ᐃᓚᐅᔪᐃᑦ ᐃᑭᒍᑎᖓ $500.00-ᕌᕐᑐᒃ

1. ᐱᒋᐊᕐᓗᓂ ᐁᕆᓕ 1, 2025, ᑎᑭᓪᓗᒍ ᒫᑦᔨ 31, 2026 ᓄᓇᕕᒻᒥᐅᑦ ᐃᓚᐅᔫᒍᑎᓖᑦ ᖃᖓᑦᑕᐅᑎᓯᒍᓐᓇᖃᑦᑕᓂᐊᓕᕐᑐᑦ ᐱᖓᓱᓂᑦ (3) $500-ᕌᕐᑐᓂᒃ (ᑖᒃᓯᖏᑦ ᐃᓚᒋᔭᐅᑎᓪᓗᒋᑦ) ᓄᓇᕕᒻᒥᑦ (ᐃᓚᒋᔭᐅᑎᓪᓗᒍ ᓚᑲᕌᓐᒥᑦ ᓯᓵᓯᐱᒥᐅᓄᑦ ᐃᓚᐅᔫᒍᑎᓕᓐᓄᑦ)ᖃᓪᓗᓈᓂᓪᓗ (ᒪᓐᑐᔨᐊᒥᑦ ᑯᐯᒃᒥᓪᓘᓃ).
2. ᖃᖓᑦᑕᐅᑏᑦ $500-ᕌᕐᑐᑦ ᐊᑐᕐᑕᐅᒍᓐᓇᑐᑦ ᐃᓄᐃᑦ ᖃᖓᑦᑕᔫᖏᓐᓂᑦ ᐅᕝᕙᓗᓘᓐᓃᑦ ᑲᓀᑎᐊᑦ ᓄᐊᒃᑯᑦ ᓄᓇᕕᒻᒥᑦ ᖃᓪᓗᓈᓄᑦ (ᒪᓐᑐᔨᐊᓪ/ᑯᐯᒃ) ᑕᒪᖏᓐᓄᓗ ᖃᖓᑦᑕᔫᓄᑦ ᐃᓂᓕᐅᕈᒪᔪᑦ ᐃᓄᐃᑦ ᖃᖓᑦᑕᔪᖏᑦᑕ ᐃᓂᓕᐅᕐᕕᖓᓄᑦ ᐃᓂᓕᕐᑕᐅᒪᒋᐊᖃᕐᓱᑎᒃ ᐅᖄᓚᕕᒋᓗᒍ 1-800-361-2965. ᖃᖓᑦᑕᐅᑏᑦ $500-ᕌᕐᑐᑦ ᐊᑐᕐᑕᐅᖃᔭᖕᖏᑐᑦ ᓄᓇᕕᐅᑉ ᐃᓗᐊᓂ. ᐊᒻᒪᓗ, ᐃᓂᓕᐅᕐᑕᐅᓯᒪᔪᑦ ᑲᓀᑎᐊᓐ ᓄᐊᑯᑦ ᐅᓪᓗᖏᑦ ᐊᓯᑦᔨᔭᐅᒍᒪᒍᑎᒃ ᑐᕃᓐᓇᕕᒋᓗᒍ ᑲᓀᑎᐊᓐ ᓄᐊ ᐃᓂᓕᐅᕐᕕᖓ ᐊᓯᑦᔨᑕᐅᒍᓐᓇᑐᑦ.
3. ᖃᖓᑦᑕᐅᑏᑦ $500-ᕌᕐᑐᑦ ᐅᑎᕈᑎᖏᑦ ᐃᓚᐅᔪᑦ ᑖᒃᓯᖏᓪᓗ ᐊᐅᓚᑦᓯᓂᓕᕆᓂᕐᓄᓗ ᐊᑭᖏᑦ ᖃᖓᑦᑕᐅᑏᓪᓗ ᓂᐅᕕᕐᑕᐅᓯᒪᒋᐊᖃᕐᓱᑎᑦ ᐁᕆᓕ 1, 2025 ᐊᒻᒪᓗ ᒫᑦᔨ 31, 2026 ᐊᑯᓐᓂᖏᓐᓂᑦ. ᖃᖓᑦᑕᐅᑏᑦ $500-ᕌᕐᑐᑦ ᐅᑎᕈᑎᖃᕐᓗᑎᒃ ᑭᓯᐊᓂ ᓂᐅᕕᐊᖑᒍᓐᓇᑐᑦ. ᖃᖓᑦᑕᐅᑏᑦ ᓂᐅᕕᐊᖑᓯᒪᔪᑦ ᐊᑐᕐᑕᐅᒍᓐᓇᑐᑦ ᑕᕐᖀᑦ 12 ᐃᓗᐊᓂ ᐅᓪᓗᖓᓗ ᐃᓱᓕᕝᕕᑕ ᐅᖓᑖᓅᕐᓯᒪᔪᑦ ᑮᓇᐅᔭᓄᑦ ᐅᑎᕐᕕᐅᖃᔭᖕᖏᑐᑦ.
4. ᐱᖓᓱᕕᑦᑐᓂᒃ ᖃᖓᑦᑕᐅᑏᑦ ᓂᐅᕕᕐᑕᐅᒍᓐᓇᑐᑦ ᑐᕌᖓᑦᓱᑎᒃ ᐃᓚᐅᔫᒍᑎᓕᓐᓄᑦ ᐊᑭᑭᓪᓕᒋᐊᕐᑎᓯᒍᑎᖏᑦ ᓄᖑᖕᖏᓂᓕᒫᓂᖏᓐᓂᑦ.
5. ᖃᖓᑦᑕᐅᑏᑦ $500-ᕌᕐᑐᑦ ᐊᑐᕐᑕᐅᒍᓐᓇᑐᑦ ᐁᕆᓕ 1, 2025 ᐱᒋᐊᕐᓗᒍ ᒫᑦᔨ 31, 2026 ᑎᑭᓪᓗᒍ, ᐅᕝᕙᓗᓘᓐᓃᑦ ᑮᓇᐅᔦᑦ ᐱᑕᖃᕐᑎᑕᐅᔪᑦ ᓄᖑᖕᖏᓂᓕᒫᖏᓐᓂᑦ. ᐊᑭᑭᓪᓕᒋᐊᕐᑎᓯᓯᒪᓂᖅ ᑲᔪᓯᑎᑕᐅᖕᖏᑑᑐᐃᓐᓇᕆᐊᓕᒃ ᑐᓴᐅᒪᑎᑕᐅᕐᖄᑎᓐᓇᑕ 31, 2026 ᑭᖑᓂᖓᒍᑦ.

ᐅᑯᐊ ᐊᐅᓚᑦᓯᓂᕐᒧᑦ ᒪᓕᒉᑦ ᐊᑐᓕᕐᑎᑕᐅᒪᓂᐊᕐᑐᑦ:

1. ᓄᓇᓖᑦ ᐊᑯᓐᓂᖏᓐᓂᑦ ᓯᓂᑦᑕᕆᐊᓪᓚᕕᖃᖕᖏᑐᑦ ᐅᐸᐅᑎᒐᓱᑦᑕᒥᓄᑦ ᑎᑭᒐᓱᓪᓗᑎᒃ.
2. ᖃᖓᑦᑕᐅᑏᑦ ᐅᓪᓗᖏᓐᓂᑦ ᐊᓯᑦᔨᑐᐃᒍᓐᓇᑐᑦ ᐃᒻᒥᓂᕿᓗᑎᒃ ᐊᑭᖃᕐᓗᒍ $50-ᑖᓚᓂᑦ ᑖᒃᓯᖏᓐᓂᓗ ᖃᖓᑦᑕᐅᑏᓪᓗ ᐊᑭᖏᑦᑕ ᐊᑦᔨᒌᖕᖏᓂᖏᓐᓂᑦ ᐊᑭᓖᓗᑎᒃ ᐅᑎᕐᕕᐅᓗᑎᓘᓐᓃᑦ.
3. $500-ᕌᕐᑐᑦ ᖃᖓᑦᑕᐅᑏᑦ ᐁᑦᑑᑎᐅᕐᖃᔭᖕᖏᑐᑦ ᐃᓄᓐᓄᑦ ᐊᓯᖏᓐᓄ.
4. ᖃᖓᑦᑕᐅᑏᑦ ᓂᐅᕕᐊᖑᔪᑦ ᐊᑭᖃᕐᓱᑎᒃ $500 ᐃᑭᓐᓂᓴᓂᒃ ᐅᑎᕐᑎᑕᐅᒍᓐᓇᑐᑦ ᑮᓇᐅᔭᐅᑎᓪᓗᒋᑦ ᑭᓯᐊᓂ ᐊᑭᖃᕐᓱᓂ $50-ᑖᓚᓂᑦ ᑖᒃᓯᖏᓪᓗ ᐊᑭᓕᕐᑕᐅᒋᐊᖃᕐᒥᓱᑎᒃ. ᐅᑎᕐᕕᐅᒍᒪᐅᑎᓄᑦ ᑐᑦᓯᕋᐅᑏᑦ ᑕᑕᕐᓴᑕᐅᒋᐊᓕᑦ ᖃᕆᑕᐅᔭᒃᑯᑦ ᐱᔭᐅᒍᓐᓇᓱᑎᒃ ᐅᕙᓂ www.airinuit.com, ᐊᒻᒪᓗ ᒪᓕᒐᖏᑦ ᑕᑕᕐᓴᒐᕐᒦᑐᑦ ᒪᓕᓪᓗᒋᑦ.
5. ᖃᖓᑦᑕᐅᑏᑦ ᓂᐅᕕᐊᖑᔪᑦ ᐊᑭᓕᕐᑕᐅᒋᐊᓕᑦ ᓇᒻᒥᓂᖅ ᑮᓇᐅᔭᒥᓄᑦ ᐃᓪᓓᒍᑎᑦᓴᔭᖅ ᐊᑐᕐᓗᒍ (ᑕᒪᖏᓐᓄᑦ ᖃᖓᑦᑕᔫᓄᑦ) ᑐᕃᓐᓇᑐᒥᓪᓘᓃᑦ ᐊᑭᓖᒍᑎᒋᓗᒋᑦ (ᐃᓄᐃᑦ ᖃᖓᑦᑕᔫᖏᓐᓂᑦ ᑭᓯᐊᓂ).
6. ᐊᑭᑭᓪᓕᒋᐊᕐᑎᑕᐅᓯᒪᓂᖏᑦ ᖃᖓᑦᑕᐅᑏᑦ ᐃᓚᒋᔭᐅᖕᖏᑐᑦ ᐃᓚᐅᔪᖅ ᖃᖓᑦᑕᐅᑎᖏᓐᓄᑦ.