ᐊᑦᑕᑐᐊᕐᕆᔭᐅᓕᕐᒪᑕ (ᓵᑕᕐᑕᐅᓕᕐᒪᑕ) ᐃᓄᐃᑦ ᖃᖓᑦᑕᔫᖏᑦ, ᐱᓇᓱᑦᑎᕗᑦ ᓱᓇᓕᒫᓂᒃ ᑲᒪᒋᔭᖃᓲᖑᕗᑦ ᐱᒍᓐᓇᓂᖃᓪᓚᕆᑦᓱᑎᒃ ᐊᒻᒪᓗ ᐃᓄᓐᓂᒃ ᐊᑐᓂ ᐃᑉᐱᒋᑦᓯᐊᓱᒋᑦ ᐱᒍᑦᔨᓂᖃᓲᒍᑦᓱᑎᒃ.
ᐱᓇᓱᑦᑎᕗᑦ ᐸᕐᓀᓯᒪᑦᓯᐊᕈᓐᓇᓲᒍᕗᑦ ᖃᖓᑕᔪᓄᑦ ᓂᕆᔭᐅᒍᒫᕐᓂᐊᑐᓂᒃ ᐊᑭᑐᔪᐊᓗᑦᔭᖏᓐᓇᒥᒃ ᐊᑭᓂᑦᑕᐅᒍᓐᓇᓯᐊᕐᑐᓂᒃ. ᐃᓄᐃᑦ ᖃᖓᑦᑕᔫᖏᑦ ᐊᑦᑕᑐᐊᑕᐅᒋᐊᒥᒃ ᐊᑭᓂᑦᓴᐅᖏᑦᑐᐊᓘᑦᔭᖏᓪᓚᑦ ᐊᑭᑭᑦᑑᓂᕐᓴᒪᕆᐅᒻᒪᑕ ᐊᒻᒪᓗ ᐅᐸᑦᑕᐅᒍᒪᔪᒧᑦ ᓱᑲᓐᓂᓴᐅᓗᑎᒃ ᑎᑭᒍᓐᓇᓂᕐᓴᐅᒍᓐᓇᓱᑎᒃ ᐊᑦᑕᑐᐊᕐᑐᐃᑦ ᖃᖓᑦᑕᔫᑎᓐᓂᒃ ᐃᓱᒫᓗᒍᓐᓀᓗᓂ.
ᖃᖓᑦᑕᔫᕋᓗᖁᑎᕗᑦ ᐳᔪᓕᐊᓗᒃ 737 ᐊᒻᒪᓗ ᑖᔅ-8 ᐋᕐᕿᓱᕆᐊᕐᑕᐅᒍᓐᓇᐳᑦ ᐃᓱᐊᕐᓯᑎᓪᓗᒋᑦ ᐅᓯᒋᐊᖃᓕᕐᑕᑐᐃᓐᓇᖏᓐᓄᑦ ᐃᓄᓐᓄᓗᓐᓃᑦ ᐅᓯᑦᓴᑐᐃᓐᓇᓄᓪᓗᓃᑦ. ᒪᕐᕈᓕᐊᕈᕗᑦ, ᒥᑭᔫᑦᓱᑎᒃ ᓱᑲᑦᑐᔭᐅᑦᓱᑎᒃᓗ, ᓈᒻᒪᓈᕐᓯᒪᑦᓯᐊᑐᒥᒃ ᐊᑐᕐᑕᐅᒍᓐᓇᓯᓯᒪᔪᑦ ᐅᑭᐅᕐᑕᑐᒥ ᐱᓇᓱᒋᐊᓕᒻᒥᓄᑦ. ᐱᓇᓱᒐᕐᓅᕕᑦ ᐊᐅᓪᓚᕆᐊᖃᕐᓂᑎᓐᓄᑦ, ᖃᖓᑦᑕᔫᓚᕋᖅ ᑭᖕᐃᐊ 350-ᓕᒃ ᓈᒻᒪᓯᐊᕐᑐᖅ, ᐃᑭᒻᒪᕕᖃᐅᑎᖓ ᐃᓱᐊᕐᑐᓕᐊᖑᓯᒪᑦᓱᓂ, ᐱᓇᓱᕝᕕᓯᐊᖑᑦᓱᓂ ᐃᑦᓯᕙᐅᑕᖃᕐᓱᓂ ᐊᕿᓗᑕᖃᑦᓯᐊᑐᓂᒃ ᐱᓇᓲᒐᕐᕕᒋᐅᒍᓐᓇᓯᐊᕐᓱᓂ ᓵᖃᑦᓯᐊᕋᒥ ᐊᒻᒪᓗ ᖃᕆᑕᐅᔭᐅᑉ ᐊᓪᓚᓯᒪᔪᖃᐅᑎᐊᐱᖏᓐᓄᑦ ᑲᑉᐳᑎᑦᑕᕕᖃᑦᓯᐊᓱᓂ. ᓱᓇᐅᒐᓗᐊᕐᐸᑕ ᑭᖕᖒᒪᑦᓯᒍᑎᑎᑦ ᖃᓄᐃᑦᑐᓗᑯᐊᐱᐅᒐᓗᐊᕐᐸᑕ, ᖃᖓᑦᑕᔫᖁᑎᖃᑦᓯᐊᐳᒍᑦ ᐱᐊᓚᔫᒍᑎᒋᒍᓐᓇᑕᑎᓐᓂᒃ ᐃᓱᐊᕐᓯᓕᑎᕐᓯᒪᒐᒥᒃ ᑭᖕᖒᒪᑦᓯᒍᑎᑎᓐᓄᑦ.
ᐃᓄᐃᑦ ᖃᖓᑦᑕᔫᖏᑦ ᑐᖕᖓᓇᕐᑐᐊᐱᒻᒥᒃ ᐊᐅᓪᓚᑎᒐᑦᓴᒥᓄᑦ ᓇᒻᒥᓂᖅ ᖃᖓᑦᑕᔫᖃᐅᑎᖃᕐᐳᒍᑦ ᐊᒥᓲᑦᓱᑎᒃ ᑲᑎᒪᓗᑎᒃ ᐊᐅᓪᓚᕈᒪᔪᓄᑦ ᐃᓱᐊᕐᑐᒪᕆᐊᓗᒻᒥᒃ ᐊᒻᒪᓗ ᐊᑐᕈᒥᓇᕐᑐᓯᐊᒍᑦᓱᓂ ᐊᐅᓪᓚᖃᑦᑕᓚᖓᔪᓄᑦ. ᓄᓇᕐᑯᔫᕆᔭᐅᔪᓂᒃ ᕿᑲᕐᑎᓯᕕᖃᑦᓯᐊᓱᑕᓗ ᖃᖓᑦᑕᔫᖃᐅᑎᑦᑎᓄᑦ ᖃᓂᑦᑑᓴᕋᒥ ᑌᒫᒃ ᒥᓗᕆᐊᔮᒥ. ᓂᕈᑐᔪᑦᓯᐊᒥᒃ ᐅᑕᕐᕿᕕᖃᕐᒪᑦ ᑕᙯᕐᓯᓇᑦᓯᐊᑐᖅ ᐅᕝᕙᓘᓐᓃᑦ ᖃᕆᑕᐅᔭᕐᕕᐅᒍᓐᓇᓱᑎᒃ ᐱᓇᓱᕝᕕᐅᒍᓐᓇᑐᓂᒃ ᐃᓂᖃᑦᓯᐊᓱᓂ.
ᐃᑭᒪᓚᖓᔪᑦ 6-ᖑᑉᐸᑕ ᖃᖓᑦᑕᔫᖅ ᐊᑦᑕᑐᐊᖑᓂᖓ ᐊᑭᑭᓐᓂᓴᐅᒐᔭᕐᑐᖅ.
ᖃᖓᑦᑕᔫᕐᓂᐊᕕᒃ ᓇᒻᒥᓂᖁᑎᒋᑦᓱᒍ ᓄᓇᒃᑯᔫᓄᑦ ᕿᑲᕐᕕᖁᑎᖃᕐᖁᑦ ᐅᑕᕐᕿᕕᒻᒧᑦ ᖃᓂᑦᑐᐊᐱᒻᒥᒃ. ᒥᕝᕕᐊᓗᒻᒥᑦ ᐱᔪᒥᒃ ᐅᓯᑲᑦᑕᐅᑎᖃᖕᖏᑐᖅ.
ᖃᖓᑦᑕᔫᒥᒃ ᐊᑦᑕᑐᐊᖃᓕᕋᕕᑦ ᐃᓱᒪᒥᒍᓐᓇᐳᑎᑦ ᖃᓄᐃᑦᑐᒥᒃ ᖃᖓᑦᑕᔫᒥᒃ ᐊᑐᕈᒪᓚᖓᒻᒪᖔᕐᐱᑦ ᐃᓱᐊᕆᓂᐊᕐᑕᓂᒃ, ᓇᑭᓪᓗ ᐊᐅᓪᓚᕈᒪᓂᐊᕐᒪᖔᕐᐱᑦ ᓇᒧᓪᓗ ᐊᐅᓪᓚᕈᒪᒻᒪᖔᕐᐱᑦ ᐊᐅᓚᒍᒪᔭᑎᓐᓂᓗ ᐊᐅᓚᑦᓯᒍᓐᓇᕕᖃᑦᓯᐊᓱᑎᑦ ᓲᕐᓗ ᑫᕙᓪᓚᒍᓯᕐᒥᒃ ᐊᐅᓪᓚᕕᒋᒍᒪᔭᕐᓂᒃ ᐅᐸᑦᑕᓄᓪᓗᓃᑦ ᑎᑭᕝᕕᒋᒍᒪᔭᕐᓂᒃ ᓂᕆᔭᑦᓴᑎᓐᓂᓗ ᐃᒣᓕᖓᖁᔨᕗᖔᕈᓐᓇᕕᖃᑦᓯᐊᓱᑎᑦ.
ᖃᖓᑦᑕᔫᑉ ᐊᑦᑕᑐᐊᑉ ᐊᑭᖓ ᑐᖕᖓᕕᖃᕐᐳᖅ ᐊᒥᓱᓂᒃ. ᖃᑦᓯᕌᕐᒪᖔᑦ ᑐᑭᓯᓂᐊᕈᑏᑦ ᐊᓪᓚᓯᒪᔪᖕᖑᓗᒋᑦ ᐅᕝᕙᓘᓐᓃᑦ ᖃᖓᑦᑕᔫᓂᒃ ᐊᑦᑕᑐᐊᖑᓚᖓᔪᓂᒃ ᐋᕐᕿᓱᐃᔨᑦᑕ ᓇᓪᓕᑐᐃᓐᓇᖓᓄᑦ ᐅᖄᓗᑎᑦ ᐊᐱᕆᒍᑎᑦᓴᓕᒫᑎᓐᓂᒃ ᑭᐅᒪᑦᓯᐊᓂᐊᕐᒫᑎᑦ.
ᖃᖓᑦᑕᔫᒥᒃ ᐊᑦᑕᑐᐊᖃᕐᓂᐅᑉ ᐃᓱᐊᕐᓂᖓ ᐃᓱᒪᒥᒍᓐᓇᕕᖃᕐᓃᑦ ᓇᓪᓕᐊᓄᑦ ᓄᓇᒧᑦ ᐁᑎᑕᐅᒍᒪᓂᒃᑯᑦ. ᖃᖓᑦᑕᔫᒥᒃ ᐃᓄᐃᑦᑯᓂᑦ ᐊᑦᑕᑐᐊᖃᓕᕈᕕᑦ, ᐊᒥᕆᑫᑦ ᓄᓇᕐᔪᐊᖓᓂ ᓇᒧᑐᐃᓐᓇᖅ ᐁᒍᓐᓇᕕᖃᑦᓯᐊᐳᑎᑦ.