ᐊᑦᑕᑐᐊᖑᑎᑦᓯᓃᑦ - Air Inuit
array(9) { ["title"]=> string(233) "ᐊᒥᐊᔨᒪᒻᒪᕆᒻᒥ ᓇᒧᑐᐃᓐᓇᓯᐊᖅ ᖃᖓᑦᑕᔫᒥᒃ ᐊᑦᑕᑐᕐᓗᑎᒃ ᓇᒧᑐᐃᓐᓇᖅ ᐁᑎᑕᐅᒍᒪᔪᐃᑦ ᐊᑦᑕᑐᕈᓐᓇᑐᑦ ᖃᖓᑦᑕᔫᒥᒃ ᖃᖓᑐᐃᓐᓇᓯᐊᖅ" ["subtitle"]=> string(64) "ᖃᑦᓯᕌᒐᔭᕐᒪᖔᑦ ᖃᐅᔨᑎᑕᐅᒍᒪᐅᑎᒃ" ["content"]=> string(0) "" ["image"]=> string(86) "/images/Nolisement/01_Noliser-vol-Air-Inuit/Air-Inuit_Banner_Noliser-vol-Air-Inuit.jpg" ["video"]=> string(40) "https://player.vimeo.com/video/368026687" ["play"]=> string(40) "https://player.vimeo.com/video/448535672" ["places"]=> NULL ["link"]=> string(27) "/iu/charter/request-a-quote" ["messagemodule"]=> NULL }

ᖃᖓᑦᑕᔫᕐᑎᑕᐅᑐᐃᓐᓇᖑᐊᕐᓇᔭᖏᑦᑐᖅ; ᐊᑑᑎᓚᐅᕐᓯᒪᖕᖏᑕᕆᔭᒥᒃ ᐊᑑᑎᓇᕐᑐᖅ

ᐊᑦᑕᑐᐊᕐᕆᔭᐅᓕᕐᒪᑕ (ᓵᑕᕐᑕᐅᓕᕐᒪᑕ) ᐃᓄᐃᑦ ᖃᖓᑦᑕᔫᖏᑦ, ᐱᓇᓱᑦᑎᕗᑦ ᓱᓇᓕᒫᓂᒃ ᑲᒪᒋᔭᖃᓲᖑᕗᑦ ᐱᒍᓐᓇᓂᖃᓪᓚᕆᑦᓱᑎᒃ ᐊᒻᒪᓗ ᐃᓄᓐᓂᒃ ᐊᑐᓂ ᐃᑉᐱᒋᑦᓯᐊᓱᒋᑦ ᐱᒍᑦᔨᓂᖃᓲᒍᑦᓱᑎᒃ.


ᑭᖕᖒᒪᒋᔭᓯᓐᓂᒃ ᓯᕗᓪᓕᐸᐅᑦᔨᓱᒋᑦ ᑲᒪᒋᔭᖃᓲᒍᕗᒍᑦ ᐊᒻᒪᓗ ᑐᑭᒪᑦᓯᐊᕋᓱᐊᓲᒍᑦᓱᒋᓪᓗ ᐱᐅᓂᕐᐹᓯᐊᓂᒃ ᐱᒍᑦᔨᓂᖃᕈᒪᒧᑦ, ᐊᐅᓚᒍᑎᑦᓴᓂᒃ ᐊᑐᐃᓐᓇᕈᕐᑎᓂᐅᒐᓗᐊᕐᐸᑕ ᐅᕝᕙᓘᓐᓃᑦ ᑮᓇᐅᔭᓅᓕᖓᒐᓗᐊᕐᐸᑕ. ᑌᒪ ᖃᖓᑦᑕᔫᒥᒃ ᐊᑐᕐᑕᐅᓚᖓᔪᒥᒃ ᖃᐅᔨᕙᓪᓕᐊᓂᖃᓕᕋᑦᑕ ᐊᒻᒪᓗ ᐊᐅᓪᓚᕕᑦᓴᖏᓐᓂᒃ ᐅᓪᓗᓂᒃ ᐋᕐᖀᓂᐊᓕᕐᒥᒐᑦᑕ ᐊᐅᓪᓚᕕᒋᔭᐅᒍᒪᔪᐃᑦ ᐅᓪᓗᐃᑦ ᑐᖕᖓᕕᒋᑦᓱᒋᑦ. ᓇᓪᓕᑳᕐᕕᓭᑦ ᐊᒥᓲᒻᒪᑕ ᓇᓪᓕᑳᕐᕕᖃᕈᓐᓇᒥᔪᓯ ᓇᓪᓕᐊᓂᑐᐃᓐᓇᖅ ᐊᑐᕈᒪᔭᓯᓐᓂᒃ.


ᐊᐅᓪᓚᕕᒋᓚᖓᔭᓯ ᐅᓪᓗᖓᓂ, ᐱᓇᓱᑦᑎᑎᓐᓄᑦ ᐅᑕᕐᕿᔭᐅᓕᕇᒐᔭᕐᑐᓯ ᒪᓐᑐᔨᐊᓪᒥ ᖃᖓᑦᑕᔫᖃᐅᑎᑦᑎᓂ/ᑎᒻᒥᔫᖃᐅᑎᑦᑎᓂ, ᑖᕙᓂᓗ ᓄᓇᒃᑯᔫᓯᓐᓂᒃ ᕿᒣᓯᒪᒍᓐᓇᓱᓯ ᐊᐅᓪᓚᓯᒪᓂᑦᓯᓂ. ᑌᒪ ᐃᑯᒍᑎᑦᓴᓯ ᐃᕐᓯᕕᓯᓪᓗ ᑲᒪᒋᔭᐅᑦᓴᐅᑎᒋᓂᐊᓕᕐᒪᑕ. ᐃᑭᑐᐃᓐᓇᕆᐊᖃᕐᓂᐊᓕᕋᑦᓯ ᐃᓱᕐᕆᓗᓯᓗ ᖃᖓᑦᑕᔫᑎᓐᓂ ᐃᖏᕐᕋᑎᑕᐅᓚᖓᓗᓯ ᐱᒍᑦᔨᓯᐊᒻᒪᕆᓲᓄᓪᓗ ᐱᓇᓱᑦᑎᑎᓐᓄᑦ ᐱᑦᔪᔭᐅᑦᓯᐊᓗᓯ. ᑎᑭᑦᓴᐅᑎᒋᓗᓯᓗ ᐃᓱᒫᓗᒍᓐᓀᓗᓯ.

ᖃᖓᑕᓂᖅ ᐅᑭᐅᕐᑕᑐᒥ

ᖃᖓᑦᑕᔪᓂᒃ ᐊᑦᑕᑐᐊᖃᕐᓃᑦ ᐊᑭᓂᑦᓴᐅᖏᑦᑐᐊᓗᑦᔭᖏᓪᓚᑦ ᐊᑭᑐᔪᐊᓗᑦᔭᖏᒻᒪᑕ ᐊᑦᑕᑐᐊᕆᔭᐅᓕᕋᒥᒃ ᐊᒻᒪᓗ ᐊᒥᓱᐃᑎᒍᑦ ᖃᓄᑐᐃᓐᓇᓕᒫᖅ ᐃᓱᐊᕐᑑᓱᑎᒃ.


ᖃᖓᑦᑕᔫᓄᑦ/ᑎᒻᒥᔫᓄᑦ ᒥᕝᕕᐅᑐᐃᓐᓇᑲᓪᓚᖃᔭᖕᖏᑐᒧᑦ ᓄᓇᒨᕈᒪᒍᑦᓯ, ᐅᐸᑦᑕᐅᑲᓪᓚᑐᐃᓐᓇᖃᔭᖕᖏᑐᒧᑦ ᐅᓯᒐᑦᓴᓂᒃ ᐅᓯᒍᑦᔭᐅᒍᒪᔪᖃᕐᐸᓘᓐᓃᑦ ᐅᕝᕙᓘᓐᓃᑦ ᐊᒥᓱᓂᒃ ᐃᓄᓐᓂᒃ ᑲᑎᒪᓗᑎᒃ ᐊᐅᓪᓚᕈᒪᔪᖃᕐᐸᑦ, ᖃᖓᑦᑕᔫᒥᒃ ᐊᑦᑕᑐᐊᕐᑐᖃᕈᓂ ᐱᐅᓂᕐᐸᐅᒐᔭᕐᑐᖅ. ᐃᓄᐃᑦ ᖃᖓᑦᑕᔫᖁᑎᖃᑦᓯᐊᒪᑕ, ᐱᒍᓐᓇᓂᖃᑦᓯᐊᑐᓂᓪᓗ ᐱᓇᓱᑦᑎᖃᕐᓱᑎᒃ ᐊᒻᒪᓗ ᐊᐅᓚᒍᑎᑦᓴᖏᑦ ᐸᕐᓀᑕᐅᑎᓪᓗᒋᑦ ᓴᐳᒻᒥᒍᓐᓇᓂᖃᑦᓯᐊᓱᑎᒃ ᐱᕙᓪᓕᖁᑎᖃᑦᓯᐊᖁᓪᓗᓯ ᐃᓱᐊᖁᑎᒋᔭᐅᑎᒍᓐᓇᑕᕗᓐᓂᒃ.


ᐱᒍᓐᓇᓂᖃᓪᓚᕆᑦᑐᓄᑦ ᓈᒻᒪᒋᔭᑦᓯᒍᑦ ᐱᒍᑦᔭᐅᓯᐊᕈᓐᓇᖏᓐᓇᕋᔭᕐᖁᓯ, ᑐᖕᖓᓱᑦᑎᓯᑦᓯᐊᓲᓄᑦ ᐱᓇᓱᑦᑎᑎᓐᓄᑦ, ᐱᓇᓱᒋᐊᓕᑦᑎᓂᒃ ᐱᓇᓱᐊᕐᑎᓗᑕ ᑕᑎᒋᔭᐅᑦᓯᐊᕈᑦᑕ ᖃᖓᑦᑕᔫᑦᑎᓂᒃ ᐃᓱᐊᕆᔭᑦᓯᒍᑦ ᐊᑦᑕᑐᐊᕐᑕᓯᓐᓂᒃ ᑭᖕᖒᒪᒋᓪᓗᑯᐊᐱᑦᑕᓯᒍᑦ ᐱᒍᑦᔨᓗᑕ.

ᐊᑦᑕᑐᐊᖕᖑᑎᑦᓯᓂᕐᒧᑦ ᐱᒍᑦᔨᒍᑎᒋᓲᕗᑦ

ᑮᓇᐅᔭᓕᐅᕋᓱᐊᕐᑏᑦ ᐊᐅᓚᒍᑎᖏᑦ

ᑮᓇᐅᔭᓕᐅᕋᓱᐊᕐᑎᐅᓂᒃᑯᑦ ᐊᐅᓪᓚᕈᒪᒍᑦᓯ, ᐃᓄᐃᑦ ᖃᖓᑦᑕᔫᖃᕐᐳᖅ ᒥᑭᔫᑦᓱᓂ ᓱᑲᑦᑐᔭᒥᒃ King Air 350-ᓕᒻᒥᒃ ᐱᐅᓯᐅᒥᒋᐊᕐᓱᒍ ᐃᓱᐊᕐᓯᓕᑎᕐᓯᒪᑦᓯᐊᑐᒥᒃ, ᓂᕈᑦᑐᕆᐊᕐᓯᒪᔪᒥᒃ ᐱᓇᓱᕝᕕᓴᖃᑦᓯᐊᑐᖅ ᓯᑕᒪᐅᔪᕐᑐᓂᒃ ᐃᓄᓐᓂᒃ ᐅᓯᒍᓐᓇᓱᓂ, ᕿᑐᒪᕐᓵᓴᔭᓂᒃ ᓯᓚᑉᐱᐊᓕᓐᓂᒃ ᐃᑦᓯᕙᐅᑕᖃᕐᓱᓂ ᐊᒻᒪᓗ ᓵᖏᑦ/ᒪᖏᑦᑕᖏᑦ ᐲᓲᒍᑦᓱᑎᒃ, ᐱᕙᓪᓕᖁᑎᑦᓯᐊᓂᒃ ᖃᖓᑕᑎᑕᐅᒍᓐᓇᓯᐊᕐᖁᓯ ᐊᓕᐊᓇᕐᑐᑎᒍᑦ.

ᑮᓇᐅᔭᓕᐅᕋᓱᐊᕐᑏᑦ ᐊᐅᓚᒍᑎᖏᑦ
ᐊᒥᓲᓈᕐᑎᓱᑎᒃ ᐊᐅᓚᔪᓂᒃ ᐊᑭᖃᕐᑎᓯᒍᑏᑦ

ᐊᒥᓲᓈᕐᑎᓱᑎᒃ ᐊᐅᓚᔪᓂᒃ ᐊᑭᖃᕐᑎᓯᒍᑏᑦ

ᐊᒥᓲᓗᓯ ᐅᐸᒍᒪᔭᓯᓐᓄᑦ ᑎᑭᐅᑎᑦᓴᐅᑎᒋᒍᒪᒍᑦᓯ ᖃᖓᑦᑕᔫᖃᓲᒍᓪᓗᐊᖏᑦᑐᒧᑦ, ᐃᓄᐃᑦ ᖃᖓᑦᑕᔫᖃᕐᐳᑦ ᐊᖏᓕᕆᑦᓱᑎᒃ ᐊᑦᔨᒌᑦᔭᖏᑦᑐᓂᒃ ᐊᒻᒪᓗ ᓇᓪᓕᐊᓂᑐᐃᓐᓇᖅ ᐊᑐᕈᒪᒍᑦᓯ ᐅᐸᒍᒪᔭᑦᓯᓐᓅᑕᐅᑦᓴᐅᑎᒋᒍᓐᓇᖁᓯ ᐊᑭᑐᔪᐊᓘᑦᔭᖏᒻᒪᑕ.

ᐋᓐᓂᐊᕕᒻᒧᑦ ᐅᐃᒪᓇᕐᓯᔪᑦ

ᐅᐸᑦᑕᐅᑲᓪᓚᑐᐃᓐᓇᖃᔭᖕᖏᑐᒥᐅᑦ ᓄᓇᓕᓐᓂ ᐅᐃᒪᓇᕐᓯᓗᑎᒃ ᐋᓐᓂᐊᕕᒻᒧᑦ ᐊᐅᓪᓚᑎᑕᐅᒋᐊᖃᖃᑦᑕᖏᓐᓂᓴᐅᓲᑦ, ᐊᒻᒪᓗ ᐋᓐᓂᐊᕕᒻᒧᑦ ᐅᖓᓯᑦᑑᑐᐊᕋᒥᒃ ᐊᑦᑕᓇᕐᑐᒦᓪᓚᕆᓲᒍᑦᓱᑎᒃ ᐋᓐᓂᐊᕕᓕᐊᕆᐊᓖᑦ. ᑕᒪᒃᑯᐊ ᐱᑦᔪᑎᒋᑦᓱᒋᑦ ᐃᓄᐃᑦ ᖃᖓᑦᑕᔫᖏᑦ ᐋᓐᓂᐊᕕᓕᐊᕆᐊᖃᕐᑐᖃᓕᕐᒪᑦ ᐅᐃᒪᓇᕐᓯᔪᓂᒃ ᐊᐅᓪᓚᑎᑦᓯᒍᓐᓇᓲᖑᔪᒍᑦ ᑭᖕᖒᒪᒋᓪᓚᕆᑦᑕᖏᑦᑎᒍᑦ ᐱᒍᑦᔨᒐᓱᐊᕐᓱᒋᑦ.

ᖃᖓᑦᑕᔫᖃᓪᓗᑯᒐᑦᑕ ᐅᐃᒪᓇᕐᓯᔪᓕᕆᔨᓂᒃ ᐊᒻᒪᓗ ᐱᒋᐅᕐᓴᑎᑕᐅᓯᒪᑦᓯᐊᑐᓂᒃ ᐱᓇᓱᑦᑎᖃᕋᑦᑕ, ᐃᓄᐃᑦ ᖃᖓᑦᑕᔫᖏᑦ ᐋᓐᓂᐊᕕᓕᐊᕆᐊᖃᕐᓱᑎᒃ ᐅᐃᒪᓇᕐᓯᔪᓂᒃ ᐅᐸᑦᓯᒍᓐᓇᓲᑦ ᑎᑭᐅᑎᒐᓱᐊᕆᐊᒥᒃ ᐃᓱᐊᕐᑐᑐᐃᓐᓇᐅᔭᖏᑦᑐᓄᑦ ᓄᓇᓕᓐᓄᑦ.

ᖃᐅᔨᒋᐊᒃᑲᓂᕈᒪᒍᑦᓯ ᐅᐃᒪᓇᕐᓯᓱᑎᒃ ᐋᓐᓂᐊᕕᓕᐊᑎᑕᐅᒋᐊᓕᓐᓂᒃ ᐱᒍᑦᔨᒍᑎᒋᓲᑦᑕ ᒥᑦᓵᓄᑦ, ᖃᐅᔨᒋᐊᕐᕕᖃᕈᓐᓇᖁᓯ ᐅᐃᒪᓇᕐᓯᔪᓂᒃ ᑲᒪᒋᔭᖃᓪᓚᕆᓲᓂᒃ ᐱᓇᓱᑦᑎᓂᒃ ᐅᖄᓚᓗᓯ ᐆᒧᖓ: 1-866-661-8456 (ᑫᕙᓪᓚᒍᓯᓂ/ᐃᑲᐅᕐᓂᓂ 24-ᓂ ᐅᓪᓗᓕᒫᖅ ᐅᓐᓄᐊᓕᒫᓪᓗ ᐊᑐᐃᓐᓇᐅᒪᓲᑦ ᐅᓪᓗᑕᒫᑦ) ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᐊᓪᓚᕕᐅᒍᓐᓇᒥᔪᒍᑦ.

ᐋᓐᓂᐊᕕᒻᒧᑦ ᐅᐃᒪᓇᕐᓯᔪᑦ
ᖃᖓᑦᑕᔫᑦ/ᑎᒻᒥᔫᑦ
ᐊᑦᑕᓇᖕᖏᑐᑦᓯᐊᑦ ᐃᓱᐊᕐᑐᒪᕆᐊᓘᑦᓱᑎᒃ

ᐊᑦᑕᓇᖕᖏᑐᑦᓯᐊᑦ ᐃᓱᐊᕐᑐᒪᕆᐊᓘᑦᓱᑎᒃ

ᐃᓄᐃᑦ ᖃᖓᑦᑕᔫᖏᑦ ᐃᓱᐊᕐᓯᓕᑎᕐᓯᒪᔪᓂᒃ ᖃᖓᑦᑕᔫᖁᑎᖃᕐᐳᑦ. ᐳᔪᓕᖁᑎᕗᑦ Boeing 737-200-ᓖᑦ ᐅᓯᒍᓐᓇᑐᒥᒃ 112-ᓂᒃ ᐃᓄᓐᓂᒃ ᐅᕝᕙᓘᓐᓃᑦ 31,500-lbs ᐅᖁᒣᓐᓂᓕᓐᓂᒃ ᐅᓯᒐᑦᓴᓂᒃ ᐅᓯᒍᓐᓇᑐᒥᒃ. ᐸᒻᐸᑎᐊᖁᑎᕗᓪᓗ Dash 8 ᐱᖓᓱᐃᓂᒃ ᐋᕐᕿᓱᕐᓯᒪᓂᖃᕈᓐᓇᓱᑎᒃ, ᐅᓯᒐᑦᓴᓂᐊᕐᑎᑐᐃᓐᓇᐅᒍᓐᓇᒥᑦᓱᑎᒃ. ᒥᑭᔫᑦᓱᓂ ᓱᑲᑦᑐᔭᖁᑎᕗᑦ King Air 350-ᓕᒃ, ᕿᑐᒪᕐᓵᓴᔭᓂᒃ ᐃᑦᓯᕙᐅᑕᖏᑦ ᓯᓚᑉᐱᐊᓖᑦ ᐊᒻᒪᓗ ᓵᖏᑦ/ᒪᖏᑦᑕᖏᑦ ᐲᕐᑕᑑᑦᓱᑎᒃ, ᐃᓱᕐᕆᒍᒪᓂᕐᓴᔮᓗᓐᓄᑦ ᐃᓱᐊᕆᐅᒍᓐᓇᓯᐊᕐᑐᑦ ᑮᓇᐅᔭᓕᐅᕋᓱᐊᕐᑎᐅᓱᑎᒃ ᐱᑦᔪᔨᔭᑦᑎᓄᑦ. ᒪᕐᕈᓕᐊᕈᖁᑎᖃᕐᒥᔪᒍᑦ, ᐅᐸᑦᑕᐅᑲᓪᓚᑐᐃᓐᓇᖃᔭᖕᖏᑐᓅᕈᓐᓇᑐᓂᒃ ᒥᕝᕕᖏᑦ ᓀᑦᑐᓄᑦ ᒥᒍᓐᓇᑐᓂᒃ. ᖁᓕᒥᒎᓕᖃᕐᒥᔪᒍᑦ/ᖁᓛᒥᒎᓕᖃᕐᒥᔪᒍᑦ ᓇᓂᓕᒫᖅ ᐱᓇᓱᖃᑎᒋᓲᑦᑕ ᐅᐸᓲᖏᓐᓅᕈᓐᓇᑐᓂᒃ, ᓄᓇᕕᒻᒥ ᖁᓕᒥᒎᓖᑦ/ᖁᓛᒥᒍᓖᑦ.

ᑭᖕᖒᒪᒋᔭᓯ ᓱᓇᑐᐃᓐᓇᐅᒐᓗᐊᕐᐸᑕ, ᖃᖓᑦᑕᔫᖁᑎᖃᕐᐳᒍᑦ ᐃᑉᐱᒋᔭᐅᑦᓯᐊᓗᑎᒃ ᐅᓯᔭᐅᖁᔭᓯᓐᓂᒃ ᐅᓯᒍᓐᓇᑐᓂᒃ ᑎᑭᐅᑎᒐᓱᐊᕐᑕᖏᓐᓅᑎᑦᓯᒐᓱᐊᕐᓗᑕ ᐅᐸᓗᕈᓐᓀᑎᓪᓗᒋᑦ, ᐊᑦᑕᓀᑦᑑᑎᒍᑦ ᐃᓱᐊᓈᕐᓯᒪᔪᑎᓪᓗᒍ.

ᕿᒥᕐᕈᓚᐅᒃᑭᑦ ᖃᖓᑦᑕᔫᖁᑎᕗᑦ

ᖃᑦᓯᕌᒐᔭᕐᒪᖔᑦ ᖃᐅᔨᒐᓱᐊᕈᑎ

ᐊᓪᓚᕕᒋᔭᐅᒋᐊᖃᓪᓚᕆᑦᑐᑦ
ᐊᓪᓚᕕᒋᔭᐅᒋᐊᖃᓪᓚᕆᑦᑐᑦ
ᐊᓪᓚᕕᒋᔭᐅᒋᐊᖃᓪᓚᕆᑦᑐᑦ
ᐊᓪᓚᕕᒋᔭᐅᒋᐊᖃᓪᓚᕆᑦᑐᑦ
ᐅᓇ ᐊᒃᓚᕕᑦᓴᖅ ᑕᒻᒪᓯᒪᔪᕐᑕᓕᒃ

ᓇᑯᕐᒦᒃ

ᐊᓪᓚᕕᑦᓭᑦ ᐊᓪᓚᕕᒋᔭᕕᓂᑎᑦ ᐊᐅᓪᓚᑎᑕᐅᔪᑦ