ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X

ᒪᓐᑐᔨᐊ

ᒪᓐᑐᔨᐊ ᑯᐯᒃ ᓄᓇᓕᕐᓚᖓᓂ ᐃᓪᓗᒐᓴᖃᕐᕕᖁᑎᓕᒫᖏᓐᓂᑦ ᐊᖏᓂᕐᐹᖑᕗᖅ ᑲᓇᑕᓕᒫᒥ ᐃᓪᓗᒐᓴᕐᑕᓕᓕᒫᓄᑦ ᐊᖏᓂᕐᐹᒧᑦ ᑐᖓᓕᐅᑦᓱᓂ, ᕿᑭᕐᑕᒦᑦᑐᖅ ᑯᒐᓘᑉ ᓰᓐ-ᓘᕋᓐᓯᐅᑉ ᕿᑎᑐᐃᓐᓇᖓᓂ ᑕᕆᐅᑉ ᐊᑭᐊᓂᒥᐅᓄᑦ ᑕᑯᔭᐅᒋᐊᖕᖓᓯᒪᔪᖅ ᒍᐃᒍᐃᒻᒪᕆᒃᑯᑦ ᓄᓇᖓᓂᒥᐅᒧᑦ ᔮᒃ ᑲᕐᓰᒧᑦ ᑕᑯᒋᐅᓚᐅᕐᑐᕕᓂᕐᒧᑦ ᐃᓄᖏᓐᓂᒃ, ᐊᓪᓚᓂ ᐁᕈᑯᐊᓂᒃ, 1535 ᐊᕐᕌᒍᖓᓂ.

ᒪᓐᑐᔨᐊ ᐊᒥᓱᓂᒃ ᐊᑎᖃᕐᑎᑕᐅᖃᑦᑕᓯᒪᔪᖅ ᐊᑎᖃᕐᑎᑕᐅᓯᑦᓴᕋᑕᕐᑐᕕᓂᐅᑦᓱᓂ ᑕᒐᑕᒐ ᐊᑦᓯᕋᐅᑎᒥᓂᒃ ᖃᐅᔨᒪᔭᐅᒍᑎᒋᑦᓯᐊᓂᕐᐹᕆᓕᕐᑕᒥᓂᒃ, ᑐᑭᖃᕐᑎᑕᐅᒍᑎᓕᒻᒥᒃ ᖃᕐᖃᒥᒃ ᑖᑦᓱᒪ ᕿᑭᕐᑕᐅᑉ ᕿᑎᖓᓃᑦᑐᒥᒃ. ’ᒪᐅᓐ ᕈᐁᔭᓪ-ᒥᒃ.’ ᑭᓯᐊᓂ ᑎᑭᕋᑕᕐᒪᑦ ᓵᒧᐄᓪ ᑕ ᓵᒻᐲᓖᓐ ᐊᕐᕌᒍᑦ 100 ᒥᑦᓯᑎᓐᓃᑐᑦ ᐊᓂᒍᕐᑎᓗᒋᑦ ᑲᕐᓰ ᑎᑭᒋᐊᖕᖓᓚᐅᕐᓯᒪᑎᓪᓗᒍᓂ ᑖᓐᓇ ᓄᓇᓕᒃ ᑲᔪᓯᓂᖃᖏᓐᓇᓂᐊᓕᕐᑐᒥᒃ ᓂᐅᕐᕈᓭᕕᖕᖑᓚᐅᕐᓂᖁᖅ ᖃᓄᐃᓘᕈᑎᑦᓴᐅᕙᓐᓂᐊᑐᓂᓪᓗ ᐊᑐᐃᓐᓇᕈᕐᑎᕆᓂᕐᓄᑦ ᐱᑦᔪᔨᕕᖕᖑᓱᓂ ᓯᕗᓂᐊᒍᑦ ᖃᐅᑦᔨᑕᐅᒍᑎᖃᕐᓯᒪᑦᓱᓂ ‘ᒍᐃᒍᐃᒻᒪᕆᒃᑯᑦ ᓄᓇᖓᓐᓂᒃ ᓂᐅ ᕗᕌᓐᓯᒥᒃ.’ ᑌᒪᓕ ᒍᐃᒍᐃᒃᑯᑦ ᓄᓇᓯᒪᕙᓪᓕᐊᔨᐊᕆᓯᔭᕕᓂᖏᑦ ᑕᕆᐅᑉ ᐊᑭᐊᓂᑦ ᐱᓯᒪᑦᓱᑎᒃ ᓯᕗᓪᓕᐹᖑᓯᒪᕗᑦ ᐊᒥᕆᑫᑦ ᑕᕐᕋᖓᓐᓂ ᐊᕐᕕᑕᑲᕝᕕᒋᑦᓱᒍ ᖃᐅᔨᓴᕆᐊᖕᖓᓯᔪᕕᓂᕐᓂᑦ. ᒍᐃᒍᐃᒻᒪᕆᒃᑯᑦ ᓄᓇᓯᒪᕕᒋᓕᕐᑕᒥᓐᓂᒃ ᐊᕐᓵᑕᐅᓕᓚᐅᕐᓂᒥᔪᑦ ᐳᕆᑏᔅᓄᑦ ᐊᕐᕌᒍᑦ 150 ᐊᓂᒍᑐᐊᕐᒪᑕ, ᑌᒪᖕᖓᑦ ᐃᕐᓯᓇᕈᑎᒋᑦᓱᒋᐊᓪᓛᑦ ᑯᐯᒃᒥᒃ ᓄᓀᕐᑕᐅᑌᓕᓲᑐᖃᐅᑦᓱᑎᒃ.

ᐊᕕᓯᒪᒍᑎᖃᕐᓱᑎᒃ ᐃᓗᕐᖁᓯᖃᑎᒌᖕᖏᓂᕐᒥᓂᒃ, ᐅᖃᐅᓯᖃᑎᒌᖕᖏᓂᕐᒥᓂᓪᓗ ᐃᓅᑦᔪᓯᕐᒥᒍᓪᓗ ᓇᓪᓕᖁᐊᕇᓐᓂᖃᖕᖏᓂᕐᒥᓂᒃ ᐊᕐᕌᒍᓂ 200-ᓂ, ᖃᓪᓗᓈᑐᐃᓐᓀᓗ ᒍᐃᒍᐃᓪᓗ ᓯᓚᕐᖃᑎᒌᒍᓐᓇᓂᖃᑦᓯᐊᓯᒪᕗᑦ ᑕᒫᓂ ᒪᓐᑐᔨᐊᒥ, ᐃᓛᓐᓂᑦ ᐃᓱᐃᓪᓕᐅᕈᑎᕙᒃᑲᓗᐊᕐᓱᑎᒃ, ᐊᕐᕌᒍᓂᓗ ᐊᒥᓱᓂ 1950-ᒦᑦᑐᑦ ᐊᕐᕌᒍᐃᑦ ᕿᑎᕐᖃᖏᑦ ᑎᑭᑦᓱᒋᑦ, ᑖᒃᑯᓇᓂ ᐊᕐᕌᒍᓂ ‘ᓲᕐᓗ ᓂᐯᑦᑐᑦ ᐊᑭᕋᕐᑑᑎᔪᑦ’ ᐱᓂᐊᕐᓂᖃᕐᓯᒪᕗᑦ ᓱᒃᑫᑐᒥᒃ, ᓱᒃᑫᑲᓗᐊᕐᓱᑎᓪᓗ ᐊᑕᖏᓐᓇᓂᐊᓕᕐᑐᒥᒃ ᐱᓂᐊᕐᓂᖃᕐᓱᑎᒃ, ᒍᐃᒍᐃᑎᑐᑦ-ᐅᖃᐅᓯᓕᓐᓂᒃ ᑲᓇᑕᒥᐅᖑᖃᑕᐅᑦᓱᑎᒃ ᐃᓂᕐᓯᓂᐅᑦᓱᓂ ᐃᓅᑦᔪᓯᖃᕐᓂᖏᓐᓂᒃ ᐱᕙᓪᓕᐊᓂᖃᕆᐊᖕᖓᒍᑎᒋᓯᒪᔭᒥᓐᓂᒃ ᐃᓅᓯᖃᑎᒌᑎᒍᓪᓗ ᐱᕙᓪᓕᐊᓯᒪᓂᕐᒥᒍᑦ ᐊᒥᓲᓂᕐᓴᐅᓂᖃᖏᓐᓇᓯᒪᒍᑎᒋᓯᒪᑦᓱᒋᑦ.

ᑌᒪᓕ ᑯᐯᒃ ᓄᓇᓕᕐᓚᖓ ᐊᖏᔪᒻᒪᕆᐊᓘᒐᓗᐊᕐᑎᓗᒍ ᐊᒥᓱᐃᓂᓪᓗ ᐃᒻᒥᒎᓇᕐᑎᔪᓂᒃ ᐃᓕᒃᑰᑐᓂᒃ ᐃᓗᕐᖁᓯᓕᓐᓂᒃ ᓄᓇᖁᑎᖃᕐᕕᐅᒐᓗᐊᕐᓱᓂ, ᒪᓐᑐᔨᐊ ᑲᔪᓯᑦᓱᓂ ᐃᓗᕐᖁᓯᑎᒍᓪᓗ ᑮᓇᐅᔭᑎᒍᓪᓗ ᒪᑭᑕᒐᓱᒍᑎᑎᒍᑦ ᓲᕐᓗ ᐆᒻᒪᑎᖃᐅᑕᐅᕗᖅ ᑯᐯᒃ ᓄᓇᓕᕐᓚᖓᓄᑦ; ᑕᒃᒐᓂ ᐃᓪᓗᒐᓴᖃᕐᕕᒥ ᒍᐃᒍᐃᖑᑦᓱᑎᒃ ᑲᓇᑕᒥᐅᑦ ᐊᓯᓕᒫᖏᓪᓗ ᑲᓇᑕᒥᐅᖑᒻᒥᔪᑦ ᖃᓄᐃᑦᑐᔭᐅᒐᓗᐊᕈᑎᒃ ᐃᓪᓗᒐᓴᖃᑎᒌᖑᑦᓱᑎᒃ ᐅᐊᕈᑎᒌᒍᓐᓇᓂᖃᑦᓯᐊᕕᒋᓲᕆᔭᖓᑦ—ᓱᕐᖁᐃᑐᒥᒃ ᐃᓅᖃᑎᒌᑦᓴᔭᐅᖕᖏᑲᓗᐊᕐᓱᑎᒃ ᐃᓪᓗᒐᓴᖃᑎᒌᒍᓐᓇᑐᑦ, ᐃᓪᓗᒐᓴᖃᕐᕕᐅᓱᓂᓗ ᐊᓯᒥᓂᒃ ᐊᑦᔨᖃᕋᓂ.

ᐅᖃᕐᑕᐅᒍᓪᓕᐅᓱᓂ ᐊᒥᕆᑫᑦ ᑕᕐᕋᖓᓂ ᓄᓇᓯᒪᕕᑦᓯᐊᖑᓂᕐᐹᓄᑦ ᐃᓚᒋᔭᐅᒋᐊᖓ, ᒪᓐᑐᔨᐊ ᖃᐅᔨᒪᔭᐅᒍᑎᖃᑦᓯᐊᒥᔪᖅ ᐃᓪᓗᔪᐊᖁᑎᒥ ᓴᓇᒻᒪᑕᕐᑕᐅᒪᒍᑎᖏᓐᓂᒃ, ᐃᓗᕐᖁᓯᖃᐅᓈᕐᑎᔪᓪᓗ ᓇᓪᓕᐅᓂᕐᓯᐅᕈᑎᖃᕐᓂᕆᓲᖏᓐᓂᒃ, ᓂᕆᕕᖁᑎᖏᓪᓗ ᓂᕆᓇᓱᕝᕕᓯᐊᖑᑦᓱᑎᒃ, ᐃᒥᕐᕕᖃᑦᓯᐊᓱᓂᓗ ᐃᓘᓐᓈᒍᓪᓗ ᐃᓅᒋᐊᒥᒃ-ᖁᕕᐊᓱᐊᓇᕐᑐᒥ-ᐃᓅᓯᖃᕐᕕᐅᒍᓐᓇᓂᕐᒥᒍᑦ. ᑭᓯᐊᓂᓕ ᓲᕐᓗ ᑲᑕᒋᔭᐅᔪᑐᑦ ᑲᓇᑕᐅᑉ ᐃᓗᐃᓕᖓᓄᑦ ᐃᑎᐊᒍᒪᔪᓄᑦ (ᐊᕐᖁᑎᒋᑦᓱᒍ ᓰᓐ-ᓘᕋᓐᓯᐅᑉ ᑰᒐᓗᐊ ᑕᕆᐅᒧᑦ ᐊᒻᒪᐅᑎᔪᖅ) ᖃᓂᑦᑐᒪᕆᐅᑦᓱᓂᓗ ᐊᒥᕆᑲᒥᐅᑦ ᓯᕿᓂᐅᑉ ᓄᐃᕕᐊᓂᐅᓂᕐᓴᖅ ᐃᒪᕐᐱᖓᓄᑦ, ᒪᓐᑐᔨᐊ ᐊᖏᔪᐊᓗᒻᒥᒃ ᐱᓪᓚᕆᐅᓂᖃᕐᐳᖅ ᓂᐅᕐᕈᓭᓂᑎᒍᓪᓗ ᐃᓄᓐᓂᓗ ᐊᐅᓚᒍᑎᑎᒍᑦ ᐃᖏᕐᕋᑎᑦᓯᓂᑎᒍᑦ, ᑌᒣᑦᓱᓂᓗ ᓯᕗᓪᓕᐹᖑᖏᓐᓇᖁᖅ ᑲᓱᕐᕕᐅᒍᓐᓇᓱᓂ ᐃᓄᑐᐃᓐᓇᓄᓪᓗ ᑖᒃᑯᐊᓗ ᓯᓚᕐᔪᐊᖏᑕ ᐅᖓᑖᓂᑦᑐᓂᒃ ᑲᓱᐃᒍᓐᓇᕕᖃᕐᓂᖏᓐᓄᑦ.

ᑕᑯᔭᑦᓭᓗ ᖃᓄᐃᓘᕈᑎᑦᓴᐅᔪᓪᓗ

ᒪᓐᑐᔨᐊᕐᒥᐅᑦ ᐅᖃᖕᖑᐊᒍᓪᓕᐅᓲᖑᕗᑦ ᐃᓪᓗᒐᓴᒥᓐᓂᒃ ᒪᕐᕈᐃᓈᓐᓂᒃ ᓯᓚᑦᓴᔭᖃᕐᓂᕃᑦᓱᑎᒃ: ᐊᐅᔭᒥᓪᓗ ᐅᑭᐅᒥᓪᓗ. ᓱᓕᔪᒥᒃ ᓯᑕᒪᓂᒃ ᓯᓚᖃᓲᖑᒐᓗᐊᕐᓱᓂ ᓄᓇᒥ ᓱᑯᑦᓯᒦᓐᓂᒥᓂᒃ ᑌᒣᒍᑎᖃᕐᓱᓂ, ᓯᓚᖏᑦ ᐃᓘᓐᓇᑎᒃ ᐃᓅᕕᐅᒍᓐᓇᓯᐊᕐᑐᐃᓇᐅᑦᓱᑎᒃ ᖃᓄᐃᓘᕆᐊᒥᒃ ᓇᓗᔪᖃᖕᖏᑐᐊᕈᓂ. ᒪᓐᑐᔨᐊᕐᒥᐅᓗ ᐃᓐᓂᐊᓯᒪᔪᓪᓗ ᑕᒪᕐᒥᒃ ᖁᕕᐸᖏᔭᖃᕐᐸᑐᑦ ᑕᑯᒥᓇᕐᑐᐊᐱᒻᒥᒃ ᓄᑕᐅᓯᓕᔭᐅᓯᒪᔪᒥᒃ ᒪᓐᑐᔨᐊᑐᖃᕐᒥᒃ, ᐃᓪᓗᒐᓴᐅᑉ ᐱᒋᐊᕐᕕᓕᐅᑎᕕᕕᓂᐊ, ᕿᑭᕐᑕᓕᒫᒧᓪᓗ ᐃᕐᐸᐸᓪᓕᐊᕕᒋᓯᒪᑦᓱᒍ. ᐊᐅᔭᒥ ᐱᒐᓱᕝᕕᓴᐅᓲᖅ ᑕᕐᕿᓂ ᐱᖓᓱᓂ ᐃᓗᕐᖁᓯᕐᓅᓕᖓᔪᓂᒃ ᓇᓪᓕᐅᓂᕐᓯᐅᕈᑎᖃᖃᑦᑕᓂᕐᒥᒃ, ᐱᒋᐊᖕᖓᐅᑎᖃᕐᐸᑐᓂᒃ ᒪᓐᑐᔨᐊᒥ ᓯᓚᕐᔪᐊᒥᑦ ᓇᑭᑐᐃᓐᓇᖅ ᐱᓯᒪᔪᑦ ᑐᓴᕐᓂᔮᕐᑎᓯᓂᖓᓐᓂᒃ ᔮᔅ-ᖑᓂᕋᕐᑕᐅᔪᓂᒃ ᑐᓴᕐᓈᑎᑦᓯᒍᑎᖃᕐᓂᒥᒃ (ᓯᓚᕐᔪᐊᓕᒫᒥ ᑖᒃᑯᐊ ᑕᒫᓂ ᑌᒫᒃ ᓇᓪᓕᐅᓂᕐᓯᐅᕈᑕᐅᑦᓱᑎᒃ ᐊᖏᓂᕐᐹᖑᓲᑦ) ᐁᑉᐯᖃᕐᓱᑎᒃ ᕙᕌᖕᑯᕘᓕᕐᑐᓂᒃ (ᒍᐃᒍᐃᑎᑐᑦ-ᐅᖃᐅᓯᖃᕐᓱᑎᒃ ᑐᓴᕐᓈᑎᑦᓯᓂᕐᒥᒃ ᓇᓪᓕᐅᓂᕐᓯᐅᕈᑎᖃᕐᑐᑦ) ᐃᓱᓕᒍᑎᒋᑦᓱᒋᑦ ᑎᑭᐅᑎᓲᑦ ᓯᓚᕐᔪᐊᒥᐅᑦ ᑕᕐᕋᓕᔮᒐᓕᐊᕕᓂᕐᓂᒃ ᓇᓪᓕᐅᓂᕐᓯᐅᕈᑎᖃᕐᓂᖓᓐᓄᑦ.

ᐅᑭᐅᒃᑯᑦ ᐅᓪᓗᑐᓯᐅᓕᕐᑎᓗᒍ ᓱᔪᖃᕐᓂᐅᔪᑦ ᐃᓚᖃᓲᑦ ᒪᓐᑐᔨᐊᒥ ᐃᑯᒪᓂᒃ ᓇᓪᓕᐅᓂᕐᓯᐅᕈᑎᖃᕐᓂᖓᓐᓂᒃ ᕕᕗᐊᕆᐅᑉ ᑕᕐᕿᖓ ᐃᓱᓕᒋᐊᕕᓐᓂᓴᐅᑎᓪᓗᒍ. ᐱᓇᓱᐊᕈᓰᓐᓂ ᒪᕐᕉᓂ ᖁᕕᐊᓱᐊᒍᑎᖃᕐᓱᑎᒃ ᒪᓐᑐᔨᐊᑉ ᐱᑎᑦᓯᒍᑎᒋᒍᓐᓇᑕᓕᒫᖏᓐᓂᒃ, ᐃᓚᐅᑎᓪᓗᒋᑦ ᖃᐅᑦᔨᑕᐅᒍᑎᒋᑦᓯᐊᑕᖏᑦ ᓯᓚᕐᔪᐊᒥᐅᑦ ᐃᒐᒍᓯᖏᓐᓂᒃ ᐃᒐᒍᓐᓇᐅᓯᒥᒍᑦ ᐊᑦᔨᐅᖏᑦᑐᒥᓪᓗ 32-ᑭᓚᒦᑕᓂᒃ ᐊᖏᓂᓕᒻᒥᒃ ‘ᓄᓇᐅᑉ ᐊᑖᓂ ᐃᓪᓗᒐᓴᖃᕐᕕᖓᓂᒃ.’ ᑕᒫᓂ ᓂᐅᕕᕐᓂᐊᕕᓕᒻᒪᕆᐊᓗᒃ ᐊᑭᑭᓕᒋᐊᕐᓯᒪᔪᓂᒃ ᓂᐅᕕᐊᑦᓴᖃᓲᓂᒃ ᓂᐅᕕᕐᓂᐊᕕᓐᓂᑦ ᐱᐅᔪᖑᐊᓂᒃ ᓂᐅᕐᕈᓯᓲᓂᑦ ᐱᓯᒪᔪᓂᒃ. ᓄᓇᐅᑉ ᐃᑭᐊᑕ ᖄᖓᓂ, ᐊᕐᖁᑏᓐᓂ ᐊᑎᓖᓐᓂ ᓰᓐ-ᑲᑎᕇᓐᒥᓗ ᓰᓐ-ᓗᕌᓐᓯᒥᓗ ᓂᐅᕕᕐᕕᓕᕖᖕ1ᓗᒻᒥᓱᓂ ᓂᕆᕕᒐᓵᓗᖃᕐᓱᓂᓗᑦᑕᐅᖅ.

ᑐᑭᓯᒋᐊᒃᑲᓂᕈᒪᒍᕕᑦ ᖃᓄᐃᓘᕈᓐᓇᒪ1ᕐᐱᑦ ᒪᓐᑐᔨᐊᒥ ᑕᑯᒋᐊᕈᓐᓇᐳᑎᑦ ᐅᕙᓂ ᖃᕆᑕᐅᔭᑎᒍᑦ ᑕᑯᓇᓱᑦᑕᐅᕕᖓᓂ
.

ᑐᑭᖓ

ᐊᑕᓃᑦ ᖃᕐᖃᖁᑎᖓᑦ.

ᐃᓄᖏᑕ ᐅᓄᕐᓂᖏᑦ

3,824,221

ᓯᓚᖓ

Today 21°C
Sat 26°C
Sun 26°C