ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ > ᑐᕌᕐᑕᐅᔪᖅ > ᓚ ᑲᕌᓐ/ᑰᓐᓂᐊᑎᒃᑯᑦ

ᓚ ᑲᕌᓐ (ᓯᔅᓵᓯᐱ)

ᑌᒪᓕ ᐊᕐᕌᒍᑦ 1970-ᓃᑦᑐᑦ ᐱᒋᐊᕐᖃᒥᐅᑎᓪᓗᒋᑦ ᐊᖏᔪᕐᔪᐊᕌᓗᒻᒥᒃ ᔦᒥᓯ ᐯᒥ ᑰᖕᒥᒃ ᐃᑯᒪᐅᑎᓕᐅᕈᑎᖃᕈᒪᑦᓱᑎᒃ ᑯᐯᒃ ᑲᕙᒪᒃᑯᑦ ᒪᓂᔨᒍᑎᖏᓐᓂᒃ ᐊᑭᕋᕐᑐᓗᑦᓯᐊᓚᐅᕐᓯᒪᒐᓗᐊᕐᓱᑎᒃ ᑕᒪᕐᒥᒃ ᐃᓄᑐᐃᓐᓀᓗ ᐃᓄᑐᐃᓐᓇᓂᓪᓗ ᐊᒥᓲᓂᕐᓴᒪᕆᐊᓗᐃᑦ ᐊᓪᓓᑦ ᑯᔩᑦ, ᐊᕐᕌᒍᓂ ᐅᓄᕐᑐᓂ ᓴᓇᓂᕐᓂᓗ ᐃᖏᕐᕋᑎᑦᓯᓂᕐᓂᓗ ᐱᓂᐊᕐᓂᖃᕐᐸᑐᑐᖃᐅᓕᕐᑎᓗᒋᑦ, ᐃᓘᓐᓀᓄᑦ ᐊᖏᕐᑕᐅᓯᒪᑐᐃᓐᓇᑑᔭᓱᖑᓕᕆᕗᑦ ᑕᒪᑐᒪ ᓴᓇᔭᐅᓯᒪᓂᖏᑦ (ᒥᑭᔪᖑᐊᖑᓂᕐᓭᓗ ᓴᓇᔭᐅᑲᓪᓛᕙᑦᑐᑦ) ᐃᓘᓐᓇᑎᒃ ᐱᕙᓪᓕᖁᑎᐅᖃᑦᑕᓯᒪᓕᕐᖁᑦ ᐊᓪᓚᓄᑦ ᑯᔩᓄᑦ ᐃᓄᑐᐃᓐᓇᓄᓪᓗ ᐃᓚᐅᒻᒥᑎᓪᓗᒋᐊᓪᓛᑦ ᓯᕗᒧᑦ ᐱᕙᓪᓕᐊᖃᑕᐅᒋᐊᖃᕐᓂᖏᑦ ᑯᐯᒃᒥᒃ ᓄᓇᓯᒪᕕᖃᕐᑐᓕᒫᑦ ᐃᓕᖓᑎᓪᓗᒋᑦ ᑮᓇᐅᔭᑎᒍᑦ ᒪᑭᑕᒐᓱᒋᐊᖃᕐᓂᑎᒍᑦ ᓇᒻᒥᓂᖅ ᒪᑭᑕᒐᓱᒍᑎᑦᓴᖃᕐᓂᑯᑦ.

ᐃᓘᓈᒍᑦ ᐊᖏᖃᑎᒌᒍᑎᖃᕐᓯᒪᔪᑦ ᐊᓪᓓᑦ ᑯᔩᑦ ᐱᐅᓯᑐᖃᕐᒥᓂᒃ ᐱᓂᐊᕐᓂᖃᕈᑎᒋᓲᒥᓂᒃ ᑕᒫᓂ ᓄᓇᒥ ᐊᑑᑎᔭᖃᓪᓗᐊᓲᖑᒍᓐᓀᕙᓪᓕᐊᓂᖃᓕᓚᐅᕐᓯᒪᓂᖏᑦ, ᐊᓪᓓᓗ ᕿᑐᕐᖏᐅᓂᖃᑦᓯᐊᕈᓐᓀᓯᒪᓕᓚᐅᕐᓯᒪᑦᓱᑎᒃ. ᑰᓐᓂᐊᑎᒃᑯᑦ ᑯᒑᓗᒻᒥᒃ ᐃᑯᒪᐅᑎᓕᐅᓯᓂᖓᑦ ᐱᓇᓱᒐᕐᓂᒃ ᓴᕐᕿᑎᑕᑐᐊᖃᕐᓯᒪᖕᖏᓚᑦ, ᑕᒪᑐᒪ ᐃᓄᖏᑦ ᓯᕗᒧᑦ ᐱᕙᓪᓕᐊᒋᐊᒃᑲᓂᓯᓚᐅᕐᓯᒪᒻᒥᒪᑕ. ᐃᓄᑐᐃᓐᓀᓗ ᐊᓪᓓᓗ ᑯᔩᑦ ᐊᖏᖃᑎᒌᒐᓱᐊᕐᓂᒥᒃ ᐱᓇᓱᑦᑕᖃᒻᒪᕆᑦᓯᒪᔪᑦ ᐱᔭᖃᕈᒪᑦᓱᑎᒃ ᐱᐅᓯᑐᖃᕐᒥᒍᑦ ᐱᔪᓐᓇᐅᑎᖃᕐᑎᑕᐅᒍᑎᒋᓲᑐᖃᕐᒥᓂᒃ ᑕᒫᓂ ᓄᓇᒥ, ᐊᓱᐃᓛᒃ ᖁᓕᐅᓈᕐᑎᔪᑦ ᐊᕐᕌᒍᒐᓵᓗᐃ ᐊᓂᒍᕐᑎᓗᒋᑦ ᐊᒥᓱᕕᑦᓱᑎᒃ ᐊᖏᖃᑎᒌᕐᖃᔦᖃᑦᑕᓚᐅᕐᓱᑎᒃ ᐅᓪᓗᒥ ᓄᓇᕕᒻᒥᐅᖑᓕᕐᑐᓗ ᐊᒥᓱᓪᓗ ᐊᐅᓚᑦᓯᓂᓕᕆᔨᐅᖃᑦᑕᓯᒪᔪᑦ ᑯᐯᒃ ᑲᕙᒪᒃᑯᓂᒃ, ᐅᖃᕐᑕᐅᒍᓐᓇᓯᐊᓲᖑᓕᕐᖁᖅ ᐃᓘᓐᓇᑎᒃ ᐱᔪᒪᔭᒥᓐᓂᒃ ᐱᓯᒪᔪᐃᓐᓇᐅᓕᕆᐊᖏᑦ.

ᐱᓇᓱᒉᑦ, ᑮᓇᐅᔭᑐᐃᓐᓇᑎᒍᓪᓗ ᐊᑭᓕᕐᑕᐅᒍᑏᑦ, ᐃᓱᐊᖁᑏᓪᓗ ᓴᕐᕿᑎᑕᐅᖃᑦᑕᓯᒪᔪᑦ ᓴᐳᒻᒥᒍᑎᑦᓴᐅᓱᑎᒃ ᐱᓇᓱᑦᑕᐅᔪᓂᒃ ᓈᒻᒪᓂᕋᕐᑕᐅᓯᑦᓴᕋᑕᕐᓯᒪᕗᑦ ᐃᓘᓐᓇᖏᓐᓄᑦ ᑕᒪᒃᑯᓂᖓ ᑲᒪᒋᔭᖃᕐᓯᒪᔪᓄᑦ. ᖃᓄᑐᐃᓐᓇᖅ ᑕᒪᑐᒪ ᓱᓕᑎᑕᐅᓯᒪᖕᖏᓂᖏᑦ, ᐊᓯᖏᓐᓂᒃ ᐃᓱᐊᖁᑎᓂᒃ ᐊᓯᖃᖃᑦᑕᓯᒪᕗᑦ ᐃᓘᓐᓀᓄᑦ ᓭᒪᖃᑎᒌᒍᑕᐅᒍᓐᓇᑐᓂᒃ.
ᑭᓯᐊᓂ ᑕᒪᒃᑯᐊᖑᒐᓗᐊᕐᑎᓗᒋᑦ, ᐊᖏᖃᑎᒌᒐᓱᓐᓃᑦ ᐱᓇᓱᑦᑕᐅᒍᑎᖏᑦ ᑕᑯᑦᓴᐅᑎᑦᓯᓯᒪᕗᑦ ᑯᐯᒃ ᓄᓇᓕᑐᖃᖁᑎᖏᑦ ᒪᓃᓐᓇᑐᐃᓐᓇᐅᖏᒋᐊᖏᑦ ᓲᓱᒋᔭᐅᑦᓯᐊᑐᑦᓴᐅᒋᐊᖏᓪᓗ ᐃᓕᖓᔪᒥ ᐱᕙᓪᓕᐊᓯᒪᓂᒃᑯᑦ ᐱᔪᓐᓇᐅᑎᖏᓐᓅᓕᖓᔪᓄᑦ ᑕᒫᓂ ᓄᓇᒥᓐᓂ ᐊᕐᕌᒍᒐᓵᓗᓐᓂ ᓄᓇᕐᔪᐊᖃᕆᐊᓯᓐᓂᒪᓂᑦ ᓄᓇᓯᒪᕕᒻᒥᓂ. ᑌᒣᒻᒪᑦ ᐱᐅᓯᑐᐃᓐᓇᐅᕗᖅ, ᑲᓇᑕᐅᑉ ᓄᓇᓕᑐᖃᓕᒫᖏᑦ ᓄᓇᓕᕐᓚᒥᓄᓪᓗ ᑲᕙᒪᑐᖃᒃᑯᓄᓪᓗ ᓲᓱᒋᔭᐅᓂᖃᑦᓯᐊᓭᓐᓇᑐᑦᓴᐅᓂᖏᑦ, ᓴᕐᕿᑎᑕᐅᒪᔪᓄᑦ ᐊᖑᑎᓄᑦ ᐅᖓᓯᑦᑐᐊᓗᒻᒥᑦ ᐱᑦᓱᑎᒃ ᓄᓇᓯᒪᕕᖃᕆᐊᕐᑐᓯᒪᔪᓄᑦ—ᐱᕙᓪᓕᐊᑎᑦᓯᓂᖃᕆᐊᕐᑐᓱᑎᒃ—ᑕᒪᑐᒥᖓ ᓄᓇᒥᒃ ᓄᓇᖁᑕᐅᓚᐅᕐᓯᒪᔪᒥᒃ ᑲᓇᑕᐅᑉ ᓄᓇᓕᑐᖃᖏᓐᓄᑦ ᑖᒃᑯᐊ ᐊᓯᖏᓐᓄ ᐱᒋᔭᐅᓇᓂ.

ᐃᓅᑦᔪᓯᓅᓕᖓᔪᑎᒍᓪᓗ ᑮᓇᐅᔭᑎᒍᓪᓗ ᒪᑭᑕᒐᓱᒋᐊᖃᕐᓂᑎᒍᑦ ᔦᒥᓯ ᐯ-ᒥ ᐱᓇᓱᑦᑕᐅᔪᑦ ᓱᕐᕃᓯᒪᓂᖏᑦ ᓱᓕ ᓴᖑᕙᓪᓕᐊᒍᑕᐅᓯᒪᓂᖏᑦ ᑯᐯᒃᓗ ᑲᓇᑕᐅᓪᓗ ᐱᕙᓪᓕᐊᓯᒪᓂᖓᓄᑦ ᐃᑉᐱᓇᕐᓂᖃᖏᓐᓈᐳᑦ.

ᐃᓘᓐᓇᑎᓪᓗ ᐱᒋᐊᕐᕕᓕᐅᑎᕕᖃᕐᓯᒪᕗᑦ ᓄᓇᕕᒻᒥᑦ.

ᑕᑯᔭᑦᓭᓗ ᖃᓄᐃᓘᕈᑎᑦᓴᐅᔪᓪᓗ

ᓚ ᑲᕌᓐᒥ ᑰᖕᒥᑦ ᐃᑯᒪᐅᑎᓕᐅᕈᑎᐅᓯᒪᔪᖅ ᐊᔪᒉᓐᓂᐹᖑᖏᓐᓈᖁᖅ ᓴᓇᔭᐅᒍᓐᓇᓯᒪᓂᕐᒥᒍᑦ. ᐊᖏᕐᔪᕐᔪᐊᕌᓗᑦᓱᑎᒃ ᐊᐅᓚᐅᓯᐊᖑᒪᔪᑦ ᑕᑯᔭᐅᒋᐊᖃᕐᐳᑦ ᐅᐱᒋᔭᐅᓂᖃᑦᓯᐊᕈᓐᓇᖁᓪᓗᒋᑦ. ᑐᑭᓯᒋᐊᒃᑲᓂᕈᒪᔪᑦ ᐱᑦᔪᑎᖃᕐᓗᑎᒃ ᓯᕗᓕᕐᑎᖃᑦᓯᐊᓗᑎᒃ ᓴᓇᔭᐅᒪᔪᓗᓐᓂᒃ ᕿᒥᕐᕈᑎᑕᐅᒍᒪᓂᕐᒥᓂᒃ, ᑕᑯᓇᓱᑦᑐᓴᐅᕗᑦ ᑯᐯᒃ ᑲᕙᒪᒃᑯᑦ ᖃᕆᑕᐅᔭᒃᑯᑦ ᑕᑯᓇᓱᑦᑕᐅᕕᒋᒍᓐᓇᑕᖓᓂᒃ ᐅᕙᓂ .

ᑐᑭᖓ

ᑰᖕᒪᕆᐊᓗᒃ (ᑯᔩᑎᑐᑦ)

ᐃᓄᖏᑕ ᐅᓄᕐᓂᖏᑦ

4,484

ᓯᓚᖓ

Today 5°C
Sat 4°C
Sun 3°C