ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X

ᐃᕗᔨᕕᒃ

ᐃᕗᔨᕕᒃ ᓄᓇᓕᐅᕗᖅ ᑯᐯᒃ ᑕᕐᕋᖓᓂ ᓄᓇᓕᓕᒫᓂᑦ ᖁᑦᓯᓂᕐᐹᖑᑦᓱᓂ, ᐊᕙᓗᔭᐅᒪᑦᓱᓂ ᐃᓐᓈᕈᓄᑦ ᐃᒪᕐᐱᒧᑦ ᐃᕐᖃᓕᔮᖕᖏᑐᒧᑦ ᕿᑭᕐᑕᓰᑦ ᐊᕙᑖᓂ ᑲᑕᓪᓗᐊᓇᕐᑐᓄᑦ. ᑕᓯᐅᔭᕐᔪᐊᑉ ᐃᒪᕐᐱᖓᑕ ᐃᖏᕐᕋᓂᖏᓪᓗ ᓄᕗᐊᓘᓪᓗ ᐃᒪᕐᐱᖓᑕ ᐃᖏᕐᕋᓂᖏᑦ ᑕᒫᓂ ᐊᐳᓚᐅᑎᓂᖃᕐᑐᑦ, ᐃᒪᕐᐱᐅᑉ ᐅᓕᑦᑕᓂᖏᑦ ᐊᖏᔪᐊᓗᒻᒥᒃ ᐱᓂᐊᕐᓂᖃᕐᑐᑦ, ᐃᒪᕐᐱᐅᓗ ᓯᑯᐊᓗᖏᑦ ᑕᒫᓂ ᐃᑕᒋᐅᑎᒐᑎᒃ ᑲᑎᕙᑉᐳᑦ. ᑕᒫᓂ ᐃᓐᓈᕈᐃᑦ ᐅᖓᕙᐅᑉ ᓇᑎᕐᓇᔪᐊᖓᑕ ᐃᓱᖏᑦ ᐱᕗᑦ, ᑎᖓᐅᔦᑦ ᑕᒫᓂ ᓄᓇᒥ ᐱᕈᒍᓐᓇᑐᑐᐊᖑᔪᑦ ᕿᐅᔭᓇᓗᐊᕐᒪᑦ ᐊᓯᖏᓐᓄᑦ ᐱᒍᕐᖁᓄᑦ ᐱᕈᕐᕕᐅᒋᐊᒥᒃ.

ᐃᓄᐃᑦ ᓄᓇᓯᒪᕕᖃᓲᖑᖕᖏᑐᑦ ᑕᒃᑲᓂᑦᓭᓇᖅ ᓄᓇᓕᒻᒥ ᐃᓅᕕᖃᕐᓯᒪᔪᑦ ᑕᒪᑐᒥᖓ ᓄᓇᒥᒃ ᐊᕐᕌᒍᒐᓵᓗᓐᓂ 4000 ᒥᑦᓯᑎᓐᓃᑐᓂᒃ, ᑖᒃᑯᓇᓂ ᐊᕐᕌᒍᓂ ᓂᕿᑦᓴᖃᖃᑦᑕᓯᒪᑦᓱᑎᒃ ᓇᑦᓯᓂᒃ, ᐁᕕᕐᓂᒃ ᕿᓚᓗᒐᕐᓂᓗ, ᑖᒃᑯᓇᖕᖓᑦ ᓂᕿᑦᓴᖃᕐᐸᓱᑎᒃ, ᐊᓐᓄᕌᕐᑖᐸᑦᓱᑎᒃ, ᓴᓇᕐᕈᑎᑖᕐᐸᓱᑎᒃ ᐊᖏᕐᕋᖃᕐᓱᑎᓪᓗ. ᐃᒪᕐᐱᐅᑉ ᐃᖏᕐᕋᓂᖏᑦ ᑕᕆᐅᑉ ᐃᒪᖓᓄᑦ ᖁᐊᕈᑕᐅᒍᓐᓇᐸᖕᖏᑐᑦ, ᐊᕐᕌᒍᓕᒫᒥ ᐊᖑᓇᓱᕝᕕᐅᒍᓐᓇᓲᖑᓚᕿᑦᓱᑎᒃ. ᐊᐅᔭᐅᓕᕐᒪᑦ, ᕿᑭᕐᑌᑦ ᐱᐅᓕᑦᓯᓯᒪᓲᖑᔪᑦ ᐃᒪᕐᒥᐅᑕᑦᓴᔭᐅᑦᓱᑎᒃ ᑎᖕᒥᐊᓂᒃ.

ᐊᕐᕌᒍᖅ 1610-ᖑᑎᓪᓗᒍ, ᐊᓪᓚᑕᐅᒪᒋᐅᕐᑐᓂᒃ ᐅᓂᒃᑲᑕᐅᔪᖃᕐᓯᒪᕗᖅ ᐃᓄᑐᐃᓐᓇᓂᒃ ᖃᓪᓗᓈᓂ ᑲᑎᖃᑎᒌᓚᐅᕐᑐᕕᓂᕐᓂᒃ ᐃᕗᔨᕕᐅᑉ ᓵᖓᓂ ᕿᑭᕐᑕᓯᕐᒥ ᑌᑦᓱᒪᓂ ᕿᐊᓐᔨ ᖃᑦᓴᓐ ᑭᖑᓪᓕᐹᒥ (ᐃᓅᒍᓐᓀᓯᒪᔪᑦ) ᐅᑭᐅᕐᑕᑐᒧᑦ ᑎᑭᐅᑎᓱᖓᓚᐅᕐᑐᕕᓂᐅᓂᖓ. ᑭᓯᐊᓂ ᐊᕐᕌᒍᑦ 400 ᐊᓂᒍᕐᒪᑕ ᑭᓯᐊᓂ ᖃᑦᓴᓐ ᐯ ᑲᒻᐸᓂᒃᑯᑦ ᓂᐅᕕᕐᕕᑖᓚᐅᕐᑐᕕᓂᐅᔪᑦ ᐃᕗᔨᕕᒻᒥ. ᐊᕐᕌᒍᑦ ᐊᒥᓱᑦ ᐊᓂᒍᕐᒥᒪᑕ ᑲᑐᓕᒃᑯᑦ ᑐᑦᓯᐊᕕᖁᑎᒥᓐᓂᒃ ᓇᑉᐯᓕᕐᓂᒥᔪᑦ ᐊᕐᕌᒍᐃᓪᓗ 1940-ᓃᑦᑐᑦ ᐊᑐᕐᑐᑐᖃᐅᓕᕐᑎᓗᒋᑦ ᐃᓄᐃᑦ ᑕᒪᐅᖓ ᓄᓇᕙᓪᓕᐊᓯᓐᓂᖁᑦ. ᑲᑐᓕᒃᑯᑦ ᑐᑦᓯᐊᕕᖓᑦ ᐅᒃᑯᐊᑐᐊᖃᕐᒪᑦ, ᑲᕙᒪᑐᖃᒃᑯᑦ ᑲᒪᔨᐅ¯ᓯᓚᐅᕐᓯᒪᒋᕗᑦ, ᐃᓱᐊᖁᑎᓂᒃ ᓇᑉᐸᑎᕆᖃᑕᐅᓯᑦᓱᑎᒃ ᑭᖑᓂᐊᒍᑦ ᓄᓇᓕᖕᖑᓚᕆᓕᓚᐅᕐᓯᒪᔪᖅ. 1967-ᒥ, ᐃᓄᐃᑦ ᑯᐊᐸᑦᓴᒥᓂᒃ ᓇᑉᐯᒋᐊᖕᖓᓯᓚᐅᕐᓯᒪᒻᒥᔪᑦ.

ᐃᕗᔨᕕᒻᒥᐅᑦ ᓄᓇᓖᓐᓂ ᓴᓂᓪᓕᒋᓂᕐᐹᒥᓂᒃ ᐃᓚᖃᕐᓱᑎᒃ, 1975-ᒥ ᐊᑎᓕᐅᖃᑕᐅᒍᒪᓯᒪᖕᖏᑐᑦ ᔦᒥᓯ ᐯ ᐊᒻᒪᓗ
ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖏᓐᓂᒃ, ᐃᓱᒪᖃᕐᓯᒪᒐᒥᒃ ᑖᒃᑯᓄᖓ ᐊᖏᖃᑎᒌᒍᑎᓄᑦ ᐃᓅᓯᕐᒥᓂᒃ ᐊᓯᑦᔨᑕᐅᒐᔭᕐᑐᒥᒃ. ᑌᒣᒃᑲᓗᐊᕐᑎᓗᒋᑦ ᐊᓯᖏᑦ ᐃᓄᐃᑦ ᐊᖏᕐᓯᒪᔪᑦ, ᑲᔪᓯᑎᑦᓯᓯᑦᓱᑎᒃ ᑯᐯᒃ ᑲᕙᒪᒃᑯᑦ ᑯᒑᓗᒻᒥᒃ ᐃᑯᒪᐅᑎᓕᐅᕐᓂᕆᓂᐊᓕᕐᑕᖓᓂᒃ ‘ᓚ ᑲᕌᓐᒥ’ ᔦᒥᓯ ᐯᒥᑦᑐᒥᒃ. ᑌᓐᓇ ᐃᓄᐃᑦ ᐊᖏᖃᑎᒌᕐᖃᔦᒪᓂᕆᓯᒪᔭᖓᑦ ᐊᓂᒍᕐᓯᒪᔪᑐᖃᐅᓕᕐᒥᔪᖅ ᐱᕙᓪᓕᐊᓂᐅᓯᒪᔪᓄᓪᓗ ᐃᓚᑐᐃᓐᓇᐅᓕᕐᒥᓱᓂ.

ᑕᑯᔭᑦᓭᓗ ᖃᓄᐃᓘᕈᑎᑦᓴᐅᔪᓪᓗ

ᕿᑭᕐᑕᓯᖅ ᕿᒥᕐᕈᒋᐊᕐᑐᕋᑦᓴᐅᕗᖅ, ᐃᓄᑐᐃᓐᓀᑦ ᖃᓪᓗᓈᓂ ᑲᑎᓯᕕᒋᒋᐅᓚᐅᕐᑕᕕᓂᖓᑦ. ᕿᒥᕐᕈᓗᒋᑦ ᖃᑦᓴᓐ ᐯ ᑲᒻᐸᓂᒃᑯᑦ ᓂᐅᕕᕐᓂᐊᕕᖃᕐᕕᕕᓂᖓᓂᒃ ᑲᖏᕐᓱᑲᓪᓚᒥ, ᑕᒫᓂ ᐅᒥᐊᓕᑦᑕᖅ ᐱᐋᕐ ᓕᒧᐁᓐ ᑎ ᐃᐲᕐᕖᓪ ᓂᐅᕕᖃᑦᑕᓂᕐᒥᓗ ᓂᐅᕐᕈᒥᖃᑦᑕᓂᕐᒥᓗ ᐱᓇᓱᐊᕆᐊᖕᖓᓂᕐᖁᖅ 1697 ᐊᕐᕌᒍᖓᓂ.

ᑐᑭᖓ

ᐃᒪᕐᐱᒃ ᐃᕗᕕᐅᓲᖅ ᓯᑯᐊᓗᓐᓄᑦ ᐱᔭᐅᑦᓱᑎᒃ ᐃᒪᐅᑉ ᐃᖏᕐᕋᓂᐊᓗᖏᓐᓄᑦ

ᐃᓄᖏᑕ ᐅᓄᕐᓂᖏᑦ

370

ᓯᓚᖓ

Today -8°C
Fri -6°C
Sat -8°C