ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X

ᐃᓄᑦᔪᐊᖅ

ᓄᓇ ᐃᓂᖃᕐᑐᖅ ᐃᓄᒃᓱᐊᑉ ᑰᖓᑕ ᑕᕐᕋᖓᓂ, ᐃᓄᑦᔪᐊᖅ ᖃᐅᔨᒪᔭᐅᒍᑎᖃᓲᖑᕗᖅ ᑐᖑᔪᕐᑖᐱᒻᒥᒃ ᑕᐅᑦᑐᓕᒻᒥᒃ ᑰᖓ ᐃᒪᖃᕐᒪᑦ ᓱᑲᑦᑐᐊᓗᒻᒥᓗ ᑰᒃᑐᒥ ᑰᖏᑦ ᑰᓐᓂᖃᕐᓱᑎᒃ. ᐊᕙᑎᐊ ᓄᓇ ᖃᕐᖃᖃᕐᑐᖅ ᓇᕿᑦᑐᖑᐊᓂᒃ ᐊᕗ1ᓗᓪᓗ ᓂᕈᑭᖕᖏᑐᒥᒃ ᓄᓇ ᑕᑯᑦᓴᐅᓱᓂ‘ᓂᐯᑦᑑᓱᓂ ᑕᑯᒥᓇᕐᑐᖅ’ ᐃᓄᑦᔪᐊᒥᐅᑦ ᐅᖃᐅᓯᕆᓲᖏᑎᒍᑦ. ᐊᒥᓱᑦ ᐃᑦᓴᓂᑌᑦ ᑰᑦ ᓯᓈᓂ ᑕᑯᑦᓴᐅᓲᑦ ᐃᓄᑦᔪᐊᒥᐅᑦ ᓯᕗᓪᓕᖏᓐᓂᒃ ᑌᒫᑦᓭᓇᖅ ᐃᓱᒪᖃᕐᓯᒪᒋᐊᖏᑦ ᑕᑯᑦᓴᐅᑎᑦᓯᒥᔪᑦ.

ᓇᑎᕐᓈᒥᑦ, ᑕᑯᑦᓴᓯᐊᒻᒪᕆᐊᓘᔪᖅ ᐃᓄᑦᔪᐊᒥᐅᑦ ᓄᓇᓕᖓᑦ, ᐅᒥᐊᒃᑯᕕᐊᐱᖓᓪᓗ, ᕿᑭᕐᑌᓗ ᐃᓐᓇᓖᑦ ᑕᐅᓯᔭᕐᔪᐊᓗ ᐃᒪᕐᐱᖓ. ᐅᐱᕐᖓᓴᐅᓕᕐᒪᑦ, ᓯᑯᐃᑦ ᓄᓇᒥᑦ ᐱᔪᑦ ᐊᐅᓚᑕᐅᑦᓱᑎᒃ ᐃᒪᐅᑉ ᑎᓂᑦᑕᓂᖓᓄᑦ ᐅᓕᑦᑕᓂᖓᓄᓪᓗ ᐃᖏᕐᕋᕙᑦᑐᑦ ᓴᕐᕙᑎᒍᑦ ᑕᑯᒥᓇᕐᑐᐊᓗᒻᒥᒃ ᓯᑯᐊᓗᐃᑦ ᓴᕐᕙᐅᓱᑎᒃ ᑕᑯᑦᓴᐅᓚᕿᓕᕐᑎᓗᒋᑦ.

ᐊᕐᕌᒍᑦ 1900-ᓃᑦᑐᑦ ᐱᒋᐊᕐᖃᒥᐅᑎᓪᓗᒋᑦ, ᒍᐃᒍᐃᒃᑯᑦ ᐆᒪᔪᐃᑦ ᐊᒥᖏᓐᓂ ᓂᐅᕕᕐᕕᖓᑦ ᐱᑕᖃᓚᐅᕐᓯᒪᔪᖅ ᕆᕓᔮᓐ ᕕᕆᐊᕇᒃᑯᑦ ᓇᑉᐯᓯᒪᓚᐅᕐᓂᕋᒥᒃ ᓂᐅᕐᕈᓭᕕᖁᑎᒋᓂᐊᕐᑕᒥᓐᓂᒃ ᑖᕙᓂ, ᑌᑦᓱᒪᓂ ᖃᐅᑦᔨᑕᐅᒍᑎᖃᕐᐸᑎᓪᓗᒍ ᓱᓕ ᐴᑦ ᖄᕆᓴᓐᒥᒃ. ᖃᑦᓴᓐ-ᐯᒃᑯᑕᐅᖅ ᐅᒃᑯᐃᓯᓚᐅᕐᓂᒥᔪᑦ ᓇᒻᒥᓂᖅ ᓂᐅᕐᕈᓭᕕᖁᑎᒋᓂᐊᕐᑕᒥᓐᓂᒃ 1920 ᐊᕐᕌᒍᖓᓂ ᑌᒪᖕᖓᓂᓪᓗ ᐱᓕᐅᑎᖃᑎᒌᓕᓚᐅᕐᓂᖁᑦ ᑎᑭᑦᓱᒍ 1936 ᐊᕐᕌᒍᖓ ᑕᒃᒐᓂ ᐊᕐᕌᒍᒥ ᖃᑦᓴᓐ ᐯ ᓂᐅᕕᐊᖃᒍᓗᑐᐃᓐᓇᓯᕋᑕᕐᑎᓗᒍ ᕆᕓᔮᓐ ᕖᕆᒃᑯᓂᒃ ᑲᔪᓯᑎᑦᓯᓂᐊᓕᕋᒥᒃ ᐊᓱᐃᓛᒃ ᐱᔪᓐᓇᓂᖃᕐᓂᓴᐅᓂᕐᒥᓂᒃ ᐊᕐᕌᒍᖅ 1958 ᑎᑭᑦᓱᒍ.

ᐋᖕᓕᑲᓐᑯᑦ ᑐᑦᓯᐊᕕᖁᑎᒥᓐᓂᒃ ᓇᑉᐯᓕᓚᐅᕐᓂᒥᔪᑦ 1927-ᒥ ᑲᕙᒪᑐᖃᒃᑯᓗ ᑭᖑᓂᑦᓭᓇᖓᒍᑦ ᐊᐅᓚᑦᓯᓂᓕᕆᓂᕐᒥᒃ ᐱᓇᓱᐊᕈᑎᖃᓯᑦᓴᐅᑎᒋᓚᐅᕐᓯᒪᑦᓱᑎᒃ ᐃᓄᑦᔪᐊᒥᓄᑦ. ᐊᓪᓚᑕᕐᕕᓗ ᑲᓇᑕᐅᓪᓗ ᐳᓖᓯᖏᑕ ᐱᓇᓱᕝᕕᖓᑦ ᐅᒃᑯᐃᑕᐅᓂᖃᓕᓚᐅᕐᓯᒪᓐᓂᕆᕘᒃ 1935-ᒥ; ᐋᓐᓂᐊᓯᐅᕐᑏᓗ 1947-ᒥᓂᑦ ᐱᑦᔪᔨᖃᑦᑕᓯᑦᓱᑎᒃ; 1951-ᒥᓗ ᐃᓕᓐᓂᐊᕕᑦᑖᓱᑎᒃ. 1962-ᖑᓕᕐᑎᓗᒍ, ᑯᐊᐸᒃᑯᑦ ᓂᐅᕕᕐᓂᐊᕕᒻᒥᒃ ᐅᒃᑯᐃᓯᓕᓚᐅᕐᓯᒪᒋᕗᑦ. 1980-ᒥ, ᐃᓄᑦᔪᐊᑉ ᓄᓇᓕᖓ ᐱᖁᔭᑎᒍᑦ ᓇᓗᓀᕐᑕᐅᓂᖃᓪᓚ-ᕆᓕᓚᐅᕐᓯᒪᕗᖅ ᑕᕐᕋᒥ ᓄᓇᓕᓐᓄᑦ ᐃᓚᐅᖃᑕᐅᓂᕐᒥᒍᑦ.

ᑕᒪᒃᑯᓄᖓ ᐃᓄᑦᔪᐊᒥᐅᑦ ᐱᐅᓯᑐᖃᕐᒥᓂᒃ ᓄᓇᒥᓂ ᓄᑦᑎᑲᑕᓐᓂᕆᓲᒥᓂᒃ ᓄᕐᖄᓚᑦᑎᑕᐅᒍᑎᖃᕐᓂᖏᑦᑐᑦ. ᐊᕐᕌᒍᑦ 1950-ᓃᑦᑐᑦ ᐊᑐᕐᑐᑐᖃᐅᓕᕐᒪᑕ ᑭᓯᐊᓂ ᑕᒃᑲᖓᑦᓭᓇᖅ ᓄᓇᓕᒻᒥ ᓄᑦᑎᑕᕈᓐᓀᓚᕆᑦᓯᒪᒐᒥᒃ.

ᑌᒫᒃ ᐱᐅᓯᓕᑐᖃᐅᓕᕐᑎᓗᒋᑦ ᖁᕕᐊᓇᖕᖏᑐᕐᔪᐊᕌᓗᒻᒧᑦ ᓇᓪᓕᐅᑎᕕᐅᓕᓚᐅᕐᓯᒪᕗᑦ. ᐃᓄᑦᔪᐊᒥᐅᓄᑦ ᐅᖁᒣᑦᑐᔪᐊᕌᓗᒃ ᐱᓂᐊᕐᓂᐅᓕᓚᐅᕐᓯᒪᔪᖅ, ᐃᓱᒪᒥᑦᑎᑕᐅᒐᑎᒃ ᐃᓄᖏᑕ ᐃᓚᖏᑦ ᓄᓇᒧᑦ ᐊᓯᐊᓄᑦ ᓄᑦᑎᑎᑕᐅᓂᖓᑦ ᐃᓄᑦᔪᐊᒥᑦ ᖃᐅᓱᐃᑦᑐᒧᓪᓗ ᐊᐅᔪᐃᑦᑐᒧᓪᓗ ᓄᑦᑎᑎᑕᐅᑦᓱᑎᒃ ᓄᓇᒧᑦ ᓄᓇᒥᓐᓂᑦ ᐅᖓᓯᓐᓂᓕᒻᒧᑦ 2000-ᓂ ᑭᓚᒦᑕᓂ ᑕᑉᐹᓂ ᑕᕐᕋᐅᑉ ᑲᑦᔨᖓᓂ ᑲᕙᒪᑐᖃᒃᑯᓄᑦ ᐱᐅᓯᕆᔭᐅᓯᒪᔪᒥᒃ ᓴᕐᕿᑎᑦᓯᒍᑕᐅᓇᓱᑦᓱᓂ ᐃᓄᑦᑕᓕᕕᓂᑐᖃᐅᖕᖑᐊᑎᑦᓯᓂᕐᒥᒃ ᖁᑦᓯᑑᑉ ᓄᓇᖓᓂ, ᑕᒪᑐᒥᖓ ᐱᓂᐊᕐᓂᖃᕈᑕᐅᔪᖅ ᐃᓕᖓᓂᑐᐊᑦᓯᐊᖃᕐᑎᓗᒍ ᑲᕙᒪᑐᖃᒃᑯᑦ ᑲᑉᐱᐊᑐᐊᒍᑎᖃᕐᓂᖓᓂᒃ ᐊᓯᒥ ᑕᕐᕋᒥᒃ ᓄᓇᓯᒪᕕᖃᕐᑐᑦ ᖁᑦᓯᑐᒥᒃ ᐱᖃᕐᓂᕋᕐᓂᒥᒃ ᐊᑑᑎᒐᔭᕐᓂᖓᓐᓂᒃ.

ᖃᓄᐃᓘᕆᐊᓪᓚᕕᖃᕐᑎᓯᓇᑎᒃ ᓄᑦᑎᑎᕆᓂᖅ ᐃᓄᑐᐃᓐᓇᓂᒃ ᐱᔪᓐᓇᓂᖃᑦᓯᐊᓯᑦᓴᐅᑎᒋᓛᕐᑎᓗᒋᑦ ᐃᓱᒪᖃᕈᑕᐅᓯᒪᕗᖅ ᓄᓇᒥ ᐊᕐᓱᕈᕐᓇᑐᕐᔪᐊᕌᓗᒻᒥ ᐃᓱᒫᓗᓐᓇᓂᖃᓛᕐᑐᔮᕐᑎᓇᒋᑦ ᓄᑦᑎᕆᓂᐅᑦᓱᓂ. ᐊᐅᖃᑎᒌᖑᑦᓱᑎᒃ ᐃᓚᒌᑦ ᐊᕕᑎᑕᐅᓂᖃᕐᓯᒪᔪᑦ ᐊᒥᓱᓪᓗ ᐃᓅᒍᓐᓀᖃᑦᑕᓂᕐᖁᑦ ᐅᕝᕙᓗᓐᓃᑦ ᐊᖏᔪᐊᓗᒻᒥᒃ ᐱᔭᕋᓕᓂᖃᕐᓱᑎᒃ. 1996-ᖑᓕᕐᒪᑦ ᑭᓯᐊᓂ ᑲᕙᒪᑐᖃᒃᑯᑦ ᑖᒃᑯᓂᖓ ᐃᓄᓐᓂᒃ ᐊᐅᓪᓚᑎᓚᐅᕐᑕᕕᓂᕐᒥᓂᒃ ᐊᑭᓖᑦᓴᕋᑖᓗᓕᓚᐅᔪᔪᑦ ᐱᓂᐊᕐᓂᖃᕐᓯᒪᒍᑎᒥᓂᒃ ᐊᖏᔪᐊᓗᒻᒥᒃ ᐱᔭᕋᓕᑎᑦᓯᒍᑎᖃᕐᓯᒪᓂᕐᒥᓄᑦ ᑕᒻᒪᔪᐊᕐᓯᒪᒍᑎᒥᓄᓪᓗ, ᓱᓕ ᑌᑦᓱᒪᓂ ᐅᖃᐅᓯᑎᒍᑦ ᐃᓛᓂᐅᖕᖏᑑᕐᕕᖃᕐᓯᒪᖕᖏᑐᑦ ᑖᒃᑯᓄᖓ ᐃᓄᖁᑎᒋᑦᓱᓂᒋᑦ ᐃᓄᑐᐃᓐᓇᓄᑦ ᓯᐅᕐᓂᐅᑎᓯᒪᒻᒪᕆᑦᑕᒥᓄᑦ

ᐱᕙᓪᓕᐊᓯᒪᓂᕐᓕ ᐅᑎᒧᑦ ᐃᖏᕐᕋᑎᒋᐊᖓ ᐊᔪᕐᓇᐳᖅ. ᑕᒪᓐᓇᐅᒐᓗᐊᕐᑎᓗᒍᓕ ᑲᓇᑕᒥᐅᑦ ᐃᓘᓐᓇᑎᒃ ᐳᐃᒍᓚᐅᕐᓯᒪᓂᐊᖕᖏᓚᑦ ᓄᓇᕕᒻᒥᐅᑦ ᐃᓄᑐᐃᓐᓀᑦ ᐱᓪᓚᕆᐊᓗᒻᒥᒃ ᐱᓂᐊᕐᓂᖃᕐᑎᑕᐅᓯᒪᒋᐊᖏᑦ ᐃᓂᓪᓓᖃᑕᐅᓂᒃᑯᑦ ᑲᓇᑕᐅᑉ ᖁᑦᓯᑐᒥᒃ ᓄᓇᖃᕐᓂᕋᐅᑎᖏᓐᓂᒃ ᓱᓕᑎᑦᓯᖃᑕᐅᑦᓱᑎᒃ.

ᑕᑯᔭᑦᓭᓗ ᖃᓄᐃᓘᕈᑎᑦᓴᐅᔪᓪᓗ

ᑕᓂᐊᓪᓕ ᐅᐃᑖᓗᒃᑑᑉ ᑕᑯᕚᒃᑯᕕᖓ ᐃᓗᓕᖃᕐᐳᖅ ᐱᐅᔪᖑᐊᒻᒪᕆᐊᓗᓐᓂᒃ ᓄᐊᑕᐅᒪᔪᓂᒃ ᐃᓄᐃᑦ ᓴᓇᖕᖑᐊᖃᑦᑕᓯᒪᔭᖏᓐᓂᒃ ᑕᑯᒥᓇᕐᑐᓕᐊᕆᓯᒪᔭᖏᓐᓂᓗ, ᐃᓚᓕᓐᓂᒃ ᐃᓄᐃᑦ ᐱᐅᓯᑐᖃᕐᒥᒍᑦ ᐱᐅᒃᑯᑎᕕᓂᖏᓐᓂᒃ ᐊᖑᓇᓱᒍᑎᕕᓂᖏᓐᓂᓗ ᐃᖃᓗᓐᓂᐅᑎᑦᓴᔭᖏᓐᓂᓗ. ᐃᓐᓇᓕᒃ ᐃᓕᓐᓂᐊᕕᐅᑉ ᐃᑎᕐᕕᖓᓂ ᑕᑯᑦᓴᐅᒥᔪᑦ ᓴᓇᐅᒉᑦ/ᓴᓇᖕᖑᐊᓯᒪᔪᑦ ᐅᓪᓗᑕᒫᑦ ᐃᓅᓯᕐᒥᒃ ᑕᑯᑦᓴᐅᑎᑦᓯᔪᑦ. ᐃᓐᓇᓕᓐᓄᓗ ᑕᑯᓂᐊᕐᑎᑕᐅᒍᓐᓇᕈᕕᑦ, ᑕᑯᒐᔭᕐᐳᑎᑦ ᐊᐅᔭᒥ ᐅᓪᓗᓕᓯᒪᔪᓂᒃ ᐊᒥᓱᕐᔪᐊᓂᒃ ᑎᒻᒥᐊᓂᒃ ᐊᑦᔨᒌᑦᑎᖏᑦᑐᓂᒃ.

ᑐᑭᖓ

ᐃᓄᑉᐸᖅ.

ᐃᓄᖏᑕ ᐅᓄᕐᓂᖏᑦ

1,597

ᓯᓚᖓ

Today 16°C
Sun 18°C
Mon 18°C