ᐃᓚᐅᔪᖅ ᐃᓕᖓᔪᖅ ᐃᓚᐅᒍᑎᓕᓐᓄᑦ

ᑕᒪᓐᓇ ᐊᑐᐃᓐᓇᐅᑎᑦᓯᓂᖅ 2023-2024-ᒥ ᐃᓚᐅᔪᖅ ᐊᑭᑭᓪᓕᒋᐊᕈᑎᓂᒃ ᐃᓚᐅᒍᓐᓇᕕᓕᓐᓅᓕᖓᔪᖅ ᐃᓚᐅᔫᒍᑎᓕᓐᓄᑦ, ᐊᑐᕐᑕᐅᕈᓐᓇᓚᖓᑦᓱᓂ ᐊᐅᒡᒍᓯ 21, 2023-ᒥᑦ ᓯᑎᐱᕆ 30, 2024-ᒧᑦ ᑎᑭᓪᓗᒍ, ᐅᑯᓄᖓ:

• ᓯᑕᒪ ᖃᖓᑦᑕᐅᑏᑦ 70%-ᓄᑦ ᐊᑭᑭᓪᓕᒋᐊᕈᑏᑦ ᖃᖓᑦᑕᔫᑦ ᐃᖏᕐᕋᓂᕆᓲᖏᓐᓂ (ᐃᓄᒻᒪᕇᑦ ᖃᖓᑦᑕᐅᑎᖏᓐᓄᑦ Y-ᒦᑦᑐᓄᑦ, ᐱᐊᕋᕐᓄᑦ YCH-ᒦᑦᑐᑦ ᖃᖓᑦᑕᐅᑎᖏᓐᓄᑦ ᐅᕝᕙᓘᓐᓃᑦ ᐃᓄᑐᙯᑦ YCD-ᒦᑦᑐᑦ ᖃᖓᑦᑕᐅᑎᖏᓐᓄᑦ) ᐅᓄᕐᓂᐸᐅᒍᓐᓇᑎᓪᓗᒋᑦ $900 ᑖᒃᑭᓯᓕᒫᖏᑦ ᐊᑕᑎᓪᓗᒋᑦ.
• ᑖᒃᑯᐊ ᓯᑕᒪᑦ ᖃᖓᑦᑕᐅᑏᑦ ᐊᑐᕐᑕᐅᕈᓐᓇᒥᔪᑦ ᐊᑭᑭᓪᓕᒋᐊᕈᑎᐅᓗᑎᒃ 70%-ᖏᓐᓄᑦ ᖃᖓᑦᑕᔫᒃᑰᑎᑦᓯᒍᑏᑦ ᖄᓐᑕᓂᒃ, ᓯᑭᑑᓂᒃ, ᕿᐊᕐᖑᔫᓂᓪᓘᓃᑦ, ᐊᑐᕐᑕᐅᕈᓐᓇᓱᑎᒃ ᑰᓐᓂᐊᑎᒃᑰᑐᓄᑦ ᓄᓇᕕᒻᒧᑦ ᐅᕝᕙᓘᓐᓃᑦ ᓄᓇᓕᒻᒥᑦ ᓄᓇᓕᒻᒧᑦ ᐊᑯᓐᓂᖏᓐᓂ ᐊᐅᓪᓚᑎᑦᓯᒍᑎᓄᑦ ᓄᓇᕕᒻᒥ, ᐅᓄᕐᓂᐸᐅᑎᓪᓗᒋᑦ $900 ᑖᒃᓯᓕᒫᖏᑦ ᐊᑕᑎᓪᓗᒋᑦ.
• ᐃᓚᐅᔪᖅ ᖃᖓᑦᑕᐅᑎ ᐊᑐᕈᓐᓇᑐᖅ ᐅᑎᕈᑎᓕᒻᒧᑦ ᐊᕐᕕᑕᕐᓂᒥ ᐃᓄᐃᒃᑯᑦ Canadian North-ᑯᓪᓘᓃᑦ ᓄᓇᕕᒻᒥᑦ ᖃᓪᓗᓈᓄᑦ (ᒪᓐᑐᔨᐊᒧᑦ/ᑯᐯᒻᒧᑦ) ᐃᓂᓕᐅᕈᑕᐅᓯᒪᒋᐊᖃᕐᓱᑎᒃ ᐃᓄᐃᒃᑯᑦ ᐃᓂᓕᐅᕐᕕᖓᑎᒍᑦ ᐅᕘᓇ 1-800-361-2965.
• ᐃᓂᓕᐅᕈᑎᐅᓯᒪᓕᕐᑎᓗᒍ, ᐊᓯᑦᔨᑐᐃᒍᑏᑦ Canadian North-ᑯᓐᓄᑦ ᑐᕃᓐᓇᑐᒥᒃ ᑲᒪᒋᔭᐅᒋᐊᓖᑦ.
• ᐊᒻᒪᓗᒋᐊᓪᓚᖅ, ᐃᓄᐃᒃᑯᑦ ᐊᓕᐊᓱᒋᕗᑦ ᒪᓂᔨᓯᒪᓂᕐᒥᓄᑦ ᒪᕐᕈᕆᐊᓪᓛᓂᒃ ᐊᑭᑭᓪᓕᒋᐊᕈᑏᓐᓂᒃ ᓄᓇᕕᒻᒥ ᑭᓯᐊᓂ ᐊᑐᕐᑕᐅᕈᓐᓇᑑᓐᓂᒃ, ᖃᖓᑕᓂᐅᓲᓂ ᐊᑐᕐᑕᐅᕈᓐᓇᓱᑎᒃ 70%-ᖏᓐᓄᑦ ᐊᑭᑭᓪᓕᒋᐊᕐᓯᒪᔪᒥᒃ (ᐊᑐᕈᓐᓇᑐᖅ ᖃᖓᑦᑕᐅᑎᓂ Y-ᒦᑦᑐᓂ, ᐱᐊᕃᑦ ᖃᖓᑦᑕᐅᑎᖏᓐᓂ YCH-ᒦᑦᑐᓂ ᐅᕝᕙᓘᓐᓃᑦ ᐃᓄᑐᙯᑦ ᖃᖓᑦᑕᐅᑎᖏᓐᓂ YCD-ᒦᑦᑐᓂ) ᐅᓄᕐᓂᐸᐅᒍᓐᓇᑎᓪᓗᒋᑦ $900 ᑖᒃᓯᖏᑦ ᐊᑕᑎᓪᓗᒋᑦ.. ᑖᒃᑯᐊ ᐊᑭᑭᓪᓕᒋᐊᕈᑏᑦ ᐊᑐᕈᓐᓇᑐᑦ ᒫᑦᔨ 4, 2024-ᒥᑦ ᓯᑎᐱᕆ 30, 2024-ᒧᑦ ᑎᑭᓪᓗᒍ.

• ᐃᓚᐅᔪᖅ ᐊᑭᑭᓪᓕᒋᐊᕈᑏᑦ ᐊᑐᕈᓐᓇᑐᑦ ᐃᓄᐃᒃᑯᑦ Canadian North-ᑯᓪᓗ ᖃᖓᑕᓂᓕᕆᓲᖏᒍᑦ ᑭᓯᐊᓂ.
• ᐃᑭᑦᑐᓂᒃ ᐃᑭᕕᑦᓴᖃᕐᓱᑎᒃ. ᐃᑭᕕᑦᓴᑖᕐᓂᓴᒥᒃ ᐅᑕᕐᕿᑎᑕᐅᒍᓐᓇᑐᑦ ᐃᓚᐅᔪᖅ ᖃᖓᑦᑕᐅᑎᖏᓐᓄᑦ ᖃᖓᑦᑕᐅᓯᕐᑐᑦ.
• ᐃᓚᐅᔪᖅ ᐊᑭᑭᓪᓕᒋᐊᕈᑏᑦ ᐊᑐᓂᑦ ᖃᖓᑦᑕᐅᑎᖃᕐᑎᓯᒍᑎᐅᕗᑦ ᐅᑎᕈᑎᑕᓕᒻᒥᒃ ᐊᑕᐅᓯᕐᒥᓘᓐᓃᑦ ᖃᖓᑦᑕᔫᒃᑯᑦ ᐊᐅᓪᓚᑎᑦᓯᒍᑎᒥᒃ ᑭᓯᐊᓂ. ᐅᑎᕈᑎᑕᖃᖕᖏᑐᒥᒃ ᖃᖓᑦᑕᐅᓯᕐᑐᖃᕐᐸᑦ, ᐊᑭᑭᓪᓕᒋᐊᕈᑎ ᐊᑐᕐᓂᕋᕐᑕᐅᒐᔭᕐᑐᖅ. 
• ᓄᓇᓕᒻᒧᑦ ᐅᓂᑫᓐᓇᕈᓐᓇᕕᖃᖕᖏᑐᑦ.
• ᐃᒻᒥᓂᕿᓗᑎᒃ ᐊᐅᓚᓂᑦᓴᒥᓂᒃ ᐊᓯᑦᔨᑐᐃᕈᓐᓇᑐᑦ $50-ᓂᒃ ᑖᒃᓯᖏᓐᓂᓗ ᐊᓯᑦᔩᓂᕐᒧᑦ ᐊᑭᓖᒋᐊᖃᕐᓱᑎᒃ ᖃᖓᑦᑕᐅᑎᐅᓪᓗ ᐊᑭᖏᑦᑕ ᐊᑭᖃᑎᒌᖕᖏᒍᑎᖏᓐᓂᒃ ᐅᑎᕐᕕᐅᓗᑎᓪᓘᓃᑦ ᕈᓐᓇᐸᑦ.
• ᐃᓚᐅᔪᖅ ᐊᑭᑭᓪᓕᒋᐊᕈᑏᑦ ᓅᑕᐅᕐᖃᔭᖕᖏᑐᑦ, ᑮᓇᐅᔭᕐᑖᕈᑎᐅᕐᖃᔭᖕᖏᑐᑦ ᐃᓂᓕᐅᒋᐊᓪᓚᕈᑎᐅᕐᖃᔭᖕᖏᑐᐃᓐᓇᕆᐊᖃᕐᓱᑎᓗ.
• ᖃᖓᑦᑕᐅᑏᑦ ᐊᑭᓕᕐᑕᐅᔪᑦ ᑕᒪᒃᑯᓇᓂ ᐅᑎᕐᑎᓯᒍᑎᐅᕈᓐᓇᑐᑦ ᐊᑭᓖᒋᐊᖃᓚᕿᑎᓪᓗᒋᑦ $50-ᓂᒃ ᑖᒃᓯᖏᓐᓂᓗ ᐅᑎᕐᑎᓯᒍᑏᑦ ᐊᑭᖏᓐᓂᒃ. ᐅᑎᕐᑎᓯᖁᔨᒍᑏᑦ ᑕᑕᕐᓭᒍᑎᐅᒍᓐᓇᑐᑦ ᒪᓕᓪᓗᑎᒃ ᒪᓕᑦᑕᐅᒋᐊᓕᓐᓂᒃ ᑕᑕᕐᓴᒐᖏᓐᓂᒃ ᖃᕆᑕᐅᔭᒃᑯᑦ ᐊᑐᐃᓐᓇᖃᕐᕕᑎᓐᓂ ᑕᑯᔭᐅᒍᓐᓇᑐᑦ. ᖃᖓᑦᑕᐅᑏᑦ ᐅᑎᕐᑎᓯᒍᑎᕕᓃᑦ ᐊᑕᖏᕐᑐᒥᒃ (ᓱᓇᓕᒫᖏᑦ ᖃᖓᑦᑕᐅᑎᓅᓕᖓᔪᑦ) ᐊᑐᕈᓐᓇᓯᒋᐊᓪᓚᕋᔭᕐᑐᖅ ᐊᑭᑭᓪᓕᒋᐊᕈᑎᖓ ᐊᑐᕐᑕᐅᕈᓐᓇᕕᖓᑕ ᐱᕕᑦᓴᖃᕐᕕᖓᓃᖏᓐᓇᑎᓪᓗᒍ.
• ᖃᖓᑦᑕᐅᑏᑦ ᑕᒪᒃᑯᓂᖓ ᐊᑐᕐᑐᑦ ᐊᑭᑭᓪᓕᒋᐊᕈᑎᓂᒃ ᐊᑭᓕᕐᑕᐅᒋᐊᓖᑦ ᐃᓪᓓᒍᑎᑦᓴᔭᓄᑦ ᓇᒻᒥᓂᖅ ᐊᑭᓕᑦᓴᑖᕈᑎᑦᓴᔭᖏᓐᓄᑦ (ᑕᒪᖏᓐᓄᑦ ᖃᖓᑦᑕᔫᓕᕆᕖᓐᓄᑦ) ᐅᕝᕙᓘᓐᓃᑦ ᑐᕃᓐᓇᑐᒃᑯᑦ ᐊᑭᓖᒍᑎᐅᓗᑎᒃ (ᐃᓄᐃᒃᑯᑦ ᑭᓯᐊᓂ).
• ᓯᑕᒪᑦ ᖃᕆᑕᐅᔭᒃᑰᑐᑦ ᐊᑭᑭᓪᓕᒋᐊᕈᑏᑦ ᒫᓐᓇᐅᑎᓪᓗᒍ ᐊᑑᑎᔭᐅᔪᑦ ᐊᑐᕐᑕᐅᕈᓐᓇᑐᑦ ᖃᖓᑦᑕᐅᑎᓄᑦ ᐅᕝᕙᓘᓐᓃᑦ ᖃᖓᑦᑕᔫᒃᑯᑦ ᐊᐅᓪᓚᑎᑦᓯᒍᑎᓄᑦ ᐊᐅᒡᒍᓯ 21, 2023 ᐊᒻᒪᓗ ᓯᑎᐱᕆ 30, 2024 ᐊᑯᓐᓂᖏᓐᓂ. ᖃᖓᑦᑕᐅᑏᑦ ᐃᓚᐅᔪᖅ ᐊᑭᑭᓪᓕᒋᐊᕈᑎᓄᑦ ᐊᑐᖏᓐᓇᓚᖓᑎᓪᓗᒋᑦ ᐊᕐᕌᒍᓕᒫᒥ ᐊᑭᓖᒍᑎᐅᓯᒪᓕᕐᓗᑎᒃ. ᒪᕐᕉᖏᑐᐃᓐᓇᑑᓐᓄᑦ ᐃᓚᒋᐊᕈᑏᓐᓄᑦ ᒫᑦᔨ 4, 2024-ᒥ ᓄᐃᑕᐅᓯᒪᔫᒃ ᐊᑭᑭᓪᓕᒋᐊᕈᑏᒃ, ᖃᖓᑦᑕᐅᑎᓄᑦ ᐃᑭᒍᑎᓄᑦ ᑭᓯᐊᓂ ᐊᑐᕈᓐᓇᑑᒃ.

2023-2024-ᒥ ᐃᓚᐅᔪᖅ ᐊᑭᑭᓪᓕᒋᐊᕈᑎ ᐱᓇᓱᖃᑎᒌᒍᑎᐅᕗᖅ