​ᐃᓄᐃᑦ ᖃᖓᑦᑕᔫᖏᑦᑕ/ᑎᒻᒥᔫᖏᑦᑕ ᐊᑑᑎᓯᒪᓕᕐᑕᖏᑦ - Air Inuit

ᐱᔪᕆᐅᑎᓪᓚᕇᑦ ᐅᑭᐅᕐᑕᑐᒥ

ᓄᐃᑕᐅᓕᓚᐅᕐᓯᒪᒐᒥᓂᑦ 1978-ᒥ, ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᐊᒥᓱᖕᖑᓚᕆᑦᓯᒪᔪᐊᓘᓂᕐᒥᓄᑦ ᑯᐯᒃ ᑕᕐᕋᓕᒫᖓᓂ ᐊᐅᓚᕕᖃᓲᒍᓕᕐᑐᑦ. ᐊᕐᕌᒍᓂ ᐊᓂᒍᓕᕐᑐᓂ, ᐊᕐᓱᕈᓐᓇᑐᒃᑰᓈᕐᑐᓂᒃ ᐊᕐᖁᓵᖃᑦᑕᓕᓚᐅᕐᓱᑕ ᑭᓯᐊᓂ ᐱᐅᓯᒥᒋᐊᕐᐸᓱᒋᑦ ᐋᕐᕿᒋᐊᕆᐊᖃᕐᑐᖁᑎᒋᔭᕗᑦ ᐋᕐᕿᒋᐊᕈᑎᒋᕙᑦᓱᒋᓪᓗ, ᑌᒣᓗᑉᐸᓱᑕ ᐊᕐᕌᒍᖃᑦᑕᓯᒪᔪᓂ ᐱᒍᓐᓇᓂᕐᑖᕈᑎᒋᓪᓚᕆᖃᑦᑕᓯᒪᔭᕗᑦ ᐊᒻᒪᓗ ᑐᖕᖓᕕᓕᐅᕈᑎᒋᓚᕿᑦᓱᒋᑦ ᐃᓄᐃᑦ ᐅᓯᔭᕗᑦ ᐊᑦᑕᓇᖕᖏᑐᕐᑎᒍᑦ ᐃᓱᐊᕐᑐᑎᒍᓪᓗ ᐊᐅᓚᒍᓐᓇᖁᒧᑦ, ᐊᒻᒪᓗ ᖃᖓᑦᑕᔫᖁᑎᕗᑦ/ᑎᒻᒥᔫᖁᑎᕗᑦ ᑲᒪᒋᔭᐅᑦᓯᐊᖏᓐᓇᖁᒧᑦ. ᐊᔪᐃᓐᓇᓚᕿᒍᑎᖃᓲᖑᕗᒍᑦ ᐊᐅᓚᓚᔪᓄᑦ ᐊᑦᔨᒋᔭᐅᒐᓛᖕᖏᑐᓂᒃ ᐊᑑᑎᑎᑦᓯᓲᖑᓂᑦᑎᓄᑦ, ᓲᕐᓗ ᓂᕈᒥᑦᑐᐊᐱᑦᑎᒍᑦ ᐊᒻᒪᓗ ᐃᓄᑐᐃᓐᓇᓄᑦ ᐱᔪᕆᐅᑎᓪᓚᕆᐅᑦᓱᑕ.

 

ᐊᑦᔨᓕᐅᕐᑐᕕᓂᖅ/ᐊᑦᔨᓕᐅᑐᕕᓃᑦ | Michel Ouimet

ᐊᑦᑕᓇᖕᖏᑐᒦᒋᐊᖃᕐᓂᖅ ᓯᕗᓪᓕᐸᐅᕗᖅ

ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ, ᓯᕗᓪᓕᐸᐅᑦᔨᓲᖑᕗᑦ ᐃᓄᓐᓂᒃ ᐅᓯᔭᒥᓂᒃ ᐊᑦᑕᓇᖕᖏᑐᒦᒋᐊᖃᕐᒪᑕ. ᑌᒣᒃᑲᑕ ᐊᑦᑕᓇᖕᖏᑐᒦᑦᑎᓯᒍᑎᑦᓴᓂᒃ ᐱᐅᓂᕐᐹᓯᐊᓂᒃ ᓄᑖᒍᓂᕐᐸᐅᓱᑎᓪᓗ ᐊᑦᑕᓇᖕᖏᑐᒦᑦᑎᓯᒍᑎᑦᓴᓂᒃ ᐋᕐᕿᓱᕐᓯᒪᐅᑎᖃᓲᖑᔪᒍᑦ ᓯᓚᕐᔪᐊᒥ ᖃᖓᑦᑕᔫᓕᕆᓂᕐᒥ ᐊᑑᑎᔭᐅᒐᑦᓴᓕᐊᖑᓯᒪᔪᓂᒃ ᐱᐅᓂᕐᓴᒪᕆᐊᓗᓐᓂᒃ. ᖃᖓᑦᑕᔫᒥᓪᓗ/ᑎᒻᒥᔫᒥᓪᓗ ᐱᓇᓱᖃᑎᒌᑦ ᐊᐅᓚᑎᓪᓗᓯ ᐃᓱᒫᓗᓐᓇᖏᑦᑐᑰᕐᑎᓯᑦᓯᐊᕋᓱᐊᓲᒍᑦᓱᑎᒃ.

ᐊᑦᑕᓇᖕᖏᑐᒦᒋᐊᖃᕐᓂᖅ ᓯᕗᓪᓕᐸᐅᕗᖅ
ᖃᖓᑦᑕᔫᑦ/ᑎᒻᒥᔫᑦ ᓴᓇᔭᐅᓯᒪᕗᑦ ᐃᓱᐊᕐᕆᖁᓪᓗᓯ

ᖃᖓᑦᑕᔫᑦ/ᑎᒻᒥᔫᑦ ᓴᓇᔭᐅᓯᒪᕗᑦ ᐃᓱᐊᕐᕆᖁᓪᓗᓯ

ᖃᖓᑦᑕᔫᖁᑎᕗᑦ/ᑎᒻᒥᔫᖁᑎᕗᑦ ᖃᐅᔨᒪᔭᐅᒍᑎᖃᓪᓚᕆᑉᐳᑦ, ᖃᖓᑦᑕᔫᑦᓯᐊᒪᕆᐊᓘᒋᐊᖏᑦ ᐃᖏᕐᕋᒍᓐᓇᓯᐊᕐᓱᑎᒃ, ᐃᓚᒋᔭᐅᑎᓪᓗᒋᑦ ᐳᔪᓖᑦ Boeing 737-200-ᓖᑦ ᐊᒻᒪᓗ ᐸᒻᐸᓂᐊᒍᑦᓱᑎᒃ ᐊᖏᕐᓂᕐᓭᑦ Dash 8-300-ᓖᑦ. ᑕᒪᕐᒥᓗ ᐊᒥᓲᓂᕐᓴᓂᒃ ᐅᓯᒍᓐᓇᓯᔭᐅᓯᒪᑦᓱᑎᒃ ᐅᓯᕕᖏᑦ ᐋᕐᕿᒋᐊᕐᑕᐅᓯᒪᓂᖏᓐᓄᑦ ᐊᒻᒪᓗ ᐅᑭᐅᒥ ᐅᓀᑦᑐᒥ ᐊᑐᕈᓐᓇᓂᕐᓴᐅᓂᐊᕐᒪᑕ ᐋᕐᕿᓱᕐᑕᐅᓯᒪᑦᓱᑎᒃ, ᐃᓱᐊᕐᓂᓴᐅᓕᕐᑎᓱᒋᑦ ᐃᓄᓐᓄᑦ ᐅᓯᔭᑦᑎᓄᑦ.

ᐆᓇᕐᑐᐃᑦ ᓂᕆᔭᑦᓭᑦ ᐅᖁᒻᒥᓗᒐᑦᓭᓗ

ᐊᑭᖃᖕᖏᑐᓂᒃ ᐃᒥᕋᑦᓴᖃᕐᑎᓯᓲᖑᓂᕗᑦ ᐆᓇᕐᑐᓂᓗ ᓂᕆᔭᑦᓴᖃᕐᑎᓯᓲᖑᓂᕗᑦ ᐊᑯᓂ ᖃᖓᑕᓚᖓᔪᓂᒃ, ᐃᓄᐃᑦ ᖃᖓᑦᑕᔫᖏᑦᑕ/ᑎᒻᒥᔫᖏᑦᑕ ᐃᓚᖏᑦ ᐅᖁᒻᒥᓗᒐᑦᓴᖃᓲᑦ, ᖃᐅᔨᒪᔭᐅᒻᒪᕆᑦᑐᓂᒃ (“ᐸᓂᕐᑎᑕᓂᒃ” ᐃᓄᒃᑎᑐᑦ ᓚᔭᐅᓲᓂᒃ), ᐅᕝᕙᓘᓐᓃᑦ “ᐅᑭᐅᕐᑕᑐᒥᐅᑦ ᓂᐊᖁᔭᖓ” ᓚᔭᐅᓲᒍᑦᓱᑎᒃ ᐸᓂᕐᑎᑕᕐᑐᑎᑦᓯᓲᒍᒻᒥᔪᑦ. ᐃᓄᐃᑦ ᓂᕿᓕᐅᕈᓯᖏᓐᓂᒃ ᖃᐅᔨᑎᑦᓯᒋᐊᖕᖓᕈᑎᒋᒐᓱᐊᕐᓱᒋᑦ ᐃᓕᑦᓯᓂᒃ.

ᐆᓇᕐᑐᐃᑦ ᓂᕆᔭᑦᓭᑦ ᐅᖁᒻᒥᓗᒐᑦᓭᓗ
ᐱᒍᓐᓇᓚᕆᑦᓱᑎᒃ ᐃᓄᑦᓯᐊᒪᕆᐅᑦᓱᑎᓪᓗ ᐱᓇᓱᑦᑏᑦ

ᐱᒍᓐᓇᓚᕆᑦᓱᑎᒃ ᐃᓄᑦᓯᐊᒪᕆᐅᑦᓱᑎᓪᓗ ᐱᓇᓱᑦᑏᑦ

ᐊᑐᓂᑦᓯᐊᖅ ᐃᓘᓐᓇᑎᒃ ᐱᓇᓱᑦᑎᕗᑦ ᐱᒋᐅᕐᓴᑎᑕᐅᓂᖃᑦᓯᐊᓲᖑᕗᑦ ᐱᓇᓱᒐᕆᓚᖓᔭᒥᓂᒃ ᐱᒋᐊᓚᐅᕋᑎᒃ. ᓄᓇᒥ ᐱᓇᓱᑦᑎᐅᓚᖓᒐᓗᐊᕈᑎᒃ ᖃᖓᑦᑕᔫᒥᓘᓐᓃᑦ/ᑎᒻᒥᔫᒥᓘᓐᓃᑦ, ᓈᒻᒪᒋᔭᐅᖕᖏᑑᒋᐊᓪᓚᕕᖃᑦᔭᖏᑦᑐᓂᒃ ᐊᑑᑎᖃᕐᑎᓯᓂᖃᓲᖑᕗᒍᑦ ᓲᓱᒋᔭᐅᓂᕐᐸᐅᓱᑕ ᖃᖓᑦᑕᔫᓕᕆᔨᐅᓂᑦᑎᒍᑦ.

ᖃᖓᑕᓗᓂ ᐊᓕᐊᖕᖑᐊᕈᑏᑦ

ᓄᑖᓂᒃ ᖃᖓᑕᓗᓂ ᐅᓚᐱᕐᓴᐅᑎᖃᓕᕋᑦᑕ, ᐊᑐᕋᑦᓴᓂᒃ ᓇᓪᓕᑳᕈᑕᐅᓯᒪᔪᓂ B737-ᓄᑦ ᓱᐴᕐᑐᓕᓐᓄᑦ ᐊᒻᒪᓗ ᑖᔅ 8-ᓄᑦ ᖃᖓᑕᑦᓯᒍᑎᓂ 30-ᓄᑦ ᑕᕐᓵᐱᓐᓄᑦ ᐅᖓᑖᓄᓪᓘᓃᑦ, ᕿᒥᕐᕈᐊᒐᕐᓂᒃ ᐊᑐᐊᕐᓯᒍᓐᓇᓕᕐᑐᑎᑦ, ᐱᖕᖑᐊᕈᑎᕐᓗᑎᓪᓘᓃᑦ ᐅᕝᕙᓘᓐᓃᑦ ᑕᕐᕋᓕᔮᕈᓐᓇᓕᕐᓱᑎᑦ ᐊᒻᒪᓗᑏᕖᒃᑯᑦ ᓄᐃᑕᔪᓂᒃ ᑕᑯᓐᓇᕈᓐᓇᓱᑎᑦ ᐃᑯᒪᐅᒻᒨᑐᒧᑦ ᐊᑐᕈᒪᔭᕐᓅᕕᑦ.

ᖃᖓᑕᓗᓂ ᐊᓕᐊᖕᖑᐊᕈᑏᑦ
ᓄᓇᕕᒃ : ᓄᓇᒋᔭᕗᑦ

ᓄᓇᕕᒃ : ᓄᓇᒋᔭᕗᑦ

507,000 ᓯᒃᑭᑕᐅᑦᓱᑎᒃ ᑭᓛᒥᑕᓂᒃ ᓄᓇᖓ ᐊᖏᓂᖃᕐᓱᓂ ᐊᑦᑐᑕᐅᓚᐅᕐᓯᒪᖕᖏᓯᐊᕐᑐᖅ ᓴᓗᒪᔫᑦᓱᓂ (ᓇᑎᕐᓈᓕᒃ, ᖃᕐᖃᓕᒃ, ᑰᖃᕐᓱᓂᓗ ᐱᐅᔪᒻᒪᕆᐊᓗᓐᓂᒃ ᐊᒻᒪᓗ ᐃᒫᑎᒍᑦ ᐃᖏᕐᕋᕕᐅᒍᓐᓇᑐᓂᒃ), ᓄᓇᕕᒃ ᓄᓇᐅᑦᓱᓂ ᐃᓪᓕᓇᕐᑑᕗᖅ ᐊᒻᒪᓗ ᐊᒥᓱᒻᒪᕆᐊᓗᓐᓂᒃ ᐱᐅᔪᓪᓚᕆᐊᓘᑦᓱᑎᒃ ᐱᕈᕐᑐᖃᓲᒍᑦᓱᓂ, ᐃᖃᓗᖃᕐᓱᓂᓗ ᐊᒻᒪᓗ ᖃᓄᐃᑦᑐᑐᐃᓐᓇᓂᒃ ᐆᒪᔪᖃᕐᓱᓂ ᐅᑭᐅᕐᑕᑑᑦ ᓯᓚᖓᓂᒃ ᓱᖏᐅᑎᓯᒪᔪᓂᒃ. ᑭᓯᐊᓂ, ᓄᓇᕕᒻᒥ ᐱᕙᑦᓯᑖᕐᕕᓴᐅᒍᓐᓇᓂᕐᐸᐅᖏᓐᓇᑐᑦ ᐃᓄᖏᑦ.

ᒪᓕᓚᐅᕐᑎᒍᑦ

Airinuit