ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
Photo by/Photo par: Tim Kalushka

ᓴᑭᓂᓗᐊᖅ, ᓄᓇᕗᑦ

ᑖᓐᓇ ᓄᓇ ᑕᓯᐅᔭᕐᔪᐊᑉ ᐃᒪᕐᐱᖓᑕ ᕿᑎᓪᓗᐊᖓᓃᑦᑐᖅ ᕿᑭᕐᑕᓂ ᓄᓇᑐᐃᓐᓇᐅᑉ ᓯᑦᔭᖓᓂᑦ ᐅᖓᓯᓐᓂᖃᕐᓱᓂ ᒥᑦᓯᑎᓐᓂ 150 ᑭᓚᒦᑌᑦ, ᓴᓂᑭᓗᐊᖅ ᐃᓄᑐᐃᓐᓀᑦ ᓄᓇᓕᖓᑦ ᐃᓄᑦᑕᖃᕐᓱᓂ 850-ᓂᒃ ᓯᕿᓂᕐᒦᓂᕐᐹᖁᑕᐅᑦᓱᓂᓗ ᓄᓇᕗᒻᒥᐅᑦ ᓄᓇᓕᓕᒫᖏᓐᓄᑦ. ᑕᒪᓐᓇ ᓄᓇ ᐃᓐᓈᕈᓕᒻᒪᕆᐊᓗᒃ 155 ᒦᑕᓂᒃ ᖁᒻᒧᑦ ᑕᕆᐅᒥᑦ ᑭᖏᓐᓂᓕᓐᓂᒃ. ᐊᒥᓱᑦ ᒥᑎᕐᓄᑦ ᐅᓪᓗᓕᕕᐅᓲᑦ ᕿᑐᕐᖏᐅᕕᐅᑦᓱᑎᒃ, ᑕᒪᒃᑯᐊ ᒥᑏᑦ ᖁᓂᕈᖏᑦ ᓄᐊᑕᐅᓲᑦ ᐊᓐᓄᕌᓕᐊᖑᓲᖑᑦᓱᑎᒃ ᕿᐱᓕᐊᖑᓲᖑᑦᓱᑎᓪᓗ.

ᐃᓄᐃᑦ ᕿᑭᕐᑕᓂᒃ ᐊᕐᕌᒍᒐᓵᓗᓐᓂ ᐅᓄᕐᑐᓂ ᓄᓇᖃᓲᑐᖃᐅᔪᑦ; ᑖᒃᑯᐊ ᕿᑭᕐᑌᑦ ᐅᑭᐅᕐᑕᑐᓪᓚᕆᐅᔪᑦ ᓇᐹᕐᑐᖃᑐᐊᓪᓕᖏᓐᓇᒥᒃ. ᑑᓕᕕᓂᐅᓂᕋᕐᑕᐅᔪᓪᓗ ᓯᕗᓪᓕᕕᓂᖏᓪᓗ ᐳᔭᕕᓂᐅᓂᕋᕐᑕᐅᓲᑦ ᑖᒃᑯᓇᓂ ᕿᑭᕐᑕᓂ ᓄᓇᓯᒪᕙᓐᓂᒥᔪᑦ. ᑕᒪᓐᓇ ᑕᑯᔭᐅᔪᓐᓇᓲᖅ ᐊᒥᓱᐃᓂ ᐃᑦᓴᓂᑕᓂᒃ ᓴᒃᒐᕕᐅᖃᑦᑕᓯᒪᔪᓂ ᖃᐅᔨᒪᔭᐅᓐᓂᖏᑦᑐᑦ ᐊᓯᒥᓄᑦ ᑎᑭᑕᐅᓚᐅᖕᖏᓂᕐᒥᓂ ᖃᓪᓗᓈᒧᑦ ᕿᐊᓐᔨ ᖃᑦᓴᓐᒧᑦ 1610 ᐊᕐᕌᒍᖓᓂ. ᐊᕐᕌᒍᑦ 200 ᐊᓂᒍᓕᕐᒥᑎᓪᓗᒋᑦ, 1840-ᓃᓕᕐᑎᓗᒋᑦ ᐊᕐᕌᒍᐃᑦ ᑖᒪᔅ ᒍᐃᒃᐊᓐ, ᖃᑦᓴᓐ ᐯ ᑲᒻᐸᓂᒃᑯᑦ ᑭᒃᒐᖓᑦ, ᓯᕗᓕᓚᐅᕐᓂᖁᖅ ᑖᒃᑯᓄᖓ ᕿᑭᕐᑕᓄᑦ ᖃᐅᔨᓴᕆᐊᕐᑐᓂᒃ ᐊᐅᓪᓚᓱᑎᒃ ᒣᓚᓯᒃᑯᓂᑦ (ᓯᔅᓵᓯᐱᒥᑦ). ᐊᖑᑎ ᐊᑎᓕᒃ ᕈᐱᐊᑦ ᕙᓓᒍᑎᒥᒃ ᐃᓚᖃᕐᓱᓂ ᐊᖑᑎᖁᑎᒥᓂᒃ ᐅᑭᐅᕐᓯᐅᕆᐊᖕᖓᓕᕐᓂᕆᕗᖅ ᑖᒃᑯᓇᓂ ᕿᑭᕐᑕᓂ ᐊᕐᕌᒍᑦ 75 ᐊᓂᒍᓕᕐᒥᑎᓪᓗᒋᑦ.

ᓴᓂᑭᓗᐊᒥᐅᑦ ᖁᓪᓕᓴᔭᓂᒃ ᓴᓇᖕᖑᐊᑎᖏᑦ ᖃᐅᔨᒪᔭᐅᑦᓯᐊᑐᑦ ᕿᕐᓂᑕᒻᒪᕆᐊᓗᒻᒥᒃ ᐅᔭᕋᒻᒥᒃ ᓴᓇᖕᖑᐊᓲᖑᓂᕐᒥᓄᑦ, ᑕᒪᓐᓇ ᖁᓪᓕᓴᔭ ᑖᒃᑯᓇᓂ ᕿᑭᕐᑕᓂ ᐱᑕᓕᐊᓘᒻᒪᑦ. ᓴᓂᑭᓗᐊᕐᒥᐅᑦ ᖃᐅᔨᒪᔭᐅᒍᑎᖃᑦᓯᐊᒥᔪᑦ ᐃᕕᒐᓕᐅᓲᖑᓂᕐᒥᓂᒃ. ᑕᒪᓐᓇ ᓴᓇᒪᔪᓕᐅᕈᓯᐅᑦᓱᓂ ᐊᕐᓇᓄᑦ ᐅᑎᕐᑎᑕᐅᒋᐊᓪᓚᖃᒻᒥᐅᔪᖅ ᐱᐅᓯᐅᑦᓱᓂ ᐊᓯᐅᔨᐊᖑᑲᓴᑦᓯᒪᑦᓱᓂ.

ᑕᑯᔭᑦᓭᓗ ᖃᓄᐃᓘᕈᑎᑦᓴᐅᔪᓪᓗ

ᓴᓂᑭᓗᐊᖅ ᖃᔭᕆᐊᕐᑐᕕᑦᓯᐊᖑᔪᖅ, ᐃᒪᕐᐱᒥᓗ ᖃᔭᕐᑐᕕᑦᓯᐊᖑᑦᓱᓂ, ᒪᓂᕋᑐᐃᓐᓇᑯᓪᓗ ᓯᑐᕋᐅᓯᔭᕐᕕᓯᐊᖑᑦᓱᓂ ᐱᓱᕋᔮᕝᕕᓯᐊᖑᑦᓱᓂᓗ. ᓄᓇᓕᓐᓂ ᒪᙯᑎᑦᓯᓂᕐᒥᒃ ᐱᓇᓱᐊᓲᑦ ᐱᑕᖃᕐᑎᓯᒍᑎᖃᕈᓐᓇᑐᑦ ᐅᒥᐊᕐᑐᑎᑦᓯᓂᕐᓂᒃ, ᖃᔭᕐᑐᑎᑦᓯᓂᕐᓂᒃ ᓯᑮᑐᑎᒍᓪᓗ ᒪᙯᑎᑦᓯᓂᕐᓂᒃ, ᐊᕐᕌᒍᓕᒫᒥᓗ ᐊᖁᐃᒪᑎᑦᓯᓂᖃᕈᓐᓇᓲᖑᑦᓱᑎᒃ (ᑐᐱᕐᓯᒪᑦᓱᑎᒃ ᐊᐅᔭᒥ, ᐊᐳᒻᒥᓗ ᐃᒃᓗᖃᕐᓱᑎᒃ ᐅᑭᐅᒃᑯᑦ). ᕿᑭᕐᑖᕈᖑᐊᖑᓂᕐᓴᓂ ᒥᑏᓪᓗ ᓂᕐᓖᓗ ᑲᖑᐃᓪᓗ ᐅᓪᓗᓕᓯᒪᕕᖃᓲᑦ. ᑕᓯᐅᔭᕐᓗ ᐊᔪᒉᑦᑐᓂᒃ ᑎᓂᓐᓂᖃᕐᓱᓂ, ᐊᖑᓇᓱᓐᓂᓗ ᓯᓚᕐᔪᐊᓕᒫᒥᓗ ᐱᐅᓂᕐᐹᒥᒃ ᐃᖃᓗᑉᐱᓂᐊᕐᓂᖅ ᐱᑕᖃᕐᒥᓱᑎᒃ ᑕᒫᓂ.

ᑐᑭᖓ

ᐅᑭᓚᔪᖅ.

ᐃᓄᖏᑕ ᐅᓄᕐᓂᖏᑦ

812

ᓯᓚᖓ

Today -5°C
Wed -5°C
Thu -7°C