ᐊᑐᐊᕐᓗᒋᑦ ᐃᓘᓐᓇᑎᒃ ᖃᐅᔨᑎᑦᓯᒍᑏᑦ
ᒍᐊᐳᔅ

ᐅᑯᓇᓂ ᐊᕐᕌᒍᓂ 1967-ᒥᑦ 2007-ᒧᑦ, ᒍᐊᐳᔅ ᓄᓇᓕᑭᑦᑐᒪᕆᐊᐱᐅᓯᒪᔪᖅ ᓛᐸᑐᐊᑉ ᓯᕿᓂᐅᑉ ᓂᐱᕕᐊᑕ ᓄᕗᐊᓂᑦᓱᓂ, ᖃᐅᔨᒪᔭᐅᒍᑎᖃᕐᓂᐸᐅᑦᓲᖅ ᒍᐊᐱᔅ ᐅᔭᕋᕐᓂᐊᕕᐅᓲᖑᒋᐊᖓ ᐊᒻᒪᓗ ᑭᑭᐊᑦᓴᔭᓂᒃ ᕿᓂᕐᕕᓴᐅᒋᐊᖓ.

ᖃᖓᑦᑕᐅᓯᕆᑦ
ᑐᑭᖓ ᓇᔅᑳᐲᑦ ᐊᓪᓓᑦ ᐅᖃᐅᓯᖓ ᒍᐊᐳᔅ ᑐᑭᓕᒃ; “ᐅᖃᓖᑦ ᓄᓇᖓ”
ᐃᓄᖏᑕ ᐅᓄᕐᓂᖏᑦ 1906
ᐅᖃᐅᓰᑦ ᐃᓄᒃᑎᑐᑦ, ᖃᓪᓗᓈᑎᑐᑦ
ᐅᓪᓗᒥ
 
ᖃᐅᑉᐸᑦ
 
ᖃᐅᑉᐸᓵᓐ
 

1970 ᐊᕐᕌᒍᖏᑦ ᓄᖑᒋᐊᕕᓐᓂᓴᐅᓕᕐᑎᓗᒋᑦ, ᒍᐊᐳᔅ ᐃᓄᒋᐊᓐᓂᖏᑦ ᐊᒥᓲᓂᕐᐸᐅᓯᒪᔪᑦ 22,000 ᐅᖓᑖᓂᒐᓛᐱᑦᓱᑎᒃ.

2006-ᒥ, ᐃᑭᓪᓕᒪᕆᑦᓯᒪᔪᓄᑦ 1,700 ᒥᑦᓵᓂᓕᕐᓱᑎᒃ ᐃᓄᒋᐊᓐᓂᖏᑦ. ᐅᐱᓐᓇᓯᒪᒐᓗᐊᕐᒥᔪᖅ, ᓄᓇᓖᑦ ᐊᑕᐅᓯᑐᐃᓐᓇᒧᑦ ᐱᓇᓱᕝᕕᐅᔪᐃᑦ, ᐃᓄᐃᕈᑦᔫᒥᔪᕕᓂᐅᒋᑐᐊᕋᒥᒃ, ᐱᕙᓪᓕᐊᓯᖃᑦᑕᓯᒪᒻᒪᑕ ᑌᒣᖃᑕᐅᓯᒪᔪᑦ. ᓴᕙᕕᐊᓪᒥ ᑌᒣᑦᓯᒪᒻᒥᒪᑦ ᒍᐊᐳᔅ ᑕᕐᕋᖓᓂ, ᑭᑭᐅᑦᓴᔦᑦ ᐊᑭᖏᑦ ᖃᕝᕙᑐᐊᕐᒥᑕᒪ ᒪᑭᑉᐸᓕᐊᒻᒪᕆᓯᒪᒻᒥᔪᑦ.

ᑭᓯᐊᓂ, ᑖᕙᑦᓱᒪᐅᑉ ᒥᓵᓂᓕᒫᖅ ᖃᐅᔨᔭᐅᕐᖃᒥᓕᕐᒥᔪᖅ ᑭᑭᐊᑦᓴᔭᕐᑕᓕᐊᓘᒋᐊᖓ ᐊᒻᒪᓗ ᑮᓇᐅᔦᕈᑎᖃᕐᓗᑎᒃ ᑮᓇᐅᔭᓕᐅᕋᓱᐊᕈᑎᖃᒍᒪᒋᐊᒥᒃ ᐅᓇᒻᒥᓱᑦᑐᐃᑦ ᐊᒥᓱᑲᓪᓚᐅᓕᕆᕐᑐᑦ ᐊᒻᒪᓗ ᑲᓇᑕᐅᑉ ᓯᓚᑖᓂ ᐱᓯᒪᔪᐃᑦ ᑲᖐᒋᔭᖃᕐᒥᓱᑎᒃ ᑕᒪᑐᒥᖓ, ᐃᓘᓐᓇᑎᓗ ᖃᐅᕐᑎᕈᒍᒪᔪᐃᓐᓇᐅᓱᑎᒃ ᐱᑦᓴᖑᕋᓱᐊᕐᓗᒋᓪᓗ ᐅᔭᕋᕐᓂᐊᑕᐅᔪᐃᑦ ᑌᒣᓪᓗᑎᒃ ᑭᓯᐊᓂᐅᑦᓱᑎᓪᓗ ᐱᕙᓪᓕᐊᖃᑎᐅᓚᖓᑐᐊᑐᕈᑎᒃ ᓯᓚᕐᔪᐊᒥ ᐃᓂᓪᓚᐸᓪᓕᐊᒐᓱᐊᕐᓱᑎᒃ ᐱᕙᓪᓕᐊᓂᐅᔪᓄᑦ. ᐊᓯᖏᑦ ᐅᔭᕋᕐᓂᐊᑕᐅᒍᓐᓇᑐᑦ ᐱᒻᒥᔪᑦ ᐱᐅᔪᒻᒪᕆᐊᓘᑦᓱᑎᒃ ᐊᒻᒪᓗ ᑮᓇᐅᔭᓕᐅᕈᑎᖃᕋᓱᐊᕐᓱᑎᒃ ᐅᔭᕋᕐᓂᐊᕋᑦᓴᓂᒃ ᓄᑖᓂᒃ ᕿᓂᕐᐸᑐᓄᑦ ᓇᓂᔭᐅᔪᖃᕐᓯᒪᓕᕐᒥᓱᓂ, ᖁᓪᓕᓴᔭᑦᓴᔭᕐᑕᖃᕐᓱᓂ ᐱᑦᓴᖑᕈᓐᓇᑐᒥᒃ. ᐅᔭᕋᕐᓂᐊᓃᑦ ᐃᓂᓪᓚᖓᐅᓯᖏᑦ ᐱᐅᓯᐅᒥᒋᐊᕐᑕᐅᓚᕿᓯᒪᔪᑦ ᑕᑯᕕᐅᒋᐊᓪᓚᓯᒪᓂᑯᖓᓄᑦ ᑖᕙᓇ ᓄᓇ, ᕿᔪᓐᓂᓗ ᐱᑦᓴᓕᐅᖃᑦᑕᓃᑦ ᓄᐃᑕᐅᑉᐸᑕ ᐃᓄᒋᐊᓐᓂᖏᑦ ᐅᓄᕐᓯᐅᒥᒐᔭᕐᑐᖅ ᓱᕐᖁᐃᑐᒥᒃ ᑌᒣᓕᕐᐸᓗ ᐃᖃᓗᓐᓂᐊᓃᑦ, ᒪᙯᓐᓃᑦ, ᐆᒪᔪᕐᓂᓗ ᑕᑯᓐᓇᐅᔮᕆᐊᕐᑐᓯᒪᓃᑦ ᐊᒻᒪᓗ ᑕᑯᔭᕐᑐᕆᐅᒋᐊᕐᑐᓱᑎᒃ ᓂᕐᕈᓯᒪᓃᑦ ᓂᕆᐅᓐᓇᑐᑦ.

ᐱᑦᔪᔨᔨᐅᑦᓱᑎᒃ ᑲᑉᐸᓂᐅᔪᐃᑦ ᓂᕿᓕᐅᕐᑏᑦ ᐊᒥᓱᖕᒍᐸᓪᓕᐊᔪᑦ ᓂᕿᓕᐅᕈᑦᔨᖃᑦᑕᓱᑎᒃ ᐅᔭᕋᕐᓂᐊᑎᓂᒃ ᐊᒻᒪᓗ ᐊᖏᔪᑲᓪᓚᓗ ᓄᓇ ᐊᑐᕐᑕᐅᖃᑦᑕᓕᕐᓱᓂ, ᓱᓇᒐᓚᖃᐅᑎᖃᕐᑐᓄᑦ ᐊᒻᒪᓗ ᓂᐅᕕᕐᕕᖁᑎᓕᓐᓄᑦ ᑕᒐᑕᒐ/ᒫᓐᓇ ᑭᖕᖒᒪᓇᕐᒪᑦ ᓯᕗᓂᕐᒥᓗ ᑭᖕᖒᒪᓇᖃᑦᑕᓚᖓᑦᓱᑎᒃ ᐃᓄᒋᐊᓐᓂᖏᑦ ᐅᓄᕐᓯᕙᓪᓕᐊᑐᐃᓐᓇᓚᖓᒻᒪᑕ ᑮᓇᐅᔭᓕᐅᕋᓱᐊᕐᑏᓗ ᐅᓄᕐᓯᕙᓪᓕᐊᑐᐃᓐᓇᖃᑕᐅᓚᖓᑦᓱᑎᒃ. ᑖᕗᖓ ᐊᕐᖁᓯᐅᕐᑕᐅᕙᓪᓕᐊᓂᖓ ᑎᒻᒥᔪᒃᑯᓗ/ᖃᖓᑦᑕᔫᒃᑯᓗ ᐊᐅᓚᒍᑎᑖᕐᐸᓕᐊᓂᖓ ᐱᐅᓯᐅᒥᕙᓪᓕᐊᑐᐃᓐᓇᓱᓂ, ᒍᐊᐳᔅ ᐊᒻᒪᓗ ᓛᐸᑐᐊᑉ ᓄᓇᓕᖏᒃ ᐊᐅᓚᑕᐅᑦᓯᐊᑑᒃ ᑖᒃᑯᓈᓐᓂ ᓄᓇᖃᕐᑐᓄᑦ.

ᑕᑯᔭᑦᓭᑦ ᖃᓄᐃᑐᑐᐃᓐᓀᓗ ᓱᓇᓐᓂᐊᕋᑦᓭᑦ

ᓄᓇᓕᖓ ᑎᑭᑕᐅᑐᐃᓐᓇᑲᓪᓚᖃᔭᖕᖏᑲᓗᐊᕐᓱᓂ, ᑖᓐᓇ ᓄᓇᓕᒃ ᐅᓪᓗᒥᐅᓕᕐᑐᖅ ᐃᓱᐊᖁᑎᐅᓲᒍᓕᕐᑐᓂᒃ ᐱᑕᖃᑦᓯᐊᑐᖅ ᓄᓇᓕᐊᕈᐃᑦ ᐅᓯᖏᑦᑎᑐᑦ, ᓯᓂᑦᑕᕕᖃᕐᓱᓂ, ᓂᕆᕕᖃᕐᓱᓂ ᐱᖕᖑᐊᖃᕕᖃᕐᓱᓂᓗ. ᑖᕙᓂᒥᐅᑦ ᐃᑲᔪᕐᓯᒪᓂᕐᐸᐅᓲᑦ ᑖᕙᓂ ᐱᓇᓱᒋᐊᕐᓯᒪᔪᓂᒃ. ᑐᔪᕐᒥᓇᑦᔭᖏᑦᑐᑦ, ᑐᖕᖓᓇᕐᑐᐊᐱᐅᑦᓱᑎᒃ ᐊᒻᒪᓗ ᑖᕙᓂᒥᐅᑦᓴᔭᐅᖕᖏᑐᓂᒃ ᖃᐅᔨᒍᒪᑦᓯᐊᓱᑎᒃ, ᑖᕙᓂᒥᐅᑐᙯᑦ ᖃᐅᔨᒐᓱᐊᕐᕕᓯᐊᒍᓂᕐᐹᑦ ᐳᓛᕆᐊᕐᓯᒪᔪᓄᑦ ᐃᓄᖏᑦ ᖃᓄᐃᑦᑐᑰᓚᐅᕐᓯᒪᓂᖃᕐᒪᖔᑕ ᖃᐅᔨᒍᒪᔪᓄᑦ. ᒍᐊᐳᔅ ᓄᓇᖓ ᓄᓪᓚᖓᓇᑦᓯᐊᑐᖅ ᙯᕐᑐᔮᒍᑦᓱᓂ ᓯᑦᔭᖓ ᐊᑦᓛᓐᑎᒃ ᐃᒪᕐᐱᐅᑉ ᐃᖏᐅᓕᕐᓯᑎᐅᑉ ᓯᓈᓂᑦᓱᓂ.

ᐊᑎᐁ?

ᐅᓪᓗᒥ ᒍᐊᐴᔅᓕᐊᓕᕆᑦ ᐃᓄᐃᒃᑯᑎᒍᑦ

ᖃᖓᑦᑕᐅᓯᕆᑦ

ᓄᓇᓖᑦ ᐅᐸᑦᑕᐅᔪᑦ
ᑐᑭᓯᒋᐊᒃᑲᓂᒃᑭᑦ ᓄᓇᕕᐅᑉ ᓄᓇᓕᖏᓪᓗ ᐊᓯᓕᒫᖏᓪᓗ ᐱᑐᕝᕕᒋᓯᒪᔭᕗᑦ
ᐊᐅᓪᓚᕕᒋᓲᕗᑦ