ᒥᕝᕕᒃ ᐊᑐᖏᓐᓇᓚᖓᔪᖅ ᓴᓇᔭᐅᓂᓕᒫᖓᓂ. ᑭᓯᐊᓂ ᓴᓇᔭᐅᑎᓪᓗᒍ ᖃᖓᑕᓂᖅ ᐊᓯᑦᔨᓯᒪᓚᖓᕗᖅ ᐃᑦᓯᕙᐅᑕᐃᑦ ᖃᑦᓯᐅᓂᖏᓐᓂᒃ ᒥᑭᓪᓕᑎᕆᓯᒪᓂᖅ ᐳᕕᕐᓂᑐᒨᕐᑐᐃᑦ ᐊᒻᒪᓗ ᐳᕕᕐᓂᑐᒥ ᐱᔪᑦ (YPX)
ᐊᐅᓚᑦᓯᓂᐅᔪᑦ ᒪᕐᕈᐃᓕᖓᔪᒥᒃ ᐱᓇᓱᐊᕐᓂᖃᓚᖓᕗᖅ:
ᐊᐅᓚᑦᓯᓂᖅ 1 - ᐊᐅᒡᒍᓯ 4-ᒥᑦ 9-ᒧᑦ
Boeing 737 ᖃᖓᑦᑕᔫᖏᑦ ᑲᔪᓯᓂᐊᕐᑐᑦ ᖃᖓᑦᑕᖃᑦᑕᓂᕐᒥᒃ ᒪᓐᑐᕆᐊᓪᒧᑦ(YUL) ᐊᒻᒪᓗ ᓚᑲᕌᓐᒧᑦ (YGL) ᖃᖓᑦᑕᔫᒃᑯᑦ ᐊᐅᓪᓚᖃᑦᑕᑐᑦ ᐳᕕᕐᓂᑐᒧᑦ ᐅᕝᕙᓘᓃᑦ ᐳᕕᕐᓂᑐᒥᑦ (YPX) ᑲᔪᓯᓂᐊᕐᑐᑦ ᐊᐅᓪᓚᕐᓂᒥᓂᒃ Dash-8-ᑯᑦ (YGL) ᐊᒻᒪᓗ YPX ᐊᑯᓐᓂᖓᓂ
ᐊᐅᓚᑦᓯᓂᖅ 2 - ᐊᐅᒡᒍᓯ 10-ᒥᑦ 18-ᒧᑦ
Boeing 737 ᖃᖓᑦᑕᔫᖏᑦ ᑲᔪᓯᓂᐊᕐᑐᑦ ᖃᖓᑦᑕᖃᑦᑕᓂᕐᒥᒃ ᒪᓐᑐᕆᐊᓪᒧᑦ(YUL) ᐊᒻᒪᓗ ᓚᑲᕌᓐᒧᑦ (YGL) ᖃᖓᑦᑕᔫᒃᑯᑦ ᐊᐅᓪᓚᖃᑦᑕᑐᑦ ᐳᕕᕐᓂᑐᒧᑦ ᐅᕝᕙᓘᓃᑦ ᐳᕕᕐᓂᑐᒥᑦ (YPX) ᑲᔪᓯᓂᐊᕐᑐᑦ ᐊᐅᓪᓚᕐᓂᒥᓂᒃ Dash-8-ᑯᑦ (YGL) ᐊᒻᒪᓗ (YPX) ᐊᑯᓐᓂᖓᓂ, ᑕᒐ Twin Otter-ᑯᑦ ᖃᖓᑕᓂᐊᕐᓗᑎᒃ (YPH) ᐊᒻᒪᓗ (YPX) ᐊᑯᓐᓂᖓᓂ,
ᓯᕗᓪᓕᐸᐅᔨᓂᖅ ᐊᑐᓪᓚᕆᑦᑐᓄᑦ ᐊᐅᓪᓚᑕᕐᓂᐅᔪᓄᑦ
ᐱᑦᔪᑎᒋᓗᒍ ᐃᑦᓯᕙᐅᑕᐃᑦ ᖃᑦᓯᐅᓂᖏᓐᓂᒃ ᒥᑭᓪᓕᑎᕆᓯᒪᓂᖅ ᖃᖓᑦᑕᔫᒃᑯᑦ ᐳᕕᕐᓂᑐᒧᑦ ᐊᒻᒪᓗ ᐳᕕᕐᓂᑐᒥᑦ, ᓯᕗᓪᓕᐸᐅᔨᓂᖅ ᑐᓂᔭᐅᓂᐊᕐᑐᖅ ᐊᑐᓪᓚᕆᑦᑐᓄᑦ ᐊᐅᓪᓚᓂᐅᔪᓄᑦ, ᐃᓚᐅᑎᓪᓗᒋᑦ ᐋᓐᓂᐊᕕᓕᐊᕐᑐᓄᑦ (ᑐᓚᑦᑕᕕᒃ ᐊᒻᒪᓗ ᐃᓅᓕᑦᓯᕕᒃ ᐋᓐᓂᐊᕕᖓ), ᐊᒻᒪᓗ ᐱᓇᓱᑦᑎᓄᑦ ᐊᓯᑦᔨᑕᕐᑐᓄᑦ ᐃᓄᐃᑦ ᖃᖓᑦᑕᔫᖏᓐᓂ ᐊᐅᓚᑦᓯᓂᕐᒥᒃ ᐊᑐᓪᓚᕆᑦᑐᖁᑎᖏᓐᓂ. ᐃᑦᓯᕙᐅᑕᐃᑦ ᐊᒥᐊᒃᑯᖏᑦ ᐊᑐᐃᓐᓇᐅᑎᑕᐅᓂᐊᕐᑐᑦ ᒪᓕᓪᓗᒍ ᐃᓂᑦᓴᖃᕐᓂᖓᓂᒃ.
ᖃᖓᑦᑕᔫᒃᑯᑦ ᐊᐅᓪᓚᖃᑦᑕᑐᑦ ᐊᐅᒡᒍᓯ 4-ᒥ - 18-ᒧᑦ, 2026-ᒥ ᐊᑯᓐᓂᖓᓂ, ᑲᔪᖏᕐᓴᑕᐅᕗᑦ ᖃᐅᔨᒋᐊᕐᓂᒧ ᖃᖓᑦᑕᕕᑦᓴᐃᑦ ᐊᓯᑦᔨᑕᐅᓯᒪᔪᓂᒃ ᐊᑖᓂ ᐊᒻᒪᓗ ᖃᐅᔨᒋᐊᕐᓗᑎᒃ ᐃᓂᑦᓴᓕᐅᕐᑎᖁᑎᑦᑎᓄᑦ ᐊᐱᕐᓲᑎᑦᓴᖃᕈᑎᒃ ᐅᕝᕙᓘᓐᓃᑦ ᐃᑲᔪᕐᑕᐅᒋᐊᖃᕈᑎᒃ ᐃᓂᑦᓴᓕᐊᕆᓯᒪᔭᒥᓂᒃ
ᐅᓯᒐᑦᓴᓂᒃ ᐱᔨᑦᓯᕋᐅᑎᒃ
ᐱᑦᔪᑎᒋᓗᒍ ᒥᕝᕕᒥᒃ ᓴᓇᒋᐊᕐᓂᖅ ᐳᕕᕐᓂᑑᑉ ᒥᕝᕕᖓᓂ (YPX) ᐊᒻᒪᓗ ᑕᒪᑐᒪ ᓴᕐᕐᑭᑎᑕᖓᓂᒃ ᐊᐅᓚᑦᓯᓂᕐᒧᑦ ᐊᔪᕈᑎᐅᔪᓂᒃ, ᐃᓄᐃᑦ ᖃᖓᑦᑕᔫᖏᑦ ᑲᔪᖏᕐᓴᐃᕗᖅ ᓂᐅᕕᖃᑦᑕᑐᓂᒃ ᐸᕐᓇᓯᒪᖁᔨᕗᑦ ᐅᓯᔭᑦᓴᓂᒃ ᓯᕗᓪᓕᐸᐅᑦᔭᐅᒋᐊᓕᓐᓂᒃ, ᓂᕿᓂᒃ, ᐅᕝᕙᓘᓃᑦ ᐊᖏᔪᓂᒃ ᐅᓯᔭᑦᓴᓂᒃ ᐅᓯᔭᐅᒋᐊᖃᕐᓂᖏᓐᓂᒃ ᒥᑭᓪᓕᑎᕆᖁᓪᓗᒋᑦ ᑎᑭᓴᐃᓂᕐᒧᑦ ᑭᖑᕙᕐᓂᐅᔪᖅ ᐱᓪᓗᒍ.
ᐃᓱᓕᕝᕕᖓ ᐅᓯᔭᑦᓴᓂᒃ ᑐᓂᓯᓂᕐᒧᑦ ᐳᕕᕐᓂᑐᒨᑐᓂᒃ (YPX) ᐊᐅᒡᒍᓯ 6, 2026-ᒥ. ᖃᓄᐃᑦᑐᑐᐃᓐᓇᓂᒃ ᐅᓯᔭᑦᓴᓂᒃ ᐳᕕᕐᓂᑐᒨᕐᑐᓂᒃ (YPX) ᑎᒍᔭᐅᓂᐊᖕᖏᑐᖅ ᐊᐅᒡᒍᓯ 7-ᒥᑦ ᐊᐅᒡᒍᓯ 17-ᒧᑦ, 2026, ᑖᒃᑯᐊ ᐅᓪᓗᐃᑦ ᐃᓚᐅᑎᓪᓗᒋᑦ.
ᓇᑯᕐᒦᖁᒍᑦ ᖃᖓᑕᖃᑦᑕᑐᓂᒃ ᑐᑭᓯᑦᓯᐊᓂᖏᓐᓂᒃ ᐊᒻᒪᓗ ᐃᑲᔪᖃᑦᑕᐅᑎᓂᖏᓐᓂᒃ.