ᐃᓄᐃᑦ ᖃᖓᑦᑕᔫᖏᑦᑕ/ᑎᒻᒥᔫᖏᑦᑕ ᐱᕙᓪᓕᐊᒍᑎᒋᓗᒋᑦ ᐱᓇᓱᐊᕐᕕᖃᕈᒪᕗᑦ ᑯᐯᒃ ᑕᕐᕋᖓᓃᓐᓂᐸᐅᑦᓱᑎᒃ ᓄᓇᓕᐅᔪᓂᒃ ᐱᑐᑦᑎᓯᒪᑎᒐᓱᐊᕐᓗᒋᑦ ᐊᑦᑕᓇᖕᖏᑑᒍᓐᓇᕕᓕᒫᖓᑎᒍᑦ. ᐃᑲᔪᕐᓯᒪᒍᑎᖃᓲᒍᒻᒥᔪᒍᑦ ᐃᓅᖃᑎᒌᑦᑐᓂᒃ ᑮᓇᐅᔭᑎᒍᑦ ᐱᕙᓪᓕᐊᑎᑦᓯᒐᓱᐊᕈᑎᐅᔪᓂᒃ ᐱᓇᓱᒐᕐᓂᒃ ᐊᑐᐃᓐᓇᐅᕕᖃᕐᑎᓯᑦᓱᑕ ᐃᓄᓐᓂᒃ.
ᐱᒋᐊᕐᑎᑕᐅᓯᒪᑦᓱᑎᒃ ᐃᓄᓐᓄᑦ 1978-ᒥ ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᓄᐃᑕᓚᐅᕐᓯᒪᕗᑦ ᖃᖓᑦᑕᔫᒃᑯᑦ ᓄᓇᕕᒻᒥ ᓄᓇᓖᑦ ᐱᑐᑦᓯᒪᓗᑎᒃ ᑎᑭᑦᑕᑕᐅᖃᑦᑕᖁᑦᓱᒋᑦ ᖃᖓᑦᑕᔫᒃᑯᑦ ᓄᓇᓖᑦ ᓯᓈᓂᒥᐅᑦ, ᑕᐅᕐᓯᐅᖃᑦᑕᐅᑎᖃᑦᑕᖁᑦᓱᒋᑦ ᐊᒻᒪᓗ ᐃᓄᐃᑦ ᐱᐅᓯᑐᖃᕐᒥᒍᑦ ᐃᓗᕐᕈᓯᒥᓂᒃ ᐱᐅᓕᐊᕈᓐᓇᓯᑎᒐᓱᐊᕈᒪᑦᓱᒋᑦ. ᐱᕙᓪᓕᐊᑎᑦᓯᒐᓱᐊᖃᑕᐅᓪᓚᕆᒻᒥᔪᒍᑦ ᓄᓇᒥ ᐊᖏᔪᑲᓪᓛᓗᒻᒥ ᐱᑦᔪᔨᕕᒋᔭᑦᑎᓂ ᐊᒻᒪᓗ ᒪᑭᑕᒍᓐᓇᑎᒐᓱᐊᕐᓱᒋᑦ ᐃᓄᐃᑦ ᓴᐳᒻᒥᕙᑦᑕᕗᑦ ᖃᓄᑐᐃᓐᓇᖅ ᓄᓇᓖᑦ ᑎᒥᐅᔪᖁᑎᖏᑦ ᐊᑦᔨᒌᖕᖏᑐᐃᑦ, ᐱᐅᓯᑐᖃᕐᒥᑎᒍᑦ ᓱᓇᓱᐊᕐᓂᖃᓕᑐᐊᕐᒪᑕ, ᐃᓕᓐᓂᐊᓂᓕᕆᓂᒃᑯᑦ ᐊᒻᒪᓗ ᓵᓚᖃᐅᑎᒐᓱᐊᕐᓱᑎᒃ ᐱᖕᖑᐊᓂᕐᓅᓕᖓᔪᓂᒃ, ᐊᒻᒪᓗ ᐃᓄᑐᐃᓐᓇᓂᒃ ᐱᓇᓱᒐᖃᕐᑎᓯᒐᓱᐊᕐᓂᑯᑦ ᐱᓇᓱᐊᕈᑎᖃᕐᐸᒥᔪᒍᑦ.
ᐱᓇᓱᒐᖃᕐᑐᖓ ᓯᕗᓕᕐᓂᒥᒃ ᐱᓇᓱᑦᑎᓂᒃ ᑐᓂᓯᒪᓂᐊᕐᑐᓂᒃ ᖃᓄᐃᖕᖏᓯᐊᕆᐊᖃᕐᓂᖏᓐᓄᑦ ᐱᕙᓪᓕᐊᓂᖃᕆᐊᖃᕐᓂᖏᓐᓄᓪᓗ ᓄᓇᕕᒻᒥᐅᑦ ᐃᓄᖏᑦ.
ᐃᓄᐃᑦ ᖃᖓᑦᑕᔫᖏᑦ ᖃᐅᔨᒪᓂᖃᑦᓯᐊᐳᑦ ᓄᓇᕕᒻᒥᒃ ᐊᒻᒪᓗ ᐊᕐᓱᕈᓐᓇᑐᒻᒪᕆᐊᓘᒍᓐᓇᓂᖓᓂᒃ ᐅᑭᐅᕐᑕᑐᖅ ᖃᐅᔨᒪᓂᖃᑦᓯᐊᓱᑎᒃ. ᐊᕐᕌᒍᓂ ᐊᕙᑏᒃ ᒪᕐᕉᓂ (40-ᓂ) ᐱᓇᓱᐊᓕᕐᓱᑕ, ᐊᑑᑎᔭᐅᓚᐅᕐᓯᒪᖕᖏᑐᓂᒃ ᐱᓇᓱᐊᕈᓐᓇᓯᒪᒐᑦᑕ ᖃᐅᔨᒪᔪᓪᓚᕆᐅᓂᕐᐸᐅᕗᒍᑦ ᐱᓇᓱᐊᕐᕕᒋᔭᑦᑎᓂᒃ. ᐃᓱᒫᓗᖕᖏᓯᐊᕐᓗᑎᑦ ᖃᖓᑦᑕᔫᖁᑎᑦᑎᒍᑦ ᐊᐅᓪᓚᕈᑦᓴᓯᐊᕐᖁᓯ. ᐃᖏᕐᕋᑎᑕᖃᕐᓂᖅ ᒥᕝᕕᓂ ᕿᕐᓱᑎᑎᒑᕐᓯᒪᖕᖏᑐᓂ, ᐊᐳᑎᒃᑯᓗ ᓯᑯᐊᓯᔮᒃᑯᓗ, ᐃᓄᐃᑦ ᐱᔭᖃᕋᓱᖏᓐᓇᓲᖑᕗᑦ ᖃᖓᑦᑕᔫᖁᑎᒥᓂᒃ ᓯᖁᒥᓯᒪᑎᑦᓯᑌᓕᓂᖃᕐᓱᑎᒃ ᐱᐅᓂᕐᐹᖑᒐᓱᑦᑐᓂᒃ ᐊᑐᕐᓱᑎᒃ.
ᑌᒫᓪᓗᐊᓭᓐᓇᖅ ᑲᒪᒋᔭᖃᑦᓯᐊᕋᓱᐊᓲᒍᔪᒍᑦ ᐱᓇᓱᑦᑎᑎᓐᓂᒃ ᐱᓇᓱᒐᕐᒥᓂᒃ ᑲᔪᓯᑦᓯᐊᓗᑎᒃ ᓯᕗᒧᐊᑦᓯᐊᖁᒐᑦᑎᒋᑦ. ᐱᓇᓱᕝᕕᒋᔭᐅᔪᓂᒃ ᐱᓇᓱᕝᕕᓯᐊᖑᑎᑦᓯᒐᓱᐊᓲᒍᒻᒥᔪᒍᑦ ᒪᓕᒐᖃᕐᑎᓯᐊᕐᓱᒋᑦ ᐱᓇᓱᑦᑎᓕᒫᑦ, ᐱᒋᐅᕐᓴᑎᑦᓯᓂᖃᓲᒍᒻᒥᔪᒍᑦ ᐊᒻᒪᓗ ᐱᓇᓱᒐᕐᒥᓂ ᓯᕗᒧᐊᒋᐊᓪᓚᕈᑎᑦᓴᖏᓐᓂᒃ ᐱᒍᓐᓇᕕᖃᕐᑎᒐᓱᐊᕐᓱᒋᓪᓗ ᐱᕕᓕᒫᒥᒍᑦ ᐱᒐᓱᐊᕐᑕᖏᓐᓂᒃ ᑎᑭᐅᑎᑎᒐᓱᐊᕐᓱᒋᑦ.
ᐊᒥᓱᑲᓪᓛᓗᐃᑦ ᐱᑦᔪᔨᕙᑦᑕᕗᑦ ᐃᓄᐃᑦ ᖃᖓᑦᑕᔫᖏᓐᓂᒃ/ᑎᒻᒥᔫᖏᓐᓂᒃ ᐱᖃᖃᑕᐅᒻᒥᒪᑕ, ᐱᓇᓱᐊᕐᓂᑎᓐᓄᑦ ᑐᓂᒪᓂᕗᑦ ᑐᖕᖓᕕᖃᓪᓚᕆᑉᐳᖅ ᐃᑲᔪᕐᑎᒌᑦᓱᑕ ᐃᓗᕐᕈᓯᑦᑎᒍᑦ. ᑌᒣᒻᒪᑦ ᕿᑦᑌᖓᑦᓱᑕ ᐱᓇᓱᐊᕈᓐᓇᓯᐊᓲᖑᔪᒍᑦ ᐊᒻᒪᓗ, ᐱᑦᓯᐊᒪᕆᑦᓱᑕ ᐱᔪᕆᑦᓱᑕᓗ.
ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᐃᓄᐃᑦ ᑮᓇᐅᔭᑎᒍᑦ ᐱᐅᓯᑐᖃᕐᒥᒍᓪᓗ ᐱᕙᓪᓕᐊᒐᓱᐊᕐᓂᖏᓐᓄᑦ ᐃᓚᒋᔭᑦᓯᐊᓲᖑᕗᑦ ᓴᐳᒻᒥᓱᒋᑦ ᐃᓗᕐᕈᓯᕐᒥᑎᒍᑦ ᐊᒻᒪᓗ ᓵᓚᖃᐅᑎᒐᓱᐊᕐᓂᑯᑦ ᐱᖕᖑᐊᓂᕆᓲᖏᓐᓂᒃ ᖃᓄᑐᐃᓐᓇᖅ, ᓄᓇᓕᓐᓂᓗ ᑎᒥᐅᔪᓂᒃ ᐊᒻᒪᓗ ᐃᓕᓐᓂᐊᑎᑦᓯᒍᑎᐅᔪᓂᒃ, ᐊᒻᒪᓗ ᐃᓕᓴᕐᓂᒥᓂᒃ ᐊᔪᐃᓐᓇᑐᓱᑎᒃ ᐱᑦᓯᐊᑐᓂᒃ ᐃᓕᓴᕆᐊᓪᓛᕈᑎᑦᓴᖏᓐᓂᒃ ᓴᐳᒻᒥᓂᖃᓲᒍᑦᓱᑕ ᐊᒻᒪᓗ ᑐᓴᕐᕙᓚᒻᒣᑑᓲᒍᑦᔭᒐᑕ ᐱᒋᐊᕐᑎᓯᒍᑕᐅᒐᓱᐊᕐᑐᓂᒃ ᓱᓇᑐᐃᓐᓇᓂᒃ. ᑕᒪᒃᑯᑎᒎᓇ ᐃᑲᔪᕐᓯᒪᓲᒍᒐᑦᑕ, ᑌᒃᑯᐊ ᐱᕙᓪᓕᐊᖁᑎᑖᕐᐸᑐᐃᑦ ᐃᑲᔪᕐᓯᒪᒍᑎᒋᕙᑦᑕᑎᓐᓂᒃ ᐃᑲᔪᕐᓯᒪᒍᓐᓇᓯᒍᒫᕐᒥᔪᑦ ᒪᑭᑉᐸᓕᐊᒍᑎᐅᒐᓱᐊᕐᓱᑎᒃ ᐱᕙᓪᓕᐊᓂᐅᔪᓂᒃ.
ᐅᕙᑦᑎᓄᑦ ᐱᓇᓱᖃᑎᐅᒋᑦ!