​ᐊᐅᓪᓚᑎᑕᐅᒍᓐᓇᓱᑎᒃ ᐊᖏᕐᑕᐅᒍᓐᓇᑐᑦ ᐅᓯᒐᑦᓭᑦ - Air Inuit

ᐊᐅᓚᒍᑎᓄᑦ ᐊᐅᓚᑕᐅᓲᑦ ᐊᑦᑕᓇᕐᑐᐃᑦ ᓂᐅᕕᐊᑦᓭᑦ ᒪᓕᒐᖃᕈᑕᐅᓂᖏᑦ

ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᒪᓕᑦᑕᐅᖁᔭᐅᔪᓂᒃ ᒪᓕᓪᓗᑎᒃ ᑭᓯᐊᓃᒋᐊᖃᓲᒍᕗᑦ ᒪᓕᑦᑕᐅᒋᐊᓪᓚᕆᑦᑐᓂᒃ ᐊᐅᓪᓚᑎᑦᓯᒋᐊᖃᓕᑐᐊᕋᒥᒃ ᐃᑯᐊᓪᓚᕈᐊᕐᑐᓂᒃ, ᖄᓲᓂᓪᓗ ᐊᒻᒪᓗ ᐊᓯᖏᓐᓂᒃ ᐊᑦᑕᓇᕐᑑᓱᑎᒃ ᐅᓯᔭᐅᒋᐊᖃᓲᓂᒃ. ᖃᐅᔨᒋᐊᕐᕕᐅᒍᓐᓇᑐᑦ ᐃᓄᐃᑦ ᖃᖓᑦᑕᔫᖏᑦᑕ/ᑎᒻᒥᔪᖏᑦᑕ ᐅᓯᒐᑦᓴᓕᕆᓂᕐᒧᑦ ᐱᒍᑦᔨᕕᖏᑦ ᖃᐅᔨᒐᓱᐊᕐᕕᒋᓗᒋᑦ ᖃᓄᖅ ᓈᒻᒪᓈᕐᓂᐹᑎᒍᑦ ᐊᑦᑕᓇᖕᖏᓂᕐᐹᑎᒍᓪᓗ ᐃᓄᐃᑦ ᖃᖓᑦᑕᔫᖏᑦᑎᒎᕐᑎᑕᐅᒍᓐᓇᒪᖔᑕ ᐊᑦᑕᓇᕐᑑᓱᑎᒃ ᖃᓄᐃᑦᑐᑐᐃᓐᓀᑦ.

ᖃᐅᔨᒪᔭᐅᖁᓇᕐᑐᑦ ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔪᖏᑦ ᒪᑭᔪᑦᓱᑎᒃ lithium-ᓂᒃ ᐃᑯᒪᐅᑎᖃᕐᓱᑎᒃ ᐊᐅᓚᒍᑎᓂᒃ ᖃᖓᑦᑕᔫᒥ ᓇᔪᕐᑎᒋᓚᖓᓗᒋᑦ ᐃᑭᑕᐅᔪᖃᕈᓐᓇᔭᖏᑦᑐᖅ ᐅᕝᕙᓘᓐᓃᑦ ᐅᓯᒐᑦᓴᓕᕆᕕᒃᑯᑦ ᐊᐅᓪᓚᑎᑕᐅᒍᓐᓇᔭᒐᑎᒃ ᐊᑦᑕᓇᕐᑑᒍᓐᓇᓂᖏᑦ ᐃᓱᒫᓗᓐᓇᑑᒻᒪᑕ ᐃᑯᒪᐅᑎᖏᑦ ᑕᒪᒃᑯᐊ ᒥᑭᔪᐊᐱᑦᓱᑎᒃ ᐊᐅᓚᒍᑏᑦ ᑌᒣᑦᑐᓂᒃ ᐃᑯᒪᐅᑎᓖᑦ.

ᒪᑭᔪᓂᒃ lithium-ᓂᒃ ᐃᑯᒪᐅᑎᖃᕐᓱᑎᒃ ᐊᐅᓚᒍᑏᑦ ᐅᓯᔭᐅᕐᖃᔭᖏᑦᑐᓄᑦ ᐃᓚᒋᔭᐅᔪᑦ ᐅᑯᐊ:

  • ᐳᖃᖓᑕᒍᑏᑦ ᓵᑦᑐᔮᑦ
  • ᐃᑯᒪᐅᒻᒨᑐᑦ ᑐᑫᓛᒍᑏᑦ
  • ᐃᑯᒪᐅᒻᒨᑐᑦ ᑫᑦᓴᐅᒥᒍᑏᑦ ᓵᑦᑐᔮᑦ/ᐊᑦᓴᓗᐊᓖᑦ
  • ᒪᑭᑕᒍᓐᓇᑐᑦ ᐊᑦᓴᓗᐊᓖᑦ

 

ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᐅᓯᖁᔭᐅᒐᓗᐊᕈᑎᒃ ᐊᖏᕐᖃᔭᑦᔭᖏᓪᓚᑦ ᐊᑦᑕᓇᕐᑐᓂᒃ ᐅᓯᒍᓐᓇᕕᒻᒥᑕ ᐅᖓᑖᓄᖕᖏᑐᐊᕐᐸᑕ ᑭᓯᐊᓂ.

ᖃᐅᔨᒋᐊᕐᕕᐅᒍᓐᓇᑐᑦ ᐃᓄᐃᑦ ᖃᖓᑦᑕᔫᖏᑦᑕ/ᑎᒻᒥᔫᖏᑦᑕ ᐅᓯᒐᑦᓴᓕᕆᓂᕐᒧᑦ ᐱᒍᑦᔨᕖᑦ ᖃᐅᔨᒋᐊᕐᕕᒋᓗᒋᑦ ᖃᓄᐃᑦᑐᐃᑦ ᐅᓯᔭᐅᒍᓐᓇᒪᖔᑕ.