Sparrow - ᖃᖓᑦᑕᔫᕐᑎᐅᓂᕐᒧᑦ ᐃᓕᓐᓂᐊᓂᖓ
ᑐᖕᖓᓱᒋᑦ ᐃᓄᐃᑦ ᖃᖓᑦᑕᔫᖏᑦᑕ ᖃᖓᑦᑕᔫᕐᑎᐅᒋᐅᕐᓴᕕᖓᓄᑦ!
ᖃᖓᑦᑕᔫᕐᑎᐅᒋᐅᕐᓴᓂᖅ ᐊᑦᔨᐅᖏᑦᑑᓱᓂ ᐱᒋᐅᕐᓴᑎᑦᓯᕕᐅᕗᖅ ᐃᓄᑐᐃᓐᓇᓂᑦ ᒪᓂᔨᑦᓱᓂ ᐱᒋᐅᕐᓴᑎᑕᐅᓂᑦᓴᖏᓐᓂ, ᐃᑲᔪᕐᓯᐅᑎᑦᓴᖏᓐᓂ ᐊᒻᒪᓗ ᖃᖓᑦᑕᔫᓐᓂᐊᕕᓐᓂ ᐱᓇᓱᐊᖃᑎᖃᕐᓂᑯᑦ ᑭᖕᖒᒪᒋᔭᖏᑎᒍᑦ ᖃᖓᑦᑕᔫᒥ ᐊᖁᕐᑎᐅᓂᕐᒧᑦ. ᐱᒋᐅᕐᓴᑎᑕᐅᓂᕐᒥᒍᑦ ᐃᓄᐃᑦ ᖃᖓᑦᑕᔫᖏᑦ ᒪᓂᔨᓲᖅ ᐃᓚᐅᔪᓂᑦ ᐱᒍᓐᓇᕕᖃᕐᑎᓱᒋᑦ ᖃᖓᑦᑕᔫᒥᒃ ᐊᖁᕈᓐᓇᐅᑎᑖᕐᓂᒥᒃ ᐊᒻᒪᓗ ᖃᖓᑦᑕᔫᓂ ᐊᖁᕐᑎᓗᒋᑦ ᖃᖓᑦᑕᔫᓐᓂᐊᕕᖏᓐᓂ!
ᐱᒋᐅᕐᓴᑕᐅᓛᕐᑐᒧᑦ ᐃᓕᓐᓂᐊᑐᑦᓴᓂᑦ ᓂᕈᐊᕐᓃᑦ ᐅᑭᐅᖅ 2026/2027-ᒥ ᑲᑦᓱᙰᑦᑐᓂᒃ ᓄᓇᕕᒻᒥᐅᓂᑦ ᐃᓚᐅᔫᔪᓂ* ᓇᑖᒍᑦᔨᓯᒪᔪᓂᑦ ᐊᑖᓃᑦᑐᓂᑦ ᐱᓯᒪᔭᐅᒋᐊᓕᓐᓂᑦ:
- ᐱᔭᕇᕐᓯᒪᓗᓂ ᐳᕐᑐᓂᕐᓴᖅ 5-ᒥ ᐃᓕᑕᕆᔭᐅᒍᑎᖃᕐᓗᓂ ᐃᓕᓐᓂᐊᓯᐊᕐᓯᒪᔫᓗᓂᓗ
- ᐸᓯᔭᐅᒪᐅᑎᖃᕆᐊᖃᖕᖏᑐᖅ ᐊᒻᒪᓗ ᐋᖓᔮᓐᓇᑐᖃᕐᒪᖔᑦ ᑎᒥᒃᑯᑦ ᑲᒪᒋᔭᐅᓗᓂ (ᐃᓚᐅᑎᓪᓗᒋᑦ ᑕᒪᒋᑦ ᓂᐅᕐᕈᑕᐅᒍᓐᓇᑐᐃᑦ ᓂᐅᕐᕈᑕᐅᕆᐊᖃᖕᖏᑐᐃᓪᓗ ᐋᖓᔮᓐᓇᑐᐃᑦ)
- ᐳᕐᑐᓂᓕᒻᒥ 1 ᑲᓇᑕᒥ ᐃᖏᕐᕋᔪᓕᕆᔨᒃᑯᑦ ᐋᓐᓂᐊᓯᐅᕐᑕᐅᒍᑎᒥᓂᒃ ᐱᓯᒪᒍᓐᓇᕆᐊᓕᒃ
- ᐅᖃᐅᓯᐅᑉ ᐁᑉᐱᐅᑎᖓᓂᒃ ᐅᖄᕈᓐᓇᓯᐊᕐᓗᓂ ᓲᖑᔪᒥᒃ
- ᐃᒻᒥᓂᕐᓱᒍᓐᓇᓯᐊᕐᑐᖅ ᐊᒻᒪᓗ ᐱᓗᑲᑦᑌᓕᓲᖑᓗᓂ
ᐊᐱᕐᓲᑎᑦᓴᖃᕈᕕᑦ ᐊᓪᓚᕕᒋᓗᒍ info-sparrow@airinuit.com
*ᐃᓚᐅᔫᒋᐊᓕᒃ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ (JBNQA)
ᑐᖕᖓᓱᒋᑦᓯ ᐃᓄᐃᑦ ᖃᖓᑦᑕᔫᖏᑦᑕ ᖃᖓᑦᑕᔪᕐᑎᐅᕆᐅᕐᓴᓂᕐᒥᒃ ᐱᓇᓱᑦᑕᐅᔪᒧᑦ ᑌᔭᐅᔪᖅ Sparrow, ᐊᑦᔨᖃᖕᖏᑐᖅ ᐃᓄᓐᓅᓕᖓᔪᖅ ᖃᖓᑦᑕᔫᕐᑎᐅᓂᕐᒥᒃ ᐃᓕᑕᕆᔭᐅᒍᑎᑖᕐᕕᐅᒍᓐᓇᑐᖅ ᖃᖓᑦᑕᔫᕐᑎᐅᓗᑎᓗ ᖃᖓᑦᑕᔪᓕᕆᕕᖏᓐᓄᑦ!
ᐱᓇᓱᑦᑕᐅᔪᖅ ᐃᓕᓐᓂᐊᑎᑦᓯᓂᐅᔪᖅ ᐃᓕᓐᓂᐊᑐᑦᓴᓂᑦ, ᐃᑲᔪᕐᓯᒍᑎᑕᖃᕐᓱᓂ, ᖃᖓᑦᑕᔪᓕᕆᕕᒻᒥᓗ ᐱᓇᓱᖃᑎᖃᕐᓱᑎᑦ ᐃᓄᐃᑦ ᖃᖓᑦᑕᔫᖏᓐᓄᑦ ᖃᖓᑦᑕᔪᕐᑎᕈᓗᑎᑦ.
ᕿᓂᕐᖁᒍᑦ ᐃᓕᓐᓂᐊᑎᐅᒍᒪᔪᓂᑦ Sparrow-ᒥᒃ, ᐱᒋᐊᓛᕐᑐᖅ ᒪᓐᑐᕆᐊᓪᒥ ᐅᐱᕐᖔᖅ ᓈᓂᖓᓂ 2026-ᒥ. ᐃᓚᐅᖁᔨᕗᒍᑦ ᐱᒍᓇᐅᑦᓯᖓᔪᓂᑦ ᓄᓇᕕᒻᒥᐅᓂᑦ ᐃᓚᐅᔪᓂᑦ* ᐅᑯᓂᖓ ᑐᖕᖓᕕᐅᔪᓂᑦ ᐱᒍᓐᓇᓯᒪᔪᓂᑦ ᐃᓕᓐᓂᐊᕈᒪᐅᑎᒥᓂᒃ ᑐᓂᔨᓯᒪᒋᐊᓖᑦ ᒫᑦᔨ 1, 2026-ᖑᐅᕐᑎᓇᒍ:
- ᐱᔭᕆᕈᑎᑖᕐᓯᒪᓗᓂ ᐳᕐᑐᓂᕐᓴᓂᑦ 5ᒥᒃ ᐃᓕᓐᓂᐊᑕᒥᓂᓗ ᐱᓯᑎᐅᓗᓂ**
- ᐱᓂᕐᓗᓚᐅᕐᓯᒪᒻᒪᖔᕐᒥ ᑲᒪᒋᔭᐅᒍᑎᒥᓂᒃ ᐋᖓᔮᓐᓇᑐᓂᓗ ᖃᐅᔨᓴᕐᑕᐅᓂᕐᒥᒃ ᐊᓂᒍᑦᓯᐊᓗᓂ (ᐃᓚᐅᑎᓪᓗᒋᑦ ᑕᒪᒋᒃ ᐋᖓᔮᓐᓇᑐᑦ ᐱᖁᔭᑎᒍᑦ ᐃᓕᑕᕆᔭᐅᔪᐃᑦ ᐊᒻᒪᓗ ᓂᐅᕕᐊᑦᓭᑦ ᐱᖁᔭᑎᒍᑦ ᒪᓕᖕᖏᑐᓂᑦ)
- ᐊᓂᒍᕈᓐᓇᓗᓂ ᐳᕐᑐᓂᖓ 1-ᒥᒃ ᑲᓇᑕᒥ ᐊᐅᓚᐅᑎᓕᕆᓂᕐᒧᑦ ᐋᓐᓂᐊᓯᐅᕐᑎᓄᑦ ᖃᐅᔨᓴᕐᑕᐅᓂᕐᒥᓂᒃ
- ᐅᖄᒍᓐᓇᓯᐊᕐᓗᓂ ᐅᖃᐅᓯᐅᑉ ᐁᑉᐹᓂᒃ
- ᐃᒻᒥᓂᕿᒍᓐᓇᓯᐊᕐᓗᓂ ᐱᕈᕐᓯᒪᑦᓯᐊᓗᓂᓗ ᐱᐅᓯᖓ
ᐃᓕᓐᓂᐊᑎᐅᒍᒪᒐᔭᕐᑐᐃᑦ ᐃᓕᓐᓂᐊᑎᐅᒍᒪᒍᑎᒥᓂᒃ ᑐᓂᔨᖁᔭᐅᕗᑦ ᑲᑎᕕᒃ ᐃᓕᓴᕐᓂᓕᕆᔨᒃᑯᑦ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᖓᓂ ᐁᓗᑎᑦ ᐅᕗᖓᐱᑐᒍᑎᒧᑦ ᐊᒻᒪᓗ ᑕᕐᕋᓕᔮᒥᒃ ᑕᑯᓐᓇᓗᑎᑦ ᐃᓕᓐᓂᐊᕋᕕᑦ ᐱᓇᓱᑦᑕᕗᓐᓅᓕᖓᔪᒥᒃ. ᖃᐅᔨᒪᔭᐅᒋᐊᓕᒃ ᐃᓕᓐᓂᐊᕈᒪᒍᑎᒥᓂᒃ ᑕᑕᕐᓭᕈᓯᖅ ᑲᑎᕕᒃ ᐃᓕᓴᕐᓂᓕᕆᔨᒃᑯᑦ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᖓᑎᒍᕐᖁᖅ, ᑐᓂᔭᐅᓯᑦᓱᑎᑕᒐ ᐃᓄᐃᑦ ᖃᖓᑦᑕᔪᖏᓐᓄᑦ. ᑕᑕᕐᓭᒋᑦ ᐱᕕᓕᒫᖓᒍᑦ ᐊᓪᓚᒍᓐᓇᑕᑎᓐᓂᑦ ᐃᓕᓐᓂᐊᕈᒪᐅᑎᐅᑉ ᑕᑕᕐᓴᕋᖓᓂ.
ᐊᐱᕐᓲᑎᑦᓴᖃᕈᑦᓯ ᐊᓪᓚᕕᖃᕆᑦᓯ ᐅᕗᖓinfo-sparrow@airinuit.com
*ᐃᓚᐅᔫᒋᐊᓕᒃ ᔦᒻᔅ ᐯ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ (JBNQA)
**ᐳᕐᑐᓂᕐᓴᓂ ᐃᓕᓐᓂᐊᓯᒪᓗᓂ ᐱᐅᔪᒐᔭᕐᑐᖅ ᐃᓕᓐᓂᐊᕈᒪᐅᑎᒥᓂᒃ ᑐᓂᔨᔪᖅ
No photo and no words will ever describe the feeling of passing your commercial flight test! Thank you forever to those who got me here.
ᐃᓕᓵᑦ Sparrow-ᑯᑦ ᐱᓇᓱᐊᕐᑕᐅᒍᑎᖓᑕ ᐅᓪᓗᒋᔭᖓ
