ᓇᒧᖕᖓᕕᑦᓭᓗᖁᓇᒃ - Air Inuit

ᐱᒻᒪᕆᐊᓗᒻᒥᒃ ᐱᓇᓱᒐᓖᑦ

ᐃᓄᓐᓄᑦ ᓄᓇᕝᕕᒥᐅᓄᑦ ᑕᑎᒋᔭᐅᕗᒍᑦ. ᖃᖓᑦᑕᔫᕗᑦ/ᑎᒻᒥᔫᕗᑦ ᓄᓇᓕᓐᓄᑦ ᐊᑐᓂ ᐱᑐᑦᓯᒪᖃᑎᒌᒍᑎᐅᓲᒍᒻᒪᑕ. ᐃᓐᓂᐊᖃᑦᑕᐅᑎᒍᓐᓇᕋᔭᖕᖏᑐᑦ ᐃᓄᐃᑦ ᓄᓇᕐᖃᑎᒋᓇᒋᑦ ᐃᓚᒥᓄᑦ. ᐃᓄᐃᑦ ᖃᖓᑦᑕᔫᖏᑦᑕ/ᑎᒻᒥᔫᖏᑦᑕ ᐱᓇᓱᑦᑎᖏᑦ ᑐᓂᒪᓪᓚᕆᓲᖑᕗᑦ ᐃᓄᐃᑦ ᓄᓇᓕᖏᓐᓄᑦ, ᑭᓯᐊᓂ ᐱᓇᓱᑦᑏᑦ ᐃᓐᓂᐊᓱᑎᒃ ᐳᓛᕆᐊᕐᑐᐃᓗ ᓄᓇᕕᐅᑉ ᓄᓇᖓ ᐊᖏᔪᐊᓗᓂᖓᓂᒃ ᖃᐅᔨᓲᑦ ᐊᒻᒪᓗ ᐃᑲᔪᕐᓯᒪᖃᑕᐅᓪᓚᕆᓲᖑᑦᓱᑎᒃ ᒪᑭᑕᑦᓯᐊᓂᖏᓐᓄᑦ. ᐊᔪᐃᓐᓈᕆᔭᖃᕐᑐᐃᓗ ᐱᒍᓐᓇᓯᒍᓐᓇᓱᑎᒃ ᐱᒐᓱᐊᕐᑕᒥᓂᒃ ᖁᕕᐊᓱᓚᕿᐅᑎᒋᓗᒍ.

ᑕᑯᒐᓱᐊᕐᑕᐅᒍᓐᓇᑐᑦ ᖃᓄᐃᑦᑐᐃᑦ ᐱᓇᓱᒉᑦ ᐊᑐᐃᓐᓇᐅᒪᖔᑕ

 

ᐃᑭᒍᑌᒃᑫᔨ

ᐃᑭᒍᑌᒃᑫᔩᑦ ᖃᖓᑦᑕᓚᖓᔪᓂᒃ ᐃᑭᔪᑦᓴᒫᓕᐅᓲᑦ ᐃᕐᓯᕕᖏᓐᓂᓗ ᑲᒪᑦᓱᑎᒃ. ᐊᓪᓚᑕᐅᓯᒪᒋᐊᓕᓕᒫᓂᒃ ᐊᓪᓚᓲᑦ, ᐃᑭᒍᑎᑦᓴᖏᓐᓂᒃ, ᖃᖓᑕᓚᖓᔪᐃᑦ ᐊᓪᓚᑕᐅᓯᒪᒍᑎᖏᓐᓂᒃ ᐊᒻᒪᓗ ᓱᓇᒐᓚᓐᓂᓗ ᑮᓇᐅᔭᓕᕆᕕᐅᑉ ᐊᓪᓚᕕᖓᓂ ᐊᓪᓚᑕᐅᓯᒪᒋᐊᓕᓐᓂᒃ. ᖃᖓᑦᑕᔫᒧᑦ ᐃᑭᓚᖓᔪᓂᒃ ᐃᑲᔪᕐᓯᒪᒋᐊᖃᓲᒍᒻᒥᔪᑦ ᐃᑭᒋᐊᕐᑐᑎᓪᓗᒋᑦ ᐊᒻᒪᓗ ᑎᑭᑦᑐᓂᒃ.

 

 

ᓄᓇᒥ ᐱᐅᒃᑯᑎᓂᒃ ᐊᐅᓚᐅᓯᓕᕆᔨᓄᑦ ᐃᑲᔪᕐᑎ

ᓄᓇᒥ ᐱᐅᑯᑎᓂᒃ ᐊᐅᓚᐅᓯᓕᕆᔨᓄᑦ ᐃᑲᔪᕐᑏᑦ ᐱᓇᓱᐊᓲᑦ ᐃᑉᐱᒋᔨᖃᕐᓱᑎᒃ ᓄᓇᒥ ᐊᐅᓚᐅᓯᓕᕆᔪᓂᒃ ᐃᑉᐱᒍᓱᑦᑎᓂᒃ ᐊᒻᒪᓗ ᐃᑲᔪᕐᓯᒪᓲᒍᑦᓱᑎᒃ ᐅᓯᖏᐊᕈᑏᑦ ᐊᐅᓚᐅᑎᖏᑦ ᖃᐅᔨᓴᕐᑕᐅᓕᑐᐊᕐᒪᑕ ᐋᕐᕿᒋᐊᑦᓯᐊᑕᐅᒋᐊᖃᓕᑐᐊᕐᒪᑕᓗ ᐊᒻᒪᓗ ᒥᕝᕕᒥ ᓄᓇᒃᑯᔫᑦ ᐊᑐᕐᑕᐅᓲᑦ ᑲᒪᒋᔭᐅᑦᓯᐊᕆᐊᖃᕐᓂᖏᓐᓂᒃ ᑲᒪᖃᑕᐅᓲᒍᒻᒥᓱᑎᒃ. ᐱᓇᓱᒐᖏᑦ ᐅᑯᓂᖓ ᐃᓚᖃᓲᑦ; ᓄᓇᒥ ᐱᓇᓲᑏᑦ ᐊᐅᓚᐅᑎᖏᑦ ᖃᐅᔨᒐᓱᐊᖃᑦᑕᓱᒋᑦ, ᐅᕐᓱᕈᑎᖏᑦ/ᐅᐊᕈᑎᖏᑦ ᐊᓯᑦᔨᖃᑦᑕᓱᒋᑦ ᐃᑯᒪᖏᓪᓗ ᐊᒻᒪᓗ ᖃᓄᑐᐃᓐᓇᖅ ᐃᓘᓐᓈᒍᑦ ᑲᒪᒋᔭᐅᒍᑎᒋᒋᐊᓕᖏᓐᓂᒃ ᑲᒪᒋᔭᖃᖃᑦᑕᓱᑎᒃ. ᐱᒍᓐᓇᓯᐅᒥᕙᓪᓕᐊᑐᐊᕐᒪᑕ ᐱᓇᓱᑦᑏᑦ, ᑲᒪᒋᔭᑦᓴᖏᑦ ᐊᒥᓱᖕᖑᐸᓪᓕᐊᑐᐃᓐᓇᓲᑦ ᐊᒻᒪᓗ ᐃᒻᒥᓂᕐᓱᕈᓐᓇᓯᕙᓪᓕᐊᓱᑎᒃ ᑌᒣᓲᑦ. ᐱᓯᑎᐅᓂᖏᑦ ᐱᓇᓱᒐᕐᓄᑦ ᐳᕐᑐᓂᕐᓴᓄᑦ ᐱᓇᓱᒐᕐᑖᑎᑕᐅᒍᓐᓇᓲᒍᒻᒥᔪᑦ ᓄᓇᒥ ᐱᐅᒃᑯᑎᓂᒃ ᐊᐅᓚᐅᓯᓕᕆᔨᐅᓂᕐᒧᑦ ᐃᑉᐱᒍᓱᑦᑎᐅᑉ ᐃᓂᖓᓄᑦ.

 

ᖃᑦᑕᔫᒥ/ᑎᒻᒥᔫᒥ ᑭᒡᒐᓕᕋᕐᑎ

ᖃᖓᑦᑕᔫᒥ/ᑎᒻᒥᔫᒥ ᑭᒡᒐᓕᕋᕐᑏᑦ ᐃᓅᖃᑎᖃᑦᓯᐊᑐᐃᓐᓇᓲᑦ ᖃᖓᑕᓂᓕᒫᒥᓂ ᖃᖓᑦᑕᑐᕕᓂᐅᑦᓱᑎᒃ ᐅᐸᑦᑕᒥᓄᑦ ᑎᑭᕋᑕᕐᓱᑎᒃ. ᖃᖓᑕᔪᓂᒃ ᐃᓄᓐᓂᒃ ᐊᑦᑕᓇᖕᖏᑐᒦᒋᐊᖃᕐᓂᖏᓐᓂᒃ ᐃᓱᕐᕆᓗᑎᒃ ᐃᓱᒫᓗᒋᔭᖃᕐᓂᐸᐅᓲᑦ, ᑌᒣᒋᐊᖃᕋᒥᒃ ᓈᓚᒍᓐᓇᓯᐊᕆᐊᖃᕐᓱᑎᒃ ᑐᑭᓯᒪᔭᐅᑎᑦᓯᐊᕈᓐᓇᕆᐊᖃᕐᓱᑎᓪᓗ. ᒍᐃᒍᐃᑎᑐᑦ ᖃᓪᓗᓈᑎᑐᓪᓗ ᑐᑭᓯᒪᒍᓐᓇᓯᐊᕆᐊᖃᓲᑦ, ᐊᒻᒪᓗ ᐃᓄᑦᑎᑐᑦ ᑐᑭᓯᒪᒍᓐᓇᑐᐊᕈᑎᒃ ᐃᑲᔪᕐᓯᒪᓪᓚᕆᓲᒍᑦᓱᑎᒃ. ᐱᒋᐅᕐᓴᑎᑕᐅᓂᖃᓲᑦ ᖃᖓᑦᑕᔫᒥ/ᑎᒻᒥᔫᒥ ᑭᒡᒐᓕᕋᕐᑎᐅᓂᕐᒥᒃ ᐱᒍᓐᓇᓯᐊᕐᑎᑕᐅᒐᓱᐊᕐᓱᑎᒃ ᐱᒍᓐᓇᕆᐊᓕᖏᓐᓂᒃ..

 

 

ᐊᐅᓚᑦᓯᓂᓕᕆᓂᕐᓂᒃ ᐃᑲᔪᕐᑎ

ᐊᐅᓚᑦᓯᓂᓕᕆᓂᕐᓂᒃ ᐃᑲᔪᕐᑎ ᑲᒪᒋᔭᑦᓴᖃᕋᓗᐊᕐᒥᓱᓂ ᖃᐅᑕᒫᑦ ᖃᖓᑦᑕᔫᑦ ᐊᐅᓚᑦᓯᓂᓕᕆᔭᐅᒍᑎᖏᓐᓂᒃ, ᐊᓪᓚᕕᒻᒥ ᐊᐅᓚᑦᓯᓂᓕᕆᒍᓯᕐᓂᒃ ᐃᑲᔪᕐᓯᒪᐅᑎᖃᕆᐊᖃᓲᒍᒻᒥᔪᖅ ᐱᓀᓗᑕᐅᔪᓂᒃ ᐋᕐᖀᒐᓱᐊᕈᓐᓇᓗᓂ, ᑐᑭᒧᐊᒍᑎᓂᒃ ᑲᒪᔨᐅᒍᓐᓇᕆᐊᖃᕐᒥᔪᖅ ᐊᒻᒪᓗ ᑲᑎᒪᓂᑦᓴᓂᒃ ᐊᑐᐃᓐᓇᕈᕐᑎᔨᐅᓗᓂ ᑌᒣᒋᐊᖃᓕᕈᓂ. ᑌᒫᖕᖓᑦ ᓄᕐᖃᔪᐃᑦᑑᓗᑎᒃ ᐱᓇᓱᐊᕆᐊᖃᓲᑦ, ᓯᓚᑐᓵᒻᒪᕆᒋᐊᖃᕐᓱᑎᓪᓗ ᐊᒻᒪᓗ ᖃᓄᐃᓕᒋᐊᕈᑎᒋᒋᐊᖃᕐᑕᒥᓂᒃ ᑲᒪᒋᔭᖃᑦᓯᐊᕆᐊᖃᕐᓱᑎᒃ ᐱᓇᓱᑦᑎᓂᓪᓗ, ᐅᐃᒻᒪᔮᕈᓐᓀᓗᑎᒃ ᐊᒻᒪᓗ ᓱᓇᑐᔫᒋᐊᖃᕐᓱᑎᒃ ᓂᕆᐅᓐᓇᖏᑦᑐᑯᑦ ᓱᓇᑐᐃᓐᓇᓂᒃ ᑲᒪᒋᔭᖃᕆᐊᖃᓕᑐᐊᕈᑎᒃ, ᖃᕆᑕᐅᔭᓂᒃ ᐊᑐᕈᓐᓇᕆᐊᓖᑦ ᐊᒻᒪᓗ ᑐᑭᓯᒪᒍᓐᓇᓗᑎᒃ ᐅᖃᐅᓯᐅᑉ ᐊᓯᐊᒍᑦ ᐅᖄᔭᐅᔪᓂᒃ/ᐊᓪᓚᑕᐅᔪᓂᒃ, ᑌᒣᒍᓐᓇᕈᑎᒃ ᐃᑲᔪᕐᓯᒪᓪᓗᑐᕋᔭᕐᑐᑦ.

 

Airinuit

ᖃᕆᑕᐅᔭᒨᔦᓂᖅ ᐃᖏᕐᕋᓯᒋᐊᓪᓚᑐᖅ