᐊᓕᖏᓐᓂᒃ ᐱᒍᓐᓇᓯᐅᒥᓚᖓᑐᐊᕈᑎᒃ ᐱᓇᓱᒐᕐᒥᓂᒃ ᓄᑖᓂᒃ ᖃᐅᔨᒪᓚᐅᕐᓂᖏᑦᑕᖏᓐᓂᒃ ᖃᐅᔨᒪᓂᕐᑖᑎᒐᓱᐊᕐᓱᒋᑦ. ᐱᒍᓐᓇᓯᐅᒥᕙᓪᓕᐊᑐᐃᓐᓇᓕᑐᐊᕐᒪᑕ ᐃᓕᓐᓂᐊᑎᑕᐅᒋᐊᓪᓛᓲᑦ ᐱᒍᓐᓇᓯᐅᒥᒋᐊᓪᓛᑎᒐᓱᐊᕐᓱᒋᑦ ᐊᒻᒪᓗ ᐊᔪᐃᓐᓇᕆᐊᓪᓚᕈᑎᑦᓴᖏᓐᓂᒃ ᐱᒐᓱᐊᕆᐊᓪᓚᖁᑦᓱᒋᑦ ᐊᒻᒪᓗ ᐱᒍᓐᓇᓯᓪᓚᕆᓪᓗᑎᒃ ᑎᑭᐅᑎᑐᐃᓐᓇᕋᑕᖁᑦᓱᒋᑦ ᐱᒐᓱᕐᑕᒥᓄᑦ.
ᐱᓇᓱᕝᕕᖃᕆᐊᒥᒃ ᐃᓄᐃᑦ ᖃᖓᑦᑕᔫᖏᓂ/ᑎᒻᒥᔫᖏᓐᓂ ᐃᓱᒫᓗᑎᑦᓴᖃᖕᖏᓚᕆᓐᓇᑐᖅ ᖃᓄᑐᐃᓐᓇᓕᒫᖅ ᐱᕙᓪᓕᖁᑎᑦᓴᑕᖃᕐᒪᑕ, ᐃᒻᒥᓂᕐᓱᓗᑎᒃ ᐃᓄᒻᒪᕆᐅᔪᖃᓕᕈᓂ ᑮᓇᐅᔭᕐᑖᑕᐅᑎᑦᓴᓂᒃ RRSP-ᖑᓂᕋᕐᑕᐅᔪᓂᒃ ᐃᓱᒪᕐᓲᑎᒋᓗᒋᑦ ᑲᑎᕐᓱᐃᒍᓐᓇᑐᖃᕋᒥ ᐊᒻᒪᓗ ᐱᓇᓱᖃᑎᒌᑦᓱᑎᒃ ᐃᑲᔪᕐᑎᒌᒍᑎᐅᔪᓂᒃ ᐃᒻᒪᖃᐅᑎᓅᕐᙯᒍᑎᑦᓴᓄᑦ ᑲᑎᕐᓱᐃᕕᖃᕈᓐᓇᓱᑎᓪᓗ ᐱᓇᓱᑦᑏᑦ, ᐊᑭᑭᓪᓕᒋᐊᕐᓯᒪᔪᓂᒃ ᐊᐅᓪᓚᑲᑦᑕᐅᑎᖃᕈᓐᓇᒥᑦᓱᑎᒃ ᐃᓄᐃᑦ ᖃᖓᑦᑕᔫᖏᓐᓄᑦ ᐱᑐᑦᓯᒪᔪᓂᒃ ᐊᐅᓚᒍᑎᖃᕈᓐᓇᒥᑦᓱᑎᓪᓗ ᓇᒧᑐᐃᓐᓇᖅ!
ᐃᓄᐃᑦ ᖃᖓᑦᑕᔫᖏᓐᓂ/ᑎᒻᒥᔫᖏᓐᓂ ᐱᓇᓱᑦᑏᑦ, ᖃᐅᔨᒪᑦᓯᐊᐳᑦ ᐃᓚᒌᑦᑐᐃᑦ ᐃᓅᓯᖏᑦ ᐃᓚᖓᓂ ᐊᐳᑦᓯᐊᓇᕐᑐᑰᓱᒍᓂᖏᓐᓂᒃ ᐱᓇᓱᒐᕐᒥᒍᑦ. ᑌᒣᒻᒪᑦ ᒪᓕᒐᓕᐅᕐᓯᒪᓚᕿᔪᒍᑦ ᐃᓱᐊᓈᕐᓯᒪᒐᓱᐊᕐᑐᓂᒃ ᐃᓄᓐᓄᑦ ᐱᓇᓱᑦᑎᖁᑎᑦᑎᓄᑦ ᐱᓇᓱᕝᕕᒥᓂ ᐃᓅᓯᕐᒥᒍᓪᓗ ᐃᓱᐊᕐᓂᓴᐅᑎᑦᓯᒐᓱᐊᕐᑐᓂᒃ.
ᐱᓇᓱᒉᑦ ᐊᓪᓚᑕᐅᒪᐅᑎᖏᑦ
ᖃᖓᑦᑕᔫᒥ/ᑎᒻᒥᔫᒥ ᖃᖓᑕᑎᓪᓗᒋᑦ ᐱᑦᔪᔨᓂᐅᒐᓗᐊᕐᐸᑕ, ᓄᓇᒥᓗ ᐊᐅᓚᑦᓯᓂᐅᒐᓗᐊᕐᐸᑕ ᐅᕝᕙᓘᓐᓃᑦ ᓯᖁᒥᓯᒪᔪᕐᓂᐊᓂᕐᓂᓗᓐᓃᑦ ᐱᓇᓱᒐᖃᒍᒪᒐᔭᕆᐊᒥᒃ ᑲᖐᒋᔭᖃᕈᕕᑦ, ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᓇᓂᓯᕕᑦᓴᐅᕗᑦ ᕿᓂᕐᐸᑕᕐᓃᕕᑦ. ᐱᓇᓱᒐᕐᑖᕋᓱᐊᕕᑦᓭᑦ ᐊᒥᓱᒻᒪᕇᑦ ᐊᑐᐃᓐᓇᐅᒪᑕ ᐃᓚᒋᓕᐅᑎᒐᓱᐊᕈᒪᔪᐃᑦ ᐱᒐᓱᐊᕈᓐᓇᑐᑦ, ᖃᖓᑦᑕᔫᓕᕆᔨᐅᑦᓱᑎᒃ/ᑎᒻᒥᔫᓕᕆᔨᐅᑦᓱᑎᒃ ᐊᖏᔪᒻᒪᕆᐊᓗᒻᒥᒃ ᐃᓱᒪᒍᓯᓕᓐᓂ!
ᐱᓇᓱᒐᕆᒍᒪᔦᑦ ᐊᒃᓚᑕᐅᓯᒪᖃᑕᐅᖕᖏᑐᖅ?
There are no positions currently open but feel free to let us know how you can make a difference at Air Inuit.