ᐅᐃᒪᓇᕐᓯᔪᓂᒃ ᐊᐅᓪᓚᑎᑦᓯᓃᑦ - Air Inuit

Jean-Sébastien Berlinguette

ᐋᓐᓂᐊᕕᒻᒧᑦ ᐅᐃᒪᓇᕐᓯᔪᓂᒃ ᐊᐅᓪᓚᑎᑦᓯᓃᑦ

Jean-Sébastien Berlinguette

ᐋᓐᓂᐊᕕᒻᒧᑦ ᐅᐃᒪᓇᕐᓯᔪᓂᒃ ᐊᐅᓪᓚᑎᑦᓯᓃᑦ

ᐅᐃᒪᓇᕐᓯᔪᓂᒃ ᐊᐅᓪᓚᑎᑦᓯᓃᑦ ᐋᓐᓂᐊᕕᓕᐊᕆᐊᖃᓕᕐᑐᓂᒃ ᖃᓂᓐᓂᐹᒧᑦ ᐊᑐᕐᓂᖃᓪᓚᕆᑉᐳᑦ ᐊᐅᓪᓚᑎᑕᐅᒋᐊᖃᕐᑐᖃᓕᑐᐊᕐᒪᑦ ᐃᓄᐃᑦ ᖃᖓᑦᑕᔫᖏᑦᑎᒍᑦ ᐊᒻᒪᓗ ᐱᔪᕆᐅᑎᖃᓪᓚᕆᑦᓱᑕ ᐊᖑᑎᓂᒃ ᐊᕐᓇᓂᓪᓗ ᓄᓇᕕᒻᒥᐅᓂᒃ ᐊᒻᒪᓗ ᓄᓇᕕᒻᒥ ᐱᓇᓱᑦᑐᓂᒃ ᐱᒍᑦᔨᒍᓐᓇᓲᖑᒐᑦᑕ.

1 866 661-8456

ᓯᕿᖕᖑᔭᖅ/ᓯᕿᓂᖁᑎᒃ ᐃᖏᕐᕋᕗᖅ

ᐋᓐᓂᐊᕕᓕᐊᕆᐊᖃᓯᑦᓱᑎᒃ ᐅᐃᒪᓇᕐᓯᔪᐃᑦ ᓄᓇᓕᒻᒥ ᐅᐸᑦᑕᐅᑲᓪᓚᑐᐃᓐᓇᖃᔭᖕᖏᑐᒥᐅᑦ ᐊᑑᑎᔭᐅᖕᖏᓂᕐᓴᐅᓲᒍᑦᔭᖏᓐᓂᕗᑦ ᓇᓂᓕᒫᖅ ᐊᑦᔨᒋᔭᐅᑐᐃᓐᓇᓱᑎᒃ. ᑭᓯᐊᓂ ᐅᖓᓯᑦᑐᒧᑦ ᐋᓐᓂᐊᕕᓕᐊᕆᐊᖃᓲᑦ ᐊᒻᒪᓗ ᐊᐅᓚᒍᑎᖃᑦᓯᐊᖏᓐᓂᖏᑦ ᐊᑦᑕᓇᕐᑐᒦᑦᑎᓯᓲᒍᒻᒥᔪᑦ ᑲᒪᒋᔭᐅᑦᓴᐅᑎᒋᒋᐊᖃᓕᕐᑐᓂᒃ. ᑌᒣᒻᒪᑦ ᐃᓄᐃᑦ ᖃᖓᑦᑕᔫᖏᑦ ᐅᐃᒪᓇᕐᓯᔪᓂᒃ ᐋᓐᓂᐊᕕᓕᐊᕆᐊᓕᓐᓂᒃ ᐊᐅᓪᓚᑎᑦᓯᒋᐊᖃᓲᑦ ᑭᖕᖒᒪᒋᔭᖏᑦᑎᒎᓕᕐᑎᑕᐅᓯᒪᔪᓂᒃ ᑕᒫᓂᒥᐅᖑᒐᓗᐊᓂᒃ ᑯᐯᒃᒥ ᐊᒻᒪᓗ ᐱᓇᓱᐊᕐᑐᓂᒃ ᓄᓇᕕᐅᑉ ᓯᓚᑖᓂᒐᓴᒃ ᐁᑦᓯᒋᐊᖃᓲᒍᒻᒥᔪᑦ.

ᐃᓄᐃᑦ ᖃᖓᑦᑕᔫᖏᑦ ᖃᖓᑦᑕᔫᓂ ᐱᓇᓱᑦᑎᖃᓲᖑᕗᑦ ᐱᒋᐅᕐᓴᑎᑕᐅᒍᑎᐅᓪᓗᑯᐊᐱᒋᐊᓕᓂᒃ ᐱᒋᐅᕐᓴᑎᑕᐅᓯᒪᓲᓂᒃ ᐅᐃᒪᓇᕐᓯᓱᑎᒃ ᐋᓐᓂᐊᕕᓕᐊᕐᑐᓂᒃ ᑲᒪᒋᐅᕐᓴᑎᑕᐅᑦᓱᑎᒃ ᑎᑭᐅᑎᔭᐅᑲᓪᓚᑐᐃᓐᓇᖃᔭᖕᖏᑐᓃᑦᑐᓂᒃ ᑲᒪᒋᐊᖃᓕᕈᑎᒃ ᐱᒍᓐᓇᕆᐊᓕᖏᓐᓂᒃ.

ᖃᐅᔨᒋᐊᑦᓯᐊᕈᒪᔪᐃᑦ ᐅᐃᒪᓇᕐᓯᔪᓂᒃ ᐋᓐᓂᐊᕕᓕᐊᕐᑎᑕᐅᒋᐊᓕᓐᓂᒃ ᐱᒍᑦᔨᒍᑎᒋᓲᑦᑕ ᒥᑦᓵᓄᑦ, ᖃᐅᔨᒋᐊᕐᕕᖃᕈᓐᓇᑐᐃᑦ ᑐᓂᓯᒪᓪᓚᕆᑦᓱᑎᒃ ᐊᑐᐃᓐᓇᐅᒪᔪᓂᒃ ᐅᓪᓗᓕᒫᖅ ᐅᓐᓄᐊᓕᒫᓪᓗ ᑫᕙᓪᓚᒍᓯᓂ/ᐃᑲᐅᕐᓂᓂ 24-ᓂ ᑌᒪᖕᖓᑦ ᐅᒃᑯᐃᖔᕐᒪᑦ ᐅᐃᒪᓇᕐᑐᓕᕆᔨᒃ ᐅᖄᓚᐅᑎᖓ; 1 866 661-8456 ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᐊᓪᓚᕕᐅᒍᓐᓇᒥᔪᒍᑦ.

ᖃᐅᔨᒋᐊᕐᕕᐅᕕᒋᒍᓐᓇᑕᕐᓂᒃ ᑐᑭᓯᒪᔭᐅᑎᑦᓯᒍᑎᑎᑦ

ᐊᓪᓚᕕᒋᔭᐅᒋᐊᖃᓪᓚᕆᑦᑐᑦ
ᐅᓇ ᐊᒃᓚᕕᑦᓴᖅ ᑕᒻᒪᓯᒪᔪᕐᑕᓕᒃ

ᓇᑯᕐᒦᒃ

ᐊᓪᓚᕕᑦᓭᑦ ᐊᓪᓚᕕᒋᔭᕕᓂᑎᑦ ᐊᐅᓪᓚᑎᑕᐅᔪᑦ