ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
Photo by/Photo par: John McCall

ᒍᐊᐳᔅ, ᓂᐅᕙᐅᓐᓛᓗ ᓛᐸᑐᐊᓗ

ᐊᕐᕌᒍᓂ 30 ᒥᑦᓯᑎᓐᓃᑐᓂ 1967-ᒥᓂᑦ ᑎᑭᑦᓱᒍ 2007. ᒍᐊᐳᔅ ᓄᓇᓕᐊᕈᐊᐱᐅᓯᒪᔪᖅ ᓛᐸᑐᐊᑉ ᓄᓇᓕᕐᓚᖓᑕ ᓯᕿᓂᐅᑉ ᓂᐱᕝᕕᐊᑕ ᓄᕗᐊᓃᑦᓱᓂ, ᖃᐅᔨᒪᔭᐅᒍᑎᖃᑦᓯᐊᑐᖅ ᐅᔭᕋᓐᓂᐊᕕᐅᓂᕐᒥᓂᓪᓗ ᑭᑭᐊᑦᓴᔭᓂᓪᓗ ᐅᔭᕋᓐᓂᐊᑕᐅᔪᕕᓂᕐᓂᒃ ᐊᐅᓪᓚᑎᑦᓯᕕᐅᓲᖑᓂᕐᒥᓂᒃ.

‘ᒪᕐᕈᓕᐊᕕᓂᐅᖃᑕᐅᔪᖅ ᓲᕐᓗ’ ᓛᐸᑐᐊᑉ ᐃᓪᓗᒐᓴᖓᓄᑦ, ᐃᓄᓕᐊᓘᓂᕐᒥᓂ 1970-ᓃᑦᑐᑦ ᐊᕐᕌᒍᐃᑦ ᐃᓱᓕᒋᐊᕕᑦᑎᓗᒋᑦ, ᒍᐊᐳᖅ ᐃᓱᖏᑦ ᐅᓄᕐᓂᖃᓚᐅᕐᓯᒪᔪᑦ 22,000-ᓂᑦ ᐊᒥᓲᓂᕐᓴᐅᒪᑐᐃᓐᓇᑐᓂᒃ. ᑭᓯᐊᓂ ᐊᕐᕌᒍᖅ 2006 ᐊᑐᓕᕐᑎᓗᒍ, ᑖᒃᑯᐊ ᐃᑭᓕᒋᐊᒻᒪᕆᑦᓯᒪᔪᑦ ᐅᓄᕐᓂᑐᐊᖃᓯᑦᓱᑎᒃ 1700-ᓂᒃ. ᐅᐱᓐᓇᖁᑎᑦᓱᑎᒃ, ᑌᒣᓕᖓᔪᕕᓂᐅᓕᕋᓗᐊᕐᓱᑎᒃ, ᐊᑦᔨᒋᔭᐅᑐᐃᓐᓇᓱᑎᓪᓗ ᐊᒥᓱᓄᑦ ᐊᑕᐅᓯᑐᐃᓐᓇᒥᒃ-ᐱᓇᓱᒐᖁᑎᑕᓕᓐᓄᑦ ᓄᓇᓕᓐᓄᑦ, ᑕᒪᒃᑯᐊ ᓄᖑᐃᓐᓇᑲᓴᓐᓃᑦ ᑭᖑᓪᓕᖃᓲᖑᕗᑦ ᐊᒥᓱᖕᖑᕆᐊᑲᓪᓚᓂᕐᓂᒃ. ᓲᕐᓗ ᓯᕝᕗᕕᐊᓪ ᑖᒃᑯᐊ ᓄᓇᓖᒃ ᑕᕐᕋᖓᓃᑦᑐᖅ ᑌᒣᓯᒪᒻᒪᑦ, ᐊᐅᓚᑕᐅᑦᓱᓂ ᑭᑭᐊᑦᓴᔭᐅᑉ ᐊᑭᖏᓐᓄᑦ, ᑕᒐᑕᒐ ᐊᖏᓕᐊᕿᓯᒪᓕᕆᕐᒥᓱᓂ ᐱᐅᓯᖃᓕᕐᒥᔫᑉ.

ᑭᓯᐊᓂᓕᑦᑕᐅᖅ ᑕᒪᓐᓇ ᓄᓇ ᓱᕐᖁᐃᓯᕕᐅᒪᓕᕐᒥᔪᖅ ᐊᖏᔪᕐᔪᐊᕌᓗᒻᒥᒃ ᑭᑭᐊᑦᓴᔭᒥᒃ ᐅᔭᕋᓐᓂᐊᕋᑦᓴᑕᖃᕆᐊᖓ ᑕᒐᑕᒐᓗ ᑮᓇᐅᔭᓕᐅᕋᓱᒍᑎᐅᒐᔭᕐᓱᓂ ᑲᓇᑕᒥᐅᓄᓪᓗ ᐊᓯᓂᓪᓗ ᓄᓇᓕᕐᓚᐅᔪᓂᑦ ᐱᔪᓄᑦ ᐅᓇᒻᒥᒋᔭᐅᓕᕐᒥᓱᓂ, ᐃᓘᓐᓇᑎᒃ ᓯᕗᓂᖃᕐᓱᑎᒃ ᐅᔭᕋᓐᓂᐊᕋᔭᕐᓂᒥᒃ ᐱᑦᓴᓕᐅᕋᔭᕐᓂᒥᓪᓗ ᑭᑭᐊᑦᓴᔭᓂᒃ ᓄᓇᒥᑦ ᐱᔭᒥᓐᓂᒃ ᐊᑐᕐᑕᐅᓚᕆᒋᐊᖃᕐᓱᑎᓪᓘᑐᓂᓪᓗ ᓴᓇᓂᕐᓄᑦ ᐃᓱᐊᖁᑎᑦᓴᓂᓪᓗ ᐃᓪᓗᔪᐊᓂᒃ ᐊᓯᖏᓐᓂᓗ ᓇᑉᐸᑎᕆᓂᕐᓄᑦ ᓇᓂᑐᐃᓐᓇᓕᒫᑦᓯᐊᖅ ᓯᓚᕐᔪᐊᒥ. ᐊᓯᖏᑦ ᐅᔭᕋᓐᓂᐊᑕᐅᒍᓐᓇᑐᑦ ᐱᑦᓴᑕᖏᑦ ᐱᐅᔪᒻᒪᕆᐊᓘᒻᒥᔪᑦ, ᐊᓱᐃᓛᓗ ᐊᓯᖏᓐᓂᒃ ᐅᔭᕋᓐᓂᐊᑕᐅᔪᑦᓴᓂᒃ ᓇᓂᓯᖃᑦᑕᓂᐅᔪᑦ ᐱᐅᔪᒻᒪᕆᐊᓘᒐᒥᒃ ᑲᔪᓯᓕᕐᑎᕈᑎᐅᓯᒪᕗᑦ ᓄᑖᓂ ᐅᔭᕋᓐᓂᐊᕋᑦᓴᔭᓂᒃ ᐅᔭᕋᓐᓂᐊᑐᖃᓕᕐᐳᓗ ᖃᐅᔨᔭᐅᕋᑖᓚᐅᔪᔪᓂᒃ ᐁᔪᖓᒌᒃᑯᑎᑦᓴᔭᐅᑦᓱᑎᒃ ᑕᕆᐅᖑᔭᐅᑦᓱᑎᒃ ᓯᖃᓕᐊᓕᐊᖑᓲᓂᒃ. ᑕᒪᒃᑯᐊ ᐱᒃᑫᓯᒪᔪᑦ ᐱᐅᓯᒋᐊᕐᑕᐅᑎᑦᓯᓂᕐᒥᒃ ᐃᓱᐊᖁᑎᓂᒃ ᑭᖑᓂᐊᒍᑦ ᐱᒍᓐᓇᓯᒍᑎᐅᓛᕐᑐᓂᒃ ᓇᐹᕐᑐᓕᒻᒥᑦ ᓄᓇᒥᑦ ᐱᑦᓴᕈᒍᓐᓇᑐᓂᒃ ᐱᓇᓱᐊᕐᑕᖃᕐᓂᓂᒃ ᑕᒪᒃᑯᐊ ᓱᕐᖁᐃᑐᒥᒃ ᐃᓐᓄᒋᐊᓪᓛᒍᑕᐅᓛᕐᑐᑦ ᐱᕙᓪᓕᐊᑎᑦᓯᒍᑎᐅᒋᐊᒃᑲᓂᓕᕐᓗᑎᓪᓗ ᐃᖃᓗᓐᓂᐊᓂᕐᓂᒃ, ᐊᖑᓇᓱᓐᓂᓂᒃ, ᓂᕐᔪᑎᓂᒃ ᑕᑯᓐᓇᐅᔮᕐᓂᓂᒃ ᖁᕕᐊᓱᐊᖕᖑᐊᑐᐃᓐᓇᑐᓄᓪᓗ ᓂᐅᕐᕈᕕᐅᖃᑦᑕᓂᕐᓂᒃ.

ᐱᑦᔪᔨᒍᑎᖃᕈᓐᓇᓂᕐᒥᒃ ᐱᓇᓱᒐᖁᑎᖃᕐᑐᑦ ᐊᒥᓱᖕᖑᐸᓪᓕᐊᓴᖕᖑᐊᑐᑦ ᐱᑦᔪᔨᒍᒪᑦᓱᑎᒃ ᐅᔭᕋᓐᓂᐊᓂᕐᒥᒃ ᐱᓇᓱᒐᖁᑎᓕᓐᓂᒃ ᓈᒻᒪᑐᓂᓪᓗ ᓂᐅᕐᕈᑎᑦᓴᓂᒃ ᓄᓇᖁᑎᖃᕐᓱᑎᒃ, ᐱᖁᑎᖃᐅᑎᖃᕐᑎᓯᒍᑎᑦᓴᖃᕐᓱᑎᓪᓗ ᐊᑭᓕᕐᑐᐊᖑᓗᑎᓪᓗ ᐊᑐᕐᑕᐅᒍᓐᓇᑐᓂᒃ ᐱᒐᓱᕝᕕᓴᖃᕐᓱᑎᒃ ᐱᑕᖃᕇᕐᑐᓂᒃ ᐱᑦᔪᔨᒍᒪᑦᓱᑎᒃ ᐱᑕᖃᕇᕐᑐᓂᓪᓗ ᓯᕗᓂᑦᓴᒥᓗ ᐃᓄᓐᓂᓗ ᐱᓇᓱᒐᖁᑕᐅᔪᓂᓪᓗ ᑕᒪᐅᖓ ᓄᓇᓯᒪᖃᑕᐅᓯᓛᕐᑐᓂᒃ. ᓄᓇᒃᑯᓗ ᖃᖓᑦᑕᔫᑎᒍᓪᓗ ᐊᐅᓚᒍᑎᖃᕐᑎᓯᓃᑦ ᑕᒪᑐᒥᖓ ᓄᓇᒥᒃ ᐱᐅᓯᕙᓪᓕᐊᑐᐃᓐᓇᑐᑦ ᓄᓇᓕᖏᓪᓗ ᒍᐊᐳᔅᓗ ᓛᐸᑐᐊᑉ ᐃᓪᓗᒐᓴᖓᑕᓗ ᐊᐅᓚᑕᐅᓂᖃᕐᐳᑦ ᓄᓇᓯᒪᔪᖁᑎᒥᓄᑦ ᓄᓇᓕᑐᖃᕐᓄᓗ ᓄᓇᓕᑐᖃᐅᖕᖏᑐᓄᓪᓗ ᑕᒪᖏᓐᓄᑦ ᑲᑐᑦᔮᖑᑦᓱᑎᒃ.

ᑕᑯᔭᑦᓭᓗ ᖃᓄᐃᓘᕈᑎᑦᓴᐅᔪᓪᓗ

ᑌᒪᓕ ᐊᓯᒥᓄᑦ ᓄᓇᓕᓐᓄᑦ ᐅᖓᓯᑦᑐᒪᕆᒻᒦᑲᓗᐊᕐᓱᓂ, ᑖᓐᓇ ᓄᓇᓕᒃ ᐱᕕᐅᒍᓐᓇᖃᑕᐅᒋᕗᖅ ᐅᓪᓗᒥᓯᐅᑎᐅᓂᕐᐹᓂᒃ ᐃᓱᐊᖁᑎᓂᒃ ᓄᓇᓕᐊᕈᐃᑦ ᐱᖏᑦᑕ ᐊᑦᔨᑐᐃᓐᓇᖏᓐᓂᒃ, ᐃᓚᐅᑎᓪᓗᒋᑦ ᑐᔪᕐᒥᐅᕖᑦ, ᓂᕆᕖᑦ ᐱᖕᖑᐊᕖᓪᓗ. ᑭᓯᐊᓂ ᑕᒪᒃᑯᐊᖑᒐᓗᐊᕐᑎᓗᒋᑦ ᒍᐊᐳᔅᒥᐅᑦ ᑖᑦᓱᒪ ᓄᓇᓕᐅᑉ ᐱᖁᑎᓪᓚᕆᑐᐊᕆᕙᖏᑦ. ᐃᓄᑦᓯᐊᖑᑦᓱᑎᒃ ᑐᖕᖓᓇᕐᓱᑎᒃ ᖃᐅᔨᒪᒍᒪᑦᓯᐊᓱᑎᓪᓗ ᓄᓇᕐᖃᑎᑐᖃᕆᖕᖏᑕᒥᓐᓂᒃ, ᑕᒫᓂ ᓄᓇᓖᑦ ᑐᑭᓯᓂᐊᕐᕕᓴᑦᓯᐊᖑᓂᕐᐹᖑᔪᑦ ᑖᑦᓱᒪ ᓄᓇᓕᐅᑉ ᐱᕙᓪᓕᐊᓯᒪᓂᖏᓐᓅᓕᖓᔪᓂᒃ ᑕᕐᕋᒥᐅᓅᓕᖓᔪᓂᓪᓗ. ᓄᓇᖓᑦ ᐊᖏᔪᐊᓗᒃ ᓱᕐᕋᑕᐅᓚᐅᕐᓯᒪᖕᖏᑐᖅ ᓄᓇᓕᑐᖃᕐᓄᓗ ᖃᓪᓗᓈᓄᓪᓗ ᑲᑎᕕᐅᓯᒪᒻᒪᑦ — ᐃᓛᓐᓂᑦ ᐊᐳᓚᐅᑎᕕᐅᖃᑦᑕᓯᒪᑦᓱᓂ — ᐅᓪᓗᒥ ᑯᐯᒃ ᐱᕈᕐᐸᓕᐊᓂᑎᒍᑦ ᐱᕙᓪᓕᐊᑎᑕᐅᓂᖃᕐᑎᓗᒍ. ᒍᐊᐳᔅ ᓄᓇᐅᕗᖅ ᐱᕈᕐᑐᓕᑐᐊᖑᑦᓱᓂ ᓄᓇᒥ ᙯᕐᑐᔮᒥᒃ ᓯᓈᓕᒻᒥ ᐊᑦᓛᓐᑎᒃ ᐃᒪᕐᐱᐅᑉ ᐃᖏᐅᓕᑦᓯᑎᐅᑉ ᓯᓈᓂᑦᓱᓂ.

ᑐᑭᖓ

ᓈᔅᑳᐱᑎᑐᑦ ᑐᑭᓕᒃ ᐅᑲᓖᑦ ᓄᓈᑦ.

ᐃᓄᖏᑕ ᐅᓄᕐᓂᖏᑦ

1,861

ᓯᓚᖓ

Today 4°C
Fri 3°C
Sat 3°C