ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X

ᓴᓪᓗᐃᑦ

ᓴᓪᓗᐃᑦ ᓄᓇᓕᐅᕗᖅ ᐃᓂᓪᓚᑕᐅᒪᑦᓱᓂ ᓴᒃᓚᒃ ᑲᖏᕐᓱᑯᑖᖓᓂ 10 ᑭᓚᒦᑕᓂᒃ ᓄᕗᐊᓘᑉ ᐃᒪᕐᐱᖓᓂᑦ ᐅᖓᓯᓐᓂᖃᕐᓂ. ᑖᓐᓇ ᓄᓇᓕᒃ ᓄᓇᓕᓕᒫᑦ ᐊᑯᓪᓕᐹᕆᒐᒥᐅᒃ ᑲᑎᕕᐅᖏᓐᓇᓲᖑᔪᖅ ᐃᓄᓐᓄᑦ ᑕᓯᐅᔭᕐᔪᐊᒥᐅᓄᑦ ᐅᖓᕙᒥᐅᓄᓪᓗ.

ᓄᓇᓕᐅᑉ ᐊᑦᓯᕋᐅᑎᖓ ᓴᓪᓗᓂᒃ ᐅᖃᕋᓗᐊᕐᑎᓗᒍ, ᓄᓇᖓ ᐱᑕᓕᐊᓘᔪᖅ ᓂᕐᔪᑎᓂᒃ ᐅᑭᐅᕐᑕᑑᓪᓗ ᐱᕈᕐᑐᖏᓐᓂᒃ. ᑌᒪᓕ ᓯᓚᖓᑕ ᐊᓯᑦᔨᒍᐊᕐᓂᖏᑦ ᐅᓂᒃᑳᑐᐊᖑᓲᒥᒃ ᑌᑦᓱᒪᓂᐊᓗᒃ, ᐃᓄᐃᑦ ᐅᖃᐅᑎᔭᐅᓚᐅᕐᓂᕋᒥᒃ ᐆᒪᔪᓕᐊᓘᒋᐊᖓ ᑌᒣᒃᑲᒥᓪᓗ ᓂᕿᑦᓴᓕᐊᓘᑦᓱᓂ, ᑕᑯᓚᐅᕐᓂᖏᑦᑐᑦ ᑕᒪᑐᒥᖓ ᑕᒪᐅᖓ ᑎᑭᒃᓱᑎᒃ ᐱᕐᓕᒋᐊᕕᑦᓱᑎᒃ. ᑭᓯᐊᓂᓕ ᐅᓪᓗᒥ ᓴᓪᓗᒥᐅᖑᓕᕐᑐᑦ, ᓂᕿᑦᓴᖃᑦᓯᐊᑐᒻᒪᕆᐊᓘᓱᖑᓕᕐᖁᑦ ᐅᕕᓗᕐᓂᓗ ᐊᒻᒨᒪᔪᓂᓪᓗ, ᐃᖃᓗᑉᐱᓂᓪᓗ, ᑐᑦᑐᓂᓪᓗ, ᐸᐅᕐᖓᓂᓪᓗ, ᐊᒫᓕᓐᓂᓗ ᐱᕈᕐᑐᓂᑦ ᓄᓇᐅᓪᓗ ᖄᖓᑕ ᐱᕈᕐᑐᖏᓐᓂᒃ.

1958-ᒥ ᐃᑦᓴᓂᑕᕐᓂᐊᓂᖅ ᐱᓇᓱᑦᑕᐅᒋᐊᖕᖓᓯᓐᓂᖁᖅ ᕿᑭᕐᑕᒥ ᓴᒃᑲᓚᒃ ᑲᖏᕐᓱᑯᑖᖓᑕ ᐹᖓᓃᑦᑐᒥ. ᑕᑯᔭᐅᖃᑦᑕᓯᒪᔪᑦ ᑐᑭᓯᒍᑎᐅᓯᒪᕗᑦ ᐃᓄᕐᖃᕕᓃᑦ ᓯᕗᓪᓕᕕᓂᖏᑦ ᓄᓇᖃᕐᓯᒪᒋᐊᖏᑦ 800-ᓄᑦ ᐊᕐᕌᒍᓄᑦ ×ᔅᑑᓯᐅᑉ ᐃᓅᓕᕐᕕᖓᑕ ᓯᕗᓂᖓᓂ ᑎᑭᑦᓱᒍ 1000 ᐊᕐᕌᒍᑦ ᐊᓂᒍᕐᓯᒪᓂᖏᓐᓄᑦ ×ᔅᑑᓯᐅᑉ ᐃᓅᓕᕐᕕᕕᓂᖓᑕ ᑭᖑᓂᐊᓃᑦᑐᑦ. ᑭᓯᐊᓂ ᑕᒪᒃᑯᐊᖑᒐᓗᐊᕐᑎᓗᒋᑦ ᓴᒃᓚᓂᑦ ᑮᓇᑉᐸᖑᐊᖅ ᒥᑭᔫᑦᓱᓂ ᑕᑯᒍᔭᐅᓯᒪᔪᖅ (2 ᓯᓐᑎᒦᑕᓐᓂᒃ ᐊᖏᓂᓕᒃ ᑮᓇᑉᐸᖑᐊᖅ) ᓴᒃᒐᑐᓄᑦ ᒪᑉᐱᑕᐅᓯᒪᕗᖅ ᑕᒪᑐᒪ ᓄᓇᐅᑉ ᐊᓯᐊᓃᑦᑐᖅ ᓴᓇᔭᐅᓚᐅᕐᑐᕕᓂᐅᓂᕋᕐᑕᐅᓯᒪᕗᒃᓗ 400-ᓄᑦ ᐊᕐᕌᒍᓄᑦ ×ᔅᑑᓯᐅᑉ ᐃᓅᓕᕐᕕᖓᑕ ᓯᕗᓂᐊᓂ ᐊᕐᕌᒍᖃᕐᑎᓗᒍ.

ᑌᒪᓕ ᓄᓇᕕᒻᒥ ᐱᐅᓯᐅᖃᑦᑕᓯᒪᔪᑐᖃᑐᑦ ᑌᒣᖃᑕᐅᑐᐃᓐᓇᒥᑦᓱᓂ, ᐊᒥᓱᐃᑦ ᓂᐅᕐᕈᓭᔩᓪᓗ ᑕᒪᒃᑯᐊᓗ ᐱᓇᓱᒐᖁᑎᖏᑦ ᑕᒪᐅᓇ ᓴᓪᓗᑎᒍᑦ ᐊᕐᖁᓵᕐᓯᒪᒋᕗᑦ, ᑎᑭᐅᑎᑦᓱᒋᑦ ᐊᕐᕌᒍᑦ ᓯᓚᕐᔪᐊᒥᐅᑦ ᑮᓇᐅᔭᓕᕆᕕᓕᒫᖏᓐᓄᑦ ᑲᑕᑦᓯᒪᕕᐅᓯᒪᔪᑦ ᑖᒃᑯᐊ ᐊᕐᕌᒍᐃᑦ ᐊᑐᕐᑎᓗᒋᑦ ᐆᒪᔪᐃᑦ ᕿᓯᖏᓪᓗ ᐊᒥᖏᓪᓗ ᐊᑮᕈᓚᐅᕐᓂᒪᑕ. ᑭᓯᐊᓂ ᑌᒣᒃᑲᓗᐊᕐᑎᓗᒋᑦ ᐅᑉᐱᓂᕐᒥᒃ ᐱᓇᓱᐊᕐᑐᑦ ᐃᓄᓐᓄᑦ ᓄᓇᓕᑦᑖᕈᑕᐅᓯᒪᕗᑦ ᐊᓐᓇᒍᑕᐅᑦᓱᑎᓪᓗ, ᐃᓕᓐᓂᐊᕕᓕᐅᓯᓚᐅᕐᓯᒪᒥᔪᑦ ᓯᕗᓕᕈᑕᐅᓯᓚᐅᕐᓯᒪᔪᒥᒃ ᑲᕙᒪᒃᑯᑦ ᐱᑦᔪᔨᒍᑎᒋᕙᓐᓂᐊᓕᕐᑕᖏᓐᓄᑦ ᐃᓄᑐᐃᓐᓇᓄᓪᓗ ᓄᓇᕐᖃᑎᒌᓐᓂᐅᓛᓕᕐᑐᒧᑦ.

ᑕᑯᔭᑦᓭᓗ ᖃᓄᐃᓘᕈᑎᑦᓴᐅᔪᓪᓗ

ᓴᓪᓗᐃᑦ ᐁᑉᐸᖏᐅᓂᕋᕐᑕᐅᔪᖅ ᖃᐅᔨᒪᔭᐅᒍᑎᖃᑦᓯᐊᐳᖅ ᒪᙯᕝᕕᓯᐊᖑᓂᕐᒥᓄᑦ ᐃᖃᓗᓐᓂᐊᕕᑦᓯᐊᖑᓂᕐᒥᓄᓪᓗ. ᓴᒃᓚᒃᓗ ᑲᖏᕐᓱᑯᑖᖓ ᓯᓚᒦᒋᐊᒥᒃ ᐊᓕᐊᒋᔭᓕᓐᓄᑦ ᑕᑯᒥᓇᕆᔭᒻᒪᕆᐅᕗᖅ ᓄᓇᖓ ᐱᕈᕐᑐᓕᑦᓯᐊᖑᒐᒥ.

ᑐᑭᖓ

ᐊᒥᑦᑐᐊᐲᑦ

ᐃᓄᖏᑕ ᐅᓄᕐᓂᖏᑦ

1,347

ᓯᓚᖓ

Today 17°C
Sun 15°C
Mon 11°C