ᓴᖑᑎᑕᐅᒍᓐᓇᕕᖃᕐᓱᑎᒃ ᐊᑭᒋᔭᐅᑎᑕᐅᔪᐃᑦ

ᐃᓄᐃᑦ ᖃᖓᑦᑕᔫᖏᑦ ᓴᖑᑎᑕᐅᒍᓐᓇᕕᓕᓐᓂᒃ ᐊᑭᖃᕐᑎᓯᓲᖅ ᐅᖓᒻᒧᑦ ᑭᓯᐊᓂ (Y-ᒥᒃ) ᓇᓗᓀᒃᑯᑕᓕᓐᓂᒃ.

• ᐃᓂᑦᓴᓕᐅᕈᑕᐅᒍᓐᓇᑐᖅ ᖃᖓᑐᐃᓐᓇᓕᒫᑦᓯᐊᖅ.
• ᐃᑭᒍᑏᑦ ᐊᑭᓕᕐᑕᐅᓯᒪᒋᐊᓖᑦ ᐅᓪᓘᒃ ᒪᕐᕉᒃ ᐊᓂᒍᓚᐅᕐᑎᓇᒋᒃ ᐃᓂᑦᓴᓕᐅᕐᑐᕕᓂᐅᓗᓂ ᐅᕝᕙᓘᓐᓃᑦ ᐊᐅᓪᓚᕕᒋᓚᖓᔭᒥᑕ ᐅᓪᓗᖓᓂ, ᓇᓪᓕᐊᒍᑐᐃᓐᓇᖅ, ᓯᕗᓪᓕᐅᖄᑐᐃᓐᓇᑐᑎᒍᑦ.
• ᐊᓯᑦᔭᐅᒍᓐᓇᕕᖃᑦᓯᐊᑐᑦ ᐊᑭᖃᕈᓐᓀᑎᓪᓗᒋᑦ ᐊᓯᑦᔨᔭᐅᒍᑎᖏᑦ.
• ᐃᑭᒍᑎᒃ ᐅᑎᕐᑎᒍᓐᓇᑐᖅ ᐊᑭᓕᒋᐊᓪᓛᒍᓐᓇᐃᓗᒍ ᐅᑎᕐᑕᐅᒍᑎᖓ.

ᕿᑐᕐᖓᑕ ᐃᑭᒍᑎᖏᑦᑕ ᐊᑭᖏᑦ ᓴᖑᑎᑕᐅᒍᓐᓇᕕᖏᑦ ᑐᖕᖓᕕᐅᑎᓪᓗᒋᑦ.

• ᓄᑕᕃᑦ ᒪᕐᕉᓂᒃ ᒥᑦᓯᑎᒍᑦ ᐅᑭᐅᓖᑦ ᐊᑭᖃᓲᒍᖕᖏᑐᑦ. ᐃᓄᒻᒪᕆ ᐊᑕᐅᓯᖅ ᐱᐊᕋᕐᒥᒃ/ᓄᑕᕋᕐᒥᒃ ᐊᑕᐅᓯᕐᒥᒃ ᓇᔪᕐᑎᖃᕈᓐᓇᑐᖅ.
• ᐱᐊᕃᑦ/ᑲᒃᑲᓛᑦ (ᐅᑭᐅᓖᑦ 2-ᒥᑦ 11-ᒧᑦ, ᐊᑭᓕᕆᐊᓕᓕᒫᑦ ᐃᓚᐅᑎᓪᓗᒋᑦ) ᐃᑭᒍᑎᖃᕐᑎᑕᐅᓲᑦ ᕿᑎᕐᖃᓗᐊᖓᓂᒃ ᓴᖑᑎᑕᐅᒍᓐᓇᕕᖃᕐᓱᑎᒃ ᐊᑭᒋᔭᐅᑎᑕᐅᔪᓂᒃ. (YCH-ᒥᒃ ᓇᓗᓀᒃᑯᑕᓖᑦ)
• ᒪᓕᑦᑎᖃᖕᖏᑐᐃᑦ ᐱᐊᕃᑦ/ᑲᒃᑲᓛᑦ (ᐅᑭᐅᓖᑦ 5-ᒥᑦ 11-ᒧᑦ, ᐊᑭᓕᕆᐊᓕᓕᒫᑦ ᐃᓚᐅᑎᓪᓗᒋᑦ) ᐃᑭᒍᑎᖃᕐᑎᑕᐅᓲᑦ ᕿᑎᕐᖃᓗᐊᖓᓂᒃ ᓴᖑᑎᑕᐅᒍᓐᓇᕕᖃᕐᓱᑎᒃ ᐊᑭᒋᔭᐅᑎᑕᐅᔪᓂᒃ ᐃᓚᖃᕐᒥᑎᓪᓗᒋᑦ ᒪᓕᑦᑎᖃᖕᖏᒪᑕ ᐃᑉᐱᒋᔨᖃᕆᐊᖃᕐᓂᖏᓐᓄᑦ $52.50-ᒥᑦ $57.49-ᒧᑦ ᑎᑭᑦᓱᒍ (ᑖᒃᓯᖏᑦ ᐃᓚᐅᒋᕐᑎᓗᒋᑦ).

ᐃᓄᑐᖃᐃᑦ ᐊᕐᕌᒍᓖᑦ 65 ᐅᖓᑖᓄᓪᓗ 50%-ᒥ ᐱᕐᓯᕕᐅᒍᓐᓇᖁᑦ ᐃᑲᔪᓯᐅᑕᐅᑎᓪᓗᒍ. ᐃᓚᐅᔫᒃᑯᑦ ᖃᖓᑦᑕᐅᑎᓕᐊᕕᓂᕐᓄᑦ  ᑌᒣᓕᖓᒍᓐᓇᒥᔪᑦ 60 ᐅᖓᑖᓄᑦ ᐅᑭᐅᓖᑦ.

• ᐅᑭᐅᓪᓚᕆᖏᓐᓂᒃ ᓱᕐᖁᐃᓇᕐᑎᓯᒍᑎᖃᕆᐊᓖᑦ ᓇᓪᓕᑐᐃᓐᓇᖏᓐᓂᒃ ᐅᑯᐊ; (ᐊᖁᒍᓐᓇᑎᒥᒃ, ᐃᓗᓯᓕᕆᔭᐅᒍᑎᒥᒃ ᓯᕿᓂᖕᖑᐊᒥᒃ, ᑲᓇᑕᐅᑉ ᓯᓚᑖᓅᕈᓐᓇᐅᑎᒥᒃ, ᐃᓅᓕᕐᕕᕕᓂᖓᓂᒃ ᐃᓕᑕᕆᔭᐅᒍᑎᒥᒃ ᐅᕝᕙᓘᓐᓃᑦ ᐊᓯᖏᓐᓂᒃ ᐊᓪᓚᓯᒪᔪᓂᒃ ᖃᖓᑦᑕᔫᖁᑎᓖᑦ ᐊᖏᕈᓐᓇᑕᖓᓂᒃ).

ᓴᖑᑎᑕᐅᒍᓐᓇᒐᓛᑦᓱᑎᒃ ᐊᑭᒋᔭᐅᑎᑕᐅᔪᐃᑦ ᑮᓇᐅᔭᕐᑐᖏᓐᓂᓴᐅᒍᑎᐅᒍᓐᓇᒥᔪᑦ Economy (Y-ᒥᒃ)  ᓇᓗᓀᒃᑯᑕᓖᑦ ᐃᓂᓕᐅᕐᓯᒪᒍᑎᐅᒋᐊᖃᕐᓱᑎᒃ ᐊᒻᒪᓗ ᐃᑭᒍᑎᑖᕐᓯᒪᒍᑎᐅᒋᐊᖃᕐᓱᑎᒃ ᓯᕗᓂᐊᒍᑦ.

• ᐃᓂᓕᐅᕆᕐᓯᒪᑦᓴᓚᐅᕈᑎᒃ ᐊᐅᓪᓚᕕᑦᓴᖓᑕ ᐊᖃᒍᐊᓂ.
• ᐃᑭᒍᑎᓕᐅᕐᑕᐅᒌᕐᓯᒪᒋᐊᓖᑦ ᐅᓪᓘᒃ ᒪᕐᕉᒃ ᐊᓂᒍᓚᐅᕐᑎᓇᒋᒃ ᐃᓂᑦᓴᓕᐅᕐᑐᕕᓂᐅᓗᑎᒃ ᐅᕝᕙᓘᓐᓃᑦ ᐊᐅᓪᓚᕕᒋᓚᖓᔭᒥᑕ ᐅᓪᓗᖓᓂ, ᓇᓪᓕᐊᒍᑐᐃᓐᓇᖅ, ᓯᕗᓪᓕᐅᖄᑐᐃᓐᓇᑐᑎᒍᑦ.
• ᐃᓂᖃᖕᖏᑐᐊᕈᑎᒃ ᐃᓂᖃᓕᕈᑎᒃ ᐅᑕᕐᕿᔪᓄᑦ ᐊᓪᓚᑕᐅᓯᒪᒍᓐᓇᔭᖏᑦᑐᑦ.
• ᓴᖑᑎᑕᐅᒍᓐᓇᕕᓖᑦ ᐊᑭᔭᐅᑎᑕᐅᔪᓂᒃ ᐊᑭᓖᖔᕈᒪᒍᑎᒃ$97.73(QC) / 89.25 (NU) ᑖᓚᓂᒃ ᐊᑭᓕᒋᐊᖃᕋᔭᕐᑐᑦ ᐊᒻᒪᓗ ᐊᑭᒋᒐᔭᕐᑕᖏᑦᑕ ᐊᑭᓪᓗᖁᑎᖏᓐᓂᒃ.
• ᐊᓯᑦᔩᓂᕐᒧᑦ ᐊᒻᒪᓗ ᐅᑎᕐᑕᐅᒍᒪᐅᑏᑦ ᐊᑑᑎᔭᐅᒍᓐᓇᑐᑦ $97.73(QC) / 89.25 (NU).
• ᑲᔪᓯᒍᓐᓀᑎᑦᓯᓂᖅ ᐊᒻᒪᓗ ᐅᑎᕐᑎᓯᕕᐅᓂᖅ ᑭᓇᐅᔭᓄᑦ ᐊᑭᓖᒋᐊᓕᒃ $97.73 (ᑯᐸᐃᒃᒥ)/89.25 (ᓄᓇᕗᒻᒥ) ᑖᒃᓯᖓ ᐃᓚᐅᑎᓗᒍ.
• ᐅᖓᑦᒧᑦ ᑭᓯᐊᓂ ᐊᐅᓪᓚᕈᒪᔪᖃᕐᐸᑦ ᐱᒍᓐᓇᕕᖃᕐᑎᑕᐅᔪᑦ.

ᐃᓄᐃᑦ ᖃᖓᑦᑕᔫᖏᑦ ᐱᐅᓯᕐᓲᑎᑐᐃᓐᓇᐅᖏᑦᑐᑎᒍᑦ ᐊᑭᑭᓪᓕᒋᐊᕐᓯᒪᑎᑦᓯᓲᑦ ᑲᑎᑕᐅᕐᖃᒥᐅᑦᓱᑎᒃ ᐊᐅᓪᓚᖑᐊᑫᓐᓇᕈᒪᔪᓄᑦ. ᓄᓇᕕᒻᒥ ᐱᓗᑎᒃ ᑭᓯᐊᓂ ᐊᐅᓪᓚᕆᐊᖃᑐᐃᓐᓇᑐᑦ ᐃᓄᐃᑦ ᖃᖓᑦᑕᔫᖏᑦᑎᒍᑦ/ᑎᒻᒥᔫᖏᑦᑎᒍᑦ ᐊᒻᒪᓘᓐᓃᑦ ᓴᓂᑭᓗᐊᒥᑦ, ᓚ ᑯᕌᓐᒥᑦ (ᑰᓐᓂᐊᑎᒃᑯᓂᑦ), ᓯᑉ-ᐃᐊᓪᒥᑦ ᐅᕝᕙᓘᓐᓃᑦ ᓴᕙᕕᐊᓪᒥᑦ ᐱᓗᑎᒃ ᐊᑭᑭᓪᓕᒋᐊᕐᓯᒪᒍᓐᓇᑐᑦ.

• ᐊᑭᑭᓪᓕᒋᐊᕈᑎ 75% Flex ᖃᖓᑦᑕᐅᑎᒧᑦ.
• ᑲᑎᑎᑕᐅᔪᕕᓂᐅᓂᕐᒧᑦ ᐃᓕᑕᕆᔭᐅᒍᑏᑦ ᐃᓄᐃᑦ ᖃᖓᑦᑕᔫᓕᕆᔨᖏᓐᓄᑦ ᑐᓂᔭᐅᒋᐊᓖᑦ.
• ᐊᑭᑭᓪᓕᒋᐊᕐᓯᒪᒍᓐᓇᐅᑏᑦ ᐊᑐᕐᑕᐅᒍᓐᓇᑐᑦ ᑕᕐᖀ ᖁᓕᓪᓗ ᒪᕐᕈᓗ (12) ᐊᓂᒍᓚᕐᑎᓇᒋᑦ ᑲᑎᑎᑕᐅᔪᕕᓂᐅᓗᑎᒃ.
• ᐃᑭᒍᑎᑦᓭᑦ ᐅᖓᑦᒧᑦ ᐅᑎᒧᓪᓗ ᓱᕐᖁᐃᓇᕐᑎᑕᐅᑦᓯᐊᕆᐊᓖᑦ.
• ᐅᖓᒻᒧᑦ ᑭᓯᐊᓂ ᐊᑭᓕᕐᓯᒪᔪᐃᑦ ᐊᑭᑭᓪᓕᒋᐊᕐᓯᒪᒍᓐᓇᔭᖏᑦᑐᑦ.
• ᐃᑭᒍᑎᑦᓴᖏᑦ ᐋᕐᕿᑕᐅᓯᒪᒋᐊᓖᑦ ᐅᓪᓘᒃ ᒪᕐᕉᒃ ᐊᓂᒍᓚᐅᕐᑎᓇᒋᒃ ᐃᑭᒍᑎᑦᓴᓕᐅᕐᑐᕕᓂᐅᓗᑎᒃ ᐅᕝᕙᓘᓐᓃᑦ ᐊᐅᓪᓚᕕᒋᓚᖓᔭᒥᑕ ᐅᓪᓗᖓᓂ, ᓇᓪᓕᐊᒍᑐᐃᓐᓇᖅ, ᓯᕗᓪᓕᐅᖄᑐᐃᓐᓇᑐᑎᒍᑦ.

ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᐊᑭᑭᓪᓕᒋᐊᕐᓯᒪᑎᑦᓯᓲᒍᕗᑦ ᐃᓚᒥᓂᒃ ᐃᓅᒍᓐᓀᔨᐊᖃᕐᑐᕕᓂᕐᓂᒃ.

ᐃᓓᕐᑐᕕᓂᕐᓄᑦ ᐊᐅᓪᓚᕈᑏᑦ ᓈᒃᑯᒍᓱᓐᓂᒧᑦ ᐊᑭᑭᓪᓕᒋᐊᕐᓯᒪᑎᑕᐅᓲᒍᒻᒥᔪᑦ ᐃᓓᕐᓱᑎᒃ ᓄᓇᒨᕐᓯᒋᐊᕐᑐᑐᐃᑦ ᑭᓯᐊᓂ ᐊᖏᕐᑕᐅᓯᒪᕐᖄᒋᖃᓲᑦ ᐊᖓᔪᕐᖃᐅᕕᓕᓐᓄᑦ ᐊᑎᓕᐅᕐᕕᐅᓯᒪᒋᐊᖃᓲᒍᑦᓱᑎᓪᓗ ᓄᓇᓕᒻᒥ ᓯᕗᓕᕐᑎᒧᑦ, ᑲᕙᒫᒋᒃᑯᓂᓘᓐᓃᑦ ᑎᓕᔭᐅᓯᒪᔪᒧᑦ ᐅᕝᕙᓘᓐᓃᑦ ᐊᖓᔪᕐᖃᐅᕕᖃᕐᑎᑕᐅᑦᓱᓂ ᐱᒍᓐᓇᓂᖃᕐᑎᑕᐅᔪᒧᑦ ᐃᑭᒍᑎᑦᓴᖅ ᐊᖏᕐᑕᐅᓯᒪᕐᖄᒋᐊᖃᓲᑦ. ᖃᐅᔨᒋᐊᒃᑲᓂᕈᒪᔪᐃᑦ ᖃᐅᔨᒋᐊᕐᕕᖃᕐᑐᓴᐅᕗᑦ ᓄᓇᓕᒻᒥᑕ ᖃᑦᑕᔫᕐᓂᐊᕕᖓᓂ/ᑎᒻᒥᔫᕐᓂᐊᕕᖓᓂ ᐱᓇᓱᑦᑎᓂᒃ ᐊᐅᓚᒍᑎᑦᓴᖏᑦ ᖃᓄᖅ ᐋᕐᕿᓱᕐᑕᐅᓯᒪᓂᐊᕐᒪᖔᑕ.

• ᐃᓅᒍᓐᓀᑐᖃᕐᓂᐸᑦ, ᐊᑭᑭᓪᓕᒋᐊᕐᓯᒪᒍᓐᓇᐅᑏᑦ ᕿᑎᕐᖃᒧᑦ, ᕿᑎᕐᖃᓵᒧᓪᓗ (75% ᐳᓴᒧᑦ) ᓴᖑᑎᑕᐅᒋᐊᓪᓚᕕᖃᕐᓱᑎᒃ ᐊᑭᒋᔭᐅᑎᑕᐅᔪᐃᑦ ᐊᑐᕐᑕᐅᒍᓐᓇᓲᑦ ᐃᓅᒍᓐᓀᑐᕕᓂᕐᒥᒃ ᓄᓇᒨᕐᓯᒋᐊᕐᑐᕈᒪᔪᓄᑦ.
• ᐋᓐᓂᐊᖃᕐᓗᓂ ᖃᓂᒪᔪᖃᕐᐸᑦ, ᐊᑭᑭᓪᓕᒋᐊᕐᓯᒪᒍᓐᓇᐅᑏᑦ ᕿᑎᕐᖃᒧᑦ, ᕿᑎᕐᖃᓵᒧᓪᓗ (75% ᐳᓴᒧᑦ) ᓴᖑᑎᑕᐅᒋᐊᓪᓚᕕᖃᕐᓱᑎᒃ ᐊᑭᒋᔭᐅᑎᑕᐅᔪᐃᑦ ᐊᑐᕐᑕᐅᒍᓐᓇᓲᑦ ᐊᐅᖃᑎᒋᑦᓱᒋᑦ ᐃᓚᖃᓪᓚᕆᑦᑐᓄᑦ ᐊᒻᒪᓗ ᐊᑭᑭᓪᓕᒋᐊᕐᓯᒪᒍᓐᓇᒥᑎᓪᓗᒋᑦ ᕿᑎᕐᖃᓵᒧᑦ (50% ᐳᓴᒧᑦ) ᓴᖑᑎᑕᐅᒋᐊᓪᓚᕕᖃᕐᓱᑎᒃ ᐊᑭᑭᔭᐅᑎᑕᐅᔪᐃᑦ ᐊᑐᕐᑕᐅᒍᓐᓇᓲᑦ ᖃᓂᒪᔪᒧᑦ ᐱᖃᑎᒋᔭᐅᔪᓄᑦ/ᐃᓚᓐᓈᕆᔭᐅᔪᓄᑦ ᐅᕝᕙᓘᓐᓃᑦ ᐃᓚᒋᔭᐅᓪᓗᑐᖕᖏᑑᒐᓗᐊᓄᑦ.

ᑖᓐᓇ ᖃᖓᑦᑕᐅᑎ ᐊᑭᑭᑦᑐᖅ ᒪᓂᔭᐅᔪᖅ ᑯᐯᒻᒥ ᐃᖏᕐᕋᔪᓕᕆᓂᐅᑉ ᑐᕐᖃᑕᕐᕕᖓᓄᑦ, ᑖᓐᓇ ᖃᖓᑦᑕᐅᑎ ᑯᐯᒻᒥ ᐊᑐᕐᑕᐅᒍᓐᓇᑐᖅ ᖃᓂᖕᖏᑐᒥ ᓄᓇᓕᓐᓄᑦ ᐊᕐᖁᑎᖃᖕᖏᑐᓄᑦ.

ᑖᑦᓱᒥᖓ ᖃᖓᑦᑕᐅᑎᒥᒃ ᐊᑐᕈᒪᒍᕕᑦ ᐃᓂᓕᐅᕆᐊᖃᕐᑐᑎᑦ ᖃᕆᑕᐅᔭᒃᑯᑦ.

• ᐊᑭᑭᓪᓕᒋᐊᕈᑎ ᑎᑭᐅᑎᒍᓐᓇᑐᖅ 85%-ᒧᑦ ᓇᒧᖕᖓᓃᑦ ᒪᓕᓪᓗᒍ.
• ᒥᕝᕖᑦ ᐅᐸᓲᕗᑦ ᐅᑯᐊ Sept-Îles, Schefferville, ᑰᓐᓂᐊᑎᒃᑯᑦ ᐊᒻᒪᓗ ᑰᒃᔪᐊᕌᐱᒃ ᐃᓚᐅᔪᑦ
• ᑖᓐᓇ ᖃᖓᑦᑕᐅᑎ ᐊᑐᕐᑕᐅᒍᓐᓇᑐᖅ ᓇᒻᒥᓂᖅ ᐊᐅᓚᔪᔪᓄᑦ ᑭᓯᐊᓂ ᐱᓇᓱᒋᐊᕐᑐᖏᑦᑐᓄᑦ.
• ᐅᓄᕐᓂᐸᐅᑎᓪᓗᒍ ᐱᖓᓲᔪᕐᑐᕕᒍᓐᓇᑐᖅ (ᐱᖓᓱᕕᓪᓗᓂ ᐅᑎᕐᑕᓗᓂ) ᐊᑕᐅᓯᖅ ᐊᐅᓪᓚᑐᖅ, ᐊᕐᕌᒍᒥ ᐊᑐᕈᓐᓇᕕᖃᕐᑐᖅ.
• ᐊᓯᑦᔨᑕᐅᒍᓐᓇᑐᑦ ᐊᑭᖃᕐᑎᓗᒍ $97.73(ᑯᐯᒻᒥ) / 89.25 (ᓄᓇᕗᒻᒥ) ᑖᒃᓯᖏᑦ ᐃᓚᐅᑎᓪᓗᒋᑦ.