ᐊᐅᐸᓗᒃ

ᑰᒃᔪᐊᑉ ᑕᕐᕋᖓᓂ 150 ᑭᓚᒦᑕᓂᒃ ᐅᖓᓯᓐᓂᖃᕐᓱᓂ 80 ᑭᓚᒦᑕᓂᓪᓗ ᑲᖏᕐᓲᑉ ᓯᕿᓂᐊᓂᑦᓱᓂ, ᓄᓇᓕᒃ ᐃᓂᓪᓚᑕᐅᒪᕗᖅ ᐳᒃᑭᓂᕐᐹᒥ ᓄᓇᒥ 45 ᑭᓚᒦᑕᓂᒃ ᐃᒪᕐᐱᒧᑦ ᓇᓪᓕᖁᐊᖑᓇᓂ. ᓄᓇ ᓄᓇᓕᐅᑉ ᐊᕙᑖᓂᑦᑐᖅ ᓇᑎᕐᓇᔮᖅ ᐅᖓᓯᑦᑐᒐᓚᒻᒧᑦ ᐱᓱᕝᕕᓯᐊᖅ. ᑕᒃᑲᓂᓗ ᓄᓇᓕᒻᒥ ᐅᖓᕙᐅᑉ ᐃᒪᕐᐱᐊᓗᖓ ᑕᑯᑦᓴᓯᐊᒻᒪᕆᐊᓘᕗᖅ.

ᓄᓇᕕᒻᒥᐅᑦ ᓄᓇᓕᖏᓐᓄᑦ ᐊᑦᔨᒋᔭᐅᖕᖏᒍᑎᓕᒃ ᓂᐅᕕᕐᑎᑕᓕᒻᒧᑦ ᐊᔪᕿᕐᑐᐃᔨᑕᓕᒻᒧᓗᓃᑦ ᓄᓇᓕᒻᒧᑦ ᖃᓂᑦᑑᒐᓱᑦᓯᒪᖕᖏᓂᕐᒥᒍᑦ. ᑕᒫᓂ ᓄᓇᒥ ᐊᒥᒐᖕᖏᑐᑦ ᑐᑦᑐᐃᑦ, ᐃᖃᓗᐃᓪᓗ, ᑕᕆᐅᕐᒥᐅᑌᓪᓗ ᐆᒪᔪᐃᑦ ᑖᒃᑯᓄᖓᓗ ᐊᐅᐸᓗᒻᒥᐅᑦ ᐃᓅᓯᖓᑦ ᓯᕗᓪᓕᕕᓂᕐᒥᑕ ᐃᓅᓯᖓᑎᑐᑦ ᑲᔪᓯᑦᓯᐊᕈᓐᓇᓯᒪᕗᖅ, ᖃᓪᓗᓈᓄᑦ ᐃᑲᔪᕐᑕᐅᓇᑎᒃ. 1975-ᖑᓕᕐᑎᓗᒍ, ᐃᓄᐃᑦ ᑕᒪᐅᖓ ᓄᓇᕙᓪᓕᐊᓯᓚᐅᕐᓯᒪᕗᑦ, ᐊᐅᓪᓚᓯᒪᕕᒋᕙᓐᓂᐊᑕᒥᓂᒃ ᐊᖁᐃᒪᕕᓕᐅᖃᑦᑕᓯᑦᓱᑎᒃ ᓯᕗᓪᓕᕕᓂᕐᒥ ᐊᖑᓇᓱᕝᕕᒋᕙᑦᓱᒋᓪᓗ ᓄᓂᕙᕝᕕᒋᑦᓱᒋᓪᓘᓱᑐᖃᖏᓐᓂ ᓄᓇᓂ. ᑯᐊᐸᒃᑯᑦ ᓂᐅᕕᕐᓂᐊᕕᖓᓐᓂᒃ 1980 ᐊᕐᕌᒍᖏᑦ ᐊᑐᓕᕐᑎᓗᒋᑦ ᓂᐅᕕᕐᓂᐊᕕᑦᑖᓕᓚᐅᕐᓯᒪᒻᒥᔪᑦ, ᑭᖑᓂᐊᒍᑦ ᓄᓇᓕᖓ ᑲᕙᒪᒃᑯᓄᑦ ᓇᓗᓀᕐᑕᐅᓂᖃᓕᓚᐅᕐᓯᒪᔪᖅ ᐃᑲᔪᕐᓯᔭᐅᓂᖃᓪᓚᕆᓯᑦᓱᑎᒃ ᐃᓄᑐᐃᓐᓇᐅᓂᕐᒥᒍᑦ ᐃᓅᓯᕐᒥᓂᒃ.

ᐊᐅᐸᓗᒃ ᓄᓇᐅᕗᖅ ᐃᓂᖃᕐᓱᓂ ᖃᓂᒋᔭᖓᓂᒃ ᐅᑭᐅᖅ-ᕿᑎᕐᖃᕉᑎᑎᓪᓗᒍ ᑕᓯᐅᔭᐅᑉ ᑐᑦᑐᖏᓐᓄᑦ ᐊᕐᖁᓴᕐᑕᐅᓲᖑᑦᓱᓂ—ᑕᑯᓐᓇᕆᐊᖏᑦ ᐋᓇᓇᐅᔪᓄᑦ ᓄᓇᒃᑯᑦ ᐃᑳᕐᑐᐊᓘᓕᕋᒥᒃ ᐃᒫᖃᑦᑕᓱᑎᒃ ᑰᒐᓗᑦᑎᒍᑦ. ᑕᕐᕿᓂ ᐅᕐᖂᓂᕐᓴᓂ, ᐃᒪᕐᒥᐅᑌᑦ ᐆᒪᔪᑦ ᐊᒥᒐᖕᖏᑐᑦ ᑕᑯᓐᓇᐅᔮᕐᑕᐅᔪᓐᓇᓯᐊᕐᑐᑦ, ᐃᓚᖃᕐᓱᑎᒃ ᓇᑦᓯᒐᓵᓗᓐᓂᓗ ᕿᓚᓗᒐᕐᓂᓗ ᐅᓄᕐᑐᔪᐊᓂᒃ.

ᑌᒪᓕ ᐊᐅᐸᓗᒃ ᓄᓇᓕᑭᑦᑐᐊᐱᐅᒻᒪᑦ, ᕿᓂᓪᓗᐊᕆᐊᑐᖕᖏᒪᕆᑉᐳᑦ ᐃᓄᐃᑦ ᓄᓇᓕᒻᒥᓂᓪᓗ ᓄᓇᒥᑕᓗ ᐊᕙᑎᖓᓂᒃ ᕿᒥᕐᕈᑎᑦᓯᒍᓐᓇᑐᑦ.

ᐊᑦᔨᓕᐅᕐᑐᕕᓂᖅ/ᐊᑦᔨᓕᐅᑐᕕᓃᑦ: Geneviève Langevin