ᓯᖁᑦᑎᓯᒪᔪᖅ ᐅᕝᕙᓘᓐᓃᑦ ᑎᑭᖕᖏᑐᑦ ᐃᑦᓯᕖᑦ

ᐃᑦᓯᕖᑦ/ᐃᕐᓯᕖᑦ ᑎᑭᓐᓂᖏᑉᐸᑦ ᐅᕝᕙᓘᓐᓃᑦ ᓯᖁᒥᑕᐅᓐᓂᐸᑦ, ᑐᓴᕐᑕᐅᑎᑦᓴᐅᑎᒋᒋᐊᓖᑦ ᐃᓄᐃᑦ ᖃᖓᑦᑕᔫᕐᓂᐊᑎᖓᓄᑦ ᐅᐸᑦᑕᓄᑦ ᑎᑭᐅᑎᑦᓴᑐᐊᕈᕕᑦ. ᐃᑦᓯᕖᑦ/ᐃᕐᓯᕖᑦ ᓯᖁᒥᑕᐅᓐᓂᐸᑦ ᑐᓴᕐᑕᐅᑎᑦᓴᐅᑎᒋᒋᐊᓕᒃ ᑕᕝᕓᓇᕐᓗ ᐊᒃᓚᒍᑎᒋᑦᓴᐅᑎᒋᓗᒍ.

ᐃᑦᓯᕕᒃ/ᐃᕐᓯᕕᒃ ᑎᑭᖕᖏᑐᖅ:

• ᑕᕝᕓᓇᖅ ᖃᐅᔨᔭᐅᑎᑦᓴᐅᑎᒋᓗᒍ ᐃᓄᐃᑦ ᖃᖓᑦᑕᔫᕐᓂᐊᑎᖓᓄᑦ ᐊᒃᓚᓯᒪᔪᖕᖑᐃᒍᑎᒋᓗᒍᓗ ᐊᑐᕐᓗᑎᑦ ᐃᑦᓯᕕᒻᒥᒃ/ᐃᕐᓯᕕᒻᒥ ᐊᓯᐅᓂᕃᒍᑎᒥᒃ/ᓯᖁᒥᑕᐅᓂᕃᒍᑎᒥᒃ ᑐᓴᕐᑎᓯᒍᑎᓕᐅᕐᓗᑎᑦ.
• ᐃᕐᓯᕖᑦ ᐅᐸᑦᑕᓄᑦ ᑎᑭᖃᑎᒋᖕᖏᑐᐊᕈᕕᐅᒃ ᐊᒃᓚᓯᒪᔪᖕᖑᐃᒍᑎᒋᒍᓐᓇᓯᓇᒍᓗ ᐃᕐᓯᕖᕐᓯᓂᕋᕈᑎᒥᒃ/ᓯᖁᒥᑕᐅᔨᐊᖃᕐᓂᕋᕈᑎᒥᓪᓗ ᒥᕝᕕᒥᑦ ᓅᓚᐅᕐᓇᒃ, ᐊᒃᓚᒍᑎᒋᒋᐊᖃᕐᙯᑦ ᐃᑲᐅᕐᓃᑦ/ᑫᕙᓪᓚᒍᓰᑦ 24 ᐊᓂᒍᓚᐅᕐᑎᓇᒋᑦ ᐅᐸᑦᑕᓄᑦ ᑎᑭᕐᖃᐅᑎᓪᓗᑎᑦ ᑐᓴᕐᑎᓗᒋᑦ ᐱᓇᓱᖃᑎᒌᑦᑐᖁᑎᕗᑦ ᐅᕗᖓ ᐅᖄᓚᕕᒋᓗᒋᑦ 1-800-361-5933, ᓵᖓᓃᑦᑑᑉ ᑭᓯᑦᓯᒍᑎᖓ 6286 ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᐊᒃᓚᕕᒋᓗᒋᑦ
• ᐃᑦᓯᕖᑦ/ᐃᕐᓯᕖᑦ ᐅᐸᑦᑕᓄᑦ ᑎᑭᖕᖏᑐᕐᐸᑦ, ᓇᓂᔭᐅᓗᓂᓗ ᑎᑭᓚᐅᔪᒐᕕᓂᑦ ᐅᒃᓗᐃᑦ 21 ᐊᓂᒍᓚᐅᕐᑎᓇᒋᑦ, ᐃᓄᐃᑦ ᖃᖓᑦᑕᐅᓯᕐᑕᐅᒍᑎᓐᓂᒃ ᐊᑭᓖᒐᔭᕐᑐᖅ ᐅᓯᔭᐅᒍᑎᖏᓐᓂᒃ ᐃᓕᓐᓄᑦ ᑎᑭᐅᑎᑎᓪᓗᒍᓗ.
• ᐃᑦᓯᕖᑦ/ᐃᕐᓯᕖᑦ ᓇᓂᔭᐅᖕᖏᑐᐊᕐᐸᑦ ᑎᑭᓚᐅᔪᒐᕕᓂᑦ ᐅᒃᓗᐃᑦ 21 ᐊᓂᒍᕐᑎᓗᒋᑦ, ᑐᖕᖓᕕᒋᓗᒋᑦ ᑲᖓᑦᑕᔫᑎᒍᑦ ᐊᐅᓚᔪᑦ ᓴᐳᑦᔭᐅᒪᒍᑎᖏᓐᓄᑦ ᒪᓕᒐᖃᑎᕐᓯᒍᑏᑦ, ᑮᓇᐅᔭᓂᒃ ᐅᑎᕐᑎᓯᕕᐅᒍᑎᖃᑐᐃᓐᓇᕆᐊᖃᕋᔭᕐᑐᑎᑦ ᑎᑭᐅᑎᔪᓂᒃ 1288-ᓄᑦ ᐱᓪᓗᑯᒋᐊᓕᑎᒍᑦ ᐊᑭᓕᕐᑕᐅᓂᕐᒥᒃ ᐱᒍᓐᓇᐅᑎᑦ ᑐᖕᖓᕕᐅᑎᓪᓗᒋᑦ (SDR).

ᐃᑦᓯᕖᑦ/ᐃᕐᓯᕖᑦ ᓯᖁᒥᑕᐅᓐᓂᐸᑦ:

• ᐃᑦᓯᕖᑦ/ᐃᕐᓯᕖᑦ ᓯᖁᒥᑕᐅᓐᓂᐸᑦ, ᐊᒃᓚᓯᒪᔪᖕᖑᐃᒍᑎᒋᒋᐊᖃᕐᐯᑦ ᐅᒃᓗᐃᑦ 7 ᐊᓂᒍᓚᐅᕐᑎᓇᒋᑦ ᓯᖁᑦᑎᓯᒪᑦᓱᓂ ᑎᑭᓚᐅᕐᑎᓗᒍᓂᑦ ᑐᖕᖓᕕᒋᓗᒋᑦ ᑲᖓᑦᑕᔫᑎᒍᑦ ᐊᐅᓚᔪᑦ ᓴᐳᑦᔭᐅᒪᒍᑎᖏᓐᓄᑦ ᒪᓕᒐᖃᑎᕐᓯᒍᑏᑦ, ᑮᓇᐅᔭᓂᒃ ᐅᑎᕐᑎᓯᕕᐅᒍᑎᖃᑐᐃᓐᓇᕆᐊᖃᕋᔭᕐᑐᑎᑦ ᑎᑭᐅᑎᔪᓂᒃ ᑎᑭᐅᑎᔪᓂᒃ 1288-ᓄᑦ ᐱᓪᓗᑯᒋᐊᓕᑎᒍᑦ ᐊᑭᓕᕐᑕᐅᓂᕐᒥᒃ ᐱᒍᓐᓇᐅᑎᑦ ᑐᖕᖓᕕᐅᑎᓪᓗᒋᑦ (SDR).

ᐱᒻᒪᕆᐅᕗᖅ! ᑐᓴᕐᑕᐅᑎᑦᓯᖏᓐᓂᖅ ᐊᓯᐅᔪᒥᒃ ᐅᕝᕙᓘᓐᓃᑦ ᓯᖁᒥᑕᐅᔪᕕᓂᕐᒥᒃ ᐃᑦᓯᕕᒻᒥ/ᐃᕐᓯᕕᒻᒥ ᑐᓴᕐᑕᐅᑎᑦᓯᕕᑦᓴᐅᓂᕋᕐᑕᐅᔪᑦ ᐅᒃᓗᐃᑦ ᐊᓂᒍᓚᐅᕐᑎᓇᒋᑦ ᐃᓄᐃᑦᑯᓂᒃ ᓵᑦᓯᒍᓐᓇᓂᖅ ᓴᒃᑯᑕᐅᕗᖅ ᐊᑭᓕᕐᑕᐅᒍᑎᐅᒐᓱᒍᓐᓇᕈᓐᓀᓱᓂᓗ, ᐊᒃᓚᓯᒪᔪᖕᖑᐃᒍᑎᓕᒃ ᐃᓄᐃᑦᑯᑦ ᓈᒻᒪᒋᔭᖏᓐᓂᒃ ᐊᒃᓚᓯᒪᔪᖕᖑᐃᒍᑎᓕᐅᖕᖏᑐᐊᕐᐸᑦ ᐃᓄᐃᑦᑯᓄᑦ ᐅᖃᕐᓗᓂ ᑐᓴᕐᑕᐅᑎᑦᓯᓂᕐᒥᒃ ᐱᒍᓐᓇᕕᖃᓚᐅᖕᖏᒋᐊᒥᒃ.

ᑐᓴᕐᑕᐅᑎᑦᓯᕕᒻᒧᑦ ᐃᑦᓯᕕᓐᓂᒃ/ᐃᕐᓯᕕᓐᓂᒃ ᐱᑦᔪᑎᖃᕐᓗᑦ ᐅᖃᓚᕕᐅᒍᓐᓇᑐᓄᑦ ᐅᖃᓕᒪᒍᓐᓇᖁᑎᑦ ᐅᕗᖓ ᐅᖄᓚᕕᒋᓗᒋᑦ 1-800-361-5933, ᓵᖓᓃᑦᑑᑉ ᑭᓯᑦᓯᒍᑎᖓ 6286 ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᐊᒃᓚᕕᒋᓗᒋᑦ.

ᖃᐅᔨᒪᓂᐊᕋᑦᓯ! ᑌᒪᓕ ᐃᑦᓯᕕᑦᓯᓂᒃ/ᐃᕐᓯᕕᑦᓯᓂᒃ ᑲᒪᑦᓯᐊᕋᓱᒃᑲᓗᐊᕐᓗᑕ, ᐃᓄᐃᑦ ᓵᑕᐅᑦᔪᑎᖃᕈᓐᓇᖏᓪᓚᑦ ᐃᑦᓯᕕᒃ/ᐃᕐᓯᕕᒃ ᑭᓚᑦᑕᐅᑲᓪᓚᓂᕐᐸᑦ, ᕿᑦᓱᑲᓐᓂᑖᕐᓂᐸᑦ, ᓂᕈᒥᐅᑌᕐᑕᐅᓂᕐᐸᑦ, ᓯᖁᑦᑎᑕᐅᓐᓂᐸᑕ ᑎᒍᓕᖏᑦ ᓯᑦᑕᑐᖏᓪᓗ, ᐊᑦᓴᓗᐊᖏᑦ/ᐊᓴᓗᐊᖏᑦ ᓱᒃᑯᑕᐅᓐᓂᐸᑕ, ᓴᓗᒣᓪᓕᔭᐅᓐᓂᐸᑦ, ᓴᓇᔨᕕᓂᖏᑕ ᓴᓇᒪᑦᓯᐊᖏᓐᓂᖏᑦ, ᐃᓗᓕᖃᓗᐊᒧᓪᓗ ᓱᒃᑯᑎᕐᑕᐅᒍᖃᓚᕿᓐᓂᐸᑦ ᐅᖃᕐᑕᐅᔪᓪᓗ ᐊᓯᐊᒍᑦ ᓱᒃᑯᑕᐅᓐᓂᐸᑦ ᐅᕝᕙᓘᓐᓃᑦ ᓄᑕᐅᖕᖏᑐᓗᐊᒧᑦ ᐊᓕᑦᑐᑲᓪᓚᓂᕐᐸᑦ ᑕᒪᒃᑯᐊ ᐃᓄᐃᑦ ᓵᑕᐅᑦᔪᑎᒋᒍᓐᓇᖏᑦᑕᖏᑦ.

ᐃᓘᓐᓈᒍᑦ ᑐᑭᓯᒍᒪᒍᕕᑦ ᐱᑦᔪᑎᖃᕐᓗᑎᑦ ᑲᖓᑦᑕᔫᑎᒍᑦ ᐊᐅᓚᔪᑦ ᓴᐳᑦᔭᐅᒪᒍᑎᖏᓐᓄᑦ ᒪᓕᒐᖃᑎᕐᓯᒍᑎᓂᒃ ᐱᑦᔪᑎᖃᕐᓗᑎᑦ ᐊᓯᐅᔪᒥᒃ ᐅᕝᕙᓘᓐᓃᑦ ᓯᖁᑦᑎᓯᒪᔪᒥᒃ ᐃᑦᓯᕕᓐᓂᒃ/ᐃᕐᓯᕕᓐᓂᒃ, ᑕᑯᒋᐊᕈᓐᓇᖁᑎᑦ ᖃᕆᑕᐅᔭᒃᑯᑦ ᑕᑯᓇᓱᑦᑕᐅᕕᖏᓐᓂᒃ.