ᐅᓯᔭᐅᑎᑦᓯᓂᐅᑉ ᒪᓕᒐᖏᑦ ᐊᑐᕐᑐᓄᑦ

ᐃᒣᖁᔨᒍᑏᑦ ᐊᖏᖃᑎᒌᑦᓯᒪᐅᑎᑎᒍᑦ ᐱᒍᑦᔨᓂᕐᒧᑦ

ᖓᑦᑕᔫᒃᑰᓚᖓᔪᓂᒃ ᐊᓪᓚᓯᒪᐅᑏᑦ (AWB) ᐊᓪᓚᕕᐅᓯᒪᒋᐊᖃᓲᒍᕗᑦ ᐊᐅᓪᓚᑎᑕᐅᒍᓐᓇᖁᓪᓗᒋᑦ ᐅᓯᒍᑦᔭᐅᒍᒪᐅᑏᑦ ᐅᓯᔭᐅᒍᓐᓇᓂᕐᕋᕐᑕᐅᔪᓂᒃ ᐃᒣᖁᔨᒍᑏᑦ ᒪᓕᑦᑕᐅᑎᓪᓗᒋᑦ ᐊᐅᓪᓚᑎᑦᓯᔪᒧᑦ ᐊᒻᒪᓗ ᐃᓄᐃᑦ ᖃᖓᑦᑕᔫᖏᓐᓄᑦ/ᑎᒻᒥᔫᖏᓐᓄᑦ.

  1. ᐊᐅᓪᓚᑎᑕᐅᖁᔭᒥᓂᒃ ᓇᓗᓀᕐᓯᒍᑏᑦ ᐅᓯᔭᖁᔭᐅᔪᓂᒃ, ᐊᐅᓪᓚᑎᑕᐅᖁᔭᐅᔪᓂᒃ ᐊᖏᕈᑎᖃᕐᓂᕋᐅᑏᑦ ᐃᒣᖁᔨᒍᑎᓂᒃ ᐅᓯᔭᐅᖁᔭᖏᑦ ᐱᓪᓗᒋᑦ, ᓇᐅᑐᐃᓐᓇᒧᑦ ᐃᓄᐃᑦ ᖃᖓᑦᑕᔪᖏᓐᓄᑦ ᐱᓇᓱᑦᑎᒧᑦ ᐊᓪᓚᑕᐅᓯᒪᓂᖏᑦ ᐊᓯᑦᔨᔭᐅᒍᓐᓇᔭᖏᑦᑐᑦ ᐊᒻᒪᓗ ᑖᒃᑯᐊ ᖃᖓᑦᑕᔫᒃᑰᓚᖓᔪᓂᒃ ᐊᓪᓚᓯᒪᐅᑏᑦ ᐊᖏᖃᑎᒌᒐᓱᐊᕈᑎᐅᓗᑎᒃ ᐊᓯᑦᔨᔭᐅᒐᓱᐊᕈᓐᓇᔭᖏᑦᑐᑦ ᐊᒻᒪᓗ ᐊᐅᓪᓚᑎᑦᓯᓚᖓᔪᒧᑦ ᑭᓯᐊᓂ ᐊᓪᓚᑕᐅᓯᒪᒍᓐᓇᓱᑎᒃ ᐅᕝᕙᓘᓐᓃᑦ ᐃᓄᐃᑦ ᖃᖓᑦᑕᔫᖏᓐᓅᕈᑦᔨᔪᒧᑦ.

  2. ᐅᓯᔭᐅᖁᔭᐅᔪᐃᑦ ᐱᒍᑦᔨᒍᑎᐅᖁᔭᐅᔪᐃᓪᓗ ᐱᑦᔪᑎᒋᓗᒋᑦ ᐊᑑᑎᔭᐅᒋᐊᖃᕐᑐᓂᓪᓗ ᐃᒣᖁᔨᒍᑎᓂᓪᓗ ᒪᓕᒐᖃᕐᑎᓯᒍᑕᐅᒻᒪᑕ ᐅᓯᒍᑦᔨᓚᖓᔪᒧᑦ ᒪᓕᑦᑕᐅᓯᐊᕆᐊᖃᕐᐳᑦ, ᐊᑑᑎᔭᐅᖁᔭᐅᔪᓂᒃ ᐊᑭᒋᔭᐅᑎᑕᐅᔪᐃᑦ ᐱᓪᓗᒋᑦ.

  3. ᐃᓄᐃᑦ ᖃᖓᑦᑕᔫᖏᑦ ᐊᑭᓖᓚᕿᒋᐊᖃᕋᔭᕈᑎᒃ ᐅᓯᔭᒥᓂᒃ ᐊᓯᐅᔨᒍᑎᒃ ᓱᒃᑯᔨᐊᖃᕈᑎᓘᓐᓃᑦ $1.10-ᕌᕐᑎᓗᒋᑦ ᑭᓕᑯᔮᒻ-ᖑᒋᐊᑕᒫᑦ ᐅᖓᑖᓅᖕᖏᑐᖅ ᐅᑎᕐᑎᓯᕕᐅᑎᑦᓯᒍᓐᓇᑐᑦ $50.00 ᒥᑦᓯᑎᒎᖕᖏᑐᓪᓗ.

  4. ᐊᑭᓖᒍᑎᑦᓴᖃᕈᓂ, ᒋᐊᖃᑐᐊᕈᓂ, ᐅᓯᒍᑦᔨᔪᖅ ᐊᓯᐅᔨᓚᕿᓐᓂᕈᓂ ᓱᒃᑯᔨᐊᖃᕐᓂᕈᓂᓘᓐᓃᑦ ᐊᐅᓪᓚᑎᑕᒥᓂᒃ ᐅᓄᕐᓂᖏᑦ ᐅᖓᒻᒧᕆᕐᑕᕕᓕᓐᓂᒃ ᐊᑭᓖᕈᓐᓇᑐᖅ ᐊᑭᓪᓗᐊᕆᓂᕋᕐᑕᐅᔪᕕᓂᕐᓂᒃ ᐊᐅᓪᓚᑎᑦᓯᔪᒧᑦ ᐅᕝᕙᓘᓐᓃᑦ ᓱᒃᑯᔨᐊᖃᕐᑐᕕᓂᐅᒍᓂ ᐊᐅᓚᑕᒥᓂᒃ, ᓇᓪᓕᐊᑐᐃᓐᓇᖅ ᐊᑭᑭᓐᓂᓴᐅᑉᐸᑦ ᐊᑭᑭᓐᓂᓴᓂᒃ ᐅᓄᕐᓂᖏᑦ ᐊᑭᓖᒍᑎᖃᕈᓐᓇᑐᖅ. ᐅᑎᕐᑎᓯᕕᐅᒍᒪᐅᑎᓕᒫᑦ ᐃᓘᓐᓇᑎᒃ ᓱᕐᖁᐃᓯᒍᑎᓂᒃ ᑭᓯᐊᓂ ᓄᐃᑦᓯᓯᒪᐅᑎᐅᑉᐸᑕ ᐅᑎᕐᑎᓯᕕᐅᑎᑦᓯᒍᓐᓇᑐᒍᑦ ᐊᓯᐅᔨᓚᕿᔪᕕᓂᕐᒥᒃ.

  5. ᐅᑎᕐᑎᓯᕕᐅᒐᓱᐊᕈᑎᓕᒫᑦ, ᐊᑭᓖᒋᐊᓪᓚᕈᑎᕕᓃᑦ ᐃᓚᒋᔭᐅᑎᓐᓇᒋᑦ ᐊᓪᓚᓯᒪᔪᓂᒃ ᐊᓪᓚᒍᑕᐅᒋᐊᓖᑦ ᑐᕌᕐᕕᕕᓂᖓᓄᑦ ᐅᕝᕙᓘᓐᓃᑦ ᐅᓯᒐᑦᓴᒨᕐᑎᓯᔪᕕᓃᑦ ᐊᓪᓚᓯᒪᒋᐊᓖᑦ ᐅᑎᕐᑎᓯᕕᐅᒍᒪᐅᑎᓂᒃ ᐅᓪᓗᐃᑦ 120 ᐊᓂᒍᓚᐅᕐᑎᓇᒋᑦ ᖃᖓᑦᑕᔫᒃᑰᕈᒫᕐᓂᐊᑐᐃᑦ ᐊᓪᓚᑕᐅᕕᕕᓂᖏᑦᑕ ᐅᓪᓗᖓ ᐱᒋᐊᕐᕕᒋᓗᒍ.

    ᐅᑎᕐᑎᓯᕕᐅᒐᓱᐊᕈᑏᑦ ᐊᑭᓖᓗᐊᕐᑐᕕᓂᐅᓂᕐᒧᑦ ᐊᓪᓚᓯᒪᔫᓗᑎᒃ ᐊᓪᓚᒍᑕᐅᒋᐊᓖᑦ ᑐᕌᕐᕕᕕᓂᖓᓄᑦ ᐅᕝᕙᓘᓐᓃᑦ ᐅᓯᒐᑦᓴᒨᕐᑎᓯᔪᕕᓃᑦ ᐊᓪᓚᓯᒪᒋᐊᓖᑦ ᐅᑎᕐᑎᓯᕕᐅᒍᒪᐅᑎᓂᒃ ᐅᓪᓗᐃᑦ 180 ᐊᓂᒍᓚᐅᕐᑎᓇᒋᑦ ᖃᖓᑦᑕᔫᒃᑰᕈᒫᕐᓂᐊᑐᐃᑦ ᐊᓪᓚᑕᐅᕕᕕᓂᖏᑦᑕ ᐅᓪᓗᖓ ᐱᒋᐊᕐᕕᒋᓗᒍ. ᓱᒃᑯᓯᒪᓕᕐᑐᓂᒃ ᑎᑭᑕᐅᔪᕕᓃᑦ ᐊᓯᐅᔨᔭᐅᔨᐊᓕᕕᓃᓪᓘᓃᑦ ᐅᓯᒐᑦᓴᓅᕐᑎᓯᔪᕕᓂᐅᑦᓱᑎᒃ ᐊᑎᓕᐅᕐᑐᕕᓃᑦ ᐅᓯᔨᒋᓚᖓᔭᒥᓄᑦ ᐋᑦᓯᒋᕐᑐᕕᓂᐅᓗᑎᒃ ᑐᓴᕐᑕᐅᑎᑦᓯᒋᐊᓖᑦ ᐊᓪᓚᓯᒪᔫᑎᓪᓗᒋᑦ ᐅᓪᓗᐃᑦ 15 ᐊᓂᒍᓚᐅᕐᑎᓇᒋᑦ ᐅᓯᔨᒋᓚᖓᔭᒥᓄᑦ ᐋᑦᓯᒋᕐᑐᕕᓂᐅᓗᑎᒃ.

    ᐅᑎᕐᑎᓯᕕᐅᒍᒪᐅᑏᑦ ᐊᓯᐅᔨᔪᕕᓂᕐᓄᑦ ᓱᒃᑯᑕᐅᔨᐊᓕᕆᕕᓂᕐᓄᓘᓐᓃᑦ ᐊᐅᓪᓚᑎᑕᐅᔨᐊᕕᓂᕐᒥᓂᒃ ᐅᑎᕐᑎᓯᕕᐅᒍᒪᐅᑎᐅᕐᖃᔭᖕᖏᑐᑦ ᐊᑭᓕᕐᑕᐅᒋᐊᓕᓕᒫᑦ ᐊᑭᓕᕇᕐᑕᐅᓯᒪᖕᖏᓂᓕᒫᖏᓐᓂ. ᐅᑎᕐᑎᓯᕕᐅᒍᒪᐅᑏᑦ ᐊᐅᓪᓚᑎᑦᓯᔪᕕᓂᐅᓂᕐᒧᑦ ᐊᑭᓖᒍᑎᕕᓂᕐᓂᒃ ᐲᕐᓯᕕᐅᕐᖃᔭᖕᖏᒥᔪᑦ.

  6. ᐊᐅᓪᓚᑎᑕᐅᑦᓴᐅᑎᒋᖁᔨᔪᓂᒃ ᐅᓯᒍᑦᔨᒍᓐᓇᒥᔪᒍᑦ ᐊᐅᓪᓚᑲᐱᑦᑎᓯᓗᑕ ᓇᓪᓕᐊᒍᑐᐃᓐᓇᖅ ᐊᐅᓪᓚᑎᑦᓯᓗᑕ.

Your shipment is on its way?

Visit our shipment tracking tool to locate it!

ᐊᐅᓪᓚᑎᑕᕕᓂᕐᓂᒃ ᓇᓂᓯᒍᑎ