ᖁᐊᕐᑕᖅ

ᖁᐊᕐᑕᐅᑉ ᓄᓇᓕᖓ ᕿᑭᕐᑕᐅᑉ ᑐᕚᓗᓂᕋᕐᑕᐅᑉ ᓴᓂᐊᓂᕐᑐᖅ, ᓯᕿᓂᖓᑕ ᓄᐃᕕᐊᓃᓐᓂᓴᐅᑦᓱᓂ ᓄᕗᑯᑖᒥ ᓄᕗᐊᓘᑉ ᐃᒪᕐᐱᖓᓂ ᐅᖓᕙᐅᑉ ᐹᖓᓂ.

ᖃᖓᑦᑕᐅᓯᕆᑦ
ᑐᑭᖓ ᖁᐊᕐᑕᖅ
ᐃᓄᖏᑕ ᐅᓄᕐᓂᖏᑦ 315
ᐅᖃᐅᓰᑦ ᐃᓄᒃᑎᑐᑦ, ᖃᓪᓗᓈᑎᑐᑦ
ᐅᓪᓗᒥ
 
ᖃᐅᑉᐸᑦ
 
ᖃᐅᑉᐸᓵᓐ
 

ᖃᕐᙯᑦ ᑕᕐᕋᖓᓂᑦᑐᑦ; ᓯᕿᓂᕐᓯᒥᓪᓗ ᓯᕿᓂᐅᑉ ᓄᐃᕕᐊᓂᐅᓂᕐᓴᖅ ᖃᕐᖃᓂᒃ ᒥᑭᔪᕐᖑᐊᖑᓂᕐᓴᓂᒃ ᒪᓃᑦᑐᒪᕆᐊᓗᓐᓂᒃ ᖃᕐᖃᖃᕐᓱᓂ.ᑕᒪᓐᓇ ᓄᓇ ᐆᒪᔪᓕᒻᒪᕆᐊᓘᓲᖅ ᓄᓇᒥᐅᑕᓂᒃ ᑕᕆᐅᕐᒥᐅᑕᓂᓪᓗ, ᐊᒻᒪᓗ ᐃᖃᓗᖃᕐᓱᓂ ᐊᒻᒪᓗ ᐃᕐᖃᒥᐅᑕᓂᒃ, ᐅᕕᓗᕐᓂᒃ ᑕᓪᓗᕈᓐᓇᓂᒃ ᐊᒻᒨᒪᔪᓂᓪᓗ.

ᐃᑦᓴᓂᑕᕐᓂᐊᑕᐅᖃᑦᑕᓂᑯᐃᑦ ᓱᕐᖁᐃᓇᕐᑎᓯᔪᑦ ᓇᔪᕐᑕᐅᓲᑐᖃᕕᓂᐅᒋᐊᖓ ᐃᒻᒪᖄ ᐊᕐᕌᒍᐃᑦ 3,500 ᒥᑦᓵᓂ ᐊᒻᒪᓗ ᑐᓂᕐᖄᕕᓃᑦ ᑖᕙᓃᖃᑦᑕᑐᕕᓂᐅᒋᐊᖏᑦ ᖃᐅᔨᔭᐅᓯᒪᒻᒥᔪᑦ, ᐃᓄᑐᐃᓐᓀᑦ ᐅᓪᓗᒥᐅᓕᕐᑐᖅ ᓯᕗᓪᓕᕕᓂᖏᑦ ᑖᕗᖓ ᑎᑭᓚᐅᕐᑐᕕᓂᐅᑎᓪᓗᒋᑦ ᐊᕐᕌᒍᐃᑦ 500 ᐊᓂᒍᓕᕐᑐᑦ.

ᐊᕐᕌᒍᐃᑦ 1930-ᒥᑦᑐᐃᑦ ᐱᒋᐊᕐᖃᒥᐅᓕᕐᒪᑕ ᑭᓯᐊᓂ, ᑖᓐᓇ ᓄᕗᑯᑖᖑᓂᕋᕐᑕᐅᖃᑦᑕᓯᒪᔪᖅ ᐊᑦᓯᕋᕐᑕᐅᒍᑎᖃᕐᓱᓂ ᓄᕗᑯᑖᒥᒃ (ᓄᕗᑯᑖᖅ). ᑭᓯᐊᓂ, ᐅᓂᒃᑳᑕᐅᖃᑦᑕᓯᒪᔪᕐᑎᒍᑦ ᐅᓪᓗᒥᓗ ᐅᓂᒃᑳᑕᐅᓲᒍᐃᓐᓈᓱᓂ ᓱᒧᑦ ᖁᒪᖅ ᐊᑎᕐᑖᕆᔭᐅᓚᐅᕐᓂᒪᖔᑦ ᑖᓱᒧᖓ ᓄᓇᒧᑦ, ᐊᖑᑎᒎᖅ ᕿᓚᓗᒐᕐᓂᐊᕆᐊᕐᓯᒪᑦᓱᑎᒃ ᐊᓇᕐᑕᒥᓂᒃ ᖁᒪᕐᑕᓕᒻᒥᒃ ᑕᑯᓚᐅᕐᑐᕕᓂᐅᒻᒪᑦ — ᑌᒪᖕᖓᓂᑦ ᐊᑦᓯᕋᐅᑎᐊᓗᑦᑖᑎᑕᐅᓚᐅᕐᓂᕋᒥᓂᑦ ᖁᐊᕐᑕᐅᓂᕋᕐᑕᐅᑐᐃᓐᓇᑐᖅ.

ᖁᐊᕐᑕᐅᑉ ᐱᕙᓪᓕᐊᓯᒪᓂᖏᑦ ᑕᑯᓐᓇᓱᒋᑦ ᐃᓄᓐᓄᑦ ᐅᑭᐅᕐᓯᐅᕕᐅᓲᒍᕙᑦᑐᕕᓂᖅ, ᓄᓇᐅᑉ ᓯᓈᓂᒻᒪᑦ ᑐᕙᖓ ᖁᐱᑦᑕᓲᒍᑦᓱᓂ ᐅᑭᐅᒍᓕᑐᐊᕐᒪᑦ, ᑌᒣᒃᑲᒥ ᐆᒪᔪᓕᐊᓘᓲᖅ ᑕᕆᐅᕐᒥᐅᑕᓂᒃ ᐊᖑᓇᓱᑦᑎᓄᓪᓗ ᐊᖑᓇᓱᕝᕕᐅᒍᓐᓇᓲᒍᑦᓱᓂ. ᑕᒪᑐᒥᖓ ᐱᑦᔪᑎᖃᕐᒥᓱᑎᒃ, ᐊᒥᓱᑦ ᐃᓄᑑᓈᕐᑎᑐᑦ ᓂᐅᕐᕈᓭᔩᑦ ᑕᕆᐅᕐᔪᐊᓗ ᐊᑭᐊᓂᒥᐅᔦᑦ ᓂᐅᕐᕈᓭᔩᑦ ᐅᒃᑯᐃᓯᖃᑦᑕᓯᒪᔪᑦ ᐅᒃᑯᐊᕈᑦᔭᐅᕙᑦᓱᑎᓪᓗ ᓂᐅᕕᕐᕕᖁᑎᒥᓂᒃ ᑖᕙᓂ ᓄᓇᓯᒪᖃᑦᑕᓯᒪᔪᐃᑦ, ᑭᓯᐊᓂᓗ 1947-ᒍᓕᕐᒪᑦ ᐃᑦᓯᕋᑦᔪᐊᑯᑦ ᐊᔪᕿᕐᑐᐃᔨᖏᑦ ᑎᑭᓚᐅᕐᑐᕕᓃᑦ.

ᖁᐊᕐᑕᖅ ᓄᓇᓕᑭᑦᑑᓗᐊᕆᒋᔭᐅᑦᓱᓂ ᐱᑦᔪᔨᒍᑕᐅᓲᓂᒃ ᐱᑦᔪᔭᐅᒍᑎᓂᒃ ᐱᑕᖃᖃᑦᑕᓯᒪᖕᖏᑐᖅ ᓄᓇᓖᑦ ᐊᓯᖏᑦᑎᑐᑦ, ᐊᐅᐸᕐᓇᑐᐊᓘᑎᓪᓗᒍ ᐃᓄᐃᑦ ᖁᓖᑦ ᐊᑕᐅᓯᕐᓗ (11) ᐃᓅᒍᓐᓀᓚᕿᑎᓪᓗᒋᑦ (ᖁᐊᕐᑕᒥᐅᑦ ᐃᓄᖏᑦᑕ 10% ᐳᓴᖏᑦ) ᑲᕙᒪᑐᖃᒃᑯᑦ ᐱᑦᔪᔨᔭᐅᒍᑎᖃᕆᐊᖃᕐᓂᖏᓐᓂᒃ ᐱᕙᓪᓕᐊᒍᑎᖃᓯᔪᕕᓃᑦ. ᐋᓐᓂᐊᓯᐅᕐᑎᑖᓚᐅᕐᓯᒪᔪᑦ 1963-ᒥ ᓂᐅᕕᕐᓂᐊᕕᑦᑖᓱᑎᓪᓗ ᐊᓪᓚᑖᕐᕕᑖᕐᓱᑎᓪᓗ ᐅᖃᓕᒪᐅᑎᐅᒍᓐᓇᓱᓂ ᓈᓚᐅᑎᑕᓕᒻᒥᒃ. 1978-ᒥ, ᖁᐊᕐᑕᖅ ᐱᖁᔭᕐᑎᒍᑦ ᐃᓕᑕᕆᔭᐅᓂᕐᑖᓯᒪᔪᖅ ᑲᕙᒫᐱᖕᖑᑎᑕᐅᑦᓱᓂ.

ᐊᒃᐸᑑᖅ ᕿᑭᕐᑕᖅ, ᐅᖓᓯᑦᑑᓱᓂ ᑕᑯᑦᓴᔪᖅ ᐅᖓᕙᐅᑉ ᐃᒪᕐᐱᖓᓃᑦᓱᓂ ᖁᐊᕐᑕᐅᑉ ᓯᕿᓂᐊᑕ ᓄᐃᕕᖓᓂ, ᖃᐅᔨᒪᔭᐅᔪᑐᖃᐅᑦᓱᓂᓗ ᐁᕝᕙᓂᐊᕐᕕᓯᐊᖑᓂᕐᐹᖑᒋᐊᖓ ᓇᓄᕐᓂᐊᕕᑦᓯᐊᖑᒋᐊᖓᓗ. ᐃᓐᓈᕈᐊᓗᖏᑦ ᒪᓃᑦᑐᐊᓗᑦᓱᑎᒃ ᐅᓪᓗᓕᐅᕐᕕᓯᐊᒻᒪᕆᐊᓘᓲᑦ ᓯᒡᒍᑲᓪᓚᓕᓐᓄᑦ ᐊᑉᐸᓄᑦ..

ᑕᑯᔭᑦᓭᑦ ᖃᓄᐃᑐᑐᐃᓐᓀᓗ ᓱᓇᓐᓂᐊᕋᑦᓭᑦ

ᑐᕚᓗᒃ ᒪᙯᕕᕝᓯᐊᒻᒪᕆᐊᓘᑦᓱᓂ ᐆᒪᔪᓕᒻᒪᕆᐊᓗᑦᓱᓂᓘᕐᒪᑦ ᑕᑯᓐᓇᐅᔮᕆᐊᕐᑐᕈᒪᔪᓄᑦ ᑕᑯᓂᐊᕐᕕᓴᑦᓯᐊᕌᓗᒃ. ᐊᒥᓱᑲᓪᓛᓗᓐᓂᓗ ᐃᑦᓴᓂᑕᕐᓂᒃ ᑕᑯᔭᑦᓴᓂᒃ ᓇᓂᓕᒫᖅ ᐱᑕᖃᕐᓱᓂ ᑌᒣᒻᒪᑦ ᑖᕙᑦᓱᒪᐅᑉ ᒥᑦᓯᓕᒫᖓ.

ᐊᑦᔨᓕᐅᕐᑐᕕᓂᖅ/ᐊᑦᔨᓕᐅᑐᕕᓃᑦ: Alexi Hobbs

ᐊᑎᐁ?

ᐅᓪᓗᒥ ᖁᐊᕐᑕᓕᐊᓕᕆᑦ ᐃᓄᐃᒃᑯᑎᒍᑦ

ᖃᖓᑦᑕᐅᓯᕆᑦ

ᓄᓇᓖᑦ ᐅᐸᑦᑕᐅᔪᑦ
ᑐᑭᓯᒋᐊᒃᑲᓂᒃᑭᑦ ᓄᓇᕕᐅᑉ ᓄᓇᓕᖏᓪᓗ ᐊᓯᓕᒫᖏᓪᓗ ᐱᑐᕝᕕᒋᓯᒪᔭᕗᑦ
ᐊᐅᓪᓚᕕᒋᓲᕗᑦ