ᐴᕐᑐᐃᓂᕐᒥ ᐃᑲᔪᕐᓯᒍᑏᑦ

• ᐃᑦᓯᕕᒃ ᐊᑐᓚᖓᔦᑦ ᕿᕋᑕᔫᑦᓯᐊᕆᐊᓕᒃ ᐃᓗᓕᒋᓚᖓᔭᒥᓄᑦ ᓯᖁᑦᑎᑕᐅᓂᐅᔭᖕᖏᑐᓗᓂ.
• ᐃᒪᓖᓪᓗ ᐅᕝᕙᓘᓐᓃᑦ ᓯᑦᓯᑐᐊᑐᐃᓐᓇᕆᐊᓖᑦ ᐴᕐᓗᒋᑦ ᕿᓪᓕᑐᔭᓄᑦ ᐅᕝᕙᓘᓐᓃᑦ ᐃᕐᖓᖃᔭᖕᖏᑐᓄᑦ ᐴᕐᓄᑦ.
• ᐊᐅᓪᓚᑎᑦᓯᓚᖓᑐᐊᕈᕕᑦ ᐊᑕᐅᓯᑐᐃᓐᓇᐅᖏᑦᑐᒥᒃ ᐊᑕᐅᓯᕐᒧᑦ ᐃᑦᓯᕕᒻᒨᔭᕐᓗᒋᑦ ᐊᑐᓂᑦ ᐴᕐᓗᒋᑦ ᐊᒻᒪᓗ ᑲᑎᖕᖓᑲᓪᓚᒍᓐᓀᑎᓪᓗᒋᑦ ᐊᑦᑐᐊᒍᑎᑲᓪᓚᒍᓐᓀᓗᑎᒃ, ᐱᓗᐊᕐᑐᒥ ᓯᖁᑦᑎᑐᐃᓐᓇᕆᐊᓕᑦᓴᔭᐅᑉᐸᑕ.
• ᐃᑦᓯᕕᐅᑉ ᐃᓗᐊᓄᑦ ᐴᕐᑐᑕᑎᑦ ᐊᑯᓐᓂᖏᑦ ᐃᓗᓕᖃᖕᖏᑐᑲᓪᓛᖑᑉᐸᑕ ᑕᑕᑎᓪᓗᒋᑦ ᐊᐅᓪᓚᑐᑦᓴᓕᐊᓂᒃ ᓂᒪᒌᒃᑯᑎᐅᓲᓄᑦ, ᐃᑭᐊᕐᒥᐅᑕᑦᓴᔭᑦᓴᔭᓄᑦ ᐊᓯᖏᓐᓄᓘᓐᓃᑦ ᐊᐅᓚᒋᒃᑯᑎᑦᓴᓄᑦ.

• ᐅᓐᓂᑑᑎᖃᓪᓚᕆᑉᐳᒍᑦ ᐊᑐᕐᑕᐅᖁᓪᓚᕆᑦᑕᑎᓐᓂᒃ ᖃᓄᐃᑦᑐᑐᐃᓐᓀᑦ ᓱᔪᒍᐊᕐᑐᐃᑦ ᐴᕐᑐᑕᐅᓯᒪᑦᓯᐊᖁᑦᓱᒋᑦ ᖁᐊᕐᓇᑐᒦᓪᓗᐊᑌᓕᑎᓪᓗᒋᑦ ᓂᕈᒥᐊᓗᕐᑐᒥᓘᓐᓃᑦ ᑎᑭᒐᓱᐊᕐᑕᖏᓐᓄᑦ ᑎᑭᐅᑎᖕᖏᓂᓕᒫᖏᓐᓂ. ᖃᖓᓪᓗᐊᖅ ᑐᕌᕐᑕᒥᓄᑦ ᑎᑭᐅᑎᒐᓱᐊᕈᓇᐅᒻᒪᖔᑕ ᐃᓱᒪᒋᑦᓯᐊᓗᒋᑦ ᐊᐅᓪᓚᑎᑕᐅᒋᐊᕐᑐᕕᖏᓐᓄᑦ, ᐅᓯᓕᕐᑎᑕᐅᒋᐊᖃᕐᓂᖏᓪᓗ ᐊᒻᒪᓗ ᐅᓯᒋᐊᕐᑕᐅᒋᐊᖃᕐᓂᖏᑦ ᐃᓱᒪᒋᑦᓯᐊᓗᒋᑦ, ᐊᒻᒪᓗ ᖃᖓᓪᓗᐊᖅ ᖃᖓᑕᒋᐊᖃᕈᓇᐅᒻᒪᖔᑕ, ᓄᕐᖃᕕᒋᖃᑦᑕᓚᖓᔭᖏᓪᓗ ᓄᓇᓖᑦ ᐃᓱᒪᒋᒻᒥᓗᒋᑦ ᐊᒻᒪᓗ ᖃᖓ ᐁᔭᐅᒍᓇᐅᒻᒪᖔᑕ ᐃᓱᒪᒋᒻᒥᓗᒋᑦ ᓄᑕᖑᒍᓐᓇᕕᓕᒫᖏᑦᑎᒍᑦ ᑎᑭᐅᑎᒐᓱᐊᕐᑕᒥᓄᑦ ᑎᑭᖁᔨᒧᑦ ᑕᒪᒃᑯᐊ ᐃᓱᒪᒋᔭᐅᖁᔭᕗᑦ.
• ᓱᔪᒍᐊᕐᑐᓂᒃ ᐃᒧᒪᑎᓪᓗᒋᑦ ᐃᒻᒧᑎᑦᓴᔭᕗᑦ ᐊᐅᓪᓚᑐᑦᓴᓕᐅᕆᑦ. ᓲᕐᓗ ᐳᕙᐅᔭᑦᓴᔭᐅᑦᓱᑎᒃ ᕿᑐᑦᑐᓂᒃ.
• ᖁᐊᖃᐅᑎᒥᓲᑦ ᓂᓪᓕᓇᕐᑐᖃᐅᑏᑦ ᐊᑐᕐᑕᐅᖁᔭᐅᕗᑦ ᖁᐊᖑᖏᓐᓇᑎᑦᓯᒍᑎᐅᓗᑎᒃ ᐃᑦᓯᕕᐅᑉ ᐃᓗᐊ ᓂᕈᒥᑦᓯᓗᐊᖁᓇᒍ.

• ᐊᐅᓪᓚᑎᑕᐅᔪᑦ 5 kg-ᓂᒃ ᐅᖁᒣᓐᓂᓖᑦ ᐊᒻᒪᓗ ᐅᕿᓐᓂᓭᑦ ᐴᕐᑐᓯᒪᒋᐊᖃᕐᐳᑦ ᐳᓪᓚᖃᖕᖏᑐᓂ ᕿᓪᓕᑐᔭᓂ ᐴᖃᕐᓗᑎᓪᓗ ᓯᑯᑦᓴᔭᓂᒃ ᐃᑦᓯᕕᓐᓂᒃ ᓯᖁᑦᑎᕈᐊᕐᑐᔭᐅᖕᖏᑐᓂᒃ .
• ᐊᐅᓪᓚᑎᑕᐅᔪᑦ ᐅᖁᒣᓐᓂᓴᐅᒍᑎᒃ 5 kg-ᓂᑦ ᐴᕐᑐᓯᒪᒋᐊᖃᕐᖁᑦ ᓵᑦᑐᖏᑦᑐᓂ ᕿᑐᑦᑐᔭᐅᓗᑎᒃ ᐃᑦᓯᕕᓐᓂ (ᓲᕐᓗ “Rubbermaid”-ᓂ) ᐃᓗᐊᓃᑦᑐᑦ ᐴᕐᓯᒪᒻᒥᑎᓪᓗᒋᑦ ᕿᓪᓕᑐᔭᓂ ᐊᓕᑦᑐᕈᐊᕐᑑᖏᑦᑐᓂ.

ᐃᓄᐃᒃᑯᑦ ᐆᒪᔪᖁᑎᒋᔭᐅᔪᓂᒃ ᐱᓂᕐᓗᓇᕐᑐᒨᕆᓂᐅᔭᖕᖏᓚᑦ ᐃᓱᕐᕆᑎᑦᓯᓱᑎᒃᓗ. ᐆᒪᔪᖁᑎᓐᓂᒃ ᐊᐅᓪᓚᖃᑎᖃᖕᖏᑐᐊᕈᕕᑦ, ᒪᓕᑦᓯᐊᑭᑦ ᒪᓕᑦᑕᐅᖁᔭᐅᔪᑦ ᐃᓱᒫᓗᐊᖕᖏᓗᑎᑦ ᐊᐅᓚᓂᖃᕐᓂᐊᕋᕕᑦ:

• ᐆᒪᔪᖁᑎᒥᓂᒃ ᐊᐅᓪᓚᑎᑦᓯᔪᖅ ᐊᑐᐃᓐᓇᕈᕐᑎᕆᓯᒪᑦᓯᐊᕆᐊᖃᕐᖁᖅ ᐊᑐᐃᓐᓇᕈᕐᑎᕆᖃᑎᖃᕐᓗᓂ ᐃᓄᐃᒃᑯᓂ ᑫᕙᓪᓚᒍᓯᕐᓂ 24-ᓂ ᐊᐅᓪᓚᕕᑦᓴᖓ ᓇᓪᓕᐅᑎᓚᐅᕐᑎᓇᒍ.

• ᐆᒪᔪᖁᑏᑦ ᐊᐅᓪᓚᑎᑕᐅᒍᑎᖏᑦ ᐊᑭᓕᕐᑕᐅᒋᐊᖃᕐᐳᑦ ᐊᐅᓪᓚᓚᐅᕐᑎᓇᒋᑦ.

• ᐆᒪᔪᖃᐅᑎᐅᑉ ᐅᖁᒣᓐᓂᖓᓗ ᖃᓄᑎᒋᓪᓗ ᐊᖏᓂᖃᕐᓂᖓ ᐊᐅᓪᓚᑎᑦᓯᔪᒧᑦ ᐅᖃᐅᓯᐅᒋᐊᖃᕐᖁᖅ ᐃᑭᕕᑦᓴᓕᐅᕐᑕᐅᓕᑐᐊᕐᐸᑦ ᐆᒪᔪᖁᑎᒋᔭᐅᔪᖅ.

• ᐃᓄᐃᒃᑯᑦ ᐆᒪᔪᖁᑎᒋᔭᐅᔪᒥᒃ ᐃᕐᓯᓇᕐᑐᒥᒃ, ᐅᕝᕙᓘᓐᓃᑦ ᕿᑲᕐᖃᔭᖕᖏᑐᒥᒃ ᐅᕝᕙᓘᓐᓃᑦ ᒪᒣᑦᑐᐊᓂᕐᒥᒃ ᒥᕝᕕᒨᕐᑕᐅᓗᓂ ᑌᒣᑐᐊᕐᐸᑦ ᐃᑭᑎᑦᓯᒋᐊᓪᓚᕕᖃᖕᖏᓚᑦ.

• ᐴᓯᐊᕃᓪᓗ ᕿᒻᒥᐊᕃᓪᓗ 8-ᓂᒃ ᐱᓇᓱᐊᕈᓯᕐᑖᕋᑕᖕᖏᑐᑦ ᐃᑭᑎᑕᐅᒍᓐᓇᖏᓪᓚᑦ.

• ᐆᒪᔪᐃᑦ ᐅᐸᑦᑕᒥᓄᑦ ᑎᑭᐅᑎᒍᑎᒃ ᑭᓯᐊᓂ ᖃᖓᑦᑕᐅᑎᖏᑦ ᐊᑭᓕᕐᑕᐅᒐᔭᕐᑐᑦ ᐃᑭᑎᑕᐅᒍᓐᓇᖏᓪᓚᑦ (ᑎᑭᑕᐅᔪᒧᑦ ᐊᑭᓕᕐᑕᐅᕚᓪᓗᓚᖓᑐᐊᕈᑎᒃ)

• ᐊᖏᓗᐊᕐᑐᑦ ᕿᒻᒥᖃᐅᑏᑦ ᐃᑭᑎᑕᐅᔪᓐᓇᖏᓪᓚᑦ ᐱᑦᔪᑎᖃᕐᓱᑎᒃ ᖃᖓᑦᑕᔫᑉ ᐊᖏᓂᖓᓂ, ᖃᓄᐃᑦᑑᓂᖓᓂᒃ ᐊᑐᐃᓐᓇᐅᓂᖓᓂᓪᓗ.

• ᐆᒪᔪᖁᑎᒋᔭᐅᔪᑦ ᐃᑭᑎᑕᐅᕕᖃᖕᖏᓚᑦ ᑫᕙᓪᓚᒍᓯᓂ 4-ᓂ ᖃᖓᑦᑕᔫᖅ ᐊᐅᓪᓚᓚᐅᕐᑎᓇᒍ ᐃᑭᔪᑦᓴᓕᐊᖑᒐᓱᑐᐊᕈᑎᒃ.

• Advanced arrangements for pick-up at destination must be made.

• ᕿᒻᒥᖃᐅᑏᑦ ᕿᒻᒥᖃᐅᑎᑦᓴᔭᓪᓚᕆᐅᒋᐊᖃᕐᐳᑦ ᖃᓄᕐᓗᓃᑦ ᓯᖁᑦᑎᓂᐅᒍᓐᓀᓗᑎᒃ, ᐃᕐᖓᖃᔭᖕᖏᑑᓗᑎᒃ ᐊᓂᕐᑎᕆᕕᑦᓯᐊᓴᔭᐅᒋᐊᖃᕐᓱᑎᒃᓗ ᐆᒪᔪᖁᑎᐅᔪᒧᑦ. ᐊᖏᓂᖏᑦ ᓈᒻᒪᓯᐊᕆᐊᓖᑦ ᕿᒻᒥᓄᑦ ᐊᓯᖓᓄᓪᓗᓃᑦ ᐆᒪᔪᖁᑎᓐᓄᑦ ᓂᑯᕐᕋᕕᐅᒍᓐᓇᓯᐊᕐᓗᑎᒃ ᑫᕙᓪᓚᕕᐅᒍᓐᓇᓯᐊᕐᓗᑎᒃ ᐊᒻᒪᓗ ᐊᖁᐱᕝᕕᐅᒍᓐᓇᓯᐊᕐᓗᑎᒃ.

• ᑭᑭᐊᖑᑦᓱᑎᒃ ᑭᑭᐊᑯᑕᑦᓴᔦᑦ ᐊᑐᕐᑕᐅᒍᓐᓇᖏᓪᓚᑦ.

• ᕿᒻᒥᖃᐅᑎ ᐊᓪᓚᓯᒪᔪᕐᑕᖃᕆᐊᖃᕐᐳᖅ ᐆᒪᔪᖁᑎᐅᔫᑉ ᐊᑎᖓᓂᒃ ᐃᒥᕐᕕᒥᓪᓗ ᑯᕕᕋᕐᖃᔭᖕᖏᑐᒥᒃ ᐃᓕᑦᔨᕕᐅᒪᓗᓂ (ᓲᕐᓗ ᐊᕕᖕᖓᐅᔭᑲᓪᓓᑦ ᐃᒥᕐᕕᓴᔭᖓᓐᓂᒃ) ᐆᒪᔫᑉ ᐃᒥᕐᕕᒋᒍᓐᓇᑕᖓᓂᒃ.

• Consignee’s name, complete address and 24 hour phone number must appear on the cage as well as on the air waybill.

• ᐊᑕᐅᓯᕐᒥᒃ ᑭᓯᐊᓂ ᐆᒪᔪᒥᒃ ᕿᒻᒥᖃᐅᑎᐅᑉ ᐃᓗᐊᓃᑦᑐᖃᕈᓐᓇᑐᑦ.

• ᐆᒪᔪᖁᑏᑦ ᐊᖏᔫᖕᖏᑐᒥᒃ ᓂᕆᒃᑲᓯᒪᒋᐊᓖᑦ ᐃᒥᕐᑎᓗᒍᓗ ᑫᕙᓪᓚᒍᓰᓐᓂ ᒪᕐᕉᓂ ᐊᐅᓪᓚᕕᑦᓴᖓ ᓇᓪᓕᐅᑎᓚᐅᖕᖏᓂᖓᓂ.

• ᐆᒪᔪᖁᑏᑦ ᒥᕝᕕᓕᐊᕈᑎᒋᐊᕕᓕ.

• ᕿᒻᒦᑦ ᐊᕐᓀᑦ ᓄᓕᐅᔪᑦ ᐃᑭᑎᑕᐅᒐᓱᖁᔭᐅᖕᖏᓚᑦ.

• ᕿᒻᒦᑦ ᓴᕐᓕᐊᑐᑦ ᐃᑭᑎᑕᐅᔪᓐᓇᖏᓪᓚᑦ.

• If the animal is traveling down south to receive treatments, a written confirmation by a veterinary stating that the animal is fit to fly and that is does not pose any risk for cargo handlers is required.

• ᐅᓐᓄᐊᒥ ᕿᒻᒥᖃᐅᑎᒦᑦᑐᖅ ᓇᔪᕐᑎᒋᔭᐅᒋᐊᖃᑦᓴᐸᑦ ᐱᑦᔪᔭᐅᒍᑎᓂᒃ ᐊᑭᓕᕐᑕᐅᒍᑎᐅᒍᓐᓇᑐᑦ ᐅᓪᓗᓂᓗ ᐊᒥᓱᓂ ᐅᐸᑦᑕᒥᓄᑦ ᑎᑭᐅᑎᕐᖃᔦᒪᑉᐸᑦ ᓯᓚᕐᓂᓗᒻᒧᑦ ᐱᔭᐅᓗᓂ ᐃᓄᐃᑦᑯᓗ ᐊᐅᓚᒍᓐᓇᖏᑦᑕᖓᓄᑦ ᑌᒣᑎᑕᐅᓗᓂ (ᓲᕐᓗ ᐱᐅᓯᑐᐃᓐᓇᒥᒍᑦ ᐱᓀᓗᑦᓯᕈᑎᓄᑦ, ᐃᓄᐃᑦ ᐊᐅᓚᖃᔭᖕᖏᑕᖓᓄᑦ, ᐱᓇᓱᑦᑏᑦ ᐊᖏᖃᑎᐅᒍᓐᓀᓂᖏᓐᓄᑦ, ᐃᓄᖃᑎᒌᑦ ᓈᒻᒪᒋᐅᑎᖕᖏᓂᖏᓐᓄᑦ, ᐅᓇᑕᕐᑐᓄᑦ, ᑲᑉᐱᐊᓇᕿᔪᓄᑦ, ᐊᓯᖏᓐᓄᓗ). ᑕᒪᒃᑯᐊ ᐊᑭᓕᒍᑎᐅᒋᐊᓖᑦ ᐃᓚᐅᑎᑕᐅᓛᕐᐳᑦ ᐅᓯᔭᐅᑎᑦᓯᒍᑎᓄᑦ ᐊᑭᓕᕐᑕᐅᒋᐊᖃᕐᓱᑎᓪᓗ ᐆᒪᔪᖁᑎᐅᔪᖅ ᐅᐸᑦᑕᒥᓄᑦ ᑎᑭᐅᑎᑦᓴᑐᐊᕐᐸᑦ.

ᐊᖏᔪᖑᐊᓂᒃ ᐊᐅᓪᓚᑎᑦᓯᒐᓱᒃᑯᕕᑦ ᖃᐅᔨᒋᐊᕐᕕᒋᒍᒃ ᐅᓯᑦᓴᓂᒃ ᐱᑦᔪᔨᕕᕗᑦ ᓱᕐᖁᐃᑐᒥᒃ ᐅᓯᔭᐅᒍᓐᓇᓛᕋᓗᐊᕐᒪᖔᑦ ᑐᑭᓯᑎᑕᐅᓛᕋᕕᑦ ᐊᒻᒪᓗ ᖃᓄᐃᓕᖓᓗᓂ ᐅᓯᔭᐅᑦᓯᐊᓂᕐᐸᐅᒍᓐᓇᒪᖔᑦ ᖃᖓᑦᑕᔫᖁᑎᑦᑎᓄᑦ ᑐᑭᓯᑎᑕᐅᓗᑎᑦ.

• ᕿᔫᑉ ᐃᑦᓯᕕᐅᑉ ᐃᓗᐊᓃᒋᐊᓖᑦ.

• ᐊᑐᕐᑕᐅᖁᔨᕗᒍᑦ ᕿᕋᑕᔪᓂᒃ ᐳᕙᐅᔭᑦᓴᔭᓂᒃ ᖃᖓᑕᓕᕈᑎᒃ ᐃᒪᖃᐅᑎᐅᑉ ᐊᐅᓚᒌᒃᑯᑎᑦᓴᖓᓂᒃ ᕿᒻᒥᖃᐅᑎᐅᑉ ᐃᓗᐊᓂ.

• ᐊᓪᓚᓯᒪᔪᖃᕆᐊᓖᑦ “ᓯᖁᒥᓯᓐᓇᖅ”-ᓚᔪᓂᒃ ᐊᒻᒪᓗ ᖃᓄᐃᓕᖓᓗᓂ ᓇᐸᑎᑕᐅᒋᐊᖃᕐᒪᖔᑦ (ᑎᒃᑯᑑᑎᓄᑦ) ᑕᕐᓯᓯᒪᓗᒍ ᕿᔫᑉ ᐃᑦᓯᕕᐅᑉ ᒪᑭᑕᒍᓯᒋᒋᐊᓕᖓ.

• ᖁᑭᐅᑏᑦ ᓴᒃᑯᐃᔮᕐᑎᓯᒪᒋᐊᓖᑦ ᐴᕐᑐᑕᐅᒪᓗᑎᒃᓗ ᓯᒃᑭᕈᑎᖏᑦ ᐊᑦᓱᖏᕐᓯᒪᑎᓪᓗᒋᑦ ᐴᕐᑐᓯᒪᓗᒋᑦ ᕿᕋᑕᔪᒥ ᐴᕐᒥ ᐅᕝᕙᓘᓐᓃᑦ ᐴᕐᓯᒪᓗᓂ ᕿᑐᑦᑐᔭᐅᓗᓂ ᐃᓗᓕᖓ ᓄᐃᑕᖕᖏᑐᒥ.

• ᐋᕐᕿᑕᐅᓯᒪᒋᐊᖃᕐᒥᔪᑦ ᐊᑐᕐᖃᔦᕐᓯᒪᑎᑕᐅᓗᑎᒃ ᐱᓂᕐᓗᒌᒃᑯᑎᐅᑦᓱᓂ ᐊᑦᓱᖏᐅᑎ ᐃᓕᔭᐅᒪᓗᓂ.

• ᖁᑭᐅᑏᑦ ᓴᒃᑯᖏᑦ ᐴᕐᑐᑕᐅᒪᒋᐊᖃᕐᖁᑦ ᒪᓕᓪᓗᑎᒃ ᒫᓐᓇᐅᔪᖅ ᐃᓕᒪᓇᕐᑐᓂᒃ ᐱᐅᓕᓂᐊᒐᕐᓂᒃ ᒪᓕᒐᖃᕐᑎᓯᒍᑎᓂ ᖁᑭᐅᑎᐅᓪᓗ ᐴᖓᓄᑦ ᐴᕐᑕᐅᓯᒪᖃᑕᐅᒍᓐᓀᓗᑎᒃ.

• ᓂᐅᕕᐊᖑᑦᓱᓂ ᐴᕕᓂᕐᒥᓂᒃ ᐴᕐᓯᒪᒋᐊᖏᑦ, ᐃᓚᑖᓗᒍ ᕿᕋᑕᔫᑦᓱᑎᒃ ᐳᕙᐅᔭᓂᒃ, ᐊᒻᒪᓗ ᐃᑦᓯᕕᐅᑉ ᕿᔫᑉ ᐃᓗᐊᓃᓪᓗᓂ.

• ᓂᐱᑎᑦᓯᕕᐅᒪᒋᐊᓕᒃ ᓯᖁᒥᓯᓐᓇᐅᓂᕃᒍᑎᒥᒃ "Fragile" ᓂᐱᑎᒐᕐᒥᒃ.

• ᐅᕐᓱᐊᓗᐃᔭᕐᓯᒪᑦᓯᐊᕕᖕᖓᕆᐊᓕᒃ ᐃᓗᓖᕐᓯᒪᑦᓯᐊᓗᓂ.

• ᐊᑑᑎᔭᐅᒋᐊᖃᕐᐳᖅ ᐃᖏᕐᕋᐅᑎᑕᖑᔪᖅ ᐅᓕᑦᑐᓯᒪᑦᓯᐊᓗᓂ ᕿᖕᖑᓵᔭᐅᒋᒃᑯᑎᑦᓴᖓᓂᒃ.